滿串自家醃制串燒店 (已結業)

✨岩鹽牛仔骨冇諗過39蚊有咁大份，起碼有成四、五舊牛仔骨，好抵食！而牛仔骨燒好啱啱好，唔會咬極都咬唔開。牛肉食落仲有啖啖肉汁，即使只有少少鹽既調味，都已經好好食。✨千層肉汁燒其實姐係豬腩肉黎，啲豬腩肉既肥膏位燒到有少少脆，而肉就好彈牙，咬落去個時會爆哂啲油出黎，食到自家醬汁既味道，非常惹味！不過怕肥既朋友就要留意返啦！✨蒜蓉牛油焗雜菌雜菌包括左冬菇、雞脾菇等，份量都幾大包。雜菌入面有好多蒜蓉，仲有淡淡既牛油香氣，唔想食咁多燒野既時候都不妨係一個好既選擇。✨燒茄子又係滿滿既蒜蓉，加埋自家調製既醬汁，超好食呀！不過條茄子有啲位燒得唔夠淋，起唔到出黎食，算係美中不足。✨盲曹鹽燒魚肉結實鮮甜，燒到唔會過老，所以仲有肉汁。條魚都幾大條，但係因為比一層厚厚既鹽包住，所以都好入味。✨菠板糖超中意呢個燒菠蘿，出面搽左糖，所以食落去有少少焦糖脆脆地既口感，加埋燒過既菠蘿之後，變得更甜更多汁！

夜麻麻經過滿串門口，覺得裝修有日本小店的影子，即管入去試下先！店舖細細，我哋一行三人可以坐四人枱就鬆動少少。Order了十幾款串燒，因為即叫即整嘅關係，所以都要有些耐性等食物上枱時唔算熱，可能要一盤過上所以有啲攤凍咗，雞翼燒得好味三重芝士炸雞亦好香口其他就不過不失啦燒魷魚都唔錯之後追加大蝦兩隻，好厚肉好鮮甜，果然燒海鮮係岀色好多嘅。最後配埋個菜就perfect 池食串燒最好就配埋支酒，一邊傾偈一邊食就最開心啦

外賣了幾次都有錯漏，最後今晚幫襯外賣，返到屋企打開漏左4樣野，價值都差不多$100 ,付款$3xx，俾少左$100，電長期無人聽，不會再幫襯了，很失望，越尼越差的服務

做完嘢想食串燒，但係又唔想去啲太貴嘅地方，朋友又唔想坐街邊朋友介紹嚟咗呢間，我住深水埗住咗三年都未嚟過呢間呢間嘢鋪頭細細十零個位嘅啫但係唔算坐得好迫夾呢度主打一啲高級啲嘅手工啤都有asahi嘅，廿零蚊支細唔算特別平亦都唔係特別貴今日係同四位美女食飯所以所有嘅食物都係佢哋叫我真係唔知佢哋叫咗啲乜呢個應該係魚乾，正常，好食裏面有雞肉，牛肉，雞翼，洋蔥，翠玉瓜，雞腎，豬肉。佢呢度嘅燒烤並唔係行正宗湛江燒烤我覺得會係港式燒烤so far 係好食，食材係正嘅，冇燒到乾曬茄瓜雖然係42蚊但係肉厚多汁，非常好食感覺並不油膩，我連皮都食埋呢兩樣就正正常常韭菜正常，蜆唔算特別好食帶子肉肥美林滑但係食得出係雪藏貨，所以冇乜特別埋單 1250 ，每人 250完全冇食飽嘅感覺每人250蚊喺我呢個性價比之王嘅底下當然係覺得唔抵啦但係冇辦法，朋友食嘢就係咁都要就下朋友口味我就應該唔會再嚟因為講真我坐街邊都係得嘅但係香港呢個地方好得意就算你坐街邊食燒烤都好佢都唔係好平咁我覺得有冷氣食燒烤質素ok每人250合理嘅但都係嗰句我個人就唔會再黎啦😂

今日同朋友經過入去試下呢個串燒， 唔試由自可一試就不得了， 我地order左6串食物及炸薯條同埋兩罐汽水， 首先都要預咗等㗎喇，因為佢寫住即叫即燒呀嘛， 等……等……等……我唔講等咗幾耐啦 等你哋有幻想空間hehe，好啦食物到咗， 即叫即燒但係凍嘅一啲煙都冇犀X利， 算啦食完即刻埋單走人， 最厲害嗰部份嚟囉， 我兩個人埋單179蚊， 個女收銀姐姐就話最低消費100蚊一個人， 寫住左張紙貼咗喺你隔離， 咁我就望一望啦， 佢話睇唔睇到呀寫住就喺你隔離呀！！！！！ 我明白香港地方寸金尺土， 我食嘅時間都冇十五分鐘， 等你哋啲串燒時間都唔止啦， 咁嘅服務態度…… 希望你哋個最低消費可以寫到係有人睇到嘅地方， 因為我真係食唔起呀100蚊一個人， 我睇到下次就唔X會入嚟la, BUT有兩樣嘢一定要讚嘅，我order左兩罐汽水係即刻到，同埋個汁真係好味lol

去深水埗買嘢順便食個晏，隨便揀咗間入去，叫咗燒鯖魚同牛仔骨，叫咗先見到話即叫即燒，要耐心等侯，唯有乖乖地等啦。等緊嗰時見餐廳個女仔出去 2 次，然後每次都攞 2 盒白飯返嚟，突然間有啲後悔入咗嚟。 。 。終於等了又等我哋 2 個餐上，一相情願以為串燒會係日本米，點知嚟個燒味店白飯，當然打個大折扣啦，好在佢啲串燒都可以，鯖魚個汁拉返唔少分，牛仔骨話都好味，碟頭都幾有份量。如果店主可以事先講明會好啲，而家好似有啲受騙咁。 。 。

由於鋪位比較偏，所以平時好少會行過👨🏻‍🌾係有同事介紹 話每次食到飽曬先經過 都無機會食～ 所以某一日先的起心肝入去挑戰下🤩叫左個燒雞扒飯 先$45哦午巿黎講都算係咁 但無餐飲的😆佢鋪位比較細🤭最多都係容納到十六個人所以人多要早少少去～ 加上佢即叫即燒 好有誠意架！ 所以等既時間都比較耐，可能要十五分鐘！但一上菜～就嘩一聲！ 因為睇個樣都覺得好可靠😂😂😂 仲燒到好香！飯應該係日本米黎架🤩 仲有個配菜😂 甜甜辣辣咁 好開胃😋😋😋個雞扒都好大份 而且係香脆多汁🥳🥳🥳外皮脆 加少少孜然粉～ juicy🤩點少少酸辣醬都好惹味哦！

呢間喺深水埗嘅串燒店🍢勁唔起眼，我成日行嚟行去搵嘢食都見佢唔到，可能因為舖面較黑較低調，而且行過都可能以為係齋賣串燒～但同事食過晏所以就提議試吓。可能中午啱啱開舖無耐，所以冷氣唔係好夠😅。店舖細細，但擺咗幾張枱都算坐得舒服👍🏻，而女店員好積極同街坊講午市有飯食㗎。不過落單時佢講話豬扒、雞扒同金菇肥牛都無😅😅😅，好彩我係一開始已經揀咗岩鹽燒牛仔骨飯($52+$4綠茶)，如果唔係就掃興了。上碟時發現比想像中好，因為我有諗過佢會唔會全部用哂即棄餐具上，點知係成份便當🍱咁，碟牛仔骨大大碟有好多嚿，又有大碗飯，仲有啲泡菜做前菜同個湯仔👍🏻👍🏻。味道都幾唔錯，鹽燒🧂味恰到好處，唯一缺點係有一兩嚿牛較肥或有啲韌。飯煮到啱啱好有飯香，絕對唔係冷飯，泡菜少少地辣好啱送飯，如果多啲就好，而個湯仔有少少似忌廉湯🤔，唔記得咗，但總之幾好飲。最搞笑係每個餐都會有2粒腸仔做餸🤣。另外2個同事就分別叫咗鹽燒鯖魚飯($48)同香草燒羊架飯($68)，我無試到，所以唔知味道如何，但都係大大份嘅。有機會嘅話都可能試吓其他串燒，但前提係佢要有貨🤣🤣🤣，lunch絕對可以encore，性價比還好👍🏻。

由於本人一直喜好食串燒 今日經過深水埗 見到一間滿串 入去坐低簡左D海鮮 菜 同D肉最喜愛既係香草豬爽肉（姐係豬頸肉）加埋辣椒粉 真係好好味另一樣係扇貝 （100/2隻 ）大大隻 上面鋪有好香既蒜蓉 串燒的精髓應該就係蒜蓉啦 非常香口之後叫左杯1664生啤 $68蚊 係出面都好少餐廳會做到哩個價錢 果味好重店內仲有好多種啤酒選擇鋪面雖然不大 但坐得都幾舒服 由於係即叫即燒 所以都要等一段時間 但都真係幾好味 等下都OK既會持續幫襯既一間串燒！

夜晚同朋友去行完嘉頓山影夜景, 就去搵D野食輕鬆下. 去左間串燒店, 係黃金電腦廣場隔離.咩都叫左D, 菜類, 海鮮, 肉類. D野全部都係即燒, 好香口, 好味. 另外跟左個汁都好惹味, 酸酸辣辣.D野唔算大串, 但用料都算新鮮. 尖椒, 同雞肉串比起其他串燒相對好味道, 個人黎講係必叫另外叫左杯1664生啤, 易入口有果味, 好岩女仕飲,  $58. 小店黎講略貴.整體串燒味道唔錯, 價錢可以低番小小會好D. 埋單$5XX

夜媽媽心血來潮想食串燒係轉角位見到呢間滿串既易拉架宣傳 即刻去鋪頭點番幾串外賣諗住番去嘆下 結果中大伏發生咩事？ 即刻開估見到餐單有好多款都想點 不過怕食唔曬 最後簡左5款有‘正’推薦既黎試 如上圖如圈 Order左5款 共$118 店員話即燒 要等3個字先燒好坐低慢慢等 結果等左將近25mins 全程無催過 結果俾D仲係生既食物 失望到爆#豬仔脾汁燒 $19 （幾抵食，可惜味道唔夠）#雞中翼蒙古燒 $15 （如上圖所見，雞翼仲係生既 仲有鮮紅血水流出黎🤮🤮#爽口雞腎汁燒 $13 （勝在夠爽口 可惜唔夠味）#秘制嫩羊蒙古燒 $18 （俾左錢但無俾貨😡#時令原隻蟶子皇 $53 （缺貨轉左扇貝，扇貝的確幾大隻，扇貝面鋪頭蒜蓉，可惜同樣唔夠味）總結:價錢合理可惜調味非常淡，完全無燒烤既真蒂俾足時間你慢慢燒 全程無催過 結果都係俾D生既食物 外賣包裝方面唔錯，用錫紙保温唔該點清楚先好將外賣交俾客人 （俾足錢 你唔比足貨 簡直當人水魚）

約了朋友去深水埗搵食。 行過見到間串燒店， 第一次8個人晚餐吃串燒。 先點了海鮮， 估吾到咁鮮味， 新鮮爽口， 超正。 串燒選擇多。 因為我們太大食了， 老闆介紹了燒鵝肝， 雞軟骨，羊架。 配合醬料確吾係錯。 下次會再來。

年初三同屋企人去食串燒，滿串之前食過幾次，覺得都唔錯，見今日得佢開舖，就eat佢！唔逐樣講啦，佢啲調味粉落得重手但唔太濃味。佢有三種醬汁搭配，我淨係食咗一種，因為個一款同所有嘢食都好夾，佢係類似泰式酸辣汁，好開胃，夾醬汁食埋會有味好多。串燒照道理就好油，但佢又唔會喎可能因為有吸油紙同埋個汁夠酸，減低咗個油膩感。佢有時令海鮮架，我地揀咗帶子，唔係講笑手掌心咁大隻，好多汁。賣單$10xx三個人，仲要係新年，其實都算抵食，唔單止得圖中咁少，我地嗌咗圖嘅兩倍同埋味道正常，都值架。

今個月內第2次幫襯了.第1次幫襯, 係因為喺黃金買完電腦, 而架車又咁啱泊左喺呢間舖門口, 然後一落車, 見到滿串, 就試一試.叫完野食, 店員就拎左個木盤出黎, 上面有2兜醬汁, 味道都幾特別.因為係即叫即燒, 所以需時會耐少少, 我諗大約10-15分鐘左右就開始上菜.我叫左以下食物:- 岩鹽極品一口牛 (生熟度剛剛好, 軟lum lum, good)- 肥牛金菇卷 (印象中好似落左好多孜然粉)- 玉子燒 (同日式餐廳食既玉子燒差唔多, 醬汁好味, good)- 雞軟骨 (個汁好味, 同平時街邊食既雞軟骨好唔同, good)- 豬仔脾 (我同朋友都覺得好味, 肉質OK, 燒得剛剛好)- 蒜蓉什菇 (正常味道, 無乜特別)我中2呢間野D醬汁, 幾特別, 而呢間野最好既地方係呢度有得飲返杯, 同朋友食下野飲下酒一流, 而且門口都有枱, 適合食煙既朋友.