影片
營業時間
星期一至日
12:00 - 23:00
以上資料只供參考, 請與餐廳確認詳情
招牌菜
FRIDAY NIGHT，老婆想食韓國菜，就想起黃埔呢間。打開餐牌，比較貴，不過唔緊要啦。本來打算食韓燒，叫個拼盤。如韓國食韓燒，係任點生菜的。不過，呢處一客「韓國生菜」盛惠$58。打消食韓燒的念頭。散叫，叫了以下菜式海鮮蔥蛋餅，粉多，料少，蔥都好少。$68泡菜炒五花腩，腩片應不多於六塊。$108牛肉辣拌麪，SOSO。總的來說，相似的價錢，到銅鑼灣韓雅林就食到大大碟兼正宗。呢處，唉。聽侍應講，中銀或東亞卡有九拆，好過冇啦。不料，經理拎張單個來時，少話因為母親節，優惠停用。硬食。
繼續閱讀
本來之前看到不少人評這餐廳服務差兼搵笨。但剛好今天中午在附近路過便想試試，因爲附近沒有其他韓國菜。門口的餐牌只有散餐和幾人套餐，便直接進門想問午飯餐牌是什麽。一進門老遠（隔幾行枱位）看到一服務員（阿珠媽），問我幾個人。我答兩位，她就從老遠指著一張桌子“示意”坐下，隨即轉身走開。我繼續問她有午飯餐牌嗎？她就轉身面黑黑的答我“乜嘢？”我再問同一問題。嘩～她竟然叫我去門口看餐牌！！我便說：“無ｗｏｒ＂她繼續面黑黑叫我去翻個餐牌前面個版！！我話門口Ｄ餐牌係幾人餐堝ｒ。她然後又老遠地指著張枱大聲話“咪係枱上面囖！”什麽服務態度？招呼客人唔駛走過來，餐牌就叫人自己去睇！！我當然馬上就走啦。果然是名不虛傳！！
繼續閱讀
之前去過,覺得可以,之後就同朋友一齊去,去到後,預備點餐,佢地比左好多張menu我地睇,我見到menu 上,沒有之前食過既餐,以為已經冇左,就就咁散叫,d 野食黎左食緊既時候,果度既人先擺返張menu 出黎,原來我地嗌既野食係同個套餐一模一樣,問佢做咩唔同我地講,個經理就話,我地唔會提您地個喎,真係劣劣劣劣劣, 咁又點解唔比果張menu 我地睇呢..! 擺明就厄錢啦,原本個餐$388 再加一都係$427,結果我地食左$6xx ,比佢地明厄$2xx 勁嬲!!!!!!!
繼續閱讀
期實無大期望，因為通常食韓國燒烤，自己Grill，好少出事.....前菜連大豆牙菜都無，已經覺得奇，出比你食的亦很一般。問到何解無大豆牙菜，話要order $18 一碟，我地都唔介意，所叫的大豆牙菜好可惜淡而無味，好失敗！初初只叫了個$138 的牛肋骨，因為未來過這裡，唔知份量，想試清楚的先再order，portion 細到不得了，成碟得6/7片勁薄又小得可憐的牛肋骨肉，每片大概得2.5comX4cm 左右。卒之叫多個所謂$238牛肋骨皇，份量好了些些，但味道也只是很一般，並無驚喜。order個XX海鮮湯，order 時好似唔想人叫咁，同我地講要大概45 分鐘，我地話邊食邊等無問題，以為會特別的，要45 分鐘prepare，最後其實20分鐘就黎到，但係湯就得個"咸"字！！小蜆8/9隻，青口1隻，得一粒細過我手指頭的蝦，幾隻魷魚，甚麼鮮味也沒有！個經理友話同我地分個湯，得兩個大人，竟可以把所有蜆分去一個大人碗湯！！我有小孩，之前叫了少辣，辣度並未覺有減。牛肉石頭飯，也是很一般，牛肉貴也不應少得無影，food court 食的石頭飯水準一定好過這裡。因為飯帶辣，要叫個白飯比小孩，碗白飯好明顯太多水，爛到不得了。唸住咁多野唔得，想叫的紫菜比小孩包黎食，紫菜又話無！！全餐遺一覺得味道好些的就得半條燒鯖魚。Staff 好明顯大部份無經驗Part time，成晚四處有食客舉手追order， 唉......兩大一小食了差不多$800，試過一次就夠。同一個價錢去對面間新店一定食得好滿足。
繼續閱讀
呢度啲服務好有問題。我哋坐低唔夠一個鐘就開始趕客，其中有個伙記，個半鐘頭內就黎催咗三次，之後仲要黑起塊面，大力掟啲食物响枱面。我哋唯有拍枱走人。滿園如果要分時段，應該事先講明，唔好催啲客走；就算係催，都有好多有禮貌嘅手法。呢方面要加強對員工嘅訓練。
繼續閱讀