滿地可餅店

營業中

休息中

昨日同媽咪去黃埔飲茶，回程時在地鐵站A出口附近，經過滿地可餅店，傳來一陣陣麵包香，原來正值有麵包新鮮出爐。媽咪鍾意食曲奇餅，入去買了盒雜錦曲奇，內裏有多款味道，包括有咖啡味、朱古力味、牛油味、抹茶味、藍莓….曲奇餅口感鬆脆，充滿奶香和牛油香，食到停唔到口🤣還買了個麵包早餐食，這裏麵包款式非常多，最終揀咗個煙肉芝士包，好大個，只係$10.5，今朝微波爐叮咗10秒左右，鹹香味煙肉加上芝士配搭又香又鬆軟麵包，真係冇得輸👍原來這餅店用料高質，係用日本鳥越caravan麵粉製作包點，難怪麵包咁鬆軟，價錢又親民，下次經過開一定會再光顧☺️

呢間街坊麵包西餅小店，對正黃埔地鐵站A出口，舖頭名叫”滿地可”🎵裝修簡單而整潔，包餅種類繁多，成日食大型連鎖店麵包西餅有時幫襯下呢啲街坊小店都幾好～買咗麻糬波波，有原味/朱古力/開心果/芝士4款口味，$12蚊有三個幾抵食，遇上新鮮出爐包體堅挺煙靭，外酥內Q有時喺麵包舖見到麻糬波波軟塌塌，放耐咗變腍就無咁好食㗎燉蛋好夠蛋香，口感似細個食嘅雞蛋布丁咁軟綿清蛋糕簡簡單單I like媽咪見到櫃檯上有蝴蝶酥話想食，買一盒試吓～ 一盒有十幾塊，原味同榛子味各半，牛油味幾香，相當多層，口感酥脆，外層同中間都有好多糖粒，甜度啱啱好

滿地可餅店📍位於紅磡 民兆街 黃埔新村地下N1號舖，在港鐵黃埔站A出口對面，非常就腳。一入餅店，就聞到新鮮出爐麵包、熱辣辣的撻類，發出香噴噴的香氣。呢度賣的種類非常多，有香港人喜愛的麵包、麻糬波波、蛋撻、 葡撻，仲有多款色彩繽紛，造型吸引的蛋糕，另有盒裝曲奇、蝴蝶酥及杏仁條等蝴蝶酥打開即聞到烤焗過的香味，外層焗至酥脆鬆香，面層晒上薄薄脆糖，入口牛油味香濃，口感豐富細膩，焦香酥脆。清蛋糕入口綿綿鬆軟。椰撻撻皮香脆，入口帶有椰絲香甜。

好鍾意食舊式麵包小店的麵包，做好懷舊嘅味道，間唔中都會可以好創新。係黃埔經過呢間麵包店，見店面幾靚，入邊有麵包烘焙工房，撞啱麵包出爐時間，就會食到熱辣辣香噴噴嘅麵包！即刻走入去睇睇。買咗一盒杏仁餅俾家人，家人話杏仁餅好鬆化，好香杏仁味，不錯的。紅豆餅是皮薄，爆多紅豆餡。清蛋糕好鬆軟，剛出爐，好香蛋味。仲有好多款式曲奇，傳統麵包，蛋糕同甜品可以選擇，款式算係好多，店面乾淨企理排放整齊，價錢都比較親民，街坊經過不斷有客人入嚟應該都好受歡迎。

呢間麵包店有多款麵包，蛋糕，懷舊糕點等等。原來呢度都有曲奇賣，小編今次買左一盒多款式既曲奇餅，入面有好多款式原味牛油曲奇好香脆牛油味，同埋好鬆化。另外，竹炭曲奇黑色造型好特別，朱古力加入nuts既曲奇都好鬆軟，一盒入面都有好多塊，都幾抵食，買兩盒仲有折扣優惠。咖啡曲奇口感好脆，勁香濃既咖啡味，小編最愛，如果唔想買一盒都可以買散裝自己選擇適合既口味。麵包小編推介軟心芝士火腿包，個包咬落好軟熟，呢個係小編比較鐘意食既包。

當我行入呢間麵包店,充滿烘焙嘅香味。布甸麵包金黃鬆脆。一切開,濕潤綿軟嘅內餡立即融化喺我口中,麵粉同蛋奶完美融合,口感猶如即溶咁嘅奶酪布甸。芝士麻糬波都好吸引，外層薄脆嘅麵皮包住柔滑嘅麻糬餡料,甜味中帶有淡淡芝士香氣,有好豐富嘅層次感。金黃色杏仁條嘅外皮裡包住濃郁嘅杏仁味，撲鼻而來,配搭上焦香酥脆嘅口感,無疑係絕配。芒果雪媚娘外表被白色糯米皮包住，切開之後,蛋糕質地實實在在嘅,配住清甜多汁嘅芒果果肉,同埋粘稠軟糯嘅糯米糍,口感層次豐富,真係令人回味無窮。

《滿地可餅店 - 紅磡》而家行街成日都係行商場，發覺近年比較逛少咗特色嘅地方，因為商場入面嘅舖頭好大部份都差唔多野，連買麵包都可能去多咗連鎖店，但係以前細個其實我好鍾意嗰啲街坊麵包舖的，好記得細個嘅時候$10有四個雞尾包，夠晒一家四口做早餐，而家物價貴晒冇呢支歌仔唱啦🥲連屋企人鍾意食嘅雞尾包都越嚟越少見啦🥲前幾日個黃埔花園行街，見到同一條街都仲有好幾間傳統麵包店見到呢間麵包店既叉燒包啱啱新鮮出爐脹卜卜咁好吸引，反正第二日嘅早餐都未有着落，我就順便買埋茶點同埋早餐😳我發現呢間麵包店都與時並進，製作咗好多新式嘅麵包，例如前排好受歡迎嘅鬆鬆麵包、脹卜卜嘅麻糬波波、特色嘅公仔蛋糕等等，當然都仲有啲傳統嘅烘焙嘢賣啦💁🏻‍♀️蜜汁叉燒包見到佢新鮮出爐脹卜卜，賣相十分吸引，摸上手仲係熱辣辣，忍唔住喺舖頭門口就食咗佢😂裏面嘅叉燒餡料都幾多，甜甜地好開胃，個質感都唔係氣球麵包黎架，食完起碼會飽肚先，作為下午茶不錯💁🏻‍♀️紫薯條由於食咗個麵包嘅關係，紫薯條就變咗第二日嘅早餐啦🤣其實就有啲似紫薯餡嘅麻糬波波，軟腍腍好彈手🥸裏面嘅餡料超多，一咬爆漿，味道唔算太甜膩，可以一試💁🏻‍♀️盒裝鴛鴦蝴蝶酥知道公司同事都好

每次經過黃埔站 見到呢間餅店麵包蛋糕好吸引價格大眾化 ． 吸引不少附近居民食完Lunch 口痕痕入去試揀咗兩款口味糯米糍 做下午茶✨糯米糍有花生．紅豆兩種口味軟軟糯糯嘅口感裡面餡料豐富．外皮亦唔會太厚唔會太甜．好好味✨椰撻啖啖都充滿椰蓉口感椰香味十足能夠食返兒時嘅味道✨曲奇餅裡面多款不同口味圓形曲奇口感鬆脆 ． 香濃牛油味方形曲奇 加入杏仁片 ．口感豐富配上精美鐵盒包裝送禮 / 自己食都好適合以後嚟黃埔一定要再試埋紫薯條 同 蛋撻

今日學校有暑期活動，帶了小朋友去紅磡黃埔一間大型連鎖式室內遊樂場參加活動，活動將近完結有一位家長提議完結後到對面買麵包， 家長說每次嚟黃埔一定會去入貨，一於跟埋去一探究竟。滿地可餅店就在黃埔站A出口，地點很方便，一行多人到餅店門口已聞到好香烘焙味道，餅店麵包蛋糕餅食種類多得很，全部用玻璃及透明櫃展示產品，可保衞生亦能清楚揀選，家長們各自購買，有的買蛋糕，有的買麵包，有麻薯波波、蛋撻、曲奇、泡芙、馬卡龍、布甸、中式餅食等等…種類多不勝數。 揀選了鴛鴦蝴蝶酥，好香牛油味，甜度適中，一層層非常酥脆很好食，我同另一家長夾份買兩盒有9折。老婆餅裏面香甜冬瓜蓉，酥皮外層還有一層脆皮，好特別好食。腿蛋包，火腿咸香蛋味濃，麵包用料充足飽肚。喺我的美食地圖可以增加一間餅店介紹比其他人。

朋友介紹話黃埔地鐵站A出口有出名麵包店，我就專登落咗去買麵包，我一落車就聞到好香麵包味道…麵包舖不大，但係種類繁多，其中有我最愛嘅杏仁酥和蝴蝶酥價錢都是一樣百幾蚊，所以二話不說即刻買了一盒。杏仁酥有好多杏仁片，而且很鬆脆，一盒裏面都有二十至三十條。蝴蝶酥有兩款味道朱古力味同埋原味，同樣咬落口脆口鬆化。兩款都有鐵盒裝着保存新鮮。而且仲有我最愛嘅泡芙，聽店員講朱古力泡芙係新產品，我還買多一個原味來試。朱古力泡芙的外層有朱古力包住。兩款餡料裏面的吉士都調配得好好。幾Creamy。還有而家好流行吃麻糬波波，三粒買$12麻糬波波外層有點菠蘿包味，內裏是芝麻餡料。而且麵包店都有多款麵包和曲奇餅等款式，人流仲好旺。

今日去親戚屋企 就諗住買d餅上去比佢地一出黃埔地鐵站就見到呢間餅店 ，見到好多人，應該都唔差，就決定試下呢間餅店啦！買左盒蝴蝶酥 比佢地，親戚開左黎share 食，長輩佢地都好鍾意 ，質感酥脆，小小糖係面，仲有朱古力味，而且禮盒裝好得體👍🏻韌控既我 見到麻糬包只係賣$12 有3粒 大大粒 就買黎試下，本身想食朱古力既麻糬包 問下收銀姐姐會唔會有，佢話原味係每日都有 其他口味都係每日限定，咁就試下其他味啦，叫左一個原味 同芝麻 同芝士味 每樣一款 ，食落煙煙韌韌 又大粒 正！ 見到呢到有媽咪鍾意食既老婆餅 ，就買左件比佢試，佢話唔錯，正宗老婆餅味。田園軟法- $16.5 比我發現呢到有麵包係可以無糖！ 呢個包岩晒健康戒糖人士食 ，我就買左個黎試下做早餐，呢個包好有驚喜，十分鬆軟，而且好香 。住黃埔既朋友就有口福啦！ 可以日日早餐買包都去到👍🏻

愛包包的我最愛走進包世界，幾乎每次都會買包，而每經一間包店都會入去☺️去溜冰之路，竟然一出地鐵站就見到包店，忍不住手買了幾款不同既野食😚😚麻糬波波新鮮出爐，大大粒真心必食，去到邊都要買麻糬波波嘅我覺得三個唔夠喉🫢🫢另外仲買左泡芙，吞拿魚包同杏仁酥泡芙超級多吉士醬，好邪惡🤤🤤杏仁酥好搞笑，除咗盒有貼紙封實之外，竟然有塵袋，佢比起高級餅店更高級😂😂😂最令我深刻既竟然係麵包店有燉蛋🤭🤭

上周末我到訪了位於市區的滿地可餅店,這家店以製作精緻的西式糕點聞名。這次光臨,我嘗試了幾款產品,整體體驗相當不錯。首先是清蛋糕,價格為$15。這款蛋糕入口鬆軟,口感細緻,不會過於甜膩,非常適合作為茶點。麵包控一定不能錯過他們的無糖芝麻麵包,價格$16.5,麵包鬆軟可口,芝麻香氣撲鼻而來,實在是一大驚喜。最後我還嚐試了他們的蝴蝶酥,一盒售$138,份量非常可觀,口感酥脆,餡料香甜適中,整體表現出色。總的來說,滿地可餅店提供了不錯的西式糕點選擇,無論是口感、質量還是價格,都令人十分滿意。下次造訪市區的朋友,不妨來這家小店品嚐一番,相信也能找到心儀的美食。

黃埔地鐵站對出有間麵包店，經過聞到好香嘅氣味所以被吸引入去，店內有好多人買緊一個個麵包，除此之外呢度亦有懷舊款色撻、曲奇、蛋糕等供應，價錢合理，經過試試無妨。最近推出新款蝴蝶酥，盒裝買，有原味同榛子醬，要咗各半，份量十足，蝴蝶酥咬落酥脆，帶淡淡牛油香氣，榛子比原位更甜但整體甜度唔高，老少咸宜，送禮一流。另外要咗提子Scone同老婆餅，提子份量好多且粒粒都好大，一咬就散開，十分鬆脆，唔似出邊嗰啲硬到食唔到、後者餡料飽滿，甜度適中，配埋杯茶嘆返個Afternoon Tea。

滿地可餅店早幾日去咗紅磡，見到一間餅店好多人入去買麻薯波波，大大粒價錢又唔貴，順便入去行下睇下有咩買先！1.芝士條$16.5一袋（8/10）呢袋芝士條一袋有5條芝士條，每條芝士條都好重芝士味，非常香濃！2.麻薯波波$12/3粒（8.5/10）呢度麻薯波波會每粒都好大粒，好似手掌咁大，食落好有空氣咁，仲好煙韌，咬咬下好似食到杏仁粒同黑芝麻，非常香！3.杏仁條一盒$158（9.5/10）呢盒杏仁條係最吸引，每條杏仁條又脆又鬆化，食落非常之香，一盒大約20條杏仁條！2人總共價錢$186.5個人口味總評分：8.67/10 地址：紅磡民兆街2-20號黃埔新村地下N1號舖