滿地可餅店

營業中

休息中

朋友介紹話黃埔地鐵站A出口有出名麵包店，我就專登落咗去買麵包，我一落車就聞到好香麵包味道…麵包舖不大，但係種類繁多，其中有我最愛嘅杏仁酥和蝴蝶酥價錢都是一樣百幾蚊，所以二話不說即刻買了一盒。杏仁酥有好多杏仁片，而且很鬆脆，一盒裏面都有二十至三十條。蝴蝶酥有兩款味道朱古力味同埋原味，同樣咬落口脆口鬆化。兩款都有鐵盒裝着保存新鮮。而且仲有我最愛嘅泡芙，聽店員講朱古力泡芙係新產品，我還買多一個原味來試。朱古力泡芙的外層有朱古力包住。兩款餡料裏面的吉士都調配得好好。幾Creamy。還有而家好流行吃麻糬波波，三粒買$12麻糬波波外層有點菠蘿包味，內裏是芝麻餡料。而且麵包店都有多款麵包和曲奇餅等款式，人流仲好旺。