滿屋廚房 (已結業)

上回到過愉景新城，發覺有不少新的餐廳，以及到過其中一間，今回則去另一新的餐廳。FullHouse Kitchen 是上次過門而不入的餐廳，主打意粉及東南亞食物。餐廳裝扮則玩味十足，以卡通為主題，亦有飯盒及用品售買，其中有款飲水機，則以卡通小孩作飲水機。餐廳以快餐形式運作，先在櫃枱購票，說明食物及付款後，店員會把類似 call 機的東西交給食客，當準備好後，就會響起來，就可在櫃面取。加了銀兩後就可有餐湯及飲品。餐湯為南瓜湯，質感有南瓜絲絲的口感，富有南瓜味道。海南雞飯雖為普通菜式，也可四周圍吃到。當中也有三色醬料，包括醬油，酸甜醬及薑蓉。雞件入時，質感完全不是平時食開的，有種白切雞的口感，完全不是那種幼滑而嫰的口感，可能做法不同吧，而油飯雖為粒粒分明，但未算香滑，亦較為鬆散。熱奶茶正正常常吧，有茶香和味味，沒有偏離茶原本的質感。以快餐形式的店子，稍為略貴了一點。

整個愉景新城充斥著歡樂氣氛，到處都是跟小朋友有關的商舖，第一次踏足這商場，已看得出它的親子主題。被可愛的飲水機吸引，忍不住走近看看，發現原來是間餐廳。除了可愛的商品，門外還放置了巨型的公仔，討得一眾小朋友的歡心。童真所剩無幾的我，都食物較有興趣。Fullhouse Kitchen有星馬菜和西餐，還有地道的雞蛋仔。正藉下午茶時間，即管一試。店內的佈置充滿童真，亦提供小朋友的座位，難怪幾乎每枱都有小朋友，小至牙牙學語，大至背著小書包的也有。五穀杏仁似杏仁茶，但甜得誇張。五穀不多，像胚芽，偶爾幾粒較大的穀物，未浸腍之前脆脆的，帶麥香。甜得不想喝，杏仁味都被蓋過，只想把五穀吃光。星加坡娘惹喇沙配料頗多，青口、蝦、炸蛋蛋等，白魚蛋尤其彈牙。湯底的椰漿味很重，辣度太低，夠香但不夠惹味。不過，作為一家親子餐廳，刻意把辣度調低也可以明白。米粉帶爽，掛滿喇沙湯底，都幾入味。馬來豬肉和豬肉沙嗲串兩串雞肉，四串豬肉，為何不是每款各三串，無從稽考。燒得幾香，肉不嚡不韌，夠入味。沙嗲醬則普普通通，味道可以，但沒有特別，要是加點花生香會更佳。軟心朱古力雞蛋仔明明見到display的雞蛋仔很趣緻，雞蛋仔模有公仔的樣

兒童餐tiffani ($58) 有小小白汁雞肉意粉 , 炸魚手指，菠蘿粒及蜜桃粒， 還有一杯布甸，小朋友自動不停地吃意粉，白汁香滑，但只有少許雞肉，意粉口感偏軟，魚手指很香口，肉質尚算腍，不會炸得過火而太硬太乾。菠蘿粒及蜜桃粒小小酸甜，小朋友說愛吃， 還有一杯布甸，不會太甜而感覺清甜，不錯！還有一小杯蘋果汁, 亦可揀選橙汁.新加坡娘惹喇沙 ($48)，大大碗感覺好抵食，配料很多包括有青口和蝦，椰汁好香，但可惜湯不夠熱，亦不夠辣味，個人覺得可以辣小小。青咖哩雞飯($58)，雞炸得有點硬，味道還好，青咖哩好香又夠辛辣，有一個架和蠟燭助熱，配白飯真的一流，吃到最尾都仍然有煙出！引不住加了一份手抓餅，點咖喱汁食最適合不過，雖然手抓餅確實有點油膩。Fullhouse 主打東南亞食物，下午亦有一些地道的港式小食，似乎跟店名和裝修有點格格不入，不過以價錢來說也算合理。

帶小朋友到愉景新城逛越來越開心，由地下至二樓都有不同的遊戲設施，今天星期六，地下很熱鬧，很多小朋友跑跑跳跳，氣氛十分好，感覺去了派對一樣。玩攰了，便由小朋友選擇一間餐廳嘆個下午茶。小朋友還記得四月時曾經去過FULLHOUSE食午飯，當時他有提出想吃雞蛋仔，今日終於可以滿足他的要求了。地方依舊，但是人流明顯比四月時多了很多。這裡有一些比較地道的小食，我們選了朱古力味雞蛋仔($20) 和藍梅芝士蛋糕($28) 。朱古力味雞蛋仔由於是即製，所以等了大約二十分鐘，＄20 一底雞蛋仔不算平宜，但是這裡有舒適座位，更有免費的清水任飲，本人覺得合理吧。即製的雞蛋仔，上枱當然是熱辣辣啦，首先嗅到少少朱古力香味，咬開一半後入面有一些朱古力醬，口感不是太軟那種，有少許嚼勁，朱古力又不會太甜，我們二人不停的吃， 不停的咬開看看，發現並不是每一粒內裡都有朱古力醬，感覺像尋寶一樣，二人玩得很開心！藍梅芝士蛋糕上枱也不馬虎，碟上加了少許朱古力漿在旁邊，視覺上加了分。芝士蛋糕的質感頗柔軟，芝士有淡淡的清香，味道又不算濃郁，上面的藍莓少少酸，少少甜，配搭得宜。小朋友就覺得太淡味，只吃了小小，反正益了我，哈哈哈！愉景新

成日經過都覺得呢間野好cute, 好想同朋友仔去試下，今日終於有機會話說今日星期日，商場有好多兒童活動，好多小朋友～而且間餐廳好可愛～好多爸爸媽媽都同小朋友黎食佢～成個feel都好family, 好sweet，同好有童真～感覺很好！野食也不錯的，選擇頗多！價錢合理！叫左個Salad做前菜點了一個意式香煎野菌燴飯配波特菇同巴馬火腿雞肉白汁意粉～意式香煎野菌燴飯配波特菇份量不算大，但是夠一人食的！波特菇盛著煎野菌燴飯，味道都幾濃，d飯同d菇好香巴馬火腿雞肉白汁意粉,份量相對較多夠汁之餘, 也很入味~而且意粉的鎖汁力也很強!!不錯的選擇當然不少得飲品la~~~跟餐叫+$15很喜歡這個特濃朱古力!!!真的很香很濃~~~

一入到去就係濃厚日系少女卡通風，加左唔少印象分. 我地尤其鍾意佢個啲好萌既公仔像同擺設，食物黎之前仲同佢地留影 <3我地都係細食之人，就喊左一個意大利飯，同埋一餅雞蛋仔個意大利飯煮得溫潤香軟，我幾鍾意佢啲香草味，令到佢既味道更豐富. 佢本身個白汁既忌廉味都幾濃，同埋野菌絲一齊食配搭得唔錯， 表面的黑魚子份量不多，頭幾啖就食哂啲鮮味，反而不是很出.但個意大利飯總括都幾好食，不過份量比想像中略細.於是我地喊多一餅抹茶雞蛋仔.原味先喊所以黎先，望住個雞蛋仔上面一排笑笑口既funny人樣，超超超萌的，我自己忍唔住笑(對唔住我笑點低我認).食落就冇外表甘好食，可能係為左個公仔模既緣故，不是十分脆，但內裡都算鬆軟蛋味尚可，不過食依餅雞蛋仔既樂趣多於純粹味覺上既滿足.抹茶味既遲啲到，好彩仲有肚食，感覺抹茶味不濃，都係原味好食啲，不過望住啲眼神無辜既公仔我都係好有義氣甘食哂佢地wwwwwwwww

愉景裝修之後好成功，星期六日一定超多人，但我地呢啲working mom又真係得星期六日得閒帶小朋友去放下電。咁好啦，去得玩都要食晏架，間間都人頭湧湧，係呢間自己搵位好似好啲，點知同老麥一樣，都係要搶位既。幾經辛苦有位喇，去買野食，真心唔平又唔多野揀，最惨係咩呢？係出餐慢，足足等左廿分鐘先出份兒童餐，再等多10分鐘先出埋個3碗喇沙。。。個兒童餐，有小朋友最中意既香口野-炸手指魚，但我奇怪點解我仔唔食，我自己試下啦，喂，唔熱架喎，仲有小小雪味（相入面冇哂手指魚係因為我地3個大人試完少少之後撩開哂），餐入面兜意粉又係涼既。。。咁唔駛等廿分鐘吓嘛？反正都係整定哂架啦。我碗喇沙，我係食哂既，因為攪咁耐我都真係餓，而且都唔係平，反正唔熱又唔多既，可以一嘢食哂。下次，食老麥吧啦…

裝修很有心思，牆上是簡約風的可愛卡通，例如綿羊，時鐘，少女廚師等，濃濃的日系風格有兩款兒童餐，望落都幾吸引，但為左唔比人用詭異眼神望住，我地都係點其他野啦我地喊左個意大利飯，同車里茄水牛芝士薄餅意大利飯，可以見到都幾濃稠，食落忌廉味幾濃，米飯煙韌，口感唔錯. 不過不失.薄餅非常好，佢係薄批，餅底甚脆，且有很濃牛油香. 咬落去先是感受到表面好足料既熱辣柔軟芝士，同車厘茄的甜鮮汁液，跟住就係一咬即斷既香脆餅底，再拉出一條條既芝士絲，個種咸香而香脆既滋味，一試難忘珍珠奶茶，正常台式珍珠奶茶味，較甜，粉圓柔軟煙韌，質素正常.最後我地真係頂唔住可愛既誘惑，買左一餅公仔頭雞蛋仔. 望住一個個好有喜感既公仔頭，唔知點解好想笑lol 食落都算鬆軟有蛋味，算係甘，不過張相幫我呃左好多like 哈哈哈

一間色彩繽紛既裝修+可愛卡通既主題cafe, 價錢大眾化, 岩哂一家大細去幫襯~絕對係推介比全港既家長帶同小朋友一齊前去...果度仲有一個角位係賣呢間CAFE既主題公仔產品tim~呢間cafe都係自助形式, 餐具, 水吧, 什至食完之後, 都係自己執好, 收拾至"餐具回收站"~ 可以令小朋友學識點樣自立同照顧自己.去櫃位點餐後, 職員就會比一個"提示機仔"比你拎埋位等, 如果食物已經準備好, "提示機仔"就會響, 拎住佢就去櫃面領取食物...------------------------------【星加坡娘惹喇沙】HK$48好豐富既一個湯麵, 湯底唔辣, 唔算正宗~ 但麵質好滑好林, 幾多料...包括魚腐, 豆卜, 魚蛋, 少少蜆肉, 青口同埋蝦~湯麵上仲有D香草, 幾惹味~------------------------------【炸薯條配蜜糖芥末醬】HK$25非常抵既一個小食, HK$25就有咁大碟厚切薯條, 即叫即炸....配上芥末醬, 好好味....------------------------------【海南雞飯】HK$62海南雞飯係油飯, 粒粒分明, 干身, 唔會

有小朋友的家庭應該都知道荃灣愉景新城極多小朋友設施和商店，小朋友樂而忘返(大朋友荷包乾塘…）地下有一家超有氣氛的餐廳，價錢超值，小朋友吃的超級開心，推介給各位家長！周末放電好去處！餐廳好多公仔任影唔嬲，內裡還有一個賣精品的corner，價錢一樣不貴，我買了一個小錘子給仔仔，玩得不亦樂乎！（這裡消費可以換印花再換別的東西，真懂做小朋友生意～）水牛芝士薄餅，10寸大，一家四口吃都夠分。芝士和蕃茄仔用料不吝嗇，薄批底脆卜卜的，大人加一兩滴辣椒仔就夠惹味了。芝士大草菇配雜菌香煎燴意大利飯。看menu是沒想過是這樣子的～上面是意大利飯，壓成餅形，再兩邊香煎，甚有驚喜的。而且看似少少的一圈，其實十分飽！而在下邊的大草菇是極juicy的～散叫了一客煙三文魚海撒沙律，份量亦是夠多人分享，味道不俗，只是欠了點點醬料。粗薯條配蜜糖芥末，好好味，熱辣辣新鮮炸起就是錯不了！除了比較西式的外還有星馬菜，這次就先試一下喇沙，我覺得蠻似模似樣的，不可以說十分地道，但我收貨了。跟餐加$5便有餐飲，一個人消費平均才$70，地方超寬闊的，小朋友吃得七上八落都OK。自有了小朋友，我明白了沒小朋友的人是不會體諒小孩失控的苦，

之前去過尖沙咀分店，原來係瑜景新城都開咗間，好近我啊呢到係以自助形式嘅，揀好野就係收銀到落單同俾錢，由於係下午茶時間嘅關係，而各種甜品嘅價錢都幾平，所以我同朋友決定黎一個甜品大食會首先有嘅係馬卡龍，味道分別有香橙、百爵茶、棒子、綠茶同香蕉味，由於馬卡龍係預先整好，再放入凍櫃，所以有微微嘅雪味，口感有啲硬，一般般跟住係芒果千層切餅，呢到整到係有七層嘅蛋糕，班㦸夾住忌廉同芒果，忌廉嘅味道又唔蓋過咗啲芒果味，如果可以整多幾層就好喇另外仲有士多啤梨忌廉切餅，有海綿蛋糕、忌廉同士多啤梨係面做裝飾，味道都幾簡單，係想像得到嘅味道黎最後就有人樣蛋撻，將蛋撻整成人頭形狀，再係上面灑上朱古力粉，整番個女仔樣出黎，雖然個皮唔係酥皮，但係都算唔錯，而且蛋仲多過啲皮，用匙羹食比較方便

帶bb黎愉景新城商場玩，好多小朋友野，商場顏色豐富bb勁開心，玩到咁上下，輪到大人醫肚了，揀左好多公仔嘅Fullhouse，自助形式點菜，旁邊仲有唔少景品賣，bb好醒咁拎住個槌仔玩具唔放手 點了一人一份主食，再加左薯條，兩杯飲品share，叫咁多都係二百蚊，意外地便宜。落完單會有呢個呼叫器，食物預備好就會閃燈加震動，好方便。熱咖啡，奶同糖自行調配，一般港式咖啡，啡味十分濃。熱檸茶，一壺茶用上lipton茶包，可沖泡好幾杯，檸檬新鮮無苦味，跟餐加五蚊好抵食。跟餐加廿五蚊有薯條，再配蜜糖芥末醬，薯條厚身炸得香脆，好有薯味，個蜜糖芥末醬好正，甜甜酸酸又帶少少辣味。星加坡娘惹喇沙$48大大碗，入面有豆卜魚蛋，魚角，蝦，青口等，爽口彈牙，麵條則有油麵同米粉混合，吸了湯汁幾好食，但個湯底淡左啲，不多香濃。馬來亞肉骨茶配白飯$58呢個好濃味，飲一啖已有強烈嘅藥材味，入面有好多塊肉，油炸鬼等，肉炆得軟腍，吸了不少藥材精華，好好味，滿滿一碗十分抵食，唯一不滿係個湯油左啲，放涼左後上面一大層油。馬沙文咖哩牛尾配白飯$58個人覺得呢個係三款中最正的，牛尾炆得好淋好入味，咖哩勁香草味不辣，一碗有好多件牛尾，

親子時間，去完荃灣玩具反斗城，肚餓搵嘢食，就直接去咗對面間fullhouse，因為見到個環境好似好得意咁～叫咗個：1）all day breakfast＄48，都好齊全，有晒所有香腸/蛋/茄汁豆；2）東南亞風味拼盤＄62，包括左兩個蔗蝦，兩個辣魚餅，兩個金絲蝦卷；蔗蝦同金絲蝦卷都好味，好鬆脆～ 魚餅一啲都唔辣，所以唔使擔心～3）夏威夷pizza $35，好鬆脆，好足料，不過六吋就比較細咗啲，唔夠食～4）Caeser Salad $35，新鮮爽口，大份～5）爆珠蜂蜜綠茶＄24，唔鍾意甜嘅好適合叫呢杯飲品～6）青瓜青檸梳打＄28，好清新解渴～

尖沙咀開個時一直都好想去食，但係一直冇機會，見到荃灣有間分店，所以就入去試吓～ 但係因為見到啲食物可能因為為小朋友而設，所以啲份量都比較細，所以我哋三個女士都叫咗好多嘢食～因為媽咪比較鍾意食辣同東南亞野，見到餐牌呢度有，同埋相信份量會大啲，所以就叫咗呢啲～叫咗：1）喇沙＄48，好足料，有蛋/蝦魚蛋/豆卜等，冇諗過＄48會有咁大碗，啲粉都好滑，少少辣但係好開胃～2）雞肉同豬肉沙爹串＄96，每樣有三支，無諗過係為小朋友而設嘅餐廳都會有咁傳統嘅東南亞風味，好好食～3）法式燴牛肉飯＄55，個牛肉都好淋，好味～4）夏威夷pizza $35，細咗啲，但好鬆脆～5）梅子雞翼＄38，炸得好乾身，唔油～6）火腿雞肉白汁意粉＄30同溫泉蛋煙肉忌廉汁闊條麵＄28，兩樣都好平，所以份量都係細細碗～總括冇諗過呢度會有咁多東南亞嘢食，同埋冇諗過佢都煑得有水準～

可能因為假日關係, 愉景新城充滿歡樂, 於是帶埋小朋友去左一間充滿歡樂餐廳食飯先算豬肋骨的確好入味, 上面有一層Xo醬, 令到豬肋骨甜甜地又有少少辣, 另外豬肋骨亦好淋, 唔會好似磨大樹咁, 另外有薯條做配菜, 薯條絕不是麥記的招牌薯條, 而係薄偏薯條, 好脆另外就係喇沙麵, 個喇沙湯十分正宗, 而且餸菜亦好足料, 有魚旦, 豆卜....配埋手抓餅, 絕對正