滿屋廚房 (已結業)

fullhouse個名好吸引，門面亦帶給童話既感覺，食品就不過不失，豬勒骨，份量足夠，賣相相當吸引，醬汁味道都剛好，不咸，有小小酸酸甜甜及香料味，用焗烤焗到剛好熟，食落不太韌，可以試下，喇沙也不錯 好香及夠重味，可惜煮得唔夠耐，d豆卞仲係硬硬地，同埋細碗左小小 ，手抓餅就一般，沒有味，冷左好硬。

餐廳唔算大，位置唔多，全自助式，會有d shopping坐左係到扮等食物，雖然有枱鐘都冇用，食物質素麻麻，海南雞飯，d雞一定唔新鮮，雪到死晒，再番熱，硬到好似化石咁，成碟都係得果幾件雞，結果只係食左2件就食唔落，只好用醬料撈飯算啦。

fullhouse個名好吸引，門面亦帶給童話既感覺，食品就不過不失，豬勒骨，份量足夠，賣相相當吸引，醬汁味道都剛好，不咸，有小小酸酸甜甜及香料味，用焗烤焗到剛好熟，食落不太韌，可以試下，喇沙也不錯 好香及夠重味，可惜煮得唔夠耐，d豆卞仲係硬硬地，同埋細碗左小小 ，手抓餅就一般，沒有味，冷左好硬。

Fullhouse Kitchen星加坡娘惹喇沙48蚊一上枱就聞到好大陣椰奶味 睇到面頭啲辣油以為會好辣 點知入口岀奇地香甜👍🏻👍🏻食辣初學者必食！滿屋薄荷朱古力呢個必飲！朱古力愛好者必試❤面頭有層cream仲有好多綿花糖😍😍朱古力味夠濃丫！

放工出荃灣會合朋友fullhouse kitchen飲珍珠奶茶, 食星加坡娘惹喇沙、海南雞飯和法式焦糖燉蛋, 珍珠奶茶味道香濃, 茶味好香；星加坡娘惹喇沙好足料, 有蝦, 魚蛋和豆腐卜等, 湯底味辣, 食落好有層次, 少少辣好開胃, 蝦新鮮, 魚蛋和豆腐爽滑；海南雞飯雞肉鮮嫩, 飯好香滑, 配上薑蓉和秘製醬汁突出雞肉的美味；最後法式焦糖燉蛋好香甜和熱辣辣, 配上朱古力醬十分美味, 整體食物質素好環境舒適, 不太嘈吵, 適好友傾談。座位間距離寛闊, 有4人位及多人位, 適合一家大細同大班朋友聚會。附近亦有兒童設施, 可讓小朋友玩完再享用食物。

因為小編今個月的電話流動數據快用完，身在愉景新城，即刻想起fullhouse有免費wifi，來吃個晚飯和上載工作的資料小編和同事兩人各點了一份主菜和一杯飲品意式煎野菌燴飯配波特菇 $52燴飯偏濕潤，野菌味濃郁，可能是和菇汁一起煮，上面加了切片的野菌，而底下更有一隻原隻的大菇，相信就是波特菇，小編對菇類認識不大，只知非常多菇汁；而伴碟的蔬菜也不錯車里茄水牛芝士薄餅 $68這裡的薄餅只有兩款，小編則選了被推介的這款，即點即做，薄餅是薄批那種，屬口感香脆，水牛芝士足料，還有拉絲效果，配上新鮮車里茄，大大減低油膩感；而且$68一個10寸大的薄餅，性價比甚高另點了一杯薄荷朱古力和黑糖檸檬蘋果茶，前者水準正常，後者偏甜，但加了檸檬片效果不錯，令人驚喜整體來說，食物OK而價錢相宜

不知不覺，荃灣愉景新城的內部裝修已長達3年有多，現在總算完工，以後行街 shopping 同 dinning 都更方便。全新面貌的愉景新城進駐了很多新店，包括大型韓式服裝店、連所店、主題餐廳，今次，BeautySearch 就來到《Fullhouse Kitchen》。來自馬來西亞的《Fullhouse Kitchen》，提供多國菜式，款款新穎，包括：西式、東南亞式、越式等，包羅萬有，以供選擇，還有不少甜品小食。店子裝潢佈置，充滿家的感覺，簡潔的木系傢俱，牆上的可愛壁畫，令滿室充滿休閒氛圍。 店子內內外外，都有不少影相位，愛與 Fullhouse 成員合照，就不可錯過！Fullhouse 一家四口的主題人物更製成了一系列的精品，餐廳裡更設有精品售賣區，以 "優質產品傳遞愛" 的核心價值，傾力打造特色、時尚、具創意的廚具用品。《Fullhouse Kitchen》是自助形式，客人要先到櫃檯點餐，付錢後，只要把這響鬧器取回位等候，響鬧器一響，便可到服務台取餐，吃完後，當然要自行把食物盤放回廚房。除了旅行，BeautySearch 還是第一次來這種形式的自助餐廳。食物方面，BeautySea

自從愉景新城商場大改革後，進駐了不少潮流品牌，以及特色食店。今天閒著，相約了朋友到那裡走一趟，順道覓食。踏入商場一刻，老遠已被一間裝潢可愛的餐廳吸引著，全店粉色系，牆上繽紛的塗鴉，活像一個兒童樂園。細看餐牌，食物種類不少，我們就決定入內開餐，這裡是自助形式，先買票，後取食物。 選了廚師推介的意式煎野菌燴飯配波特菇，賣相很吸引，煎得焦香的波特菇於最底層，盛載著滿滿的野菌燴飯，飯身口感綿密，而面層亦灑滿芝士碎，混著厚切的野菌， 口感層次豐富鮮明，味道亦香濃誘人，感覺有點像漢堡飯，配菜有水潤的蕃茄及青瓜，還有淋滿黑醋的沙律菜， 感覺清新健康。另追加 $20，可享用南瓜湯及特飲，南瓜湯口感濃稠滑溜，甘甜又美味。特飲點了黑糖檸檬蘋果茶，甜度剛好，蘋果香氣芬芳， 是個不錯的飯後飲品。 而朋友點了泰式青咖哩雞配白飯， 青咖哩用微火保溫，帶點辛辣的香氣，陣陣撲鼻，經過微煎的雞肉，肉汁豐富，還多添了一份香口，確實是一個醒胃的飯餐。再配著一杯味道清新又醒神的青瓜青檸梳打，呷一口，除了滲出濃厚的青瓜味道之外，還混著微酸的青檸香氣，與青咖哩雞飯，十分對味。 甜品，點了

放工和朋友到荃灣吃飯，來到這間充滿童真的Fullhouse Kitchen ，很適合我們兩個從事小朋友工作的人，因為我們都非常有童真 Fullhouse Kitchen 主要是自助形式，要先去櫃檯點餐，付錢後，就只需拿著響鬧器回位等候。響鬧器一響就可以到服務台取餐。水可以自己斟，而吃完的食物盤需要自己放回廚房。這兒除了西餐，也主打東南亞菜，還有薄餅，沙律，三文治！  我們點了一個西式，一個東南亞，一齊SHARE。意式煎野菌燴飯配波特菇（$52) ~  一上枱已經聞到很香的野菌味，波特菇非常多汁，而且大大隻，可以裝到頗多燴飯，不過燴飯因為要擺得靚就略嫌太過黏身。星加坡娘惹喇沙（$48） 材料豐富，有蝦、有青口，還有不能少的豆腐卜。湯底椰味重，反而蝦的鮮甜就比較輕，不過$48有那麼大碗飽肚，而且味道不差，可謂相當抵食。飲品同樣不俗。點了一杯黑糖珍珠奶茶（$22），黑糖味突出得來又不會犯過甜的弊病，珍珠也很足料，口感QQ，好飲！甜品🏻點 了鮮果雪糕窩夫（$58)，賣相色彩繽紛，相信是主攻小朋友市場。但『大人口味』的我就覺得太甜，雪糕本身味道過甜而且較假，雪糕上面還要是厚厚的忌廉

今日同屋企人行街黎到FULLHOUSE! 星期日都好多人呀! 好彩啱啱有位!哩度係自助買野食形式! 斟水都係自助既! 我覺得個水機好得意呀!哩度係有得買既, 仲有其他野買!我同媽咪2人ORDER左一個全什菜豆沙律配蜜糖芥末醬,另外一個東南亞風味併盤!全什菜豆沙律配蜜糖芥末醬好FRESH! 芥末醬好味, 同埋佢有鸚咀豆, 紅腰豆做沙律好特別!仲有沙律菜, 紫洋蔥同大大粒薯仔! 好味好新鮮!而東南亞風味併盤包括有越南蔗蝦, 泰國辣魚餅, 金絲蝦卷!炸得啱啱好, 越南蔗蝦好爽口!泰國辣魚餅帶微辣!而金絲蝦卷出面炸得好鬆脆!味道好正呀!點埋佢地既酸甜汁! 配合! 甜品方面ORDER左新鮮雪糕WAFFLE!用Dreyer's朱古力雪糕！加上新鮮西瓜！上層滿滿既忌廉！放上窩夫一齊食！好配合又美味！

早年的浪漫滿屋風靡全港令香港頓時韓風四起細細聲話您知吖其實我也是粉絲呢^0^,如今置身Fullhouse Kitchen餐廳內忽然令我想起那幕幕的場景,希望這頓午餐能帶給我那浪漫的感覺啦~一看餐廳粉嫩的裝潢已很窩心用上卡通人物作招來,是日星期天看見很多一家大少同來午膳呢^0^餐廳選用自助形式到櫃檯點好心水食品後會送上一枚銀幣給客人往扭蛋機玩樂一番~另外還送上食物響鬧器當食物煮妥時便會閃爍及震動通知客人到櫃檯取食物~惠顧食品可享升級優惠+$5便可享餐飲一杯,我要的凍檸茶竟然驚喜地好喝,茶色清澈味道清香我還喝得出用上蜂蜜調配呢^0^,車爸爸的熱奶茶他說味道像奶水喎haha~我點了{意式野菌燴飯}$48菌味香濃兼滑溜飯粒亦不過淋,唯一要彈係份量實在太少了用匙羹匹數口已見底講真我吃罷像完全沒吃過東西似的一樣!!車爸爸的{星加坡娘娘喇沙}$48估不到那麼有驚喜,湯底香濃辣度足夠很好味呀~配餸內有蝦,青口,豆卜,魚旦,魚片頭及半隻蛋材料非常豐富,質素須然不算標青但這價錢來說絕對有驚喜^0^

【2016 年 1 月】很耐冇逛荃灣喇 !原來之前在尖沙咀和沙巴食過的 Fullhouse 在這兒也開了分店尖沙咀 Fullhouse Signature 較高格調的餐廳而荃灣這兒 Fullhouse Kitchen 是自助快餐式 先在櫃檯點餐，響鬧器亮著就可以到服務台取餐下午茶時間當然點下午茶餐，但是周末的下午茶餐飲品要另計食物的份量也較正常的細份，不過 蕃茄汁肉醬意粉 HK$28 有蠻多的肉醬，幾好味的飲品點了凍黑糖檸檬蘋果茶 HK$24、蘋果汁 HK$12、凍荔枝茶 HK$20.兩隻小魔怪逛到又累又渴，唔等我影相就大啖大啖的飲了我的凍荔枝茶就可以慢慢影番張靚相先 ~ ~荔枝茶不太甜，仲有香濃的荔枝味，不錯囝囝也點了份至愛的朱古力軟心蛋糕配雲呢嗱雪糕 HK$42由於即叫即製等了約 15 分鐘，心太軟的賣的賣相不錯呢 !!!做到香濃幼滑的流心，熱騰騰又香濃的朱古力漿，滋味又滿足呢 !!!Fullhouse 是以家為題材的主題的餐廳，裝潢簡約又溫馨滿怖一家四口卡通人物的圖畫，逛到累入來喝杯飲品食點小食，叉叉電真是不錯的餐廳內的飲水機好可愛，是以此店的主題人物 ... 姐姐 Tiffan

今晚叫了三樣食物, 第一個是個意大利飯, 傑撻撻, 得果兩片菇, 拳頭咁大, 淡淡口, 唯一優點是熱.第二個明明寫住甚麼菇撈飯, 結果就變成飯餅, 口感像食緊糯米雞一樣, 也是夠熱不夠味不夠飽.第三樣最無期望反而最正常的全日早餐, 香腸較肥, 炒蛋用蛋黃太濃, 還有不夠熱因為放得太耐才上菜.

呢間餐廳有幾種不同既菜式可供選擇，我覺得都幾特別，有東南亞、歐陸式、三文治、曲奇餅及雞蛋仔都有，幾特別餐廳有雞蛋仔食。呢排吾知點解成日食東南亞既菜式，我今次係食海南雞飯，呢味菜式係我至愛既。到上碟喇，呢碟海南雞上碟都幾靚，顏色都算幾好，仲有好似係海南雞官方指定既3種醬料配搭一齊上。呢度係跟油飯，吾係比白飯你既，油飯可以話同海南雞係絕配啊。等我睇下雞肉如何先，都係滑嫩既，雞肉都算厚肉，而且雞皮都係分離的，呢下實係指定動作啦。當我試食一啖雞肉，又幾好味啊！火候煮得剛好，滑身既雞肉，再配下有少少酸既醬汁，真係完全發揮到海南雞既味道出來，值得大家一試既。

今次想寫既餐廳主題主要要針對一家大細去既，仲要係好歡迎有小朋友既。餐廳入面佈置簡潔，出面有售賣精品部，入面就有座位，可借係要自己去企係張檯隔離等位既，好似去左中式茶樓甘樣。呢間餐廳我已經係第2次去了，因為味道幾好味，而且有提供不同菜式可供選擇，有東南亞風味、歐陸式、意粉類、Pizza 、三文治、小食等。我今次點左一碟溫泉蛋煙肉忌廉汁闊條麵食既，但我轉左做意粉。呢間餐廳係要自己出去點菜，自己拿的，而且製作時間彼長，相信起碼要等20分鐘才有得吃啊!好喇到溫泉蛋煙肉忌廉汁意粉上埸了，賣相都ok，雖然不算太精緻但都可接受的。意粉既味道因為滲入左忌廉汁，味道不太濃而且又不傑，汁既濃度剛剛好。煙肉都幾爽口，夠大塊而且都彼多，我將隻溫泉蛋與煙肉忌廉汁一起混合起來，一口吃下去，感覺非常香口，可能煙肉本身有少少咸味，再加上忌廉汁中和番，而且意粉又煮得軟硬適中，好好味道，一個人食絕對夠飽的。我再叫了一杯熱咖啡嘆下，咖啡雖然無乜特別，但都算是合格的。餐廳各樣美食既價錢都算抵食合理，所以大家不妨去試下啦。