滿屋日本料理 (大埔超級城C區)

營業中

休息中

食物方面不錯 普通放題水平 小龍蝦冇發霉 值得一讚但係上菜太慢 個半鐘加加埋埋半個鐘都喺度等野食店面太細 野飲唔夠多員工態度有待改善 行黎行去又唔係做野 成檯空碟都唔收 總括黎講 呢間放題唔會令人特別深刻 唔會特登去食

首先我要講服務，本身訂咗位我哋本身三個人去攞位時要求坐卡位對方安排我哋坐喺間舖最入卡位我哋即時反映唔想坐咁入，因為攞嘢飲攞熟食攞甜品行好遠，那些侍應一句已安排好冇得轉，我心諗唔怪得啲人全部北上，你啲咁嘅服務真係越做越衰，因為呢一間我之前一兩年前已經食開服務冇咁差。現在越做越差，第二啲侍應部分黑口黑面放低食物時求其劈上你張枱就算，冇人幫襯你哋唔好怪人哋你呢啲咁嘅服務態度我哋消費者唔通嚟受你氣呀？飲品方面越嚟越少連樂天忌廉溝鮮奶蘆薈等飲品都冇因為我之前食開係有嘅至於食物方面選擇越來越少。最搞笑我哋三個人要三份西冷牛扒個侍應夠膽死出嚟問我哋你哋真係要三份！我即時反應我哋三個人叫三份有咩問題呢？做放題做得咁寒酸真係唔好做啦！成日話冇生意你哋自己做咗啲咩出嚟㗎？

♥️滿屋日本料理（大埔）間唔時都會同屋企人食下放題 見呢間近近地又轉左menu就黎左～刺身都好多選擇又新鮮 油甘魚、帶子、榮螺我地都encore左2次 食落鮮甜😝手卷、壽司全部細細件 可以試多幾種款式牛柳粒都唔錯 食落唔會un都幾軟腍芝士年糕點比屋企人食佢話好好食😹食左2件 燒菠蘿🍍好多汁😛 中意食榴槤嘅呢到都有榴槤食都幾香甜 同埋上菜都幾快出面仲有朱古力噴泉 岩曬小朋友 有得食有得玩🧒🏻甜品櫃款式都幾多 最吸引我都係可以任食Häagen-Dazs雪糕 仲有好多隻味！而家餐廳轉左用新inline網上訂位 4人以上訂位仲有迎新禮物添～

食咁多次日式放題第一次有驚喜———榴槤任食，真係諗都冇諗過，仲要有烤榴槤和凍榴槤兩款🥹真係好感動！（䇿略性食法：榴槤要留最後先食！）牛舌方面仍然保留應有水份，頗有口感。朋友說必須要推介燒菠蘿，是其中一款最好吃的食物之一。外皮焦糖有焦香，入口頗有水份，口感也香脆，是必點之選。不得不提非常豐富的炸物，如天婦羅相當香脆，而且上枱時熱辣辣，必點之一👍🏻Häagen-Dazs & MÖVENPICK無限任食！今次我係用inline訂位，非常方便！訂4人以上仲有禮品送！又食又拎🤣

星期日晚肚仔總是餓😂 於是去咗大埔食2小時放題，仲免費升級炸烤榴連😍 榴連控緊係唔可以錯過😍 雖然餐廳座位唔算闊落，但有好多美食，坐窄小小都就算啦～ 外面冷盤有我最愛吃嘅泰式鳳爪，好入味麻椒魚皮，好開胃🤤 refill了兩次😃 炸物有炸雞塊同薯條😍 好邪惡🤤然後馬上點了兩塊馬來西亞烤榴槤，口感綿密又果香濃郁，同新鮮榴連一樣口感好正👍🏻 西京比目魚都好出色，魚肉超軟嫩，一夾就散😍 刺身貿素都唔差，赤蝦，三文魚等值得encore ~都有好多中菜選擇，冬菇花膠，蟹肉羹等都好推薦可以食😍 仲有鐵板西冷牛扒，熱辣辣上枱好香😍 甜品又榴連雪糕球😆 Häagen-Dazs’s , movenpick 大牌雪糕🥰 唔食真係對唔住自己😍

餐廳如其名，好多日本嘢食🍣，刺身、壽司、手卷嘅種類都比較多，例如有左口魚裙邊壽司、鵝肝壽司、海膽手卷，刺身亦都有：劍魚腩、赤貝、帶子、油甘魚、泰式鮑魚（真係好泰式，用咗酸辣醬汁，個人嚟講麻麻哋），整體質素都好新鮮，三文魚刺身亦都好肥美☺️亦都有拖羅蓉魚子醬帶子杯🥂拖羅蓉都好新鮮，好味👍🏻不過可惜去到嘅時候生蠔貝已經冇晒🥲（當日係平日1:00入場，可能第一場就會食到）熟食方面，好驚喜有麻辣小龍蝦，本人第一次食小龍蝦，比想像中容易剝殼，輕易將蝦肉脫殼，小小麻，幾惹味！另外亦都有紅咖喱軟殼蟹，雖然要等啲時間，但係值得，有完整一隻軟殼蟹，加上紅咖喱，好夾，如果有埋手抓餅就好啦～甜品種類雖然唔算多，但雪糕櫃都有啲貴價嘅雪糕🍦而且唔止一款口味，有Häagen-Dazs、movenpick，同埋呢個季節好興嘅榴槤甜品而且自助吧除咗有平時嘅中華沙律、八爪魚等普通涼拌小食之外，竟然有涼拌魚皮同醉雞卷，本人超鍾意食醉雞，所以覺得勁開心勁滿足😃價錢為$268 /成人，+1服務費，用餐時間為2小時，如果去開同區嘅都可以去試吓☺️食完仲可以過隔離睇戲添～

最近見到「滿屋」四人或以上經網上平台 訂位並成功出席，即送獨家迎新禮物！抵玩到咁，即刻call多幾位朋友嘆返餐晚市放題先。餐廳採用QR code落單，效率極高，點完餐不到幾分鐘，食品就陸續送上枱。上菜速度快，而且無漏單，服務亦十分周到。「滿屋」的放題選擇非常豐富，從新鮮的刺身、壽司、手卷到各式各樣的日式料理，應有盡有。天婦羅、炸物、燒物、鐵板燒、串燒，樣樣都好好食。驚喜的是，仲有中、泰式料理，滿足不同口味的食客。當然，少不了任飲的清酒，還有任食的Mövenpick、Häagen-Dazs雪糕，啱哂甜品控！「滿屋日本料理」的放題的確系物超所值，食物新鮮美味，選擇多元，環境舒適，服務也十分到位。

今日同朋友們去試呢間放題第一次食～整體都好好環境衛生⭐️⭐️⭐️⭐️⭐️食物質素⭐️⭐️⭐️⭐️員工服務⭐️⭐️⭐️⭐️⭐️抵食指數⭐️⭐️⭐️首先我有個小朋友～每位員工都對小朋友好友善。員工收碟效率都好快食物都黎得好快餐廳做緊有榴連食物，朋友話好好食而我唔食榴連所以唔知道🤣所有炸物都好好食，刺身好新鮮串燒都好出色。飲品方面都算多款式另外員工會提醒我地出面嘅食物會幾點收檔👍🏻員工都好友善☺️我朋友話下個月再幫襯😊😊😊😊😊期待☺️☺️☺️☺️

今日同朋友去大埔試下呢間人氣放題，聽聞啲食物幾新鮮同幾多種類，性價比高，踩完單車去一試究竟。自助區有前菜、湯類、熟食……飲品種類很多，更有自助清酒，岩洒中意飲清酒既我。雪糕更有haagen dazs! 另外掃qrcode手機落單，送菜速度很快，份量亦比足！由於食物種類繁多，今次就揀幾款我覺得黎到必定要點既款式1. 刺身類別，各款都好新鮮少少雪味同腥味都無，朋友對腥味好敏感但係呢度食到停唔到，帶子同甜蝦非常新鮮，大家黎呢度都唔使諗食邊款刺身，隨便點都唔會中伏。2. ⁠西京比目魚-食完刺身要食下啲熟食，呢款西京比目魚十分驚喜，個人覺得仲好食過好多西餐廳，份量唔大份都唔使驚食完會飽晒食唔落其他野，而我同朋友係足足叫左3份黎食都未夠喉，奈何要留肚食其他野3. 手卷系列-呢度有海膽手卷岩晒口味，仲有三文魚子同吞拿魚蓉手卷，每次叫完見到一板一板咁上菜見到都興奮，而且同刺身一樣一啲都唔腥，必點！

呢排放工多咗好多嘢做 放假獎勵吓自己先今晚約咗都係住喺附近同事 落嚟食個放題之前食過荃灣個間 原來兩間有啲唔同呢間淨係得兩個餐可揀(A經典、B匠選)每個套餐品數唔同(A75、B92)我哋唔係食到好多 叫咗A經典-75品就夠- - - - - - - - - - - - - - - - - - - - - - - - -1. A經典三重新鮮刺身江洋盛宴-75品好多唔同種類嘢食 感覺同荃灣個間好似差唔多包括刺身、壽司、火灸及創作壽司、手卷、軍艦、卷物樣樣都叫咗啲試吓 食材望落新鮮 有啲都幾肥美飽滿全部刺身壽司放埋一齊 成個畫面好吸引到視覺個人鍾意大赤蝦刺身、醬燒牛肉壽司、鮮芒吉列蝦卷三文魚刺身同花之戀就係平時都會必食 都好好食另外仲有串燒、一品料理、燒物、煮物、天婦羅、炸物串燒/燒物放咗唔少調料 食落係好惹味 最鍾意係牛舌天婦羅、炸物都好好食 尤其係榴槤波波入面好多榴槤蓉芝麻雞翼都唔錯啊～ 口感酥脆可口 入面雞肉仲好嫩滑見佢廚師推介鐵板紐西蘭西冷牛扒 鐵板啲滋滋聲好正厚實鮮紅牛肉表面有呈現到 經高溫鐵板煎起嘅焦香用刀切開牛肉流出好多肉汁 睇返啲相都想再食XD另外廚師推介瑤柱海皇粥 食咗咁多

收工之後，同朋友一齊去到滿屋食放題，化悲憤為食量，大食特食。一坐低胃未開始作戰，手指就已經ready好晒，喺手機上面飛舞咁🤣嗌咗最平嘅套餐，刺身嘅選擇都好豐富！有仿鮑片、帶子、泰式生蝦、三文魚、油甘魚⋯⋯而且都幾鮮甜。天婦羅炸得幾酥脆，聽到輯輯嘅聲音，個人比較好皇帝蟹棒天婦羅，豐富飽滿。牛柳粒肉質鮮嫩，咸鮮適中，配合埋青椒、醬油、洋蔥、黑椒一齊炒，香氣十足。燒羊鞍一端上嚟嗰下已經聞到好香，食落冇乜羊膻味，啖啖肉，成口油，開心。雪糕佢超吸引！有Häagen-Dazs、Apollo、Mövenpick 、雀巢甜筒，身為雪糕控嘅我，梗係留返個肚食雪糕，每個味都試咗一次。油甘魚西冷牛扒食得好開心，性價比唔錯，大家如果有興趣，記得inline book位（餐廳新出嘅系統唔好好似我咁樣傻豬豬walk in

想食得滿足、價錢又想相宜，黎滿屋就再適合不過！🍦🍨 單係食雪糕放題haagen dazs同埋movepick已經好大滿足，甚至有埋限定口味！佢地仲有雀巢甜筒，照顧到每個鐘意食雪糕既朋友！最近發覺佢地有網上inline訂位服務，可以自己選擇用餐日子及時間，非常方便。今次去大埔分店都見到有d唔同既菜式，之前係其他分店冇留意到，一定係太多款式眼多瞭亂，睇唔到🙈🙈紅咖哩軟殼蟹伴海蝦🦀️軟殼蟹炸得酥脆，沾上紅咖哩之後變得濕滑，入口已經難掩蓋泰式既重口味，味道偏向較辣，如果有甜甜既椰香味中和翻，應該更加好食烤榴槤免費upgrade烤榴槤，梗係唔可以錯過！第一次落order之後上既榴槤完全冇烤過，食落去仲係凍既，再次落order，先發覺問題所在😂烤榴槤表面烤得變焦，外熱內暖，比起平時食既榴槤多左一重焦香味，另一種嘗試！炸物炸物炸得出色，唔會太油膩，特別推介吉列炸蠔、虎蝦天婦羅同埋榴槤炸彈難得仲見到朱古力噴泉，非常適合小朋友用棉花糖沾上朱古力醬，非常興奮。

同朋友仔係大埔踩完單車，夜晚就周圍行下睇下有咩晚飯食。係大埔超級城行咗個圈，發現最吸引係呢間日本放題滿屋！踩完單車消耗咗咁多體力梗係要食返餐好嘅😆入到去就超多頭盤呀，野飲吖，雪糕甜品可以自己攞。連梅酒清酒都有，仲有部機可以熱返啲清酒。一嚟叫咗勁多魚生，覺得劍魚腩同帶子最好食。劍魚腩肥肥哋，一下落去爆曬汁~爽！帶子就非常之鮮甜。燒物就鰻魚最好食！羊架都必叫吖，係稍為咸咗少少，一食爆哂肉汁！食到最尾再食埋雪糕走，真係大滿足！！feel到今日個input突然又大過output 😂😂😂

餐廳如其名，好多日本嘢食🍣，刺身、壽司、手卷嘅種類都比較多，例如有左口魚裙邊壽司、鵝肝壽司、海膽手卷，刺身亦都有：劍魚腩、赤貝、帶子、油甘魚、泰式鮑魚（真係好泰式，用咗酸辣醬汁，個人嚟講麻麻哋），整體質素都好新鮮，三文魚刺身亦都好肥美☺️亦都有拖羅蓉魚子醬帶子杯🥂拖羅蓉都好新鮮，好味👍🏻不過可惜去到嘅時候生蠔貝已經冇晒🥲（當日係平日1:00入場，可能第一場就會食到）熟食方面，好驚喜有麻辣小龍蝦，本人第一次食小龍蝦，比想像中容易剝殼，輕易將蝦肉脫殼，小小麻，幾惹味！另外亦都有紅咖喱軟殼蟹，雖然要等啲時間，但係值得，有完整一隻軟殼蟹，加上紅咖喱，好夾，如果有埋手抓餅就好啦～甜品種類雖然唔算多，但雪糕櫃都有啲貴價嘅雪糕🍦而且唔止一款口味，有Häagen-Dazs、movenpick，同埋呢個季節好興嘅榴槤甜品而且自助吧除咗有平時嘅中華沙律、八爪魚等普通涼拌小食之外，竟然有涼拌魚皮同醉雞卷，本人超鍾意食醉雞，所以覺得勁開心勁滿足😃價錢為$268 /成人，+1服務費，用餐時間為2小時，如果去開同區嘅都可以去試吓☺️食完仲可以過隔離睇戲添～

呢間日式放題係住係大埔既朋友介紹，相信都係街坊之選，平日夜晚去到都9成滿! 食物選擇有好多，經典既刺身，壽司，串燒類有，仲有D廚師推介，例如係竹笙瑤柱蟹肉翅。大部分食物可以經QR CODE落單，自助BAR，都有好多野簡。有涼拌小食，炸物等等。不過一入到黎都係比佢個朱古力噴泉吸引到!落完單之後都好快有野食，剌身類好新鮮，每款都係厚切，好滿足。壽司方面，我地幾鐘意食鹽燒左口魚，仲encore左幾次! 估唔到呢到連乳鴿都有得食! 次次上台都係熱辣辣，好食!串燒類都好香，特別係雞軟骨，好香脆。放題到最後一定要食甜品，甜品同雪糕櫃好多選擇，我地最後都簡左Häagen-Dazs雪櫃作結!