滿屋日本料理 (已結業)

我為食仔一年到晚都鍾意周圍搵好味美味滋味又便宜又物美給各位食家分享，當然地點要就腳，地方又夠乾淨企理，坐得舒服來品嚐味道可口的日本料理放題！日本放題店舖開展到全港九新界各區都有，我們要選擇一間經濟實惠華而又實在的不同口味，新鮮可口，份量繁多，不停供應，廚師功夫到位的店舖！我要求比較嚴格和標準原則，不想食家破財兼苦腦而離開此食店，我希望要的是大家都飽滿暢快開心笑容滿面離開此食店，滿心滿分滿屋都是我不二之選，值得再來光臨的日本放題料理店舖！睇見都口水直流，新鮮肥美，色澤通透，不用多說，當然盡情享受魚生（生魚片）的滑溜質感的面前美味香溢的鮮味！煎炸食物有蟹肉，番薯，蠔及手羽先，味美脆化可口，不太肥膩，味粉少許，不會濃郁喉嚨，煎炸火力到位，做得出色，食得順脆開懷！天婦蘿炸蝦夠鮮夠脆，清香滑溜，來多幾碟，才能滿足味蕾，大啖一隻炸蝦，令人心滿意足之感！壽司都有相當驚喜的味道，新鮮魚片加上日本珍珠米醋互相配合就是日本料理精髓，鮮美出色，有一種截然不同的互相協調及配襯，清香味美的形壽司！炸脆到位，不太油膩，孜然粉不多，加上黑胡椒及麻油，將食物細膩肉滑，感覺味蕾肉味清新而豐富肚皮！肉汁滿滿，一吃難忘！燒

第一次光顧尖沙咀滿屋，上菜快，賣相靚，味道正，未試過漏單，服務員有禮，會再光顧羊架:未試過咁好味！刺身:總類多，夠新鮮！仲有好多加了松露的寿司！美中不足是要行一條長樓梯，個頭仲碰到樓底添

尖沙咀咩都要夠快，食個lunch都要趕頭趕命。唔係餐廳催你丫，係要趕排隊攞位同返公司交人呢間滿屋有效率又唔洗等位，侍應仲要唔趕人走，午餐又多選擇，價位以同區黎講係超值，係我toplist咖!今日一個人 係咁易叫左個炙燒芝士三文魚珍寶蝦飯三文魚燒到少少焦，表面脆，但油脂未有滲出，再燒耐少少會更香。加上車打芝士片同大量沙律醬，夠香，味略鹹。蝦大隻鮮甜，like更讚既反而係個飯! 醋味充足，更提升珍珠米的甜味，加上夠唸口，令我想添飯午餐有前菜(蘆薈沙律)，面豉湯，生果，甜品送，呢個價錢真係超值!

在isquare附近發現了和民以外的放題店 - 滿屋, 很久以前曾吃過它集團旗下的御滿屋和至尊滿屋, 今次經過這間滿屋, 見食物款式跟另外兩家有點不同, 加上早前吃了好幾間非主流的放題店(見以往食評), 決定又換換口味, 試回比較主流的。這分店人流比旺角的少太多, 入座率不過一半, 不過環境比其他分店舒適, 至少兩人能有沙發座。只有兩小時, 當然要爭分奪秒, 不斷寫寫寫, 上菜速度還好, 首輪食物不消一會就全部到齊。刺身及壽司三文魚刺身: 厚切且富鮮味, 本來不錯, 但後期發現有一半刺身都給了深灰黑色近皮的位置(注意不是淺灰)。師傅故意把灰黑部分藏在底部, 不夾起真是看不到...這些灰黑色讓人倒胃口! 我從未在任何地方吃到這樣的刺身! 餐廳經理承認師傅切不好, 換回正常的給我們, 但之後都不想再追加了！帶子刺身: 富雪味, 零鮮味! 鮑魚片刺身: 最穩陣的食物之一花の戀系列: 芒果香甜, 部分三文魚還是有點近皮位置, 但屬可接受範圍。三文魚肥美, 還不賴吧！芝士軟殼蟹卷:正常水準, 普通吧！法蓮草芝士鰻魚卷: 正常水準, 普通吧！魚翅鮑魚片壽司: 正常水準和風一品料理清酒煮青口: 大隻

今天剛好公司要培訓，所以去到尖沙咀區返，係呢區食咩都好貴，又要搵位，而且高消費，我們9人要搵位都很麻煩，甘岩俾我們發現有間易找位既日本野餐廳，價錢屬中等價，有魚生飯，有其他熟食，都係以套餐為主，我就叫左個3色丼飯，個餐仲配上生果，湯，糖水同飲品，加多1蚊就多份3文魚，最終連埋服務費剛剛100蚊，服務算唔錯，上野又上得快，相對其他日本餐廳做得不錯！凍熱飲都唔使加錢，不過比起上次來食今次選擇好像少了，上次來選擇比較多，唔知是否換了餐牌定點，希望下次來食都keep住呢個水準

我沒有接受任何試食邀請又準備過年了，一年真的過得好快，今年朋友們都準備去旅行，所以提早慶祝過年食飯朋友今年選左旺角至尊滿屋去到樓下排左好多耐隊先搭度電梯，因為真係好多人一早訂左位，去到等左１０分鐘度先入得，可能要執野掛黎到叫左刺身食，不過都等左一陣先有，上菜速度比較慢整體質素唔算太特別，蝦刺身好細隻，同埋無乜鮮味希靈魚好腥吞拿魚無乜口感，咬落好硬只有三文魚算係唔錯壽司類都係麻麻，刺身大舊但個飯團好細而且飯團好易散，做工唔夠好玉子燒算係比較好既選擇，玉子比較夠味最主要可能係面頭有沙律醬最大問題係餐廳好逼，座位好似填鴨仔，環境質素真係麻麻，一大班人聚會唔多方便

今日Happy Friday，例必唔帶飯啦，成班人去左食開心飯，我地成日經過滿屋，一心以為淨係得放題，原來午市仲有Set Lunch架，叫是日日替！星期五既日替都幾吸引播！餐係超級多野食，先黎個湯，麵豉湯好重味，仲有少少咸，over左少少，湯既顏色黑黑地，有d怪。沙律配料有菜有豆腐，仲有胡麻醬，重點在於胡麻醬，好滋味！連飯後果都有埋，橙好甜！查實食完呢啲都有d飽，呢個時間，主菜黎啦！今日主菜係三色刺身飯，有三文魚，劍魚腩同蟹籽，三文魚好厚，咬下去時feel到好香的魚油味，咬一啖d魚油好似必出黎咁，相反劍魚腩就比較遜色，無乜味，好似雪左一段時間咁，但勝在厚切，蟹籽份量都唔少，加係飯度唔單止令賣相靚d，仲好好咬口tim，好中意咬穿一粒，卜一聲！另外有海鰻天婦羅，有三件，奇怪的是無乜油喎，天婦羅好脆，就算我食完刺身飯先再食都無林晒同出水，抵讚！海鰻當然無咁好味啦！但勝在薄切，如果d海鰻可以先點d鰻魚汁再炸，仲好味呀！加埋一$87，抵啦，好飽tim呀！

食了一個下午放題,比較外面的日本放題,這裏食物質素明顯"差",原本三個鐘的時間聽來實在十分足夠,堂坐約6-7成滿座,但沒想到十分跨張,上菜時間除了第一round sashimi快啲外,不論是壽司,炸物,燒物,熱鍋,等等...等候時間由最短半小時至最長一個鐘都未上,以為漏咗單,已經想再寫紙仔再點又費是嚟double...就問下待應跟下啦,原來仲排緊隊! 食物終於到,都係輕微暖,鍋物唔知有無將糖當鹽用,竟是甜的,其它整體都係唔太好食,服務態度也十分一般! 一頓非常失望的午餐,絕對無下次...!

第二位有半價，好開心。三人去食，無甘抵添，不過覺得又好坐，又多野食，好開心。選擇多，有刺身，又有局蠔，仲有湯蠔 青口，串燒也好食，有生有熟。今日食生日飯，食得大家好快樂好快就約食第二次了

第一次光顧，感到十分失望！不會再幫襯！座位（空間）很窄，就算放普通一個手袋也佔了半個座位，脫褸也沒有空間，轉身也有難度！二人枱與枱之間不足半隻手踭空間！十分壓迫！檯面、點菜簿、筆、碟很污糟！經常漏單，食物種類選擇不多，食物質素普通！食物不夠熱！如果以這價錢食其他放題大有選擇！等待食物時間每次約20-30分鐘，什至漏單，催促再催促後才有食物供應！若與旗下其他分店相比，這間十分差劣，唯獨員工態度友善。

這間是我和太太開始吃日式放題的第一間，當時剛開始興起放題，而我因為看見朋友在面書分享，所以揀了這裡。這裡是地牢，地方唔算好大，由其去洗手間是要行兩層樓梯。而這裡的剌身都算新鮮，其他食材都可以，所以我們都會來吃，現在八點半，第二個半價優惠，非常低食😋

又到Happy Friday, 同事建議去滿屋食晏，去到坐低後睇下餐牌先，揀左是日日替- 魚生刺身飯+海鰻天婦羅。待應問我要唔要加多$1 就有多三片三文魚刺身，咁平當然照加啦先來沙律，生果同麵豉湯，沙律好味，生果就普通唔夠甜，接著就係一大碗魚生飯，同埋三片刺身，刺身好新鮮，再加上厚切，海鰻天婦羅即叫即炸，熱辣辣好好食，份量真係好多，食到最後仲有杯餐飲，感覺午餐好似食緊放題咁，加上來餐速度快，真係好值得一食再食

先幾年成日同朋友去旺角滿屋,以前真係好味道,刺身又新鮮,款式又多,同朋友去次次都食到樂而忘返不過往事俱已了首先不滿既係明明訂左位,我訂6點,都未係人多既時間,都可以唔留定台,要我等半個鐘而食物水準亦都超級失望海膽刺身話係特別放送,唔係平時食到,但食落味道怪怪地,好腥,有小小臭味,唔係幾新鮮蝦刺身睇落好大隻,食起上黎唔夠鮮味,無乜蝦膏,如果係普通放題都仲可以接受,但滿屋咁出名就真係差D蛋刺身係滿屋化表作,以前成班朋友一定會叫,今日再食,無曬果種蛋既豐富味道,D蛋好老,食起黎口感好差飯團唔夠實,好易散唯一好食係個炒飯,但黎到放題無理由剩係食炒飯每人差唔多300蚊一位,如果變唔返以前質素,好可能好快會嚇走曬D客人,始終依家放題有咁多間,質素好既真係大有人在

上年曾到旺角大滿屋吃放題,質素還不錯,今天跟朋友慶祝生日,到了銅鑼店,服務態度卻是十分令人卻步先談食物.......刺身看似多款及外觀吸引,但吃起來卻不是那回事最愛的鮮蝦刺身這兒一點都不新鮮,一點蝦汁都沒有希靈魚十分腥,有看過我的食評的朋友,都知道有一點腥的希靈魚才是上等貨色,但這兒的腥度太高,不能收貨其他刺身普遍十分普通,只有三文魚是可以接受串燒整體也是十分平平,雞軟骨吃起來十分硬,沒有雞軟骨硬中帶幼那種感覺可能是燒得不夠熟的原故,吃起來味道不太出前文提到的服務態度惡劣,便是店員堅決不讓我們拿出自行預備的生日蛋糕給朋友,還說會沒收我們直至離開時才退還給我們幸得我們堅持後,有一經理說給我們特例,才可以拿出來吃,但心情已經大打折扣食物普通,服務惡劣,如不改善客人只會流到其他地方

嚟尖咀攞禮品，心癢癢又想食放題。睇到二奶架去排隊，8:45後第二位仲半價。放題相信係吃貨常食，打開落單紙咩都想試下，所以今次直接講咩好咩唔好。刺身係好食，劍魚腩係最肥美嘅，三文魚，油金魚，赤貝同螺片都好食。天使蝦即係虎蝦帶子就爭灶少少喇。焗廣島蠔係有驚喜，醬料唔會好漏，最緊要。。。蠔肉夠大夠蠔味天婦羅，串燒同甜品都OK,係部份串燒一lot lot出，時間較耐，服務員一次派廿幾30份，嚟到最後幾碟上到枱都偏凍。但味道可以。中伏三樣:海膽手卷-海膽馬糞味ok,但紫菜好淋，飯冇乜醋味同埋暖暖的，破壞晒。燒toro同明太子三文魚壽司-完全唔知係咩，茄汁加燒到乾乾哋嘅豬肉!?冇味沙律醬加淡茂茂三文魚!?同樣冇醋味同暖暖地嘅壽司飯藍莓味馬卡龍- 果醬bit晒出嚟，藥水味唔多討好最抵讚係服務，見到左邊枱auntie uncle一次過落好多嘢，可能佢哋唔係成日食哩D放題，未食晒下一輪又嚟，但服務員都有主動唔上菜住右面台一對內地情侶問落單，又唔留意雪糕係一張紙落一個，服務員都用心用普通話解釋同叫佢哋改返最讚係收碟速度快仲不時有乾淨碟換仲有movenpick雪糕做總結支落單筆好靚~可能係marketing