滿屋日本料理 (已結業)

從來唔寫食評，但經驗實在太差！34度，這裏嚴重缺乏冷氣，雖然開風扇但都冇用！食物差，魚生勉強可以，壽司很差，羊扒燒焦，燒魚又怪怪地，招呼慢。最正常係杯雪糕！冇試其他食物。仲有，呢度冇廁所

唔想食咁多凍野，所以叫左少少刺身。甜蝦都幾大隻下，蝦肉爽口。油甘魚係厚切，魚肉肥美甘香。帶子都好好食，好多水份，粒粒都好甜。放題當然唔少得炸物，芝麻雞翼夠哂香脆，仲有榴連炸彈都夠哂流心，個榴蓮味都好足。依度仲有個好特別既炸蓮藕夾肉，有兩片蓮藕片夾住豬肉粒再炸，蓮藕爽脆，味道帶甜，豬肉粒有陣陣醬油味，都不錯。燒物既雞軟骨同牛舌好正，雞軟骨粒粒都夠哂脆，而牛舌就有陣燒烤既香味。秋葵燒得剛剛好，入面仲有水份流出。每人都有一客雪糕，雪糕竟然有häagen-dazs 同mõvenpick!好開心！häagen-dazs 既士多啤梨乳酪味同mõvenpick既朱古力味都好好食！

今晚係尖沙咀食左個靚放題。滿屋質素又真係唔錯。叫左個刺身。好快就上菜。好新鮮既刺身，三文魚勁厚切，其他刺身都係。好鮮甜。最鍾意食到新鮮刺身個種爽口多水份既感覺。白松露吞拿壽司，見到個色澤已經知好新鮮。吞拿魚係多水份既，白松露既香味同吞拿魚一齊食好好味。黑松露牡丹蝦壽司既蝦好爽口。全部海鮮都新鮮。好抵食。叫左個羊架同埋沙拉骨。羊架入口脂肪同肉分佈均勻，好滑。燒得好，香料狗，提升羊肉既甜味。手卷上邊既海鮮份量都好足，見到個海膽就知，大大塊海膽係上邊。而且入口冇陣石油味，鮮甜味係同日本食既有得fight。好好味既放題，下次返尋味！

朋友岩岩系台灣反黎 太耐無見 想搵個餐廳一邊食一邊傾下計 佢住尖沙咀所以近近地 就揀放題餐廳 貪佢多野食又可以坐兩小時。入到去 座位坐得比較狹窄 但同樣野食先系重點嘛 order紙有吾同種類 剌身 壽司 空運壽司 卷物 手卷軍艦 火炙 炸物 串燒 燒物 一品料理 主食 天婦 小食 和風料理 可以比食客有更多選擇黑松露牧丹蝦壽司：依款壽司 我叫左好多次 原因系因為蝦身好爽口 而且帶有鮮味上面有一少撮既黑松露 食落有黑松露味 味道特別！香芒花之戀：甘岩又系有黑松露系面 另外有一舊芒果肉 中間有沙律醬 芒果令花之戀更加fresh 芒果味道開胃 但不太酸 令到食落去 感覺吾會太濟！芝士軟殼蟹卷：頂部有少量蟹子 增加口感 軟殼蟹為林身 食落吾會太漏！鹽燒海蝦：叫左好多黎食海蝦燒到岩岩好 吾系死蝦黎！咬落去依然爽口 仲要無黑色既蝦腸添！燒雞軟骨：個人覺得太過咸身 可能落得太多鹽。天婦羅蝦：蝦身同樣好爽品 外皮炸到金黃色 而且炸得鬆化！大家可以試下喔！焗廣島蠔：系有菇同蟹柳 下身有廣島蠔 蠔身並不腥 真是另類的焗蠔！刺身：三文魚刺身 切得尚算厚身 所以有口感 味道鮮味！甜蝦刺身 又叫左好多 因為好爽

今日約左一班朋友係尖沙咀食飯，有人提議食放題，好耐之前已經試過滿屋既放題覺得質素唔錯，見價錢又ok就決定食呢間啦。由於我地係閒日早場食既關係，餐廳比較少人，所以我地次次叫完野之後啲野食都好快黎到。刺身刺身既選擇都幾多，一黎到就見到刺身好厚身，色澤好靚。見張紙無得揀三文魚腩，但黎到既刺身盤竟然有幾塊好肥美既三文魚腩，入口即溶，唔通係廚師私人醒我地既？其他刺身都不過不失，好新鮮同肥美，我地都叫左兩三round。海膽手卷手卷一如以往既放題都係迷你size，飯唔多，唔會驚太飽。但海膽既份量都就幾多下，一見到覺得好驚喜。海膽無腥臭味，味道鮮甜。櫻花蝦三文魚卷櫻花蝦好脆口，帶少少甜味。三文魚片都幾新鮮，個卷入面有玉子，蟹柳同青瓜，食落去口感豐富，都幾得意。焗廣島蠔醬汁真係好多，鋪滿成隻焗蠔既面。重點係唔點單止醬多，隻蠔都幾大隻。紫心香芋丸，芝士年糕全部炸物都係即叫即炸，熱辣辣，入口香脆。食落又唔會感覺太油膩，算係不過不失。鹽燒海蝦海蝦好大隻，咬落去肉質好紮實有嚼勁，仲好入味，有淡淡鹹香，唔錯。燒有機鮮菠蘿幾有水準，聞落有好香既火炙味，咬落去又juicy又甜，又再忍唔住encore左。除左出面既自助

爸爸節要同爸爸食海鮮揀咗呢間任飲任食食物種類算多款式飲品櫃選擇多連酒精飲品都任飲上菜好快,密密上密密食最推介係甜品:MOVENPICK雪糕但係每人限一杯咋連爸爸都讚抵食!

放假休閒在家打掃一下家居，點知越做越多，越做越攰，不要睇少執拾家居，東做西做就做了一整天，連午餐都忘記食，黃昏時，女兒説：做到甘攰就不好煑飯，請我去食放題，笑說因為我們全日做野，冇乜食過野，而家去食放題實底曬，佢話記得上月表弟結婚，在尖沙咀走的時候經過北京道，見到有一間叫滿屋日本料理，是食放題，見到廣告牌都有好多野食。今天正好去試試！刺身拼盤：食放題，刺身是回本首選，當然要食多些，刺身很新鮮，三文魚肥美、甜蝦鮮甜、赤貝爽口、帶子鮮味、中吞拿魚腩入口即溶、魚油甘香！黑松露牡丹蝦壽司：牡丹蝦爽口又鮮甜，加上黑松露的香、十分美味！香草紐西蘭羊鞍：羊鞍不會羶，香草味甚濃，味道鮮嫩多汁！天婦羅蝦和日本番薯天婦羅：外層酥脆、內面蝦肉爽口彈牙，蕃薯林甜。鹽燒海蝦:海蝦燒熟後灑上鹽，海蝦彈牙，加上鹽能帶更多的鮮味，真的食不停口，芝麻雞亦：沾上芝麻的雞亦炸至金黃色，雞亦入味嫩滑，香脆可口！除了其他甜品外，以上名貴雪糕每人可選一杯。

今日同朋友去左食呢間開左好耐既放題，唔洗等好耐就有位而且服務都幾好。 👍🏻餐廳環境都唔錯，叫左野食都好快就來到，而且冇咩漏單。野食方面，刺身都幾新鮮，尤其是三文魚🐟好滑同大大件。叫左幾款壽司都覺得好味，鍾意佢飯團夠凍同埋實，唔似有時出面d壽司一夾起就散晒，花之戀都相當足料，好大份。其他野食都做得幾好，羊鞍食落覺得幾香，牛舌唔會太堅韌亦唔會太軟，天婦羅都炸得好香脆。甜品既款式非常多，有啫喱、木糠布甸、芝士蛋糕等等，而值得一講既係一人一個既雪糕可以揀 haagendazs 或者movenpick，兩種都好好味。餐廳整體來講都好唔錯。

談。放題的重要性！人生中，有放題，真係，好重要！ 所以今次，毫無疑問，又係去食放題！ 今次就選擇去咗尖沙咀嗰間滿屋日本料理！ 🤤首先，睇一睇個飲品同甜品櫃先，果然無失望，都有幾多選擇！👍🏻甜品賣相靚得黎都幾好味！再黎嘅係各款刺身，刺身都幾肥美！食落仲好新鮮，唔錯！ 👍🏻特別一讚係個三文魚腩刺身，一入口就有濃濃油香，正呀！🤣至於個海膽手卷，點解要突登提個手卷呢？因為個海膽份量真係估佢唔到咁多，仲要海膽相當creamy，唔會有腥臭味，所以我地都叫咗好多😂！除咗海膽手卷之外，手卷嘅選擇都算多，而壽司嘅種類仲多！特別係呢個墨汁櫻花蝦三文魚卷，啲櫻花蝦又香又脆，都幾特別！燒物方面真係要推介燒菠蘿同埋燒秋葵！菠蘿燒到唔會太乾，反而仲甜仲多汁，超正呀！ 秋葵呢，佢面頭塗咗少少醬汁黎燒，食落都係燒到好鬼死香呀！ 到最後當然係最期待個雪糕啦！ 有Movenpick 同 Haagen-Dazs 簡！ 食埋個雪糕就真係功德圓滿啦！

我第一次黎滿屋, 其實係岩岩放題開始盛行時我已經聽過呢間野個名, 但係一直無機會食, 今日放假先同屋企人一齊黎食。當日係閒日,所以唔洗等位就入左去, 餐廳入面都唔係好多人, 我其實好鍾意食刺身, 頭一轉個職員岩岩放低盤刺身都差唔多比人清晒, 我食得2.3舊, 刺身感兜新鮮,雪得夠凍, 呢間餐廳又有我最鍾意食既泰式生蝦刺身, 生蝦唔係好多地方有得食。 所以我都食左唔少。焗蠔同埋羊架方面, 蠔就味道正常, 羊架幾好食,咬落去唔痴牙同埋唔會太羶。 仲有一個牛舌,燒到岩岩好,唔會太"UN" 味道調得岩岩好唔會太咸而又清晰感受到牛舌果種味道。

每逢假日, 呢間尖沙咀分店既滿屋都會大排長龍, 今日係平日晚上, 見門外人流冇咁多, 於是就同家人入去一試。係網上見到有食客反映店內座位比較迫, 的確3-4人檯係較為迫, 但五人以上既大檯座位空間度可接受, 不會太迫。呢間放題從入座起計限時任飲任食兩小時。 野飲同埋甜品都以自助形式自取, 一般既罐裝飲品都幾齊。食日式放題當然第一時間要ORDER刺身啦! 刺身以冰墊底, 賣相都很新鮮。三文魚、中吞拿魚、油甘魚、赤蝦、帶子、鮑片、赤貝, 款式都幾多。更有泰式生蝦, 非常爽口, 味道、口感追得上泰國餐廳質素壽司款式都幾多, 三文魚腔既我, 發現全部都揀哂三文魚既系列三文魚腩壽司 - 魚油味不太豐富, 但口感較滑火灸三文魚壽司 - 不過沒太豐富既魚油味三文魚戀之花, 細細舊飯係入面, 整件入口, 口感份外豐富芝麻雞翼 - 香脆外皮, 炸過後, 不帶油膩, 反而外表乾身, 內裡KEEP到豐富肉汁羊架 - 沒有羊羶味, 肉質夠林, 而且JUICY蟹 - 最為失望, 個汁鹹鹹地, 唔太知咩汁, 蟹既肉質煤, 不見新鮮天婦羅蝦 - 炸物果然較為出色, 同樣表面不油膩, 外表鬆脆, 入面隻蝦都幾爽除左炸

今日同朋友放咗工之後嚟到尖沙咀滿屋食久違嘅放題其實好少經呢頭，不過朋友話未試過呢間野，同埋朋友話呢加都開咗好耐，心諗口碑應該唔錯掛一坐低就事不宜遲，睇吓有咩食先：平時好鍾意食牛，叫左份牛柳粒，少少地夠過口癮之餘又唔太飽，同啲蒜片一齊炒香，勁好食！！強烈推介當然仲叫埋鹽燒牛舌，牛舌都算厚切，燒落又唔老，好爽口！叫做份牛油粟米黎試，佢話係日本粟米喎，都算有水準飲品任飲有二大櫃凍飲，隨便揀， 唔知係我少食放題定係點，我見有隻綠茶係我冇飲過嘅，試咗罐蜜桃綠茶，幾好飲喎最後每人可以有一個雪糕（movenpick 或者Haagen Diaz）， 我揀咗我鍾意朱古力味作為今次放題嘅終結

冷氣機滴水 冷氣又五夠座位好窄好逼周圍痴笠笠 污糟全部刺身都五新鮮 變曬色三文魚又五切邊 核突牛柳粒咬五到 象筋黎枝豆又好難食呢餐咁既野收人三百一個 完全五值好失望 五會有下一次

訂左位食晚餐，三位。被安排的位置，其中一個人要對牆坐，背後仲有條柱，要把凳前腳放在枱的基座上先擺得入嗰隻，而且手踭又會碰到隔離枱。根本冇可能坐得落。要求換枱，侍應堅持個位冇問題。先唔講野食，咁嘅環境食都食得唔開心啦。係咪真係要賺到咁盡？

話說滿屋轉了新菜單，比以前還要平，同事們一鍋風走去食，尖沙咀那間好，午市一般都不用book位，大家都想試試新菜單！價錢比以前的便宜，一個壽司/刺身，一個主食都是$68，價錢相宜。今天試了日式豬軟骨拉麵拼海膽軍艦，前菜當然少不了，我覺得滿屋幾體貼，生果也有！橙都不錯，又甜又多汁。海膽軍艦先到，有兩件，海膽聞得出來海膽海水味，食起來有啲腥味，愈有腥味愈新鮮吧！幸好有紫菜隔一隔，腥味無咁重，再來試試豬軟骨拉麵，湯底當然沒有普通拉麵店咁好味道，但是也算是味濃，拉麵質素不錯，幾彈牙，豬軟骨有三大件，幾入味，煮得也很淋，$68真係很好。有趣位來了，套餐還附送糖水，送了凍的綠豆沙，完全沒有味道，沒有甜味，凍的已經是硬硬的，賣相真有點古怪！