滿山‧台北

營業中

休息中

孩子之人氣王👍🏻🧡不用餵食的快樂😝每次我家小孩去都係食呢個餐😋餐碟上嘅食物佢都好鍾意（ 除咗炸丸）服務員一般見到你有小孩都會比定小童碗同叉我會將肉燥麵夾去碗仔再撈埋粟米一齊比小孩食再喺雞翼尖位包張紙巾仔小孩就會開始不停食食食對於媽咪嚟講真係可以解放雙手🤣另外呢個餐佢會配一杯橙汁個人建議可以額外加配娃娃菜因為佢係上湯煮所以一啲都唔會肥膩通常都會比小孩食咗菜先然後先開始食其他😉我自己就點咗一款比較邪惡嘅炸豬扒可以揀肉燥飯、台灣麵或者米粉個人覺得豬扒比較肥食多幾啖有啲漏個人就唔係好推介喇但我鍾意有榨菜同青瓜我會倒落去米粉度夾住一齊食題外話如果點熱飲佢會配一塊鹹蛋酥餅放係飲品碟上（ 個人覺得呢個係細心位）最後整體個人評價食物其實不過不失最主要係小孩喜歡如果帶住小朋友真係諗唔到食咩都不妨可以去試下新裝修地方算乾淨服務員亦都係不過不失唔會過份親切又唔會無禮貌冇比較就冇傷害👌🏻最後埋單兩個人196蚊各位可以自己去衡量要唔要去試啦🫡

唔明白東港城滿山點解唔收現金，職員強硬聲稱公司規定唔可以收，但太興所有分店都收，唯獨呢間唔收，你可以建議食客用電子貨幣，但不能拒收現金，如果沒有帶電子付款係唔係唔可以進店？店舖門外應該張貼聲明拒收現金，接唔接受應該由食客進店前決定 ，食物份量小價錢又貴，服務又唔好唔會再去

我叫醬爆，今日黎到呢間餐廳，環境裝修都唔錯，服務態度也不錯，發覺呢間餐廳好食到爆，有種似曾相識嘅味道，特別係個鳳梨甜酸里脊，有一種媽媽的味道，就如身臨食神之中👍🏻👍🏻，讓我不禁想起年輕時在台灣打拼的日子，經理氣勢非常霸氣十足，雖然外表氣勢霸氣，但卻非常親民，對顧客嘅態度都十分之好，處理問題嘅速度都迅速，非常推介，食嘅不僅係味道，仲有情懷，身在香港卻感受到台灣風味，不禁令我想起曾經在台灣打拼的那些日子

之前的台式餐廳離開之後，同一位置來了另一間台式食店：「滿山。台北」剛開店的時候，經常排長龍，一直都無機會吃得到。今天好彩趕得及午市人多之前到達，可以品嚐一下😋午市套餐：鳳梨🍍甜酸里肌，配地瓜🍠米粉，跟山薑薑母茶🧉。甜酸里肌肉，肉質鬆軟，甜酸適中👍🏻米粉軟硬度剛好，薑母茶好夠薑味，正👍🏻👍🏻

🥣兒童餐有種似層相識嘅感覺😂味道唔差！薯條香脆、肉丸多汁可口，麵條煙韌，V小妹差唔多食曬成份，只係個麵酸左少少！🍍鳳梨甜酸里肌感覺好特別！因為除咗鳳梨佢仲用左好多水果做配料，士多啤梨、藍莓、火龍果！不過感覺上火龍果口感一般，可能火龍果本身質地冧又無咩味，加上滿滿嘅甜酸醬，口感就好似食左啖杰撻撻嘅醬咁🐓農村杏鮑三杯土雞呢個值得推介！味道濃郁，而且好入味，仲有貼心位就係用火熱住，唔怕凍左會杰撻撻！不過就份量少左d🪿鹽水鴨肉香油拌手工麵條鴨肉味道唔錯嘅，有咸香味幾好食，麵條煙煙韌韌，不過都係份量唔算多

餐廳環境唔錯，服務都ok, 但食物質數普通，有部份食物上到枱已經凍晒，唔夠熱，鹽酥雞一樣唔熱同味道普通，有待改善。哩個鋪位上一手都做得唔耐，希望認真改善食物質素問題，增加返頭客好重要！

喺香港食台灣菜真係預咗難食(除咗部分小店)，果然無令我失望，食咗個三杯雞飯，無乜雞肉，好多雞骨，配菜得幾塊甜椒同洋蔥，汁都無乜，咁就70-80幾蚊，整色整水搵個蠟燭慶住佢出菜，都唔好食，整咁多色水嘢。呢個舖位好似開乜死乜，但上一手泰菜Baan Phadthai其實幾好食，滿山同再之前嘅茶木都係太興嘅(上手Baan Phadthai無留意係咪太興，我諗都係)，睇嚟太興政策就係，隔一排就轉個brand，貪香港人新屎坑，賺你前段嗰浸就換下一間，我建議大家可以慳返啲錢。

新開的台灣餐廳，以木系裝修，就約朋友一齊試下，環境都算舒適坐得舒服，下午茶價錢偏貴，雖然食物質素普普通通，整體味道不錯，但以價錢上來說豬軟骨只有兩塊，實在太少。生薑薑母茶味道正常，幾有薑味。豬軟骨軟淋, 好入味。

今日一家來食「滿山」，俾我感覺員工質素太差，管理安排好差。明明有兩三張台用完餐，但d員工又唔執台。可以經過幾次，睇到都當睇唔到。俾人感覺打工之麻，由得d 客等。有啲就忙住攞杯裝水，可以裝水裝成10分鐘都唔執台先。我地呢啲客就on 居居係度等！食物中規中矩，但入座心情太差，食到都唔開心☹️

香港有好多台式餐廳，大部份質素尚可，但呢日去東港城嘅「滿山·台北」，真係麻麻地首先職員嘅態度麻麻，冇叫嘢食前嘅觀感已經唔太好🥲食物方面，order咗三杯靈魂沙茶牛肉半手工麵條 同溫泉蛋鳳梨肉燥飯三杯靈魂沙茶牛肉半手工麵條🍝嘅麵條煮得有啲過火，偏腍，冇咬口，牛就還可以啦溫泉蛋鳳梨肉燥飯應該係好保險嘅選擇，好難煮得唔好食，但肉燥味道過濃，食完會覺得口渴🥲 餐飲方面，胚芽豆漿嘅胚芽好少😂 生薑薑母茶味道正常，幾有薑味😃雖然食物質素普普通通，但係餐廳嘅消費一啲都唔低，叫兩個下午茶餐，盛惠$128

新開的台式餐廳， 經過見到 難得有刈包,好想去試 。於是今天 試一下一個人的早餐。 由於人多 所以 四人座的也要搭枱 感覺擠擁，不過，還是 可以理解的。 早餐 價錢比較貴（ 幸好沒有加 一，不然下次就不來了）， 另外樂悠卡減三蚊 （但我不是） 比較經濟就是叫一個面餐再加9蚊的刈包跟餐肉或雞蛋等， 這樣才算是‘’港式‘’早餐。 難得早餐有珍珠奶茶或豆漿 ，我不是奶茶愛好者，還是美味的， 旁邊還有一小塊 美味的餅乾。整體味道不錯，沙爹牛肉麵夠濃 ，但刈包令人失望， 比較硬，並不是鬆鬆軟軟的那一種。 明白人多工作量大， 是辛苦的， 但如果服務員多點笑容， 還有輕手點 放餐具，唔好掟（ 是指在 餐具枱上拿 餐具 及增添餐具時）。 整體來說 是 中上的， 如果沒有太多人排隊， 或者有優惠券的話，還會再來。

新開的台灣餐廳, 來試下啱唔啱食, 雖然味道OK, 但坐得不舒服, 應該唔會有下一次 食物 : 慢煮黑醋豬軟骨配地爪米粉+凍洛神花柚子茶 $92 ~ 豬軟骨軟淋, 好入味, 爐底有火加熱, 不會變凍, 地瓜米粉味道都幾好, 洛神花柚子茶, 味道正常, 都OK, 整體味道不錯 手工津菜豬肉水餃湯麵 $78 ~ 味道正正常常, 有好多菜, 麵條煙韌, 整體味道唔錯 環境 : 木系裝修, 環境都算舒適, 但店內比較擠迫, 比較嘈吵, 還有店員收搭餐具的聲音, 令人坐得不太舒服 服務 : 職員有禮貌 價錢 : HK$187 (有加一服務費)

舗頭換左幾次之後又做反台式菜，比起以前光猛好多，入面位置都坐得好舒服，夠寬敞，好多時候都見到長籠排隊🤔🤔今日就試佢既下午茶☕️魚丸湯米粉魚丸得幾粒，粉量比較少，米粉卻意外地彈牙爽口，湯底略咸，感覺上加左味精😲😲沙茶牛肉麵牛肉肉質軟硬適中，唔會太稔，唔會太鞋，配上沙茶醬，味道可以，手工麵爽口彈牙，但份量實在太少🤑🤑沙茶牛肉芝士蛋餅口感有層次，蛋餅有牛肉，菜，蛋和芝士，皮香煙韌，有水準！！

餐廳比以前好很多，而且光猛，坐得舒服。下午茶價錢也偏貴，而且份量也少得可憐。或者待應的經驗不夠，飲品要等大半小時才能送到。這樣好的餐廳，我希望能夠繼續幫襯，請改善下就可以了。

今日行去東港城附近搵食，行行下見到一間新開嘅台灣野，就行入去試吓，食物質素就一般般，反而想講下佢既服務，午市時間都差唔多完，都開始有5至6張吉枱，但係店員係都要我同人搭枱，你想做多啲生意我明，但個時都冇人等位，我一個人坐張二人枱都唔得，我見到之後佢哋帶咗兩對客入嚟，又係坐埋一張4人枱，都算，佢地D隔板又矮，兩枱客真係同面對面食差唔多，講真人少少食飯都想要一個小小自己既空間都冇，真係同入茶餐廳冇分別，但係佢仲要收你加一服務費，真係冇下次