滿粥順德粥底海鮮火鍋

營業中

休息中

這間店我幫襯了兩次，都係叫外賣。第一獲，訂了6:00pm, 入到去店員話： 我諗你要出去行一行嘞，要半個鐘頭先得。期間冇任何覺得不好意思的說話。最後6:30真的有。今天仲正， 已經晏晝1:00落單，訂了六點。已經打電話確認。經過上次嘅經驗，6:30走到去，張枱得兩樽豉油。一盒辣椒🌶️佢話得㗎啦等一陣，跟住坐喺度戇居居等到七點先有。客觀講，食物質素冇乜問題，但係服務態度簡直痴線，做錯野咪認囉。 我並唔係次次咁樣等過客喺度等。滿足，不了。

海鮮粥底餐食過唔間，但呢間，連續2日週末試過後，真心覺得唔得。第一晚叫左3人份量外賣，海鮮係按人頭計算，蟹和鮑魚ok, 但八寶魚就好細件，好薄。另2隻蜆嘅壳係爛的，唔係崩左個角仔，而係超過1/4隻壳無左。其他嘅自選火鍋材料嘅份量少。粥底火鍋嘅精華在於最後碗粥，加上配菜(莞茜，菜埔，豬油揸.....) 先好食。但佢地粥配菜好少，我有whatsapp佢地提出呢個問題，對方覆我: 配菜呢個問題，我地希望我地ge套餐主要食海鮮的鮮味，所以打邊爐配料相比之下會簡單點。我真心想cancel第二日嘅order, 但覺得落左單，就唔好攪咁多野。好喇，去到第二日，係叫左4人份量，明明多左1個人食，但粥水，粥，墨魚滑嘅份量係無多到，同琴日3人份量餐一樣。炸魚皮就好硬，難食。醬汁方面就無左蔥花。而我最愛嘅粥，就無左配料。琴日係粥配料少，今日係少到完全見唔到呀。我有whatsapp同佢地反應個情況，佢地覆我會直接轉比公司睇，跟住完全唔理你。真係沒有最差，只有更差。

海鮮非常新鮮美味，店員幫埋你去錄，唔洗自己念，非常適合d賴人🤗。另外，佢個粥底都幾鮮甜，再加埋d菜圃，配合極致，非常推薦呢間黃店，食完會有想再光顧既念法，希望能夠一直保持住個質素！

因為有人說想試吓其他粥底火鍋店，就到新蒲崗順德粥底火鍋一試！店舖很少，坐位亦很窄，不似某粥底火鍋店濶落🙈價格每位$198 加10% !價格也不貴，食材也可以接，6款海鮮，魚，蝦，蟹，鮑魚，蜆，花蛤和6款其他火鍋配料...我們選了豬腩肉，肥牛，蟹柳，墨魚滑，響令，拱丸等，份量也可以接受，但相對另某間粥底火鍋就差DD...不過最後粥底也有驚喜，是加有豬油渣，芫荽，菜脯等，味道配搭出奇的正👍🏻粥也很綿!

大家千祈唔好用OpenRice 訂呢間餐廳分分鐘連飯都無得食事源係呢間餐廳話打左俾我幾次無聽電話所以無左張枱 俾左人入1) Check 翻record 佢只係打過一次俾我，翻緊工無留意有電話打過嚟。 加上我無expect 係OpenRice book 咗枱仲要收電話confirm，如果係咁我不如直接打俾你訂枱好過啦2) 我19:50分已經到左餐廳門口，都有通知店員我係OpenRice 訂左8:00 2位。 但店員只係敷衍了事，連我OpenRice 既訂枱record 都無睇過。3) 等左10分鐘，開始覺得有啲唔對路⋯⋯ 身邊等緊位既食客問店員係咪無左佢訂枱既record我就見倒佢訂枱本簿有我OpenRice account 個名，所以就再提多佢一次我係度等緊點知佢話我無聽佢地既confirm 電話所以張枱俾左人 其實你哋俾左張枱人地都唔緊要但可唔可以唔好要我地傻更更係岀面等仲諗好曬叫咩你先同人講無位俾我加上就算你要俾張枱人係咪至少都等到8:00唔見我岀現先俾人入呢？另外，店內大部分男店員服務態度極惡劣， 愛理不理，好似咩都唔關佢地事咁。仲話叫我同一位上左年紀既佢既上司講。

好耐冇食過海鲜，上網找到新蒲崗有間粥底火鍋，就去試下，我地3人價錢$198/位加一，話包7款時令海鲜加6款自選配料。到開始上菜時所謂嘅海鮮份量太少，男仕根本吾夠飽，果7款海鮮包括3隻貴花蚌，6隻蝦，3隻鮑魚，6件多寶魚，3件小糕蟹，大蜆及細蜆仔各一碗仔，食晒好似冇食過野咁，最揾笨係自選配料揀6款，原來揀同一款肥牛點2，就已經當你點了2款，只剩4款，張纸又寫明最多可重複點1次，問了原來係吾等，變了得好少野，又要追加逐樣點另計錢，而最後粥水好咸完全冇米，只此一次冇下次。

本人一星期前已訂位，一行5位大人，但到今日4點(訂6點食)才收到通知店中無位要坐卡位(4個茶記size位)。我: 點解冇位現在先話我知對方回覆: 咁都無計，有客月頭已訂位，又比左訂金。我地比卡位加個位坐你咪得。我: 吓，你月頭有人訂位，你一早知唔夠位比我，唔早話我知，我成個星期前訂位，5個大人點坐卡位，我唔係第一次去，上次我到左先知無計，今次又係咁，做生意唔可以咁做，你係迫我就範啫對方回覆:咁我加張枱比你咪得，實坐到我: 你玩我，你裡面咁細，條路人行過都要側身行，我好清楚你店中位置，無可能坐到。over book係你地問題，唔夠位坐，你今朝有責任通知我，我唔信你4點嗰刻先知對方回覆:實坐到，我好忙。(咁就cut我線)生意做到咁，以後都唔幫襯，自己錯講到好似我錯咁

周末想打邊爐，但一般火鍋感覺熱氣，兩個人能吃的也不多，人均消費也較高，在openrice找到這間粥底海鮮火鍋，感覺有特色，而且明碼實價每人$198，所以就立即網上訂位。食物： 一開始係先用粥水煮七款指定海鮮，全部都好新鮮，上桌時鮑魚仲郁緊，肉蟹多肉有膏，蜆類乾淨無沙，按指定時間煮嘅話真係剛剛好，好有鮮味。之後係煮六款自選餸（經openrice訂有七款），特別推介肉地嫩滑嘅滑雞、彈牙爽口嘅墨魚滑、平日鮮見嘅鴨肉丸；另外同時會加啲額外嘅蔬菜配料，如南瓜、芋頭、粟米。食完所有餸之後就會加粥胆、菜甫、芫茜、雞蛋，因為之前嘅粥水煮過海鮮，所以感覺真係鮮甜啲，而且加菜甫實在係畫龍點睛！另外叫咗一渣$48羅漢果茶，味道正常，但夾海鮮就好似有啲怪。其他：之前見到其他網上評語，所以已有心理準備是街坊小店，環境較擠擁，唔適合情侣浪漫dinner或朋友聚會久坐；我之前反而對服務和食物份量有少少擔心，但幸好都不是問題。服務方面合格，一坐低伙記會問你食過未、知唔知流程，煮海鮮嘅時候會幫客人放海鮮和提醒計時，煮粥時會問有無咩配料唔食、鍾意稀粥定杰粥, etc. 而且佢哋好留意各枱食到邊個環節，到時到候會上下一輪菜

雖然成日聽人講粥底火鍋但就從來未食過朋友話想試吓佢話成日行過呢間都見到好多人好似好好食咁如果想黎食嘅話一定要book位如果唔book位基本上係無得食有幾個想walk in都無位一開始會俾盆粥水之後要跟次序落海鮮每樣海鮮都有建議嘅時間海鮮都好新鮮全部都好鮮甜鍾意食花甲嘅話加$58可以有兩斤花甲食完海鮮之後就可以開始打邊爐套餐包咗6款配料當食完哂之後就可以同伙計講佢就會拎個粥膽、雞蛋、蔥花、豬油將打完嘅湯底用黎煮粥不過因為我地中間無加過水搞到個湯底太濃成個粥好咸浪費哂

首先會煮左7款時令海鮮🦀🦞🐟包括有肉蟹 蝦 鮑魚 魚 沙白 大細蜆枱上面放左個牌講左每款海鮮煮幾耐每次煮㩒個timer 夠鐘就食得😋😋食哂海鮮就可以係32款入面揀6款配料我就叫左滑雞 手打墨魚滑 爆醬海芋櫻桃鴨肉丸 鮮准山 炸魚皮😆😆😆鮮准山打邊爐 好正 食落爽口又健康😍爆醬海芋入面係芋頭 食落甜甜地 幾好👍🏼櫻桃鴨肉丸 味道都唔錯 第一次食幾得意😆其他個幾款配料都幾好 推介🥰🥰🥰🥰食哂後就會加南瓜🎃番薯🍠芋頭 飯煮粥個粥食落好鮮甜 好正🤤🤤呢間粥底火鍋都幾好 不坊一試😎😎~ ~ ~💰$198/位 加一 (1800入座)💰$178/位 加一 (2200人座)

滿足的一餐——「滿粥」大概一年前左右已經食過的啦，因為不是住附近，所以自從一年前食過之後都未返嚟再食但係好記得之前食過之後，都一直念念不忘～ 今次遇着母親大人生日，而且母親大人10分喜愛食海鮮，今次老爸都提議話想食海鮮🦞我就諗起呢一度嘅海鮮粥底火鍋啦十分之抵食， $198就包有七款嘅海鮮，然後自己另外在選六款配菜，最後仲會再有粥底～十分之飽肚！配菜方面，見到爆濃海芋其實也不知道是什麼，就估計是芋頭的東西吧！果然無揀錯，這個爆濃海芋一食有驚喜！係一粒芋頭丸子，一咬落去～ 皮彈開爆出甜甜的芋頭！咬出幸福感海鮮層層塔～～肉蟹好大一隻，鮑魚仲新鮮到不停咁郁動中海鮮嚟咗之後，很有服務，店員也幫手淥海鮮，計時⌛️ 不會淥太耐～ 第二層嘅係細象拔蚌，肉質鮮甜！（從前喺家裏自己煮的，原來都是煮得太熟了，這次是我第一次吃到肉質鮮甜的象拔蚌仔）大大啖嘅蟹膏啊仲有我覺得好出色嘅就係肥牛，肥瘦均勻！有牛味，同埋份量我亦都係十分之滿意的～ 唔會覺得唔夠食！大家睇睇，真係厚厚嘅一疊十分滿意的一餐喲

雖然天氣keep住好熱，但係都無阻我無啦啦想食打邊爐嘅癮！ 唔想食普通打邊爐，所以就突然想起粥底火鍋， 於是就約埋朋友嚟食。呢度嘅選擇好好， 因為晚餐時段去食就係$198海鮮粥底鍋套餐。套餐包括7款時令海鮮，然後再自選六款配料，之後會因應人數提供食物份量。即係話就算人多都未必可以叫得多款食物。店鋪好窩心，提供圖片指引同埋計時器，話畀大家知每樣海鮮要煮幾耐。另外，牆上面都貼上食粥底鍋嘅步驟。如果大家係唔想自己落手整海鮮嘅話，呢度都係一個好好嘅地方，因為服務員會協助大家去整。 不過如果你想自己整嘅話當然都可以啦！ 呢度用嘅海鮮好新鮮，蟹肉嫩滑， 貝殼類海鮮又爽口！食完海鮮後就到其他配料上到，分量好夠！ 另外想提一提就係個洛神花茶，酸酸甜甜，醒神開胃，好好飲，正！配料食完 服務員就嚟幫大家加入珍珠米同其他配菜，熬成一煲粥。可能我哋打邊爐嘅時候加咗一次水，所以煲出嚟嘅粥感覺上有啲稀，但係味道唔錯嘅 ！值得推介！

$198 一位 x 2Book咗就直入份量夠飽冇追加 最後既粥冇食晒有人幫我地淥海鮮D海鮮都好新鮮 隻蟹仲識郁...食物質素很好 令人一試難忘服務態度很好 貼心食客一定會再返黎幫襯 加油同埋夠$500有得碌卡

早前試過這店海鮮，都很不錯，所以都想再回味，今周日於六時前已致電訂枱，預計八時到達（第二輪）用餐，當日（不知是否以後都是只有這兩三個人手，感覺亦似已易手）只見兩男士招呼，兩男侍應與客人對答沒有上次的人情味；七點四十五分到抵，沒有人招呼，只有在外耐心等待，但訂八點枱的人陸續到達，男侍應們既不能應付食客的招待，亦沒有為外邊訂枱作出任何記錄，當有位時，誰身位大就有位，太差勁了，完全沒有管理可言，結果只好離開，免得太夜食。

店內大大隻字貼滿消費滿500元可用信用咭，但我大半年來，到過差不多10次，每次店員都說咭機斷線不能碌咭，只收現金。曾聽見有客人堅持沒有現金，店員最終肯幫他碌咭（不是咭機連不到缐嗎）！即是說，不是咭機不能連缐，而是店舖不想收信用咭！不收大可不貼出來說可用信用卡吧！而店舖也貼滿收取微信和支付寶，但當客人提出要用微信時，店員說未可以用，即是貼出來的又是假的！請店鋪改貼「只收現金」啦！食物味道可以，但結帳方式令人費解！