滿腹食堂

營業中

休息中

最近見人介紹呢間日式小店，就同朋友一齊黎食，睇下係咪真係咁正啦。去到既時候未夠8點，大概要等4-5張飛先到我哋，咁當然就研究下餐牌諗下一陣食咩啦。揀完之後等左一陣就到我哋入去，我哋叫左滿腹拉麵(鹽味湯底)、慢煮牛舌拉麵(鹽味湯底)、炸三文魚皮、忌廉蟹肉薯餅。打緊食評先發現，原來舖入面既menu同外面有少少唔同，薯餅類既入面menu先有寫。MenuMenuMenu忌廉蟹肉薯餅忌廉蟹肉薯餅︰超脆，好creamy，唔太食到蟹肉，不過幾脆幾香幾好食。滿腹拉麵(鹽味湯底)、慢煮牛舌拉麵(鹽味湯底)滿腹拉麵︰有和牛、叉燒、蝦天婦羅、辛口黑豚丁。和牛好腍；叉燒都幾腍；豚丁有咬口，唔算辣；蝦既炸粉超薄、脆身，蝦爽口彈牙。麵煙韌有咬口，鹽味湯底唔會太濃，少少咸幾好食。慢煮牛舌拉麵(鹽味湯底)︰麵、湯底同滿腹拉麵一樣，牛舌幾易咬，唔錯。炸三文魚皮炸三文魚皮︰意料之外，佢連住d三文魚肉炸，我哋以為係淨係炸三文魚皮，有d肉令到個口感唔同左，多左咬口，幾特別。店員好有禮貌，環境ok，上菜速度偏慢(小店人手唔太夠)，店外有溫韾提示，某d餐會寫明大概要等幾耐)，不過質素幾好，價錢實惠，抵食+好食！

剛好已過lunch time 高峰時間，已在店外等了一會，見有一枱又一枱食客結帳，再過一會才進入看能否入座，惟店員態度趕客，晦氣又埋怨說「出返去等啦😠，未執枱啊」。十分支持黃店，但呢啲光環食店，喺門口已經受氣就不了。順帶一提，收銀台職員相對十分有耐性，逐個餐同學生對價錢(分開比)，收銀後發現有錯，亦追出去更正，態度平和

呢度專做日式快餐味道唔好期望係太高,但係對住得個價錢午餐都幾抵食,有吉列系列,煎扒飯類,仲有就係壽司或魚生飯類送飲品,凍飲加$2有吉列豬扒飯,吉列蠔,吉列雞,蝦,四種,可選5種汁配,滑蛋,咖哩,番茄,白支,照燒汁$41起,最貴蠔都係$45而已雜錦壽司配烏冬 有8件唔同款式壽司,賣相平平,但性價比都OK,食落都唔錯起碼唔係切到透明魚生片比你先三文魚蓉蟹子飯個名睇落好普通,上到黎份量都幾足有切蛋2片,半條蟹柳,蟹籽,切粒或切蓉既三文魚生,加少少青瓜片同芥末伴碟顏色豐富,賣相可以,拌勻食材加少少豉油,味道也不錯,午餐好多學生幫襯滿腹食堂 大埔安慈路4號昌運中心地下83-84號舖

第一次試依間日本野，星期日都有人排隊，幾張台大約等左3個字左右，間鋪唔大大約廿零三十個位D野食普遍唔貴，晚市五十幾蚊有碗拉面，今次我叫左炭燒雞肉叉燒拉面，碗拉面有4塊叉燒一隻糖心蛋,分量味道正常,食完都啱啱好飽, 唔包嘢飲嘅,茶就自助自己斟，唔洗下下叫佢，依樣幾好不過可能係小店嘅關係，人手有限，佢仲要做埋隔離外賣手卷，所以等嘢食都等一段時間，大約半個鐘，不過唔趕時間就算啦又唔係貴又唔收加一

有日去左滿腹到食晏嗌左呢個花見月（？）和風牛肉飯，牛肉汁偏少既，但係勝在牛肉搭夠，起碼每啖飯都有牛肉送入口至於個蛋，唔係流心但未至於全熟，似係7-8成熟，都okay

買6件外賣手卷 已經多次說外賣紫菜! 回家看 沒有外賣紫菜 淋哂！都算！連最基本Wasabi都冇 點食！真心覺得搞笑！冇下次！！！！！！！！！！！！！！！！！！！！！！！！

唔起眼既小店，門口貼晒大字報寫滿店內食品，今日終於第一次食，店內環境普通，似做街坊生意，但唔會好迫，但呢間舖頭就令人喜出望外。1）一夜干鯖魚飯，呢樣野坊間好少見，仲要價錢好親民，味道非常特別，大家值得一試2）廣島蠔帆立貝地獄湯飯，可選大中少spicy,個湯飯望落唔地獄，但食第一啖真係嘩左出黎，好鮮甜，應該同啲海鮮一齊煮過，spicy得黎仲好惹味3）熱茶係好香既花茶，真係飲茶都好味4）炸軟蟹，雖然普通野但佢將個殼分開炸，呢野要讚，我第一次見食店會分開炸，個殼好香口，而且食到蟹膏香味，不過天婦羅汁份量偏少5）聽到出面有日等位，但佢盡量唔會搭到好密，寧願見啲客等下都唔會亂叫啲客轉枱或者好迫咁（呢度係香港，有啲餐廳係會一個位都唔放過）呢度應該做街坊生意，舖內主力一位侍應（可能是老闆），但佢好努力咁做，沒有馬虎。下次一定再黎。

昌運中心地下多食肆，行過多次都無見到這間日式食店，真的走漏眼，今天經過，見門口的餐牌，午餐40至5X元，款式多，有飯類、拉麵、壽司和小食。下午茶非常抵食，$40元以內，送飲品，便入內試試！下午茶時段不算太多客人，座位都舒適嘅，客人要自己在點餐紙落單，我們點了兩個豬扒飯，很快就送來！吉列黑豚豬扒飯，選了滑疍汁。豬扒薄身，炸得鬆軟，好味道！麵鼓湯就麻麻！香煎黑豚豬扒飯，選了照燒汁，豬扒醃得好味，煎得腍，有肉汁！熱柑桔檸檬

去完uniquo,就搵間餐廳醫下個肚，成日會經過呢間滿腹，今天終於去食下，俾佢滑蛋牛肉飯吸引，正常日本餐館做得好好味，入到去就叫左呢個同柑桔檸檬，但當佢送個餐到我度，發現中伏，蛋少到都唔知有無1隻……d牛肉無味，唯一係得個熱字，唯有落豉油撈飯食，我唔食，肚那個都要食，杯飲品應該用粉沖，柑桔同檸檬咩都無……我飲左半杯，都係唔飲，早知去吉野家食個和風牛肉飯都無甘伏，不過下次都唔會再幫襯呢間野或者甘講平野無好野

今日放工，醒起同事之前推介過呢間店啲番茄牛肋條飯幾好食，於是就去試下鮮蕃茄牛肋條飯個汁酸味味好開胃，有少少紅蘿蔔粒，但係啲牛肋「粒」有啲凍 好彩個飯夠熱，跟餐送熱飲，叫咗杯熱柑桔檸檬🍋

今日放學返到屋企已經5:00pm,見滿腹食堂仲有午餐就叫左佢個吉列蝦咖喱飯同凍水蜜桃。一盒飯同野飲都係40蚊，仲要好好昧，真係便靚正！佢個咖喱係甜咖喱，味道有D似吉野家個種，有紅蘿蔔同薯仔，好開胃。一盒飯有3隻炸蝦，以呢個價錢黎講真係唔錯。雖然我係叫外賣，但隻炸蝦依然係脆嘅，而且都幾大隻，再配上咖喱真係好下飯試完佢個午餐之後我會繼續幫襯呢間親民食堂嘅午餐另外，佢門口寫左電話，可以打電話去叫定，唔洗等咁耐

#LuBie大埔🍛滑蛋吉列豬扒飯(🤤:7/10)呢個豬扒飯比起之前黎食既魚生飯出色，一上枱仲係熱辣辣既，而且個賣相都唔錯，啲餸都夠蓋過個飯。個飯既滑蛋都算幾蛋 蛋味正常 可惜就唔太滑 因為煮得有少許過熟 所以做唔到滑蛋既效果。吉列豬扒既外皮脆扑扑 豬扒就薄身左少少 但幾juicy幾嫩。如果係大食既朋友仔 呢度係可以叫多飯既 佢整身既飯都唔少 所以食完真係幾滿足 幾好味。📍滿腹食堂📍大埔安慈路4號昌運中心83-84號

#LuBie大埔🍣雜錦魚生飯（🤤：6.5/10）午餐時間黎到 食呢個飯有多杯野飲都係五十蚊就埋到單，魚生飯黎講 好抵食。賣相黎講 呢碗飯就講唔上靚嫁啦，但材料都幾足 有三文魚蓉 鮑魚片 蝦 墨魚片 同埋玉子，材料都幾豐富幾足料 雖然未到好新鮮既程度 但味道唔錯 係啲飯既溫度令啲三文魚蓉有啲變暖左 所以有少少酸味出左黎 ，不過整體魚生質素ok 所以呢個價位黎講算唔錯。📍滿腹食堂📍大埔安慈路4號昌運中心83-84號#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#foodseekerlu_bie#吃貨#相機食先#美食#香港美食#大埔美食#食好西#滿腹食堂

誤打誤撞發現呢間和風小店。一入到鋪頭就覺得好似去左日本果D 小店咁, 勁大張木桌。事關我得一個人為有搭枱。搭枱其實都冇咩所謂。店員起我唔為意既時加左木板分開我同搭枱既人。 好細心, 抵讚!!我見其他食客都有叫壽司刺身食 , 但我得一個人食唔咁多野, 所以就叫左個炸蝦豬骨拉麵同海同海膽手卷食拉麵湯底奶白色, 濃郁既豬骨味。湯係高質既。 麵質方面就似即食拉麵,好一般, 我覺得係浪費左個湯。下次可以試下加錢轉烏冬。不過50幾蚊黎講係合格有餘既。海膽手卷好新鮮, 金黃色既海膽, 又唔腥, 超正! 加24蚊就食到 , 底! 平! 靚!正!

呢一間小店應該喺大埔好多年 我都其實只係食咗兩三次. 點解今次影相呢, 其實我想讚一讚佢哋!!今日喺好多好多人嘅情況之下我好好彩只係等咗5分鐘 入到去裏面其實都幾簡陋㗎, 我唔知點樣形容....去過嘅朋友都應該知道裏面嘅佈局但係坐低嘅都好多係一家人,有小朋友啦, 有老人家啦,  佢嘅價錢係因為相當吸引 好多朋友都係食壽司魚生, 但係我見到佢今日 有一個好靚嘅叉燒~因為見到隔離枱食緊, 所以就叫咗一個 叉燒拉麵同埋一個吉列豬扒飯 加24蚊有一個海膽壽司, 咁梗係叫啦!!講咗嗰個拉麵先, 啲叉燒好好味有少少肥肉啦,  但係唔太肥! 食落口號金香!! 豬骨湯底好濃好好味!! 配菜比較少之前我記得係好大碗嘅, 而家比較細咗, 但係都夠飽!! 個糖心蛋好好味呀!!整體嚟講呢個拉麵係好好味 又講個豬扒飯啦 , 個豬扒飯個皮即是個吉烈做得比較厚, 不過係新鮮炸出嚟嘅, 好脆身!! 豬扒亦都好有肉汁,  咖哩好好味呀, 有薯仔啦又紅蘿蔔, 亦都有洋蔥有陣時食吉列豬扒飯嗰啲吉列汁係冇薯仔好似唔係好好味囉我覺得呢間嘢都可以再去試!! 小店仲好食過大集團!!!