滿腹食堂

營業中

休息中

史生從來未層到訪，就帶您試試美味拉麵啦。轉眼半年又過，內籠、擺位執過喎，回復最初的格局，那就寬敞多了。轉用 order 紙既？印象中從未使用過。發現換了新墊檯紙，增加了座位，內籠移過位，不過肥老闆依舊西口西臉沒什麼表情，侍應嬸嬸妹妹們就依舊服務周到滿意。麵豉湯，有樣野必須緊記，飲前要檢查清楚隻匙羹有否異味呢 ﹗否則一飲落去就只會聞強烈漂白水味道，差一點就想吐了 ﹗最好方法學我一樣直接用碗飲吧，最安全的選擇。熱辣辣，剛剛燙口最好飲，濃淡適中，滿意。滿腹地獄拉麵中辣走蔥，即是什錦拉麵，又即是公司拉麵，什麼都有。自家製日式叉燒，醬油味濃，濃而不濁，調味可口清爽。一般拉麵店的叉燒都好瘦，又乾又鞋又細又薄，但滿腹就用半肥半瘦五花腩，口感更滑更嫩，油香處處，做得好﹗肥膏經長時間炆燉，食落完全不油不膩，滑溜非常，肥美吸引喎 ﹗炸天婦羅蝦，只可以說係炸蝦，同天婦羅的質素差好遠。炸得香脆，蝦肉鮮爽，不過不失。廣島蠔帆立貝地獄拉麵大辣走蔥，滿腹最貴最頂級的拉麵，不過麻麻地喎。真係食滿腹雜錦樣樣，抵食穩陣之選。大辣都只屬一般，請問可否大辣再加辣呢？但不要加錢啊。有進步，不再是湯還湯、辣還辣、麵還麵，有兜煮過

超哥描述大埔有間美味拉麵比連鎖店高質美味，而且還有不錯的刺生提供。雖則未能挑戰一蘭、豚王、武藏，但必定遠超在別府、味千、贊岐之上﹗既然如此，我就專程走到昌運一探究竟。 天時暑熱兜了數個大圈，明明在地舖的，但完全找不著，已大汗淋灕喇  ﹗最終發現有個座地菜牌，原來就係苑記及彩虹甜品中間，真的太不顯眼，如隱形一般。滿腹已開業好幾年，我每星期都會路經兩三次，但從不知道有間拉麵店呢。好熱啊 ﹗立即衝入食店，只有食客兩三個，可以隨便坐，冷氣夠晒勁，Good ﹗牆上掛滿食物照片作介紹，不過 menu 沒什麼選擇的呢？細到不得了。請問有無其他 menu 架？侍應姐姐終於傳個正常 menu 給我細閱，又會那麼奇怪，將 menu 藏起來？巨峰提子乳酸梳打，有趣的滿腹特飲，未試過就要試試啊。味道酸酸甜甜，開胃消滯都好，不錯的選擇。白桃乳酸梳打，冰凍有桃味的淡益力多，開胃。三文魚、車海老、北寄貝、吞拿魚、劍魚腩、帶子、油甘魚。最好食車海老，勁甜、勁鮮、勁爽，啜得津津有味﹗其次係三文魚、帶子，天然甜味無可抗拒，而且軟棉滑滑。北寄貝軟腍，微弱螺肉甜味。劍魚腩內外都實在太似肥豬肉喇，連質感都似十足呢。油甘魚，色澤

已經幫襯過三四次，雖然住得遠，但我每次泥大埔都會想食呢間野鋪頭細細間，不過唔會太逼，一個人食仲好野食唔錯既，主打應該係拉麵，重點係拉麵隻蛋味道唔算超好食，不過好食過差唔多價既連鎖店(味x)另外仲有兩種鍋物(三文魚頭鍋同牛肉鍋)味道OK，冬天食暖笠笠

在大埔住了快3年, 也不知道此店, 身邊也沒有朋友提及過。有1天在facebook上見到朋友影左隻好得意既蛋，就是此店出品的，就決定搵日試一試喇！６點半的店內只有小貓三四隻，所用的桌是厚重的木枱，加上有1大片漫畫牆，看上去很日本FEEL，但後來發現枱邊有點髒，出入要隔外小心。店內樓面只見一位老婆婆和老板娘，老婆婆負責上菜和收拾，如果要落單，婆婆都會話要等老板娘黎落。當然我要試下果隻好得意既蛋啦，我同朋友一人叫左一碗叉燒拉麵，可以選花見月蛋或者溏心蛋，我揀左花見月，發現其實沒有特別，只是隻半生熟蛋，沒有特別調味，除了形狀特別，什麼也不是。拉麵味道同埋質地就唔錯，有蛋味同埋爽口，日式叉燒薄得像紙，而且成碗麵份量都几細。由於份量不夠，再來補几碟壽司，壽司質素跟元氣差不多, size 比元氣大些少，用料尚算新鮮。反而沒有影相的軟殼蟹手卷味道不錯，材料豐富。

這晚就來到還沒關門的昌運中心後面的小店，已經九時多了，所以小店的人氣不高。爸爸媽媽就點了一個豬軟骨拉麵和一個辣的地獄拉麵，兩個拉麵也有著名的花見月糖心雞蛋，或許就這是這兩個拉麵的賣點吧!豬軟骨和豚肉味道都不過不失，普普通通擺了，溏心雞蛋真的做到溏心的效果，但是旦黃甚是流質，還是喜歡正宗拉麵店的糖心蛋!拉麵也不要期望是彈牙的，只是普普通通的水準。湯底也十分之油膩，地獄湯底也不算得很辣。跟餐的三文魚，一碟有兩小片，真的有點不夠喉，所以就叫了三色刺身! 之後就有三色刺身，三文魚或帶子也不過不失，中間的油金魚十分多筋，好像很不新鮮一樣!芒果紅茶，是跟拉麵的，爸爸說十分之特別，只是有點兒過甜!

食晏找東西食這間日本菜不是新開但我未食過都當佢係新東西吧 Order one lunch set and one tea set Lunch 要左八件壽司加喬麥麵加芒果紅茶Tea 要左芝麻醬撈冷麵加三蚊可以換三文魚手捲先講三文魚手捲三文魚唔算大件 但加三蚊黎講已不錯 紫菜脆脆地 飯軟硬適中 抵食芒果紅茶有茶味有芒果味 合格八件壽司都可以 係蟹籽壽司最差 份量少到封唔滿喬麥麵冇口感 脆的 可以講係難食芝麻醬撈冷麵有口感 但係芝麻醬好少根本撈完唔夠味我想不會常幫襯了

入到去客唔多又無人理咪自己揀左張細枱點知今日咁鬼涷都開勁冷氣?攪到一落完單就要搵位轉睇見竟然有"三文魚親子飯"$45都合理咪叫黎試下點知(其實算好彩)轉枱後發現牆上幅"三文魚親子飯"相裡是三文魚加(((蟹子)))??即刻問個職員係咪蟹子黎?佢話係?!，咁當然叫佢HOLD住唔要點知個職員加句話如果要三文魚子要叫"$68極上三文魚親子飯"個態度好似我唔睇清楚亂叫搞到佢咁究竟個"腦細"明唔明咩叫"親子"三文魚幾時跟蟹打亂種???個飯黎左後見跟個湯咁奇怪咪問:乜唔係:滑蛋飯+芒果紅茶+三文魚剌身+蛋$58咩個職員好寸咁話: 你落單果時無話跟餐依家"出晒啲野"無得轉喎 (咁我落單時你又唔間係咪餐?!)個湯我掂都無掂過，你個餐牌寫得咁((清....楚....))真係估到你LAW食到一肚氣野食又一般唔怪得食飯時都咁靜，一定無下次!!!!

一行8人替朋友慶祝生日,本來book了附近的某某日本料理,但唔覺佢有幫我留枱囉....嬲!等都勾左,另找好地方,經過發現這小店,雖然已滿坐,但門口靚姐好好人,話給我們立即預留大枱,等了15分鐘就給我長枱,不久更換我們正方大枱,正~!!一班人可以方便傾計!靚姐給我們介紹點菜,服務都不錯~!係忙左少少,少d自動加茶。叫左:-刺身(刺身好新鮮,特別係帶子好甜,劍魚腩好香無筋,大頭牡丹蝦鮮甜~)-壽司(手握壽司,飯都好味!唔硬)~-芒果卷(都ok!)-炒牛肉粒(un左少少)-三文魚頭(我自己無食,因為好搶手!!應該好野味!)-花見月旦(個樣好似小籠包的好得意~~~像溫泉蛋,配拉面應該好正~)-雞翼(正常!)-金鮭子(本人至愛!!是炸飯團,內有三文魚,好香口!!)-滿腹沙律(好大兜,個汁好特別,好味!)-x燒拉麵(面底好ok,叫左中辣,有隻花見月送~好味~食完無口渴,應該唔係咪精湯)-牛奶布甸(嘩!呢個不得了呀!!好香牛奶味,又不會太甜,特登為左佢黎食都ok呀!!)鋪仔小小,人流不算太多,但食物有水準~如果無我地班嘈人,環境都ok,乾淨,好鍾意果幅漫畫牆!!價錢都合理,見到lunch set都係

上星期我和三位朋友約了在大埔聚會，當我們路過這家餐廳朋友説是新開，所以我們便一試，雖然地方不是太大但位都算舒適，我們四人叫了自家制豚丁拉麵、吉列豬扒烏冬、蒲燒鰻魚飯、汁燒魚頭和三文魚壽司及三色刺身。豚丁拉麵$48-我點醬油湯底，豚丁有一些肥肉及瘦肉所以一點都dry.吉列豬扒烏冬$53-因轉烏冬（手打烏冬）加$5，我們點地獄湯底中辣（個然有地獄feel),豬扒好鬆。蒲汁鰻魚飯$58-鰻魚燒後上枱，鰻魚汁連同鰻魚一同燒吃起來好味。汁燒魚頭$60-魚頭燒得合道好處不會過火，但最精彩是個魚汁，因魚汁中有青瓜、番茄，把魚肉提升出來。三文魚壽司(8件$45）及三色刺身$55-壽司有水準，三色刺身我們點了（油甘魚、帶子、特甘蝦）。當時不是旺時間，所以和男店長談天，他告訴我們他們的食品是他們師父每天回店做的，連豉油都是自制，所以他們才把店也加上自家制。有一個忘記説是他們的湯麵會有一隻流心蛋，他們把那隻蛋很精緻一定不可以錯過。這家店的誠意一定要支持，我們一班朋友一定會再去。

6人行，入到去坐圓枱，侍應好無禮貌咁話如果出面有兩個人要"答"枱。雖然做生意為利益著想是正常，但是我們係客，佢的態度好似命令咁！而且未坐好就吹落單！ 但出面無人等位，而且場內亦有其他空位 6個人叫set lunch，每人大約$36，食物質素一般，但只可以話 一分錢一分貨，不要太有期待。最大問題都係服務態度，十分之差。臨走結帳仲大獲！收銀果位，應該係老闆。我地話分開計，佢好差咁話唔識計數，唔俾我地分開俾$$！大佬，我地只係叫6個lunch set，咁都唔識計！x#$%huffy:

今日同一個fd食lunch見到新開既日本料理就一心諗住嘗試1:00pm冇咩人入所以唔洗等位咁就入左去喇因為最近要戒食豉油睇菜單又唔知邊d會落勁多豉油就問女侍應午餐有邊d有豉油佢就話"樣樣野都會落豉油嫁啦~你唔想食豉油你可以食壽司/魚生飯"咁ok ar~我食魚生飯唔落豉油就得,咁我就叫左午餐既魚生飯朋友叫左牛肉拉麵+蟹子手卷(菜單上寫$13蟹子壽司2件,加2蚊轉手卷)新開張優惠每人有一客三文魚壽司三文魚味道正常,不過偏細件但因為是送的,所以偏細都正常。男侍應俾左一碗親子飯黎(我深信佢係老闆)跟住我就問我叫既魚生飯係咪等於親子飯佢話唔係,咁男侍應幫我轉跟住個女侍應走黎講"你係叫親子飯嫁wo,師博都整左啦,你介唔介意食丫?"OMG,我從來都冇叫過親子飯($33)簡直諗都冇諗過叫親子飯,我一直都係係叫菜單上($38)魚生飯我o哂咀,冇應到佢佢講到我錯哂咁,態度好差lo明明應該係佢落錯左單跟住過多陣,我既魚生飯終於到(不過偏細碗)咁樣搞到冇哂心情食野冇心情還冇心情,不過問心果句,d野食唔算太差味道都ok既~我個fd都話味道唔太差,不過貴左d見個fd拉麵上既花形蛋(花見月)仲好令好得意tim因為俾

24.4.2011返了大埔, 難得約到已為人母的好姊妹吃飯, 所以揀了這間新開的日本餐廳. 這間餐廳的門口不是對住大街, 所以比較難找, 哈哈, 原來這餐廳是在我之前去過的新餐廳(泰葡餐廳)的附近.這餐廳細細間, 地方清潔, 星期日的午餐只是$33, 包一杯飲品, 另送三文魚壽司. 我叫了花見月和風牛肉丼:花見月原來是花形的蛋, 很精緻呀, 好似一個花蕾, 外層是蛋白, 然後裡面包著的是蛋黃. 由於飯好熱, 所以裡面的蛋黃都差不多熟了. 當蛋混和著飯來吃, 很好味.牛肉好像是肥牛, 但不太肥, 幾腍. 整碗飯算大碗, 女仔就夠飽, 但男仔就可能未必夠飽了.在吃飯期間, 我的姊妹倒瀉了汽水, 侍應就立即送來面紙給她抹, 當她走開後, 侍應就立即抹乾她的座位之下的地方, 值得一讚. 我吃的飯只是$33, 免加一, 另外餐廳也有其他飯類, 拉面類, 刺身, 壽司, 手卷等等, 下次一定再來試下.