滿記甜品 (將軍澳中心)

營業中

休息中

食完lunch行佐一陣覺得唔係咁飽，經過滿記於是入嚟食返個tea，士多啤梨吐司，好味，但吐司份量太細，唔夠食，反而雪糕有兩球，對於唔係咁鍾意食雪糕嘅我嚟講，都係寧願吐司份量大啲，雪糕可以減少一球，但味道係ok嘅，啲生果都新鮮，跟餐叫佐杯熱檸水，超甜，甜到有啲怪，最後都寧願飲滾水。桃膠燉雪梨，都唔錯，桃膠口感幾好，配合雪梨味道啱啱好，又唔會太甜太流，咁嘅天氣夠晒滋補，不過份量都係比較迷你，食完冇乜感覺

天氣凍真係好似食極都唔夠, 食完飯心思思想食碗糖水, 要熱辣辣果隻!呢間係新開, 每到甜品時間, 門口就會出現人堆, 今晚早過甜品時間出現, 就入去坐底食返碗先!一早已經諗好要食熱糖水, 就係呢個範圍去選擇啦最後......................點了..........滿記星洲喳喳 ($25), 材料幾足, 食到唔同豆類, 材料煲得夠腍身, 芋頭又夠粉, 整體配合都唔錯!金黃番薯糖水 ($25), 一碗份量蕃薯滿滿, 金黃色蕃薯口感綿滑, 蕃薯味香甜, 糖水底帶有少許薑味, 甜度適中!以熱飲杯作器皿, 食完蕃薯後可直接拎起杯當熱飲咁飲晒D湯水, 簡單方便

今日同仔仔去完買衫，婆婆就提意下午茶啦；不過果時都成5點，我就唔係幾想，因之後好快又食晚飯囉。本來仔仔想去將軍澳中心一樓果間Cherry度試下的，點知佢下午唔開，冇下午茶喎；咁就唯有去最近既滿記快手食個下午茶就算囉。去到都多人，冇位，正想走時，職員叫住我地話有位啦，執枱好快。原來係之前有一個人坐左4人位，請左果位客人轉枱後我地有位坐啦。餐飲最快上，但係唔夠冰，又唔係味；差左少少。仔仔點的雜果芒果汁西米露，酸爆食到仔仔黑晒面。婆婆同我一人點左一款下午茶，好抵食，法式多士都幾好味，雪糕冇乜特別，但雪糕抵有可可脆片，同雪糕原來好夾。39蚊一個下午茶，都幾多選擇，如果唔係今朝自家制左窩夫早餐，下午茶我都會想食窩夫呢，我最鍾意就係食窩夫；下次可以再去試埋D窩夫呢。下午茶餐真係幾抵食，但係仔仔個甜品就唔值囉。冇加一幾好。

天氣開始轉冷，晚飯後，就想吃些熱的甜品暖一暖。這家甜品店就是滿記甜品的年青副線，故此。店內裝潢也較清新簡潔。來看餐牌嘍選擇蠻多的，不過這次就集中適合冬季吃的熱品了我們點了杏汁蓮子雪耳燉品剛端上來，只看到粒粒紅棗，還以爲上錯了舀下去，蓮子雪耳的分量也不少，吃下去，蓮子鬆化，杏汁香甜不膩。再來是腐竹薏米糖水這個挺一般的，薏米整堆黏在一起腐竹也沒煮融其實，質素確實挺一般，但若只求暖一暖胃，還是可以一吃的。

今天和舅父舅母及弟弟一起歡聚下午茶，所以選了舅父家附近的糖水店。舅母極力推介將軍澳中心的<Sweetish>，所以就來這間啦！門面是光潔明亮的設計。內裏也非常簇新我選了鮮雜果涼粉配椰汁底。生果都幾新鮮多汁，有哈密瓜，芒果，海底椰和西瓜，種類也不算少。椰汁甜度亦不高。弟弟和舅父也選了熱芝麻糊，他們也說很香濃，看他們都把整碗吃掉，應該不錯吧！由於舅母說他非常肚餓，所以點了下午茶餐。炒蛋幾香滑，番茄豆亦見心思，使用挖空了的鮮番茄盛着。但是多士就比較失色，完全不爽脆的。下午茶餐亦可以加9元配熱的紫米露。紫米豐富而且煮得熟透而不失口感。感覺上好像比正式滿記的價錢要平，可以回頭再幫襯喔！

放工後約了朋友在將軍澳吃晚飯，晚飯過後，甜品係我哋飯後必有的選擇，我地最後選了滿記甜品。滿記甜品分店很多，分店位於將軍澳中心內，乘坐港鐵在將軍澳站的將軍澳中心出口。可能時間尚早，唔算好多人。餐牌的價錢其實不便宜，不過最緊要好食，看餐牌見到宇治金時芭菲很吸引，朋友則點了芒果涼粉。宇治金時芭菲上枱時真係有啲失望，因為同相片個樣爭好遠，望落去已經唔吸引。做不到一層層的效果。好彩味道算不錯，增加回一些分數。朋友點算的芒果涼粉，用了靚靚餐具，顯得有心思，我都食咗幾啖，芒果很甜，配搭味道不錯，只係覺得份量太少。