滿記甜品 (朗豪坊)

營業中

休息中

同朋友一齊食完雞煲， 就想話去食甜品， 想起「滿記甜品」， 咁就去食啦攞個menu 來睇，睇相片幾好， 咁就點咗4個甜品， 甜品送到來， 想話準備比相機食先， 但一睇之下🤢， 😰真係大失所望，已經唔係以前既滿記啦， 比40幾蚊，重貴過食餐飯既甜品， 竟然係份量又少， 又冇料，真係🤦🏼‍♀️🤦🏼‍♀️🤦🏼‍♀️👎🏻👎🏻👎🏻楊枝金露好似水咁，抹茶彩虹又冇咩生果， 比幾片生果你就叫一個甜品， 其他都唔想講啦想人再來食🤔，如果你冇優惠，都唔使指意會再有人返來食呀，因為品質下降👎🏻👎🏻👎🏻✍🏻呢個食評，係真心想食你改善，希望有機會先再來啦😶😶😶重有係員工唔得囉👎🏻👎🏻👎🏻， 佢地送甜品來食， 又唔會講聲係咩甜品名稱，放係枱面，就走咗， 我地要估來估去係邊個既😐😑😕

由細到大去滿記都必定叫「雪山孖寶涼粉」 貪佢凍冰冰 而且大大碗可以同同行嘅人一齊share 點知事隔幾年唔同左好多 失望.話明係雪山 下面當然有冰碎啦 以前好重奶味好香甜架 多到食唔曬 依家碗細左自然量少左 仲要變得好淡.涼粉唔夠爽口 士多啤梨得好少.雪糕就尚算保持水準 好夠凍 綠茶雪糕有少少回甘.其他小店呢個水平應該唔洗$47

其實對上個次食滿記已經係4，5年前，個次食完芒果西米露定唔知芒果咩野，隔冇耐就又反胃又嘔，從此見到滿記就諗起呢單野，亦都開始抗拒食芒果味既甜品😂隔左咁耐，我諗都只係個陣咁岩我唔好彩，諗住俾多次機會佢，因為同朋友係朗豪坊行，而個到可選擇既甜品店並唔多，就入左去啦。今次我嗌左西瓜西米露一上到黎我呆左兩秒，三粒西瓜？😂如上圖中所見真係得三粒唉！算啦，食落不過不失既，不過西瓜份量多少少就好。場內都尚算光猛企理，同朋友坐低傾下計都ok既，不過對食物真的不要抱太大期望。

十點幾係朗豪坊行街，都無乜甜品選擇我朋友又推住bb車，要揾一間夠大夠位置先得，最後行到滿記，店員見到我地有bb車，幫我地叫附近食客坐過一點，騰出空間俾我地，算係幾好服務了我地一人一個甜品，我叫左芒果西米露一見就知係果汁倒入西米既樣子，要用spoon先可以搞匀，甜度仲可以，但芒果有啲酸，如果芒果甜，都okay geh我朋友叫左西瓜西米露，佢個碗好水，無乜西瓜，但係幾甜既，如果kit身啲會好啲以前覺得滿記都okay，而家貴左就麻麻了

食完放題都可以去食甜品咁旺角夜晚好多人食甜品如果去街鋪應該都有排等最後拍板去朗豪坊☺️滿記有位即入好耐無食滿記發覺多左好多新野有新鮮感，唔會來來去去都係個d一打開menu 見到有士多啤梨西米露一到覺得滿意賣相吸引 ，味道又唔差士多啤梨/士多啤梨雪糕，綿綿冰，西米露配合得幾match 五十蚊有找都ok

唔知係米大勢所趨就要隨波逐流呢，真係好耐冇食滿記，先發現變左好多，除左本menu靚左，多左新產品和甜品用木tray上之外，仲貴左。食返D懷舊甜品，杏仁茶蛋白 ($45)，杏仁味好香，蛋白都好滑，質量保持到，味道不錯。抹茶彩虹($43)用木tray放又係精緻D嘅，抹茶雪糕味都ok，可以再濃D，仲有多種顏色水果如木瓜、西瓜、芒果等，加D台式甜品elements，有紅豆、啫喱、椰果，很是豐富。整體算不俗。

前幾日去滿記食甜品，好耐冇去，所以去試下糖不甩夠曬甜，湯圓煙煙韌韌，面頭有椰絲糖漿同花生粒，夠曬香。芒果西米露，芒果就比夠酸，好彩糯米同芒果汁就夠囇甜，中和返d酸味。

食完飯梗係要食埋甜品先叫左perfect，黎左朗豪坊「滿記」。見呢排轉天氣，又開始乾燥，都係食返d美肌食品好。「(熱)南北杏雪耳燉木瓜」：不消一會，就送上。e~幾骨緻下喎，細細盎甘。熱辣辣上，幾滋陰。雪耳估計係樟州雪耳，爽身; 木瓜清甜，有味，口感「淋」中帶爽; 糖水甜而潤，只嫌成個甜品份量比較「的色」。(呢個糖水，個人覺得比聰嫂做得好，不過份量就聰嫂略勝)。「抹茶豆腐花」：整體味道偏甜，甜度指數高，嗜甜者可以一試。

話說琴晚電視做飲食節目 介紹糖不甩...睇到我宜個吃貨心郁郁於是叫屋企人買番黎過下口癮，點知幻想破滅購於滿記既糖不甩（$31）同花生分開裝，印象分大減！唔知以為係湯圓糖不甩舊粉團好稔身，唔夠煙韌，以$31黎講貴以低質素！另外花生既份量唔多，未能每件糖不甩都沾滿花生碎

同朋友食完dinner就去好出名既滿記食埋糖水,11點幾都仲有好多人,好彩咁岩有張枱~甘露飄雪(配綠茶雪糕)($46),西米既份量都幾多而且幾大粒,西柚幾飽滿,咬落去好多汁~芒果有點酸,但係個芒果汁幾唔錯,有淡淡芒果既香味。綠茶雪糕味道偏甜,無咩特別濃郁既綠茶味。芒果西米露($35),有半隻芒果,西米撈芒果汁,味道其實同其他有芒果既甜品一樣…但係呢個因為比較少芒果,味道更加淡。芒果鮮奶樂($33),都係一樣有芒果汁同一D芒果粒,但底層就有好似奶凍既東西,奶味唔係好出,甜甜地咁~

夏日炎炎 最好食甜品身為榴槤控 滿記最滿足到我次次都叫榴槤雪山 雪糕有綠茶/云呢拿我多數要綠茶 因為甜品個底都已經係云呢拿冰片雪糕不過不失 吾算好有茶味但面頭個堆榴槤肉 完全畫龍點睛夠熟但又無酒味 岩岩好配合個冰底 食完涼浸浸

旺角食飯朋友話想去食糖水，咁大家都唔想諗食邊間既情況下就求其簡左滿記，點知我地求其簡，佢地又求其整。簡簡單單一碗雞蛋糖水，都可以整到得甜味，食碗野$2x，薏米都無粒，雞蛋又無，腐竹supposed 應該係要煲溶既，就反而有係度。該有既無，該無既有，有甜到爆無腐竹豆味，最重要叫熱上，佢就凍上比我，暖都稱不上，實在係膠都廢時派。做糖水？就快過搶錢！買支水做糖水仲好過佢……

琴晚同一班好耐冇見既中學同學食飯🍴 食完飯當然就要食返下場😁 係旺角朗豪坊見就腳就食咗滿記 本身其實冇咩預期 食落又真係冇咩驚喜 以$33既價錢算係唔多抵食😦😦 芒果唔算好甜 上面既果汁都可以既 但奶凍比較水💧💧 唔結實 食落口感太稀 不過都有奶味碗糖水份量唔算大 好快可以食完 我覺得純粹為咗有個地方可以吹陣水既話 滿記都係可接受既餐廳 但如果想追求高質素既甜品 就要再搵第二度喇😌😌😌

食完晚餐近近地系地鐵站附近嘅滿記糖水食飯後甜品..呢個Oreo 旋冰有椰果，普通既罐頭椰果，甜甜地煙煙靭靭，彩色小丸子，賣相好吸晴，但實際無咩味道...另外有d透明粒粒，一咬就爆，好彈牙、清脆！底層就有Oreo 整成嘅冰，有朱古力同奶油味，味道唔錯呢個醉心榴連真係好正！兩舊榴槤果肉配椰汁冰，榴槤好甜好香，真係啖啖榴連果肉，將佢混合同椰汁冰一齊食，中和返佢嘅甜度！最後就食剩粒士多啤梨！因為士多啤梨有點兒酸其實兩碗糖水嘅價錢過百真係好貴

其實一個人又有乜好怕wo，一個人都可以食甜品，一個人都可以開開心心白雪黑珍珠個名真係改得靚，唔知點解一見到e d菜式名，我就諗到，豬肉叫豚肉圖同真相都幾接近，係擺位小小唔同啦，都叫過得去椰汁香甜，冰碎令甜品係夏天變得更好食，每一口都透心涼，冰碎入口溶化，balance甜品甜味芒果，較酸，夾香蕉食就剛剛好香蕉，熟了，不過冇爛，小小淋，好甜甜桂圓，即係龍眼乾，清甜潤喉，甜度相對生果子甜，但煙un泰國特飲嗰d生果嘅子，脆脆地，但冇味，幾得意