滿記甜品 (朗豪坊)

營業中

休息中

其實我覺得香港食甜品越黎越貴，不少甜品店要$60以上，所以真的要好好珍惜一定依法是$30、$40的甜品店。老公要左個雜果豆腐花，上面除左一般生果之外仲有埋海底椰添!呢個就係我點既芒果黑糯米，黑糯米整成兩個波形咁好可愛，黑糯米夠晒煙韌，上面既芒果亦都夠甜，唯一我估唔到既就係呢到既椰汁底都幾淡味，食落感覺無咁高卡路里，覺得健康D無咁肥

去到滿記榴槤忘返係我必點嘅食物，佢哋嘅榴槤每一次都可以keep到水準，又香又甜，一啖榴槤一啖黑糯米，加埋佢個白色牛奶沙冰汁，配搭得非常好，簡直一口接一口不能停下來。

行到攰攰地，吃下甜品補充下。今天叫左個芝麻糊加湯圓。芝麻糊味道濃郁，芝麻味很突出又帶香，微甜，濃度適中唔會稀，每一匙都十分幼滑無用粉開的感覺。湯圓是小巧型，細細粒，一口一啖，麻蓉饀很香甜，有炒過的香味而唔會太甜太膩。雖不是最好但絶對可以頂下癮。

有一排無黎滿記，今日突然想食佢個榴連pancake入到去見有新menu，忍唔住叫多個芒果脆脆窩夫榴連pancake一如既往足料，榴連夠多又夠甜估唔到滿記做窩夫都好好味，雪糕上落左餅碎，食落多一份口感，窩夫淋上茫果汁同果肉，而家茫果當造好甜好豐富既層次同口感

同朋友坐低後二話不說就點了榴槤飄香和榴蓮pancake事關兩個都係榴槤控！榴蓮pancake榴槤肉很多，很臭，夠凍！榴槤飄香有成球榴蓮蓉，入面仲有少少碎冰，好似食緊新鮮榴蓮整成的榴槤雪糕咁！好正！通常榴槤隱發作就會去滿記一解相思之苦！

因為屋企附近無滿記，最近都要去到旺角先有～難得週末約了位友人去朗豪坊行街～緊係要藉機食返次滿記啦！ 雖然滿記不停有新口味推出，但我次次都係鍾情於「白雪黑珍珠」～一次可以食到6樣野。有香蕉，芒果，桂圓肉同椰肉～四款生果都香甜可口～果肉十分新鮮～配上椰汁冰同明列子，清清爽爽，適合夏天既解暑又解渴！最後我又加左個抹茶雪糕～唔會太甜，略帶稍稍甘香，好食雖然咁多樣野mix一齊，並不會覺得味道奇怪，反而越食越鍾意！友人要左個「西瓜豆腐花」～我只係試左少少，豆腐花都幾滑，加上西瓜清甜嘅味道，整體不過不失啦

今天同朋友過咗旺角來shopping，行到有d攰攰哋，于是去咗滿記透透食返碗甜品，朋友點咗一份海底椰白雪黑糯米，佢話海底椰食落爽口，糯米香軟，咁樣搭配食起嚟都OK，我點咗個抹茶彩虹，新鮮嘅士多啤梨加冰凍凍嘅抹茶雪糕，啖啖透心涼，真係好爽吖～

系旺角行完街想食糖水就去左滿記，一去到見到坐滿，好彩仲有兩個位！滿記既楊枝甘露係最好食！佢有d透明既粒粒好爽，其他地方既楊枝甘露無嫁！芒果汁芒果味濃，唔會溝太多水，良心餐廳呢個榴連真係正到飛起！啖啖肉之餘，榴連夠甜唔會苦！加埋椰汁同碎冰，好正！

前幾日同朋友食完野去行街話好想食甜品，咁岩經過滿記，就走左入去食。叫左3樣甜品 - 芝麻糊、雪山綠茶雪糕涼粉和芒果豆腐花。大家一齊share食，我個人比較中意食芒果，所以我覺得芒果豆腐花比較好食，不過芒果冇想像中咁甜。芝麻糊就一般般，同平時食既差唔多。雪山綠茶雪糕都唔錯，食材配搭唔錯，味道亦唔會太甜。

幾日前與媽咪一起去滿記食甜品，真系好耐無去過喇，呢次要好好食翻餐。芒果白雪黑糯米，感覺唔錯，內容豐富多料，芒果果肉厚且多汁，很香芒果味。黑糯米也是很糯，黏黏的，口感甜甜的，黑糯米和黃芒果還有白色，睇落色澤不錯。榴槤布丁也是令我驚豔，榴槤味香飄到好遠，布丁入口很滑，焦糖不會太多，甜膩度剛剛好，是適合我的程度。椰汁紫米糕，真系值得一試，椰汁是真正的正宗椰汁，很濃稠，加上紫米的點綴口感就更加令人喜歡。一份都好大一塊，一個人都可能吃不完，老闆好好人，侍應接待都唔錯喇，系度食野好開心。

食完飯後想食d甜品，滿記甜品係唔錯既選擇。點左個草莓西米露，36蚊。雖然份量唔算多，但岩哂d鐘意食土多啤梨甜品既人。草莓雪糕唔酸，幾香甜。我鐘意佢奶香夠濃郁，加上一粒粒西米口感爽滑。另外點左雜果豆腐花。賣相幾好，有西瓜、哈密瓜、芒果等唔同顏色既食物作點綴。豆腐花質地滑溜，入口即滑下。生果唔酸，幾好食，可惜生果味掩蓋了豆味。不過可能因為糖漿唔夠，味道有點淡。但整體都唔錯。

話說聖誕假的這晚和朋友在附近打完邊爐，大家餘興未盡想食番個甜品，就來到滿記。相當多人，等位也等了有十幾分鐘。朋友都話滿記最好味就是芒果pancake和榴槤pancake，今次我食的是芒果pancake，依家高水準，香濃清新既芒果味，真係令人食過番尋味。我們就在滿記邊食邊吹水後圓滿地結束了這次聚會。

飯後甜品都唔知係邊個諗出黎嘅，去左滿記，又叫例牌嘢，白雪黑珍珠加雲尼拿雪糕，其實食甜品都等於食到個飯嘅價錢，我覺得唔合理，但都食左我個人認為雲尼拿雪糕係最易同任何甜品夾的，當然lee度嘅係一般牛記貨色，奶香味係有但唔好預好濃好滑個甜品有羅望子，冇乜味但質感好，小小脆，似芝麻，冇味都好，可以中和下甜味，鮮芒粒，小小酸，芒果味濃，不錯的，仲有我最喜愛嘅圓肉乾，令整個軟同流質的甜湯變得突出，圓肉即係桂圓又可以叫龍眼，因為係乾，所以清甜味更突出，仲有d白色一粒粒嘅似海底椰仔嘅東東，食落煙un，唔太甜，整個甜品mix左不同嘅甜，令人好易接受不過唔知做乜有舊好硬嘅嘢，可能係厚冰塊，食曬先發現，真係.......都唔知講咩好，咁大家食既時候小心D

食甜品都要知道時間, 要揀人家還在食晚餐的時候就最好。今次同朋友6點已食晚餐, 7點已經食飽飽, 不過都想再搵個地方坐坐, 甜一甜抹茶彩虹- 依家傳統的糖水店都要攪攪新意思。今次見到有這個抹茶系列, 就試一試這個, 知道甜品有木瓜, 預先要求不要, 免得浪費綠茶雪糕都幾甜, 都有少許綠茶味, 芒果好好, 仍是甜而不酸, 有一舊西瓜及哈蜜瓜, 不太新鮮。抹茶啫喱幾彈牙, 配上甜甜的紅豆蓉, 味道好夾。下次都可以再食, 不過希望生果可以有改善。

食完壽司, 對面已經有一間糖水店, 這店以前由小店, 慢慢做到連鎖式, 現在更進註大型商場, 在這個舖位可比其他舖留得耐, 原因無非是這店質素尚可, 而附近亦無類似的店舖, 所以都算做到做獨市生意。就以上原因, 我亦好容易地為了一點甜, 而行入這店。款式有傳統, 有新花款, 我對這店的新款食物比較卻步, 就選擇了芒果西米露芒果西米露- 一時忘記了現在芒果不合時食, 但芒果不酸, 仍甜, 西米雖細粒, 但粒粒分明, 微微彈牙, 再加上芒果汁做調味, 稠稠之餘, 更為這甜品加了清甜香。整體不錯。店舖雖小, 但位置都算寬闊, 所以都坐一坐, 休息一會再去購物~