滿記甜品 (V Walk)

營業中

休息中

有次同朋友出街食完飯，朋友食甜品嘅時候點左個糖心蛋，佢話好好食，所以有次食完飯經過見到滿記，我哋就走左入去試！果然有驚喜，糖心好甜好友蛋味，但係同時間又有充足嘅酒味，唔會又唔夠味嘅感覺！而且$12都唔算貴，正常價格，大家可以一試！題外話，南昌分店呢間嘅姐姐非常友善，本身我哋想外賣，但係要一蚊外賣盒收費，我哋費事浪費同唔環保，最後決定淨係食隻蛋就走，佢都非常之有禮貌，仲提我地下次如果真係鍾意食的話可以自己帶個食物盒去，咁就可以環保啲！

對上一次光顧應該是過多月前了。今天在附近工作，所以吃完杜小月後便過來吃甜品。今天挑選了杏仁蛋白。原本以為杏仁蛋白應該沒什麼驚喜吧，但吃第一啖便發覺糖水內佈滿大量蛋白，絕不欺場。杏仁糊也有很香的杏仁味，也很濃。我發現枱底還未裝勾（用來掛袋），所以便問那位笑面迎人的老闆娘。她說他們已買了有大量的接盒來讓我們放袋， 隨即便給了我一個（見圖）。我看見他們新推出了焗荔茸西米布甸！下次一定要來試試！

去到深水埗食完個晚飯，最好就係可以食個糖水去滋潤一下，咁先叫做完美既一個晚上。但其實你都可能知深水埗台式糖水店已經愈開愈多，芋圓係好食但食得多有時都真係轉返一下味，講到香港土生土長既糖水店，不妨可以過去深水埗深旺道28號 V Walk 嘅滿記甜品🤣我地今次嚟到就點左呢兩款，就係桂花酒釀丸子 配流心日本蛋，睇下個蛋黃幾咁性感，而桂花酒釀丸子 就係經典既味道，陣陣桂花香😍!!!桑寄生蓮子蛋茶就係老牌糖水之一，隻蛋幾食好，鍾意懷舊既味道就唔好錯過🤣🤣🤣

朋友強烈介紹下 食完飯就黎左呢間比較「特別」既滿記有咩唔同？ 就係佢的的式式 麻雀雖小但都有九款甜品可以選擇內部裝修文清 小清新 比較適合少人眾集甜品好有亞洲風味...點解唔係中式？因為佢有款燉乳酪叫做宮庭式花雕酒燉乳酪$39送到黎就會覺得好靚 好韓國但個盤就日式 餐具就韓式燉乳酪就中式味道好特別 唔似燉奶咁濃奶味偏清新 唔會太甜 有surprise 價錢合理 cp值高另一款朋友叫左既係桂花酒讓丸子外表靚靚 打卡就岩哂！ 價錢就平少少$35熱食就岩哂女仔生理期但又想食甜品既時候上有金塊下有丸子兩款都物有所值 新商場人流唔多加上去既時候係平日下午茶時間所以慢慢食 唔洗趕⭐️⭐️⭐️⭐️⭐️

早幾日同客人去睇樓,行下見到有滿記甜品簡直係沙漠中的綠洲!! 時間尚早,在等既人唔太多! 位置舒式又夠冷氣凍!! 聞到榴槤飄香可惜我個客唔食榴槤 !咁就叫咗個燉蛋 $29窩心冰糖燉蛋再加個湯丸窩心冰糖燉蛋 非常夠熱 ,唔太甜,味道好滑溜溜 !分量 不多不少,食完唔會滯,湯丸皮薄餡靚再叫咗個 桑寄生蓮子蛋茶 好夠熱又足料,好夠補身,飲落去成個人暖笠笠,味道好濃但又唔會好甜, 最緊要係 價錢夠平呢個商場都係中高檔為主區內非常優惠

南昌V walk行完街，見到新開左滿記甜品，所以吃完晚飯後留肚來朝聖，裝修比其他分店有所不同更有時代感，簡約餐枱可立食，或坐bar 枱更舒適。平時我除了西式甜品或蛋糕外還喜歡中式糖水，店員介紹這分店專吃蛋製甜品，餐牌上選擇多，各式其式。窩心冰糖燉蛋，燉蛋講求蛋和水的比例，火路時間掌握好重要。雞蛋是非常普通食材但營養相當豐富。店員介紹這兒用的是日本蛋，怪不得顏色特別橙，吃一口騰騰的燉蛋，滑溜得像豆腐般細嫩，濃郁的蛋香甜在心頭。非常滿足賣相顏色

V Walk嘅商鋪陸續開幕, Weekend就同朋友去湊下熱鬧。經過滿記甜品, 見裝潢幾靚, 就入去歇腳。同其他分店唔同, 呢間係概念店, 大部分嘅甜品都有蛋做主角, 我就揀咗桑寄生蓮子蛋茶($36)。唔好以為食糖水就一定會肥, 呢款糖水其實好健康㗎! 熱辣辣嘅桑寄生茶無苦澀味, 甜度適中, 原隻雞蛋茶香十足, 去芯蓮子入口鬆化, 絕對為納悶嘅夏天加點甜。提提大家, 宜家滿記仲做緊信用卡優惠, 只要消費滿$30, 即減$10, 絕對抵食!

食咗咁多次正餐終於有篇係講甜品🍮今次同大家介紹嘅就係位置南昌嘅滿記甜品喇滿記依個名我由細聽到大都叫算冇咁老嘅老字號喇依間分店係南昌上蓋嘅V walk 廣場入面十分方便其中有道甜品叫“外婆常餐”吸引咗我鮮奶配流心日本蛋仲要有多塊餅送奶咁盞鬼就試試佢先份鮮奶同專出燉奶嘅燉奶佬有得揮一樣咁滑 扒入口一啖即溶配埋粒流心蛋黃 份奶嘅口感會厚咗同“溜”咗如果想口感再豐富啲就夾埋塊餅啪入去脆得嚟又滑 滑得嚟夠溜雖然甜品嚟講 佢嘅味唔算濃但口感嚟講真係玩晒👍👍👍

最近知道南昌開咗呢個新商場，星期五放工就去搵嘢食。我哋食完飯行咗一陣就去咗滿記食糖水。呢間滿記係走養生路線，門面都同外面既滿記好唔同，本身經過仲以為佢係涼茶舖添！入邊仲竟然有茶葉蛋食！-年紀大啦，食糖水都要揀啲養生嘅糖水食😂叫咗一個滿記杏仁蛋白，杏仁味濃郁，仲可以食到一塊塊嘅蛋白，好滑！-桑寄生蓮子茶入口順滑，清甜，好滋補！對平時手腳容易冰冷嘅女士好岩！-見到佢有酒釀丸子，好吸引！下次要再留肚嚟食糖水！

I haven't been to MK for ages because all they serve is mango and durian in these yellow coloured square bowls.All that has changed and they have some different desserts that are worth trying.I was captivated by the Milk custard with sweet fermented rice which was served in a golden bowl.It was glamorous but the whole thing looked Korean!It contains sweet fermented rice which exists in both the Koreans and Chinese cuisine.It was thick and creamy with a faint alcoholic taste but not as sweet as J

尋晚收工好想食甜品，又唔想行到太遠，見到滿記就行左入黎。睇左個menu 一陣，其實好多野都想食，但我最想食煙煙軔軔口感嘅野，但又唔想咁膩，就叫左呢個桂花酒釀丸子，一黎到都幾大碗，心諗個丸子咁大粒嘅，但原來係芝麻湯圓黎。個甜品好足料，桂花同湯圓都多，加埋桂花好fresh，而佢隔離果D蛋白同桂花又唔會好甜，食落好養生。桂花同蛋白既份量都好多，加上呢兩日夜瞓，個人其實都幾上火，食完有種清熱氣、透心涼既感覺，下次都想試下其他野。可能約埋同事一齊share個冰咁，咁就可以試多D唔同野。

今日去左長沙灣同朋友睇戲，睇完戲之後我哋行咗南昌v walk，原來呢度開咗間滿記甜品，原來呢個商場新開都幾多嘢行以前你們既淨係識得食「榴槤忘返」但因為我朋友係完全唔食榴槤，所以費事嚇親佢今日就食其他糖水啦窩心冰糖燉蛋 $29 📝分數：7.5/10燉蛋食落滑嘟嘟，口感好嫩滑。而且好香蛋味。我鍾意佢用咗冰糖，而且唔算好甜，啱晒而家減甜一族。酒釀宮廷奶酪 $35 📝分數：7/10奶酪同樣滑溜，食完好有邪惡感！酒釀感覺很清新，完全沒有唯和咁。

同朋友食完晚餐唸住行下街，見到滿記開左間養身甜品舖，雖然仲好飽，但係都忍吾住入去試下🙈。呢度雖然細細間，但係好骨子，職員好積極推介一啲養生嘅食品，例如燉蛋，不過我一睇餐牌，已經比蛋白杏仁茶深深吸引住 😹，而我朋友就叫咗燉蛋，可以比小朋友試下😋。佢係採用自助購買形式嘅，所以我哋搵咗位坐低後再行出去排隊買，買完之後等左大約5分鐘度d野食就到，效率都算快。蛋白杏仁茶：味道唔算好甜，正正合我心意，因為平時喺出邊食好多都好甜，所以有時情願自己整，但係自己又懶，所以呢度滿足到我呢d想食得健康d但又懶得整人😂。我就係比呢張相吸引左，望落都覺得好養生，幾欣賞佢哋開呢個類型嘅甜品店，等我哋可以食糖水都得健康啲。

星期六約左朋友行下街食個晏，去左深水埗新商場V Walk行下，哩個商場幾光猛，同埋幾多餐廳選擇，經過滿記甜品，發覺唔係買平時啲甜品，聽店員介紹，原來哩間係專食蛋嘅甜品，而且係企位，裝修幾特別! 有出面比較少有既酒釀甜品，份量又唔會太飽，一於叫碗桂花酒釀丸子試下，我地仲加$8要左隻流心溫泉蛋。 送上來時，已經聞到好香的酒味，試左啖酒釀，好清香! 仲唔會有酒既發酵酸味，相信酒釀既調配都落左唔少功夫。日本蛋真係唔同啲，隻蛋黃係橙色!之後再將隻半熟溫泉蛋整爛搞拌一齊食，口感變得更厚實，食完成個人暖粒粒呀! 仲有2款丸子，一款係芝麻餡，另一款係淨粉團的丸子，兩款都好夾! 我比較鐘意芝麻餡，因為好香芝麻味! 哩個桂花酒釀丸子好有驚喜，下次要再來試下其他甜品。

趁平日早收工，約左朋友係南昌V walk呢個新商場睇戲。經過滿記甜品，熱情既店員好盡心咁介紹佢地既店舖特色，全鋪得9款甜品，以蛋為主要。又推介比我佢地既必食甜品，所以趁朋友未到，我都坐低試試。今次嗌左個“酒釀宮廷奶酪”，當然呢個係店員特別推薦的，中式燉奶混合左少少既花雕酒，奶味同酒味配合得很好。店員亦提出如果覺得酒味不足，可以添酒試左原味既奶酪，忍唔住麻煩店員添酒，加酒後，花雕酒既香氣四散，奶酪既酒味更加濃郁，不過我覺得原來會更加食得出原來的奶味。食左一半，店員請我食左半隻佢地既溏心醉蛋，每口雞蛋都有少少既酒香味，非常之好味，鐘意食溏心蛋既朋友絕對唔可以錯過呀!