滿記甜品 (已結業)

食完晚飯，行左陣街，覺得口淡淡，就和朋友去食個甜品先返屋企，搵左間最近既滿記甜品試一試。白雪仙草芋圓陣陣椰香既白雪，係用椰汁做出來，加埋幾種顏色既芋圓、紅豆、仙草等等，就成為呢個甜品，食起上黎，芋圓都算Q彈，但食唔太出唔同顏色係咩做出黎，椰汁底都香，成個甜品既甜度係可以既，咁既價錢算係咁。芒果奶凍樂芒果可能因為唔係當造，所以唔太甜，奶凍既牛奶味都可以，算滑口，但可以再杰返少少，口感會再好一些，混埋芒果一齊食都okay都幾夾。

好喜歡吃滿記的芒果🥭食品，他們對品質的要求十分嚴格，原來他們特地挑選尚未成熟的果實，在人手監控下讓他天然熟成，這樣品質就能自己控制。楊枝甘露 材料不太複雜但出來的效果是非常配合。芒果肉打成茸 還有柚子粒，西米，椰奶，淡奶和芒果粒。冷藏後，這個甜品入口清甜，又爽及健康的感覺。芒果西米露 有香濃的芒果茸、西米及大大塊的芒果肉，很能滿足芒果的愛好者。榴槤班戟也不錯，薄薄的皮包着榴槤肉及忌廉，忌廉的份量很多，雖然滑但榴槤的份量可以多一些。

同朋友係附近食完晚飯，但因為唔夠飽，決定食豌糖水先番屋企，咁先夠滿足。醉心榴槤兩大球榴槤蓉+雲尼拿沙冰，好足料！我朋友唔食榴槤，而佢坐對面都聞到果陣榴槤味!食落榴槤香濃好似食緊成舊榴槤肉咁，配埋下面嘅雲尼拿沙冰，凍凍地甜甜地，都幾好味。白雪仙草芋圓 (HKD 39)聽講新出左芋圓，咁緊係要去試下啦。除左地瓜、芋頭、紫薯芋圓，配料有涼粉、紅豆、薏米、芋泥、椰汁。三隻芋圓都分別食到佢地應有嘅味道，不過芋圓可能凍食，偏硬，唔夠煙韌我好鍾意佢加左薏米，食落滑滑地又有咬口本人唔太鍾意食芋泥，因為覺得佢偏乾。不過佢好香芋頭味，加埋椰汁食都唔錯 係間鋪門口已經聞到陣陣榴蓮味，唔鍾意食榴蓮嘅朋友要小心。

新派甜品店 歷史悠久 傳統中式糖水 水準依舊！滿記糖水我諗好多香港人都聽過 呢間甜品店已經有十幾20年歷史 可以開到咁耐我諗都有佢特別嘅地方 同以前比啲間甜品店都算貴左 呢間甜品舖特別之處係佢嘅餐牌每一段時間都會有啲新嘅甜品推出！呢個芒果疏乎厘pancake$72 就係一個例子之前季節限定而家好似已經冇咗lu紅豆沙 $21 鮮奶燉蛋白 其實覺得滿記嘅鮮奶燉蛋白都真係幾好食 有時覺得佢呢度嘅鮮奶燉蛋白仲好食過澳洲牛奶公司嗰啲 因為呢間鋪頭嘅鮮奶燉蛋白唔會太甜同埋牛奶味都幾重燉蛋亦都嘅話唔會起粒粒無論係傳統嘅中式糖水定係新派嘅現代甜品 都可以搵到 有時如果同朋友想食唔同嘅甜品有啲想食生果個的有啲想食乜乜pancake cake有啲想食紅豆沙綠豆沙芝麻糊 如果有時唔想口同鼻拗 我都會提出不如食滿記算數講真其實呢間甜品店唔係非常之好食亦都唔係特別有特色 只不過係種類多水準依舊 有時如果想穩穩陣陣搵間甜品店食都會選擇滿記 起碼分店多水準好！ 唔怕伏呀嘛！俾得錢去食個甜品 都係想開開心心啫 有啲唔係唔好食嘅嘢落肚已經好滿足😂😂😂

6/12/2018食完飯，口痕想食甜品，近近地去咗荃新的滿記，店內不多客，座位舒適。點了喳渣，用料足，有紅豆，西米同鷹嘴豆等雜豆，不死甜，好味。仲點了芝麻糊，芝蔴香撲鼻而來，濃郁綿滑，都好味。冬日吃一碗熱呼呼的糖水，雖然簡簡單單，但格外滿足窩心。滿記甜品的分量較細，適合注重體重的女士，但以價格來說就偏貴，不過香港人食甜品都係捨得嘅！

✏️熱芝麻糊杏仁茶配芝麻湯圓 ($42)係呢個凍凍地嘅天氣食返碗熱辣辣嘅糖水真係勁享受🤩貪心嘅人(再加上有選擇困難症🤣)表示又想食芝麻糊又想食杏仁茶🤪好彩呢度有得雙併 仲要配埋三粒芝麻湯圓🥰簡直係大滿足❤️

食完個汀汀烤魚火鍋，有人話食唔飽，就話去食甜品。 簡簡單單的就去食滿記啦……入到去就見到好多人，不過侍應姐姐又好快俾到位我地。 食甜品最好搵啲舒服的甜品店0黎坐及慢慢享受0黎食。 記憶中，在沙田食過滿記，全是大陸遊客，坐得好逼迫，好想叫人走之外，我都好想食完快點走。圖片跟實物又好真，圖片影的很美好豐富的白雪黑珍珠 $37 ：口感好豐富又健康的甜品，有元肉，椰果，芒果，香蕉，黑珍珠及椰汁。 慢慢食，慢慢享受片刻的浪漫雪山楊支甘露配芒果雪糕$47：有人食得超快，肚餓加好味，大啖大啖食，超滿足了吧今次再0黎滿記，感覺比前2年感覺好好多；唔再有逼迫感，仲好舒服地慢慢坐慢慢甘享受食甜品，可以享受片刻的寧靜感及浪漫感，感覺好舒服……BTW ……見到好多情侶入0黎

山長水遠來到荃灣就係為咗Little Twin Star, 店內最入邊嘅有數張枱係有造型小屋裝飾, 其他嘅枱都有佢地2個個樣.因為LTS 嘅甜品實在是太唔吸引到我, 我最後叫咗杯飲品. LaLa 雲朵沙冰 ($48)外形確實係好夢幻, 仲有送紙杯墊, 粉紅色嘅沙冰好明顯係士多啤梨味, 白色嘅雲朵應該係cream, 最上面有些些星星形嘅蒟蒻.因為收費$48 都算係幾大杯下.    甜品方面我地都係回到基本嘅款式, 叫咗"楊枝甘露" 及"楊枝甘露豆腐花", 分別係$34 & $37, 但有豆腐花嘅大成個碼, 要食嘅應該食呢個, 抵食好多.

食完晚餐唔算十分飽，經過滿記就令人產生了邪惡的念頭，一於食個糖水啦！我同男朋友都係榴槤愛好者，真係menu都唔洗睇呀，兩個榴槤雪山丫唔該！賣相好好呀！用木盤子更帶點文青氣息呢～冰凍既雲尼拿湯底，濃滑既綠茶雪糕，加上大大舊既榴槤肉，三種好似唔係太𠸎耕既食物，擺埋一齊竟然會係咁夾！仲有酸酸甜甜而且切成心形既士多啤梨，酸味令到成個甜品都冇咁漏！雖然呢個甜品好邪惡，但食完真係好滿足！喜歡榴槤的朋友一定唔可以錯過呀！

讀書果陣入親西貢，必定要去排隊等位食滿記！但而家唔洗lu，因為滿記開咗十幾間分店，唔洗再山長水遠走入西貢食。不過西貢嘅總店係設有榴槤區同非榴槤區，啱晒我呢d怕榴槤味嘅人。因為朋友航班係晚上，朝早上完大帽山飲茶，下午仲有時間，可以近近地去荃灣shopping。行過滿記果陣，見朋友女兒心心眼咁望住，對佢嚟講台灣嘅糖水只有芋圓、雪花冰，港式糖水對佢嚟講確係幾新奇，於是就同佢入去試下!楊枝甘露滿記最出名嘅係芒果同榴槤，榴槤我唔啱，所以我必食芒果類甜品，今日簡單食個經典港式糖水。據說楊枝甘露係1984年喺利苑酒家首先出現，當年利苑準備喺新加坡開設第一間海外分店「利苑餐廳」，為咗因應當地全年炎熱潮濕嘅東南亞氣候，於是名廚黃永幟將原本燉製嘅甜品改良成為一種凍食嘅消暑甜品，就係楊枝甘露!滿記嘅楊枝甘露材料包括沙田柚、芒果、西米、鮮奶油同糖水。柚子拆成肉，芒果打成汁同切粒，與西米及糖水拌勻。口感滑潤，清甜爽口，無論飯前飯後食，一樣咁滋味!醉心榴槤兩大球榴槤蓉+雲尼拿沙冰，十分足料！ 我坐對面都聞到果陣榴槤味!朋友話榴槤香濃好似食緊成舊榴槤肉咁，配埋下面嘅雲尼拿沙冰，凍凍地甜甜地，好好味!佢仲叫我試……

朋友敘舊食完火鍋，飯後甜品好想食榴槤，一行七人，六個都想食榴槤，梗係去荃灣滿記！佢啲榴槤甜品出名好得！約六個食 榴槤甜品，一個完全唔食！梗係俾我哋圍攻！最好仲逼佢試食！榴槤班cake、榴槤糯米糍、流連忘返、榴槤涼粉⋯⋯款款不同，但都非常之美味！　

前排PPFood同friend出開荃灣食飯 就一如既往咁食個飯後甜品😚 由於唔知食咩 所以就近近地食滿記😂食完呢個士多啤梨西米露 PPFood忍唔住慨嘆一聲 人類總是重覆犯錯的🙈 事關呢個西米露PPFood已經唔係第一次食 而每次食完都覺得好一般 但都仲係俾佢個名同圖吸引住 但上枱後就會後悔🤦🏻‍♀️ 事關佢一滴汁都冇 勁傑 感覺係食緊士多啤梨雪糕+西米🤔 食完都得唔到滿足嘅感覺🙁 下次真係要控制下自己食其他😶😫😩😐

甘露飄雪配綠茶雪糕，因為我同朋友都鍾意食楊枝甘露，呢度嘅綠茶雪糕好有奶味同綠茶味，除咗有西米之外，仲有細粒既爆珠，口感豐富，夠晒凍，芒果味就唔係好夠，整體來講還不錯，最好係可以坐好耐。

今日同朋友到荃灣，行行下肚餓，就食下滿記，勁耐冇食，真係幾好食4個人叫佐5樣野。唯一有d吾係幾好食既係楊枝甘露凉粉，同其他野比味道有d淡，冇咩芒果味。色菲幾好食，有格格脆，雪糕，底仲有椰果

抹茶彩虹：早餐來點水果（誤）底下的抹茶啫哩讓人驚喜，因為原本我們以為只有抹茶雪糕和水果，但是裡面的餡料都蠻多，這個價錢來說這是實惠的選擇。味道嘛，就是想像到的味道嘛～南北杏燉木瓜雪耳：傳統甜品不會不好吃啦！是清熱潤燥的甜品，特別適合秋冬飲用，如果再足料一點就好啦。抹茶茶凍：相比起其他抹茶專門店，滿記也有這個實惠版本的抹茶果凍，雖然可能沒有大家吹捧的回甘味道，但是陪著紅豆餡，白玉丸子等等的材料，是令人蠻滿足的下午茶。說到滿記就不得不佩服他們的維持質素和擴展的能力！有傳統的甜品，也不缺時興的抹茶、窩夫元素。環境舒服是一大讓客人留下來的因素。不禁留意到荃灣店的價錢比其他的分店更加便宜～