滿記甜品 (已結業)

睇完openrice送嘅戲，已經晚上十點半，行去美食廣場食糖水，有好多櫃臺，呢間黃色招牌，有晒硬膠食物模型，好搶眼，可以直接在櫃臺比錢，攞飛等攞食物！花生湯丸加紅豆沙芝麻糊（$44）賣相認真麻麻，同相片爭好遠，暗紅加黑黑嘅芝麻糊撈埋，紅豆沙好杰，紅豆大粒稔身，起晒沙甜膩好味！芝麻糊杰身，芝麻味香，味道甜膩好味，入面嘅蓮子爽口，花生湯丸四粒，但唔夠熱，湯丸皮較韌，花生碎餡椰絲幾香！一般，整體好味！桑寄生蓮子紅棗蛋茶（$32）朋友飲！店員爽手，自助式唔多接觸！中式糖水好味！

係APM嘅foodcourt 食碗越南粉都係40幾蚊，但我呢碗賣相已經唔得嘅甜品，竟然要50幾蚊但奈何喺附近食完飯最近有得食甜品就係呢度啦！我揀咗個類似芒果黑糯米的買相完全唔吸引，感覺好求其，芒果唔甜，好彩又唔算酸，但又冇芒果味囉！都要差不多＄50。最抵嘅類似椰汁雪花冰，味道都幾好嘅，但真係全部都係冰！兩舊應該係紫米溝黑糯米，小小甜，口感夠晒煙韌彈牙！可惜現場實在太多人，搵位加等位，已經影響晒食甜品嘅心情，食咗都唔沒有完美的感覺！

聖誕節難得男朋友送我回家, 回到官塘時突然忽發奇想很想食一下甜品, 便走了去apm滿記了. 滿記已經不是第一次幫襯了, 向職員表示提供甜品menu, 看到有點傻眼? 又偷偷地不知不覺地加價了, 雪山榴連以前食由$37加到$51, 增幅實在不少..😅-排隊叫甜品的隊伍不分次多人, 排隊叫餐, 等待差不多花了接近10分鐘時間...雪山榴連 $51雪山榴連其實是以雲呢拿打做雪花冰底, 雪花冰入口瞬間溶化, 味道甜甜但不會太過火. 榴連球吃下令口腔充斥住滿滿的榴連香, 齒夾留香的味道相信愛榴連者才會明白如此充滿的心情. 只可惜榴連食材的產品定價確實是有點高昂, 雖然味道能保持一定水準, 但奈何價錢的確令人有點卻步... -芒果西米露 $36西米露有別於椰汁西米露的做法, 西米露再加上匙芒果醬. 因為芒果醬味道較甜食起上來味道還可以但未至於好味道.-連鎖式經營關係所有的甜品其實都是現成貨, 味道尚可接受但沒有驚喜之作. 而且價錢真的有點傻眼, 只能說未必會經常光顧 -

滿足感滿滿的滿記南瓜栗子露：下午本來約了財經專家金曹在 APM 的 Starbucks 談生意，之後看到时候尚早，無意中發現了滿記甜品。我一直對滿記的出品有信心，叫了一客$32的南瓜栗子露，感覺非常良好。甜品溫度應該有近90度，南瓜與粟子的配搭比例也洽到好處。

這間分店位於APM food court 內，在繁忙時間要找個位子用餐是件不易事，幸好這晚人流不多，我們等了一陣子便可坐下。之前已嚐過多次滿記了，因此很快便可以點好食品。今次點了三款甜品，我們都不約而同覺得品質好像倒退了。綠茶紅豆窩夫 是我們第一份品嚐的食物，顏色鮮艷，賣相吸引，包括了兩球綠茶雪糕及兩塊窩夫，二人分剛剛好。略嫌綠茶雪糕的甜度太高，茶味不足。而窩夫雖鬆軟，但不夠香脆，似乎已預製了一段時間。紅豆味甘甜，這算是不錯。榴槤斑戟 維持了一定的水準，拆開包裝時已聞到陣陣的榴槤香。青色的薄滑皮包裹著忌廉和榴槤肉，各佔一半，喜愛榴槤的人會吃得滿足。倘若冷藏溫度低一點會更好。海底椰黑糯米甜甜 令我們有點失望。雖然黑糯米依然粒粒煙韌，但糖水只剩甜味，欠椰香味

今日好想食甜品, 所以黎到APM呢間連鎖店食返個糖水先. 呢間連鎖店既榴槤產物而起名, 榴槤控既我當然叫返個雪山榴槤喇!😁雪山榴槤 $46 & 楊枝金露 $34價錢一d都唔平 (榴槤製品仲有d貴tim💸) 雪山榴槤係冰沙配上一球榴槤肉 & 一球雪糕(可選雲呢拿/綠茶)冰沙係以椰奶做成, 椰香味唔重反而奶味幾夠, 沙冰食落甜甜地, 確係夏天既消暑佳品榴槤食落好香甜, 冇其他水果可以同榴槤香比美😌😌😌楊枝金露其實係正常野, 味道唔太驚喜不過比較某d糖水糖佢地既楊枝金露夠係唔錯! 起碼料子都算幾多!👍🏻

今次嚟到滿記搵食！喺food court食完晚餐～觀塘唔熟路又怕出去唔知邊度有甜品店～唯有食滿記啦～楊枝甘露芒果都幾甜～西柚亦唔苦～應該係因為夏天當造吧不過西米有大小2種～大嗰隻難啲咬開～不太喜歡個口感…湯圓配腐竹薏米糖水個人比較喜歡煮碎咗嘅腐竹～一片片咁好似冇煮過～不過個糖水base真係冇乜腐竹味…湯圓轉咗芝麻湯圓比較香～還不錯～不會煮得太腍！整體來說只係中等～如果喺其他熟悉地區嘅話就唔會揀滿記lu～

一個人既時間自然又係食唔係人人都號既榴槤~之前士多啤梨係一開四~唔知幾時改左呢~今次食終於唔係酸士多啤梨上次食酸到唔知點咁 榴槤蓉依然咁既Size但好似半年前仲係$42架不過份量無減都算係咁啦，榴槤蓉呢家野其實都好難講，時好時壞，有陣時好苦，不過今年食落都幾好，可以多食APM D擺位真係好窄

在鱷魚恤大廈晚餐後，意猶未盡，家人想要食甜品。APM應該是有几家甜品店。但那一刻，只是想到COOKDELI的滿記。於是全家人來到這個美食廣場。　可是８點時分，是晚市高峰期，客人超多。只能找到一張２人枱，另外去多找２張座櫈，即是４人圍邊坐，好似打麻雀。幸好這次是食甜品，並非晚市套餐。一個托盤就能放下４份甜品了。　　　 芒果布甸　家人的選擇　布甸內有芒果肉 椰汁紫米露　　家人的選擇 芝麻糊配豆腐花　家人的選擇 紅豆沙配豆腐花　　豆腐花很滑但豆味不重，紅豆沙的沙沙質感不強，略甜，配上味道較淡的豆腐花是剛剛好。 甜品價格尚算合理，味道很正常。　　唯一缺點～坐得唔舒服囉！ 食食下，仲要被等候的人望到實。　環境比低分！

觀塘無論係商場定工廈都有好多唔同既美食，但其實甜品店既數量反而較少，只有三四間而且質素亦唔高，係近呢一年半載先開始有多啲新既甜品店開左，而最少光顧既應該係滿記喇，因為個人喜歡街邊糖水店多啲，但係商場行耐左又想食糖水，就唯有靠滿記過下口癮啦呢個綠茶彩虹，好似$40，影相影落都幾大，但實物其實無咁大架，首先佢既鮮果都算多，有西瓜，哈密瓜同芒果，都算係咁啦，反而配料係綠茶啫哩同甜甜地既透明珠珠（唔知叫咩名）既量會多啲，再加上一球綠茶雪糕同埋芒果醬，事就是這樣成了XD 味道同口感都豐富既，但老實講呢個配搭覺係有啲奇怪，好似楊洲炒飯上面加左幾條烏冬咁囉哈哈，尤其是綠茶雪糕點解個面要淋芒果醬，實在睇唔透如果係咩都想食下咁都可以叫呢個既。

喜歡吃湯圓，但又怕那熱騰騰的湯，想不到原來可以凍湯水配湯圓！湯水還要是最喜愛的腐竹雞蛋，腐竹沒有煮到全溶了，還有腐竹可以吃。每一口都是滑滑的腐竹味，還有微微蛋香。入面有數粒湯圓，跟平常的湯圓相比，這湯圓較硬身，湯圓皮煙韌，內裡的花生餡沒有流心的效果，但花生味依舊香濃，特別的口感。