滿香濃

營業中

休息中

每年都很想飛台灣一轉想念當地的風景同美食但今年轉了2次工又去了追星之旅應該去不了🤣唯有買台灣食物滿足一下位於北角的 @moonxn.tw主打台灣涼麵同古法秘制鹵味兩樣我都咁鐘意😍🩷蒜辣麻醬涼麵配料有青瓜蘿蔔絲醬料惹味辣度可以自己調節好辣的我都覺得好滿足麵條有咬口軟硬適中🩷台灣古早味百頁豆腐個人超愛吃豆製品百頁豆腐特別吸湯汁凍食都好味🩷古早味滷水雞翼滷水很入味雞翼份量很足🩷香Q鹵水豬手一盒有3大件豬皮Q彈🩷黑糖冬瓜茶夏天喝特別消暑甜度不高剛剛好

小店發現‼️北角其實真係好多嘢食😂😂😂最近去炮台山攞文件，無意暑發現到間台式小店，新開嘅小店雖然唔起眼，但喜歡試新嘢嘅我點可以錯過呢？店舖雖小但絕對唔會乜都無，而且食材均由台灣直送！見到餐牌就寫住一直都想去台灣食嘅台式涼麵！店員介紹佢地係可以有combo選擇！🩷濃香麻醬涼麵🍜呢個一定係招牌，麻醬特濃，完全附合台灣嘅口味，麵質彈牙，唔會淋！❤️台灣古早味百頁豆腐最愛食百頁豆腐，因為豆香勁濃味，同時店家都係採用來台灣嘅醬汁烹調！🧡台式滷水無骨鳳爪滷水鳳爪其實係台灣好出名嘅特別小食，滷水汁夠濃夠入味，鳳爪份量都好多！💛爽脆蒜香青瓜唔知點解對青瓜係情有獨鍾，一見到就會想點呢樣黎食，好爽脆而且唔會偏酸！💚有機蜜香紅茶Combo仲可以order一支飲品，大家有飲過台式飲品都知係會偏甜，呢間係有因應香港地道口味改良，特就揀咗蜜香紅茶，真係唔太甜同濃茶味！#滿香濃 # MoonXiangNong #台灣直送食材 #台南美食 #台式涼麵 #關廟麵 #滷水小吃 #香港美食 #香港小店 #北角美食 #hkfood #taiwanfood #hkfoodie #hkfoodlover

每次去台灣都必定去夜市掃街，就算返到香港都心心念念啲台式小食！最近係北角發現間台式小店，由居港台灣人創辦嘅台式巷弄小食店《滿香濃》，將傳統嘅 #台南關廟涼麵 及 #滷水小吃 帶到香港，重現原汁原味府城風情！滿香濃所有食材均自台灣直送新鮮供應，再於本地通過台式古早方法秘製，而且係外賣店，買返公司、屋企食好方便！我就叫左 濃香麻醬涼麵 配 層層脆香滷水豬耳、古早味滷水雞翼、台灣古早味百頁豆腐！涼麵以濃香麻醬配上粒粒白芝麻，青瓜絲及蘿蔔絲，撈匀一齊食，爽口彈牙，夏天食涼伴就最清爽！滷水豬耳及雞翼夠入味，黑木耳又爽口，古早味百頁豆腐十分嫩滑，全部都係台灣嘅味道😋另外試左 清甜甜檸檬雪冬瓜，採用新鮮檸檬調配，味道酸酸甜甜，好消暑！

住喺炮台山或者喺附近返工嘅人有口福啦，俾我搵到間又平又好食嘅台式小食店，炎炎夏日有啲冷盤食吓都唔錯。$100 4款小食都真係幾抵。返工放lunch、食飯加送、睇波睇戲一流👍🏻等攞外賣期間同老闆傾吓偈，佢話香港比較少有台灣正宗地道小食，夜市嘅食物就多。佢就將自己家鄉嘅味道👅分享比香港人試吓🥰✨百頁豆腐超級Q彈嘅豆腐真係第一次食，好似食緊魚蛋咁樣，必定要試吓！👍🏻✨滷水豬元蹄大件又入味，食落去口感又唔會太油淋淋😋✨香Q滷水豬手豬手滷得入味，肉質爽彈又易咬！👍🏻✨濃香麻醬涼麵麵嘅質地爽口，老闆話係一間台南超過50年嘅老字號麵店手工製作，不加防腐劑需時兩日製成。💪🏻✨檸檬雪冬瓜真係超級好飲，咁熱嘅天氣飲完即刻降溫！老闆話係每日用鮮檸檬製作嘅！📍滿香濃 (北角)北角炮台山宏安道2-12號宏暉大廈地下5號舖#滿香濃 #MoonXiangNong #台灣直送食材 #台南美食 #台式涼麵 #關廟麵 #台式小食 #香港美食 #香港小店 #北角美食 #hkfood #taiwanfood #hkfoodlover #foodie #お勧めします #グルメ #おいしい料

特色台灣菜外賣小店 意外驚喜收工返到屋企附近，突然改變主意唔想煮飯（笑）但係屋企人又堅持要食清啲，主打清爽臺南涼拌菜既新開小店就我一命。$100三餸一麵加一支樽裝飲品，二人份量啱啱好。店家推介灣古早味百頁豆腐，本身純粹應屋企人要求要清淡，點知食落去質感非常彈牙，唔似出面烹調過熟嘅豆腐咁鞋口。有魚蛋嘅既視感！香糯軟嫩滷水豬元蹄豬皮脂肪豬肉分佈非常平均，雖然影出嚟啲肉好似好粗纖維，但其實已經煮到又腍又入味！台式滷水無骨鳳爪加埋爽脆雲耳，充滿膠原蛋白！個人認為煮得最入味就係雞腳。墊底雲耳都好食，但如果雞腳份量再多啲就好啦><呢度嘅鹵水唔會好似一般潮式餐廳咁樣，一係過鹹一係過甜。花椒八角糖同醋味全部非常平均，口味適中嘅調味其實先最考廚師功夫。蒜香麻醬涼麵有靈魂麻醬同蒜蓉醬，加埋辣椒油酸菜鹹菜同埋醋。雖然一開始攪拌有啲難，畢竟啲麵雪凍咗LOL 攤多陣之後麵質幼身彈牙而且好掛汁，蘿蔔、紅蘿蔔同青瓜絲令口感更fresh! 屋企老人家本身最憎「生冷嘢」，但佢竟然粒聲唔出食晒，乜都唔使講，最大肯定嚟。清甜甜檸檬雪冬瓜雖然感覺好似錯重點，但係其實呢餐我最中嘢飲😂 檸檬酸甜同埋冬瓜香各佔一半

最近喺砲台山aia大廈開咗一間叫「滿香濃」由居港台灣人開嘅小食店，仲寫明所有食材仲要由台灣直送新鮮提供蒜辣麻醬涼麵更加選用嚟至台南嘅關廟麵，麵質Q彈有勁，辣度比較溫和，容易入口，如果蒜香再猛烈啲就更加吸引另外小食仲揀咗滷水火雞腎、豬元蹄、雞翼，當中嘅秘製醬汁近係由20當中香了同調味料熬製而成，滷得咁入味之餘，又唔會太乾身，特別係豬手軟嫩彈牙好好味而家仲有開店優惠反扣滿100蚊，仲即可獲指定茶飲一支

滿香濃（外賣🥡）最近天氣真係好熱，熱到我都冇胃口，更加唔想煮飯，好想食啲凍冰冰嘅野，食完好涼爽。係炮台山新開左一間台灣涼麵，我今日終於去試左，又超近地鐵站，主打滷味涼拌，而且新開張有優惠$100/任選4款！好抵食呀！如果有時諗唔到食咩不妨都試吓！因為我見都有套餐$58選擇！而今日我就揀左以下4款食物再加飲品！1.濃香麻醬涼麵有跟醬汁、蘿蔔、青瓜、芝麻一齊撈起，好好味，味道好夾而且涼麵好爽口彈牙！2.層層脆香滷水豬耳豬耳卜卜脆，好有咬口，好好味，而且下層有雲耳！3.Q嫩滷水腩肉腩肉為半肥瘦但沒有肥膩感覺，入口鬆化，下層都有雲耳底。4.香Q滷水豬手補補膠原蛋白，豬手同滷水汁好夾，下層都係有雲耳。5.冷萃有機凍頂烏龍茶清香清甜，好濃茶味，個樽好細心有隔，會隔住茶葉，好解渴！今餐我就好滿意😋👍又近地鐵站推介俾大家！

最近發現炮台山新開咗間由台灣人主理嘅台式外賣小店，主打台式涼麵同埋滷水小食，滷水小食都幾多選擇，一於買返屋企試吓先☺️🍜蒜香麻醬冷麵呢款台式涼麵係來自台南特產嘅關廟麵，麵條食落非常香口同埋充滿Q彈感，配合埋蒜香麻醬好惹味🐷層層脆香滷水豬耳滷水汁係由20多種香料和調味料熬煮而成，味道濃郁可口，豬耳食落非常爽口彈牙🥓Q嫩滷水腩肉腩肉肥瘦均勻，肉質軟嫩，吸收晒香濃滷水汁非常入味🥒爽脆蒜香青瓜青瓜充滿蒜香味，非常開胃🍋清甜甜檸檬雪冬瓜 用新鮮檸檬制成，飲落味道非常濃

這天剛好在炮台山附近逛街，被這間橙色的店面吸引了，原來是台灣小吃呢。我是很喜歡台灣菜的，於是就去試一試。他們主要是有台式涼麵，比較少見的是來自台南的麵條。除了拌麵之外，就是有很多種類的滷味。組合價都十分划算，一次過滿足到多個願望。濃香麻醬涼麵，用石磨低溫研磨而成的麻醬， 惹味吸引，麵條爽口。而且麵條有彈性以及獨特口感令人一試難忘。香糯嫩軟滷水豬元蹄（豬踭）肉質嫩滑，而且有口感，是一個不錯的小食選擇。台灣古早味厚切海帶十分厚切，又爽口彈牙!!!而且海帶都相當新鮮。古早味滷水雞翼很入味，喜歡食雞翼的朋友可以試一試這個選擇。冷萃烏龍茶用嚴選正宗台灣有機高山茶葉，還有茶隔在裡面，相當方便和是解渴之選。總括而言, 小店算是有挺多的小吃選擇，下次要試下台灣古早味百頁豆腐!!! 

上星期試咗依間由台南嘅店主係香港開嘅小店，主打賣台灣涼麵同鹵水店鋪嘅涼麵更用咗手工關廟麵，麵質食落口感彈牙爽口好多👍🏾 配搭嘅麻醬都幾香濃順滑，想個味再突出啲可以落埋佢哋自家製嘅酸菜由於而家做緊$100任選四款，就叫多3款餸，有鹵水雞翼、鹵水豬耳、鹵水腩肉，全部整得夠曬入味，唔會鹵到好乾身，咸中帶甜，仲有淡淡香料味最鐘意係豬耳，口感Q軟爽脆得嚟有口感❤️如果即食嘅話仲可以叫店員幫手整熱都冇問題～

路過炮台山宏安道看到新開業的台式涼麵+滷味外賣店，$100可以任選四款，忍不住買來試試。買的濃香麻醬涼麵，百頁豆腐，厚切海帶，豬手，豬耳，外加一個蜜香紅茶及冷萃烏龍茶，剛好和妹妹吃一餐，清爽口味特別適合夏天。特別推薦涼麵及紅茶，很道地的台灣古早味

同朋友經開見到間新開嘅台灣嘢，見門面幾吸引買佢哋啲外賣。整體都算唔錯。$58就有個set。都幾啱我呢啲唔係好食得多嘢嘅人 。睇返社交平台嘅post 就知我地要咗咩。我個人就鍾意食佢哋個豆腐同埋個青瓜💕 辣辣地。呢啲天氣就最啱食。細細份又唔膩 ✌🏻 食落真係有返台灣嘅感覺 🤣滿香濃📍 香港北角炮台山宏安道2-12號宏輝大廈地下5號舖營業時間：星期一至日 11:00 - 22:00

去開炮台山AIA個頭見到呢間新開嘅台式小食店，叫做「滿香濃」。鋪面唔算大，但裝修簡潔明亮⭐️ 主做外賣 🥡 我同朋友就試咗佢哋嘅招牌菜式，包括濃香麻醬涼麵、蒜香麻醬涼麵、台灣古早味百頁豆腐、香糯嫩軟滷水豬元蹄、古早味滷水雞翼、爽脆蒜香青瓜、淸甜甜檸檬雪冬瓜同埋黑糖冬瓜茶。$100 4款 / $58 麵食+滷水+飲品濃香麻醬涼麵同蒜香麻醬涼麵嘅麵條都煮得好爽口，麻醬嘅味道都好濃郁，食落好惹味。台灣古早味百頁豆腐口感軟嫩，滷水嘅味道好入味。香糯嫩軟滷水豬元蹄嘅皮好Q彈，肉質好腍滑，滷水嘅味道好香。古早味滷水雞翼嘅皮好脆，肉質好嫩滑。爽脆蒜香青瓜嘅口感好爽脆，蒜香嘅味道好突出。淸甜甜檸檬雪冬瓜嘅味道好清新，好解渴。黑糖冬瓜茶嘅味道好香甜。附近返工或者住個頭嘅人想食清淡啲唔想食太多，咁都係一個唔錯嘅選擇👍🏻

炮台山附近發現左呢間新野，於是同fd子去試下!店員話佢地係用台南特產關廟涼麵同埋古法秘製滷味，相當吸引。同埋佢話所有食材都係由台灣直送新鮮供應濃郁既滷汁，仲有微甜！係由20多種香料和調味料熬煮而成店裡有13款小食可以揀添蒜辣麻醬涼麵 裡面有香醇麻醬同埋香蒜，讓你感受舌尖上既味蕾刺激香糯嫩軟滷水豬元蹄（豬踭）醬汁濃郁，口感有層次!香Q滷水豬手好爽口彈牙!! 夠哂入味Q嫩滷水腩肉肉質鮮嫩，份量十足清甜甜檸檬雪冬瓜採用新鮮檸檬調配，清甜解渴！外賣店夠哂方便，買番屋企可以慢慢食啦yeah!!

食物味道很正宗，主要是鹵水為主，推薦豆腐及豬手。在北角地段多一個中午order 外賣好地方，價錢相當合理，一個set $50至$60 都有交易，收工不想煮飯也可以order 返家吃。