漁樂 (欣田商場)

營業中

休息中

27號同屋企人食飯，幫襯算多，水準都係咁啦，就腳。但今次遇到個做開收銀嘅侍應，令人反感。事情起因係叫左條烏頭有爐上，熄完火後叫呢位女侍應幫手話加火，佢答：我哋不嬲冇得加嘅；邊行開又邊講：咁熱點加啊。連唔好意思都唔講仰要串人。跟住問左另一個侍應，佢好好咁話：可以加啊，仲自己不怕熱咁摸左個鍋嘅柄試下溫度熱唔熱。呢啲就叫參差啦！唔知呢個女人點解咁高鬥，都可以做到侍應。後來問番呢個服務差嘅女人佢笑住解釋話咩公司為咗員工安全。真係反曬白眼，因為有共他客係旁邊先識笑，驚我數臭佢。我仲同佢講你連唔好意思都冇講。佢嘅表情扮到我冤枉佢咁：我有講，我冇講咩。真係兩副面孔，難頂到爆。搵唔到投訴途徑真係保護（等於包庇）佢哋公司員工嘅好方法。

好難食，叫左3個早餐。餐牌食物ok,食物送到檯就覺得同期望有好大落差。流心蛋冇流心。麥皮稀到開水咁。唯獨餐飲還可以。服務態度差，除左落單外，冇職員會理你。叫佢比杯水，聽完就算數。

叫咗個下午茶無骨海南雞飯，有碎骨算，宜家連毛髮都有？唔知道係頭髮定雞毛啦，未食過帶毛嘅海南雞飯，已經係衛生問題。狗都不x，警世，唔希望有人中伏，無奈，好想將食過嘅嘔返出來

尼間其實我覺得都幾QQ,每次入去都好似抽獎咁。。50/50機率會好好食同好難食😆🥲有時真係覺得佢啲酸菜魚啊，冬陰功好好正！酸菜魚湯底調味得宜，而且配料又多！冬陰功個湯底夠濃，我最鍾意叫冬陰功札肉金邊粉！好味！🤩不過。。。唔知有時係頂替師傅定師傅唔開心有時真係。。。。。🤢😵‍💫😵難搞全部都好似唔記得落鹽不得止。。有時直情係落錯調味料咁。。。😵‍💫不過，由於好食個振真係好好味，所以我都會繼續去嘅，照比好評喇🥹🥲人誰無過呢。。

漁樂的通菜牛肉飯令人驚艷！牛肉切得細軟嫩，搭配通菜的清爽口感，相得益彰。米飯蓬鬆香糯，吸收了牛肉的鮮美湯汁，入口滋味豐富。醬汁的調配恰到好處，帶有微微的甜味和香氣，讓整道菜更加美味。每一口都能感受到牛肉的鮮嫩與通菜的脆爽，令人回味無窮。如果你喜歡牛肉飯，絕對不能錯過這道美食！

1. 員工態度：員工不可一世嘅態度同面口（不斷徘徊喺出菜位置休息吹水打牙骹，差唔多舉手舉咗10分鐘都冇人肯過嚟點菜，中段時間想加菜的時候呼叫員工也很困難，用餐時間嗰陣時不斷聽到員工喺餐廳度大聲呼叫，亦都留意到樓面員工係出菜位置一路出菜一路用手拎食物食，好唔衛生）2. 食物質素：叫了蔥油雞飯，上菜後該餸菜竟然是凍的，員工解釋是因為該餸菜使用恆溫櫃煮的並不是熱的，但應該沒有理由是凍的，如果是涷的應該在菜單上列明是冷盤，然後討論了一輪之後，該名員工說幫我加熱該蔥油雞，回來的時候該蔥油雞已經過熟了，實在咬不動。另外，叫了濕炒牛河，該牛河應該可以叫湯牛河，那些芡汁多到跟湯一樣。 3.餐廳環境:員工不斷大聲呼喝大聲笑，令我們用餐的時間都感到很煩厭，而且希望該餐廳的pest control可以做好一點，我是一路在這餐廳打這段文字一路被蚊子叮的😅（雖然我們不是給予很昂貴的價格去吃這頓飯，但是我們也是消費者的角色，希望貴公司可以改善一下餐廳。）真的不會再來了，自己喺屋企煮飯仲好，有時候真的理解為什麼現在晚市都沒有很多人出來食飯了！

吉列魚柳餐 $40配蒜香多士、腸仔、炒滑蛋、粟米******************************點吉列魚柳需要時間等一等不過絕對有等嘅價值😍魚柳炸得好酥脆肉質嫩滑有魚味🤤唔會淨係食到滿口炸粉👍🏻而且沙律醬好味又夠哂多沙律醬控嘅我表示滿足***跟餐嘅蒜香多士都好好味🤤外脆內軟蒜香味適中唔會太重口味👍🏻成個早餐只係可惜腸仔唔係廚師腸😗***另外好鐘意佢嘅檸水用攪碎檸檬唔洗自己篤篤篤😗

下午茶經典花生醬西多士 $25Crunchy Peanut Butter on French Toast好味指數 4/5 🍭🍭🍭🍭{這西多士給我很大驚喜😱 沒想到咁大件同埋炸得咁靚 中間既花生醬滿滿 還有少少既花生粒 很香口 整個西多士很鬆軟 加上糖漿 超給好味😋}下午茶重量級公司三文治 $40Club Sandwich好味指數 3/5 🍭🍭🍭🍬{餡料新鮮豐富 外層既包烘得很香脆 一碟有四件 每件都她好足料}以上套餐 配 粒粒紅豆冰All Set Serve with Red Bean Iced Drink好味指數 3/5 🍭🍭🍭🍬{入口有少少既椰汁味 紅豆又多又腍 份量很多}

平時好少食泰式嘢，咁岩今日朋友黎我唔想煮，佢哋就喺附近揀咗呢間店嚟食，店內裝橫幾靚，就係迫咗啲，不過食物質素基本上算唔錯。泰式香茅椰汁雞湯(大) $80成個雞湯連加熱爐一齊上，用膳嘅時候火爐都係加緊熱嘅狀態，湯幾時飲都係熱辣辣，值得一讚。因為我哋唔食得辣所以冇嗌冬陰公，原本以為呢個雞湯冇辣椒仔標示係唔辣，點知都係有啲辣🤔不過尚算飲到。除咗啦其實整體味道唔差，酸辣口感其實幾開胃，湯嘅肉味香濃，份量都算十足，都有五至六碗嘅份量。馬拉盞肥牛炒通菜套餐 $65套餐附送白飯同例湯，不過主要都係食佢個炒通菜，牛肉軟淋，通菜咬落都幾爽，微辣口感食得好過癮，配白飯真係一流。肉量俾得都算多，而且嘅嘢未，唯一唔好嘅就係成個菜感覺偏油膩，諗住keep fit嘅朋友仔要考慮下食唔食。泰正金不換炒金邊粉 $64金邊粉會有沙糖、花生碎同辣粉放係三隻角，食客可以根據自己口味撈嚟食，金邊粉本身酸酸地，配搭砂糖食會變成酸酸甜甜，感覺幾特別，不過個人就最鍾意配搭花生碎食😋因為本身鍾意食堅果類食物，而且花生有助增加口感。泰王蟹籽炒飯 $68個炒飯本身其實冇咩問題，分量足而且味道都好，鹹度適中，炒飯乾身粒粒分明。唯獨係佢上面

一個有前途嘅企業、居然請一班咁嘅員工去破壞自己企業形象. 十個員工六個講電話，想叫嘢食都要等10分鐘（只有4張枱，因為走咗5張）究竟餐廳管理者想點？究竟係餐飲業市道唔好or妖精當道呢？其實管理層係點樣管理員工呢？食物差可以改、員工質素差可以大吉（關門個隻）其實寫open rice唔止係同其它D食客開心sharing，其實同時也是這間餐廳嘅成績表！現在嘅餐飲業已經唔係一言堂，唔係你哋餐廳管理層話好食就好食…..所以要聽取民意.

侍應服務態度差劣 食物普通 即使叫外賣都要很長時間 仲成日比少野 寧願去附近茶餐廳都好過去依間野食。貼錢買難受。服務就長期都水準以下 態度唔好要再培訓 強烈不建議去依間野食。

輕食西餐 港式茶餐廳風格 今日係一個人既午餐青檸蜜配去骨海南雞(麻辣醬) 配白飯脆青瓜配海南雞飯 肉質鮮嫩皮又夠薄身淋上香辣醬汁, 鮮味既雞肉既更添香濃味道墊底既青瓜沾辣汁食一樣咁清新 份量也不少,足6-7件去骨雞肉!另外仲有清雞湯一碗附送,飲埋碗湯真係好滿足消費$77Shop G05, G/F, Yan Tin Shopping Centre, Yan Tin Estate, Tuen Mun

好日唔會行去 諗住食番個普通到唔普通嘅沙嗲牛肉麵熱即磨咖啡…全間店除了廚房 我只見到三個職員 等了十分鐘至叫到個餐 見職員小自己攞杯水洗餐具 點知冇水 職員攞杯我只見係冇咖啡嘅奶水比我😳我即刻問佢咩嘢嚟 會唔會攞錯比我 職員就大大聲話即打㗎…仲好香😰😰😰 我為有一試 問佢攞杯水比我 佢就叫我問另一個職員攞…救命呀🆘攞杯水啫 有幾難沙嗲牛肉麵就一般冇驚喜…即磨咖啡極之難飲 冇咖啡味嘅奶水…本人試一次就夠晒 亦唔會再食❌

見到已經無晒胃口原來食評要寫至少80個字，咁我唯有再講落去好日唔食早餐，難得我家老闆話去食個靚早，叫杯基本到唔基本的熱檸水，一黎到，我哋問姐姐呢杯係乜，佢答，咪熱檸水囉。哦！見到已無晒胃口，聞到又酸到十級，再加上姐姐咁好的回應加持，我真係飲唔落。好地地一杯熱檸水RIP

在這分店吃早餐已有兩年了，一星期總會幫襯兩三次，每次都點同一款，因為我走肉的，選擇很少。係最近幾個月間，食物質素下降了。曾經3次向店員表示，煎蛋上面有鑊撈，第一次那位叫阿春的店員說厨房厨師請假，當日是替工。一星期後再來食，兩隻蛋，吃第一隻索索聲，以為有蛋殼啦，忍住食埋佢。第二隻見到成隻蛋都係黑色一點點，同店員講，她們只是叫我換過一隻。我婉拒了，都唔等住食佢隻蛋，又怕佢加料。今朝，第三次鑊撈煎蛋，真係火都嚟。決定以後唔再嚟。畀左意見你，唔當一回事。咁算囉。再見