漁樂 (已結業)

有質素，又有人情味，環境簡單的小店。👍🏻👍🏻👍🏻我幫襯過漁樂已有兩次，真係好好食的。我最鍾意去骨鱭魚，因唔使落任何調味料，檸檬汁都唔使落，都食到新鮮嘅味道，因新鮮嘅野落調味料就浪費左食物本身嘅味道，連我唔鍾意食魚嘅朋友都話好食；魚仔濃湯魚湯嘅鮮味再加紫菜及少許蔥花，提升魚嘅鮮味，這個湯男女老幼都啱飲，天氣凍的話飲佢更加正；冷泡麥茶係老闆自家製，冰凍嘅麥茶，入口完全有好香嘅麥味，如果鍾意麥茶嘅朋友值得飲。這漁樂還有啤酒，尤其是西班牙啤酒，好味又抵飲，用來送炸魚絕配。😋😋😋漁樂老闆又好好人，又有人情味，會介紹自己嘅餐牌裡嘅食物，會主動與顧客交談。我咁耐以來都未見過咁有人情味嘅老闆，這已經是令我會繼續回頭幫襯嘅小店。😊😊😊環境簡單，兩個汽水箱加木板已經是一張枱，感覺好似去了日本旅行。🤣🤣🤣

長洲小街道旁的一家小店，門口人流很多，店內六張二人檯，主要賣一些炸物，啤酒和特色凍飲。我是衝著正評和炸物而來。炸物有五款，我們點了炸海蝦和炸日本廣島蠔。炸海蝦（季節限定）很特別的炸蝦，全隻蝦都炸得非常酥脆，薄薄的炸漿包裹著蝦，全隻蝦都可以輕易咬到，不用剝殼，又不會炸得很乾。大隻一些的蝦糕比較多，比較好吃，細的蝦數量比較多，有些太細，沒有蝦糕。炸日本廣島蠔這個賣相非常好，但味道有些失望，炸漿很厚，蠔比較細隻。如果我有時間，配上啤酒，坐在小路旁，配上香脆的炸物，應該不錯 。此店價錢不算便宜，兩客炸物，每款$60。當小食吃吃不錯。

上網睇到推介，見到d相真係好似幾好食咁，唔食魚既我都比炸魚相吸引到，仲有炸蝦，酒bar 形式但食香港既炸海鮮，坐低其實有少少唔舒服，不過都係食完就走，無所謂啦，黎左炸魚第一條ok,但唔算特別，無腥味，但食到其中一條有魚鱗，我就吐左。炸蝦好似話一年得兩次，咁都係要試，成隻連頭食，無乜特別，可能兩樣都唔係新鮮，同埋新鮮既話我都覺得蒸會好食過炸，炸得通常都係死左要炸返先好食，以酒bar黎計，60蚊一盤真係差唔多，不過建議用超級市場橙色蓋個隻華鹽就好d，真係炸乜落左都好好食，呢間試過一次就算

星期一，休假日，久未到長洲一轉，就決定去長洲一日遊，碼頭一出轉右，多間海鮮大排擋，但如果兩個人去，吃得不多，價錢也不太親民，但一路向前走，不妨可以一試漁樂這間小店，店舖裝潢簡單特別，店內食物主打長洲新鮮炸物，舖面已經有餐牌提供，但老闆娘都會過黎一一介紹，呢度都有啤酒供應，老闆娘會介紹邊支比較適合食海鮮，今次我就點在炸墨魚同赤米，再加支麥味啤酒，落單嘅時候老闆娘會記住你嘅名字方面你過嚟攞嘢，嗰個時候先知道原來老闆都係同姓氏嘅，世界真係細，首先一嚟到嘅係厚切墨魚，果然真係貨真價實，厚切真係唔係講講下，厚度有番咁上下，旁邊有個酸青瓜同提子做配菜，亦有沙律醬同檸檬俾你調味，本身主打新鮮為主，所以根本唔需要點醬，反而更能嘗鮮，然後赤米，之前一直都有聽過但重未算過，整隻蝦有啲似甜蝦，但蝦頭比較大啲，整隻都可以食，蝦頭鮮味更為出色，依個地方更加適合三五知己一路吹水飲酒食嘢，可能嗰時冇客人唔係咁多，嗰晚都會出嚟吹吓水飲下酒，總括而言餐廳性價比高值得推薦。完

我和朋友今日到長洲，選擇了此店作為第一餐，他們的食物全是用炸的形式作烹調和主打食原本食物鮮味，本人喜歡食炸的食物，所以完全迎合我，我們就點了墨魚厚切、 赤米蝦、去骨鱭魚及冰鎭鮑魚，但我和朋友都唔覺這四款食物有任何鮮味可言，赤米蝦還可以，鮑魚和墨魚完全冇味，鱭魚只有腥味，唔怪之得要在食物面灑上檸檬皮，於是我就問櫃檯有沒有辣粉，櫃檯負責人就給了我七味粉，過了一會老板過來質問我們為什麼要落辣粉，說食物每天新鮮返貨有鮮味，我和朋友當堂眼都凸埋，我哋做錯乜嘢要俾你用咁無禮貌嘅語氣質問我們，喂！老細，你提供得辣粉俾我，我點樣食係我的權利，況且你哋每款食物都有跟沙律醬，我只是在沙律醬上落七味粉，再講如果你對你的食物有信心係有鮮味就唔洗用檸檬皮和沙律醬啦，係咪呀老細🤬🤬🤬

自從食過一次之後每一次嚟長洲都一定會買嚟食😋外賣攞去沙灘 望住個海嚟食 真係別有一番風味🥰雖然食物選擇唔多 但佢食物嘅高質程度 係我覺得每次都只食同一款都唔會厭老闆同我哋講 啲墨魚係喺長洲附近捉返嚟食落好新鮮 雖然係厚切 但唔會好硬咬唔開一份有10舊左右 唔會太膩又唔會唔夠食可以點沙律醬同擠少少檸檬汁 味道就更豐富🤤🤤雖然60蚊一份係有少少貴 但呢個質素係值得😎嗰日我係櫃台攞走份墨魚嘅時候老闆娘再額外夾咗兩隻炸蝦俾我 話俾我試下成件事好有人情味 真係小店先可以做到🥰

疫情關係，簡簡單單簽左紙嘅兩個人想要喺香港到處走走，趁著婚假享受下。嚟到長洲行左一圈，發現呢間鋪一望落就覺得好chill 好舒服，餐牌又好吸引，決定坐低攤抖下～嚟到一坐低老闆就上前話比啲相我哋睇😂🙈原來係佢親自介紹佢地嘅招牌，聽完佢介紹真係樣樣都好吸引。最後決定叫左期間限定嘅本灣海赤米蝦，墨魚厚切仲有炸蠔，再加枝麥啤，味道非常之好！每一道菜驚喜一浪接一浪。老闆同老闆娘仲好friendly 咁會問你點稱呼，大家一齊啤啤佢吹吹水，一種賓至如歸嘅感覺。喺香港真係好難搵到咁樣又抵又好食、環境又舒服嘅地方比兩個人可以咁寫意傾下偈，老闆真係好明白我哋嘅心。呢個小小嘅地方就係咁成為左我哋會期待下一次再嚟嘅美好回憶🥰

入到長洲 ，次次都會食呢間既炸魚，真係好好食，極高質。本人都有試過佢其他菜式，但我比較鍾情佢既炸魚，好新鮮，食落唔油 ，佢加左檸檬皮好清新 完全唔會油膩，即叫即炸，唔會有厚既炸粉，d魚肉好滑，完全冇骨。另外今次都試左佢既炸蝦，老闆話一年出2次，之前黎食又真係冇呢款蝦，蝦都好食 ，都係好新鮮，2個人食2款好夠飽。不過始終都真係鍾情佢既炸魚 ，加埋佢d提子酸青瓜，食落一d都唔油唔會覺得heavy。真係搵唔到邊到有比佢更好食既炸魚。

本灣墨魚厚切$60呢間我都係第一次食 我哋見到佢係話用新鮮長洲嘅海鮮整 所以就嚟咗試吓 佢都真係好厚切 好大嚿 而且佢上面仲有少少檸檬皮咁 食落幾新鮮🤤·千層日本炸蠔$60我地另外仲係同一間鋪頭嗌左呢一個 佢都幾好 啲蠔都幾新鮮 而且幾大粒 不過佢真係就咁炸 如果佢落多少少調味粉 應該會再好食啲😌😌同埋佢係會攤凍咗再俾你 所以嚟到嘅時候已經可以即刻擺入口 貼心既 但係我自己鍾意佢熱辣辣啲姐🙊·📍漁樂 (長洲大新海傍路81B地下)

19年入長洲玩時搵嘢食，見到鋪頭裝修幾靚仔，幾chill咁，就入咗去。老闆即刻同我哋介紹餐牌同佢嘅個人推介- 墨魚厚切。一路聽老闆介紹，就知佢對自己嘅出品非常有信心，都指明係新鮮墨魚，炸油亦都係靚油，絕不用萬年油。於是就叫左一客捧場。嚟到賣相的確幾靚仔，薄薄一層炸衣滿足咗我呢啲油膩怪先，而且真係冇奇怪油膱味，炸衣顏色亦係健康嘅淺黃色XD🤪墨魚咬落唔會韌，爽且軟嘅口感，加上面頭老闆磨左一啲新鮮檸檬屑，入口會有種清香味。如果想再多啲味啲就可以點埋沙律醬（食落味道似BB牌😂）。食咗三四舊之後，老闆就出口，建議我哋可以配埋一齊附上嘅新鮮椰菜絲，話食落會再清爽啲，頓時覺得老闆好有食家嘅一份執著😂當然佢係「創造」呢味菜嘅人，對於食客點先可以得到最佳進食體驗，佢應該係會有自己一番『理論』嘅😆所以好欣賞佢對食嘅認真，並唔係收咗你錢，出咗餐俾你，就再與我無干咁商業嘅關係。好啦返返嚟😂連埋椰菜絲食，我嘅感覺係⋯⋯清新？應該因為生椰菜本身都有種草青味，食肉獸未必鍾意，但我係接受到嘅。一口接一口，都好快清晒。諗住食完，點知老細見到籃仔內仲剩低啲椰菜絲同半粒提子，又再次提我哋食埋佢，清下口腔😂呢啲就係對—— 食

知道依間係黃店又有咁多人推介就去試下！鋪頭老闆係環保份子。。充分重用紙箱俾客人放袋。。又用運玻璃樽既箱疊埋做枱。。又靚。又特別。又環保👍👍👍老闆娘對每個客人都好用心咁介紹有咩海鮮！最後叫左本灣海赤米蝦&墨魚厚切！雖然一早就知依2份都係熱門，但係黎到再食埋都仲有驚喜！墨魚真係好厚，咬落好軟滑，好鮮甜！個蝦仲正，炸得好透，入到口完全feel唔到“頭係邊 尾係邊” 總之就好似薯片咁“趙”就係！仲會忍唔住。。一隻接一隻！最重要係唔油，唔厚粉👍👍😋😋無叫到野飲。。老闆好好人咁送左杯啤酒俾我地飲，又傾左2句（正值好忙碌既時候）！為表支持就叫多杯玄米茶。。話無糖真係無糖👍👍👍！

今次係第二次光顧呢間小店 第一次係朋友介紹 第一次食嘅時候已經覺得好好味好特別 今次再嚟長洲第一個目的地就係黎返呢到 今次叫咗炸蠔 鱭魚 冰鎮鮑魚 一入到去老闆娘就好細心咁介紹餐牌 叫完嘢食等咗一陣 因為佢哋係即叫即做 嘢食到齊之後 老闆突然拎咗一杯白酒出嚟 話送俾我哋用嚟配冰鎮鮑魚 嗰一刻已經覺得好驚喜 市區根本搵唔到呢d餐廳 然後同老闆傾咗好耐 了解佢哋更多 老闆亦解釋佢哋開小食店目的唔係賺錢 而係要同客人分享佢哋努力嘅成果 食材新鮮 製作用盡心機 老闆對客人嘅無限關顧 都係市區食唔到嘅味道 下次有機會再嚟一定要再次探訪😉😉🥰🥰

💛 漁樂 (長洲) 💛..............................👦🏻👧🏻計劃咗好耐要去長洲掃黃💛本身無預計過食呢間 因為openrice話今日唔開點知路過見到有開喎 所以就去咗幫襯啦😈一坐低老闆好熱情拎部ipad出嚟介紹餐牌睇得出老闆兩公婆都好有熱誠 好用心🤩.🔅想知黃店原因請Pm💛..............................🍽 本灣墨魚厚切 $60 （👏🏻8/10）.老闆話個墨魚好新鮮 無落蛋漿脆粉 食翻墨魚口感墨魚份量唔算好多 正常大細 得10嚿左右😫墨魚口感超級超級爽脆 果然超級新鮮 超彈牙🤤調味好好 落咗少少鹽 另外有刨少少檸檬皮係面檸檬嘅酸甜同墨魚鮮味 點埋沙律醬好清爽😍另外配埋檸檬角 3粒提子 仲有椰菜絲墊底特別要講下 個炸墨魚一啲油溢味都無呢個真係推介 雖然貴咗啲 但有機會一定要試😋.🍽 招牌鮮味魚仔湯 $35 （👏🏻5/10）.老闆話今日係紅杉魚湯 每日都會用最靚嘅魚所以大家下次嚟就未必係紅杉魚架啦好得意佢用杯上 好鬼熱呀咁熱嘅天氣再飲湯😫個湯飲落無話超級鮮甜 唔係奶白色嗰隻另外落咗啲紫菜去煲 再灑咗少少蔥花不過呢個就無咩特別 呢個價錢

雖然唔關食野事 係因為6 7點去中銀禁錢傻傻地拎完張卡 唔記得拎錢就走😂咁啱應該係店嘅老闆娘見到叫返我轉頭😫😫 本身唔知嘅 之後行過間舖又見到佢先知👏🏻好好人 但已經準備山門lu 下次會食下😂

今次入去係想食我最愛既甘永泰同其他,+呢間就係我地試過個湯要翻兜既朋友!點解會咁講呢，因為我地上次去呢間已經係我地行程既尾聲，食唔落，只係飲左個湯，但個湯令我諗起爺爺，其實味唔係真係好似，但就唔知點解...所以一坐底，熱到屎咁都要叫個魚湯! 老細今次推介冰鎮九孔鮑魚 ($80) 我講唔上話好好味~ 但大熱天時食凍野係必須既XD 加上佢呢個比起澳洲既大大隻既鮑魚黎講好細🙈 但老細切得好有心機，差唔多厚薄，同埋點埋個醬都真係唔錯~之後仲叫左個日本炸蠔($60)，呢個講左下次去試要點既，好鮮好好味! 比起鮑魚，我會揀呢個多尐~ 我地本來係想叫埋個墨魚，但要留肚，我話不如走個時再買上船食... 結果係... 飽到... 無買到... 咁唯有又係個句，等疫情過左，再去再食!