漢和韓國料理

營業中

休息中

性價比高嘅一個自助漢燒，最特別係有碗仔翅任食，對於我這個碗仔翅殺手，一定係正⋯冷盤有沙律，水果任選，而且漢式冷菜，已經係一個好嘅開始⋯肉類有好多選擇，豬、牛、羊乜嘢都有，雖然唔係一級，但$168/位，我就冇投訴⋯飲品亦都係任飲，有啤酒同一D漢式飲料，正！

天氣持續寒冷，政府又話2月24日，推出疫苗護照，未打疫針者冇得，進入食肆内用饍，有見及此，揾食肥華在，2月18日就捉咗靚媽，去食肥華至愛，韓國燒烤，選擇此店原因，是此店交通超方便，在旺角港鐵站El出口到此店路程，唔駛三行鍾，而此店嘅提供嘅主食物，由韓式泡菜，各類烤肉，及中日式食品，都有一定水準，再加多款生果和甜品，午餐時段又設限時用膳，若以倆人消費三佰多元來計，可說是超值之選，比起以前，食韓燒，牛，羊，豬，鷄，遂碟計錢，的日子，此店真係韓燒迷恩物

上次4月食過漢和, 都講過會遲啲再食, 近排天氣涼番啲, 咁就去燒肉肉啦.今次12:15到, 居然咁啱坐番上次的卡位.食物飲品的款式冇變, 我地嘅選擇都同上次差唔多, 一定要燒來食的有西冷牛, 牛肉, 牛脷, 紅腸, 辣味雞翼, 雞腎和魷魚鬚, 熟食有炸三文魚頭腩, 豬腳薑, 碗仔翅, 每樣都好好味, 一開始豬腳薑中的豬腳好快被人'筆'晒, 只剩番啲蛋, 但後來2點左右見到阿姐拎咗一盤豬腳出來補充. 不過炸三文魚頭腩被人拎晒就冇再補充, 後來就換成一盤咖喱魚蛋.生果有西瓜和菠蘿, 質素保持到.仲有係試咗一些上次冇食過的食品, 有人蔘雞湯(唔好味), 咖喱魚蛋(太淋一舊粉, 唔好食), 車厘茄(細細粒似櫻桃, 好新鮮),豆腐花(加黃糖粉及薑糖水, 又熱又滑勁好食), 雀巢雪糕(細細杯, 一般). 但亦冇再試一些上次食過而唔覺好味的豬大腸和豬腩片.今次食量比上次差咗少少, 14:50埋單走人. 價錢亦比上次貴咗10蚊, $138再加一, 每人$151.今次多謝家姐請我食呢餐遲來的生日飯.

老人家食食吓熟食海鮮薄餅，竟然咬到粒咁大粒螺絲。。。叫侍應過嚟，佢一句唔好意思都無，仲要望下上面，望下我地，感覺係覺得我地生安白造！乜都無講就攞走咗碟嘢，完全無交帶！隔咗一陣先有個高級啲過嚟，就咁講咗幾句唔好意思，話比返個好好嘅優惠價我地就當處理咗，所謂好好嘅優惠價，我睇完張單都唔明，原來係9折！唔係錢嘅問題，好彩老人家個口同啲牙無事啫，咁大粒螺絲擺咗落口！下次唔會再幫襯囉，大家食熟食之前真係要睇清楚！

同朋友一齊諗住去食韓燒，朋友介紹我嚟呢一間😍我以前細細個成日食㗎喎😅我以為呢已經冇呢啲韓式燒烤自助餐嘅餐廳🤣原來仲響度呀😍😍仲多咗好多嘢食添呀 😋😋食完係會再encore嘅韓式自助餐餐廳🤩你哋試咗未👍👍星期一至五11:00點到4:00點任飲任食都係138蚊咋😍👍係咪好抵呢❤就算係禮拜六日或者係公眾假期都係158蚊係食足五個鐘喎👍👍👍十一點食到四點喎🤩🤩乜嘢都有得食㗎喎😋😋你睇到啲相啦😍有醃咗嘅有原味嘅牛豬雞羊肉， 腸仔肉丸嗰啲菇類亦都有😘😘簡直係應有盡有👍👍我都不能盡錄啦❤❤仲有係嘢飲啤酒汽水茶全部都係任飲架，仲有西式自助沙律吧🤩又有韓式嘅餐前醃菜，仲有熱食喎👍雞翼、炒飯、炒麵同白飯任裝喎， 啱曬啲好肚餓啲嘢食又未燒得熟嘅時候嘅你🤣🤣可以食住呢啲先🤣😂仲有湯啦又有甜品，特別到連點心都有架，點心有啲煎堆仔啦又脆麻花啦又有啫喱，仲有韓國年糕，更特別嘅就係有碗仔翅啦😍😍我好耐冇食碗仔翅啦😍🤣 喺度就一定食到啦 😁😁仲有豆腐花喎有綠豆沙或者紅豆沙😋咁仲有雪糕喎牛奶公司雪糕喎😍仲有水果㗎👍👍特别一題韓式燒烤咪好多生菜包住嚿肉嚟食嘅😋呢度都有啲生菜仲好新鮮好靚架， 我就係用啲生菜包住啲肉嚟食㗎啦，

返學最後一日同frd去mk漢和食韓燒，本身以為lunch嘅韓燒都會幾貴下，但係去到發現原來價錢都係可以接受嘅，唔係好貴，另外佢嘅野食都算多，食嘅時間都係絕對足夠，野食嘅醃料都幾好味，值得一試

韓燒是時下年輕人最喜愛的餐廳類別之一, 而這間漢和韓國料理是我很久以前就有光顧, 也是很知名的平價韓式燒烤。在旺角分店等候位置的時間也要用上好一段時間, 幸好最終也能順利入座。餐廳面積很大, 能同時容納大量食客, 但眾多餐桌的擺設亦難免會有點焗促的感覺, 尤其大家需要來來回回取食物。放在自助吧內的食物有各式預先醃好的生肉、各式沙律菜、切好的水果、雪糕和兩三款日式食物。魚生片只有三文魚一款, 也是每場一開始最搶手的食物之一。不過也不太建議大家在這濕度溫度高的環境下拿太多三文魚刺身吃, 畢竟細菌最容易在這環境下倍增, 而且不時看到蒼蠅在刺身壽司碟上盤旋...這裡的爐具是用龜背形狀的鐵板作燒烤, 有別於近年流行的款式。這個鐵板有一個特色, 在放生肉時如果沒有放足夠的油時, 肉會緊緊黏在鐵板上。當年燒肉店數量不多, 而且不算得上流行, 沒想到十多年後在多種燒肉板的款式下, 這店仍然堅持這種超不方便的龜背燒板。我們燒了數片肉後, 殘餘的肉碎都會黏在鐵板上持續地燒焦, 結果常常要麻煩店員換鐵板, 不論對食客或員工也造成不便。通風也不算做得很好, 當差不多滿座時店內充斥著油煙, 地板也變得濕滑。店內

環境，服務都幾好，亦都好多野食，時間亦可以接受四個幾鐘頭.你去邊度食都唔得啦，係咪先，我兩個人去食，慢慢食，慢慢燒，都食到我兩個飽哂，到埋單，去到櫃面都係282兩位，一句講晒.平靚正我一定會再去食

老公生日，因疫情期間，有一段時間都沒在外面吃飯，全家都建議到漢和用晚餐。因提前訂臺～安排卡座位置，位置舒服及環境衛生乾淨，好滿意店家安排。頭盆～三文魚刺身～好好味目測三文魚刺身新鮮～品質高～值得經常光臨牛仔骨～香滑嫩～肥瘦均勻，連爺爺都點贊，四人吃了兩大碟。最後甜品～我的之愛～牛奶布甸～入口即化～牛奶味濃～入口不膩因7.30分前買單還有9折優惠，服務員主動提醒我們，好親切～感動，時日共消費739元，性價比高！

禮拜五晚跟好友食韓燒。難得大家都是牛魔王、雪糕怪、豆腐花精。這家的牛仔骨特別好吃！豆腐花又好滑。碗仔翅同年糕都不錯！汽水，肉類及其他熟食款式超多。最開心就是有雞肉腸，紅腸同豬大腸！今次真係大滿足！下次再來食過！

漢和有幾間分店, 我和家人以往都去過幾次佐敦分店, 今次想平平地食餐韓燒放題,即刻諗起老字號漢和, 不過今次選了旺角分店.交通真係方便, E1出口直達, 空間算大, 窗邊的卡位最好坐.食物方面都係前菜, 沙律, 迷理壽司, 熱食, 湯羹, 糖水, 生果, 雪糕, 當然重點係韓燒的生肉和菇菜都有好多唔同選擇,反而汽水飲品選擇唔多, 最令人失望係冇豆漿.食平價韓燒要食豬腳薑係一個亮點, 漢和做得唔錯, 我同家姐每人食咗2碗估唔到碗仔翅都好足料, 又夠熱, 係爭在冇麻油, 所以風味大減個老火湯唔錯, 今日係蓮藕煲豬骨湯, 真係煲得好融好濃至於肉食方面, 最好食係西冷牛排和肥牛, 豬排都幾好, 肉質算軟淋, 燒來食唔會得食到一口肉渣, 但係冇豬頸肉就好奇怪好大片完整的西冷牛排, 醃味都ok今日生果中的西瓜真心正, 又清甜又起沙, 我自己1個人食咗13片, 再加埋一大碟罐頭桃, 所以其他糖水和雪糕都食唔落了. 不過菠蘿都要燒番幾舊來食, 真係幾甜.燒肉期間換咗幾塊鐵板, 員工收碟, 收垃圾及換鐵板都好有效率, 食物補充亦很快, 還有員工時不時清潔放置食物的範圍, 衛生做得幾好.由於放題時間理論上

上星期五-朝早響旺角做完嘢 晏晝冇嘢做 又唔想周街行 諗起嗰個介紹 旺角漢和可以任食到五點鐘 就一條友上去…… 地方勝在夠大 座位夠闊 係預咗油煙拿多啲任食燒肉質素 預咗係一般 但都叫做ok 西冷牛扒 肥牛肉 豬頸肉 豬扒 雞翼 以呢個價錢 绝對收貨雞翼調味唔錯 其他正常味道不過不失紅腸腸仔芝士腸嗰啲可以燒嚟過下口癮仲有熱食 攞左D韓式 燒餅 可以 煎翻熱食 唔錯 人蔘雞湯味道怪怪地魚肉嗰啲可以不侍應態度基本上都ok 換咗四次Grill板都冇問題連加一135一位包任飲任食到五點幾好hea

需然地方少少舊，二百幾元左右冷熱食物都有低食不錯，任飲任食，只是食下魚生，燒肉，雞湯 雪糕都差不多回本，所以想任食又訂不設酒店自助餐，這選是我首選，最重要不多人就不會夠鐘就叫你埋單走人^_^

疫情緩和！提前慶祝父親節，就到他家吃燒烤，人不多也不少，頭盆肯定是三文魚刺身～夠肥好吃，最愛泡菜～老火湯，接著就是牛仔骨燒烤，質量保持，不錯，我們吃兩大碟，甜品布甸～自己吃六杯！總體好滿足！是日消費836元，超值划算！

咁多間放題任食漢和算係其中一間我最鍾意嘅餐廳 平時無論係打邊爐定係韓燒仼食都有個時限其實食得好急好chur 好似要將啲食物倒落個口到 漢和其中一個最大嘅賣點係可以坐好耐都冇人趕你走 如果約埋三五知己聚舊呢到絕對係一個好嘅選擇 食物如果對比返呢一個價錢其實唔錯 款式亦都相對較多 除咗有未熟嘅肉比你燒之外 隔離都會擺住唔同嘅熟食同甜品 甜品當中不得不提嘅就係佢嘅3.6牛乳布甸 好味到食左十幾杯🤣 環境方面漢和都算幾闊落 至少坐得幾舒服唔會太逼 👍🏻