影片
更多
2021-10-30
3878 瀏覽
上次4月食過漢和, 都講過會遲啲再食, 近排天氣涼番啲, 咁就去燒肉肉啦.今次12:15到, 居然咁啱坐番上次的卡位.食物飲品的款式冇變, 我地嘅選擇都同上次差唔多, 一定要燒來食的有西冷牛, 牛肉, 牛脷, 紅腸, 辣味雞翼, 雞腎和魷魚鬚, 熟食有炸三文魚頭腩, 豬腳薑, 碗仔翅, 每樣都好好味, 一開始豬腳薑中的豬腳好快被人'筆'晒, 只剩番啲蛋, 但後來2點左右見到阿姐拎咗一盤豬腳出來補充. 不過炸三文魚頭腩被人拎晒就冇再補充, 後來就換成一盤咖喱魚蛋.生果有西瓜和菠蘿, 質素保持到.仲有係試咗一些上次冇食過的食品, 有人蔘雞湯(唔好味), 咖喱魚蛋(太淋一舊粉, 唔好食), 車厘茄(細細粒似櫻桃, 好新鮮),豆腐花(加黃糖粉及薑糖水, 又熱又滑勁好食), 雀巢雪糕(細細杯, 一般). 但亦冇再試一些上次食過而唔覺好味的豬大腸和豬腩片.今次食量比上次差咗少少, 14:50埋單走人. 價錢亦比上次貴咗10蚊, $138再加一, 每人$151.今次多謝家姐請我食呢餐遲來的生日飯.
今次12:15到, 居然咁啱坐番上次的卡位.
食物飲品的款式冇變, 我地嘅選擇都同上次差唔多, 一定要燒來食的有西冷牛, 牛肉, 牛脷, 紅腸, 辣味雞翼, 雞腎和魷魚鬚,
熟食有炸三文魚頭腩, 豬腳薑, 碗仔翅, 每樣都好好味, 一開始豬腳薑中的豬腳好快被人'筆'晒, 只剩番啲蛋,
但後來2點左右見到阿姐拎咗一盤豬腳出來補充. 不過炸三文魚頭腩被人拎晒就冇再補充, 後來就換成一盤咖喱魚蛋.
生果有西瓜和菠蘿, 質素保持到.
仲有係試咗一些上次冇食過的食品, 有人蔘雞湯(唔好味), 咖喱魚蛋(太淋一舊粉, 唔好食), 車厘茄(細細粒似櫻桃, 好新鮮),
豆腐花(加黃糖粉及薑糖水, 又熱又滑勁好食), 雀巢雪糕(細細杯, 一般).
但亦冇再試一些上次食過而唔覺好味的豬大腸和豬腩片.
今次食量比上次差咗少少, 14:50埋單走人. 價錢亦比上次貴咗10蚊, $138再加一, 每人$151.
今次多謝家姐請我食呢餐遲來的生日飯.
題外話/補充資料：
睇食評話呢度好多外傭姐姐會在假日來幫襯,
上次唔覺, 但今次平日晏晝都見到好多外傭姐姐食客, 有4成咁多呢.
(以上食評乃用戶個人意見 , 並不代表OpenRice之觀點。)
張貼
