漢和韓國料理 (已結業)

去食啦...第一感覺就係似自助餐多的...樣樣都OOKK嘅...好多三文魚...一個字...「鮮」!!!服務好好...但講返韓燒...麻麻地la...不過既平嘅...值得推介推介...記得夜晚0531-0730係最平就得喇^^好想食多次

今日同男朋友去食韓燒之前次次都係去CWB果間漢和食但係佢執左所以今次轉去MK食第一次黎MK呢間食~環境唔錯~好大不過如果坐得入就要行遠少少去拎野食佢野食種類都算多...我地都燒左好多野..雞奕..雞扒..牛仔骨..牛扒..龍鯏柳..芝士腸..魷魚SO..等等..仲有好多不過D野就咸左少少熟食:有蝦..年糕..豬腳薑..泡菜..煎堆...等等..數唔哂仲有幾款湯..最好飲係人參雞湯..但係就油左D甜品有芒果布丁..椰汁西米露..等等..生果有火龍果..西瓜..橙.熱糖水都有三款..綠豆沙..同雪梨XXX唔係好記得係咩..仲有豆腐花~正!!!!!!!!!仲有雪糕..總括黎講都算幾好..我地食9點半..118加一..算幾底食下次都會再去

今次我都係第一次黎漢和，係亞佬介紹的。入座起計2個鐘要埋單的自助式燒烤。服務員有禮的帶了我進CAR位，今次可以舒舒服服等亞佬，隔離仲有個LCD電視上緊電影。座位很舒服，冷氣好適中，舒服得我都不願出去拎野食。我地選了雞肉、豬肉、牛肉、雞翼、紅腸和腸仔。各肉類的肉質夠淋不韌，醃料夠味，冇口感，味精偏重，食完好口乾。

講真..d野食真係一般同''漢陽圓''分別唔大個人認為d海鮮個個都一樣味其他肉都係差唔多期望唔高都可以去下既不過呢間野真係好衰囉之前我有打過電話去book位既順便問佢5個人有冇大台佢話有問佢有冇附加費又話冇點知去到得張細台雖然話就唔洗等姐但真係好鬼迫囉我個fd仲要另外加多張椅佢左右都係走廊有冇搞錯呀出入都難真係把鬼火都算啦成班fd出黎玩要開心嘛點知到最後佢比張單我地我地係未食完既佢叫我地比左錢先再食囉火到黎埋算我地比左先但其他野食都收晒仲要本來係話$75@1結果變做$85@1$85我洗食你??我可以去間好d啦仲要我地都未拎好錢我地放在$500零$7但佢要唔知幾多$xx9佢話"你比$7我點找錢比你呀?!"乜料先??

星期五o既關係，好多人，不過都預左，book左8:15，但都要等35分鐘先有位......帶位姐姐o係電梯口已經截住要o係下面等位，因為食野果層太窄了...... 突然佢叫左一堆人上去，以為有位啦，咁個個咪上去low，但原來上到去仲要等---------> 帶位o既安排一定要改善 有個客人不滿，勁鬧(用粗口)上面果位帶位，其實真係唔關上面帶位o個姐姐事~~好心阿客人鬧一兩句咪算low, d粗口真係好難聽, 我覺得你真係咁唔滿意咪走人唔好食low !!

我同女友一直想吃韓燒, 所以專程出到旺角的漢和用善一到三樓.... 好熱鬧 好多位都有人坐, 已經冇哂二人位 咁店員就比左八人位我食住先, 約一小時後 竟然要我地換位話有班客 有八人 想坐我張台 因為燒得好地地 我當然吾想換啦 ! 但佢地竟然強行夾走我地啲食物 和用具, 搬到另一張台到 ! 講返食既方面先, 佢地食物種類吾算太多 但熟食方面就比較驚喜.... 種類多 味道仲吾錯牛肉 啲牛肉真係好好味,易熟得黎 又多汁又香 仲食得出有甜味牛仔骨 一樣好味, 但脂肪比較多.... 太油辣八爪魚 味道好夠, 真係好辣芝司腸, 櫥司腸,紅腸 一般超市貨色 不過不失冬茹 好細粒 又吾新鮮, 有一粒是苦的熟食炸薯條 真係估吾到係脆的 泡菜 不過不失 女友最愛豆腐花 飯後甜品都不錯

呢間漢和，醃肉同熟食，味道都好啱我，所以1直都係佢嘅擁躉。1坐低，豉油都未斟，就見隻烏蠅猛咁嬲隻豉油碟，話比侍應聽，係就係比個隻碟，但原先比烏蠅嬲過嗰隻收都廢事收。出去嘢食，真係比呢隻大頭烏蠅嚇親，佢重郁緊，好專心咁享用美食，如果有老花，分分鐘以為係豆豉嚟。埋到位，食食吓，有隻烏蠅不停在食物上轉，撥都撥唔走，見佢狼到不得了，根本唔驚人，咁嘅情況，唔係佢C就係我亡。今次真係頂唔順，現場嘅烏蠅響食物上面周圍飛，包括啲熟食。非常念佢嘅涼拌粉絲同碗仔翅，唔知幾時變乾淨，可以返去大快朵頤呢？

是晚的用餐時限為一個半小時, 聞似很短時間, 結果是充足有餘 因時間尚早, 未夠七時, 拿食物的人不至水洩不通, 亦沒見有人搶刺身的情況這裡所有的生食物都很新鮮, 有經醃製的肉類都很入味, 跟以往一樣, 水準沒變侍應收碟算快, 態度不是想像般差, 到時後都沒有催促我們結賬, 算是沒要求中較滿意的一餐呢!

今日我同我朋友兩人唸住聖誕去街,咁食方面就選擇自助韓燒,因為之前朋友帶過我去漢和,食過之後覺得ok,所以就揀去漢和~今次去漢和,可能係午餐關係,唔洗等位就可以入去坐,今次佢比o左張大枱我地,咁o岩我地坐個陣隔離卡位就有人走,我地要求轉枱佢都冇問題,轉o左去卡位就更加舒服啦~我地今次唔拎熟食同壽司,唔拎壽司原因係因為冇三文魚,所以變成主攻拎醃肉黎燒,今次拎o左羊肉,西冷牛肉,普通醃牛肉,牛舌,豬肉,雞翼,雞扒同魷魚,我同我朋友都拎o左好多,無論燒同食都一樣咁開心,其次就拎o左人參雞湯同豆漿,我地今次都食得好飽,係食得最多肉o既一餐~甜品方面,我地拎o左傳說中難食o既蛋撻,一d糕點,而我同我朋友分別拎o左涼粉同紅豆沙.服務方面:其實唔差,態度都ok,有求必應,話想轉枱會轉比你唔會無視你,就算佢要清場,佢會睇醒你叫你要拎食物就快,雖然佢預早同我地賣單,但冇趕我地走,比我地繼續慢慢燒,真係等到我地唔再燒先熄爐.食物方面:西冷牛肉:呢個味道ok,質感都唔錯.普通醃牛肉:比面冷牛肉差少少,不過整體上都ok牛舌:呢個個真係好好味~!羊肉:有d羶味,正!豬肉:肉質唔會太硬,味道唔錯.雞扒:太大塊,見到

對上一次食韓燒已經係上年~同一地點~當時覺得幾OK~而之前又食過呢間餐廳的韓國set lunch~知道佢lunch韓燒同夜晚的款式差唔多~但$$差一大半~今次搞掂哂D project就黎呢度叉叉電了~韓燒的材料都OK多既~有肥牛、腸、雞肉、雞翼、五花腩、魷魚etc~我推介魚塊~我真係超鐘意食魚~肥牛都不錯~朋友就話燒冬菇OK~而除左韓燒，仲有一D冷、熱盤~有D泡菜、沙律、湯、糖水、炒飯、薑醋、雞翼etc~亦都有甜品~雖然我唔係樣樣食過~不過我試過薑醋、雞翼、碗仔翅都OK架~我最鐘意係薯條~就係D咁簡單的野~將D凍左的薯條放在爐上燒~熬辣辣好好食~食lunch韓燒只係around $80~抵到爆~同場加映:因為之前食過佢地呢度的韓式lunch~都推介一下~雖然呢間一定唔係最正宗的韓國餐廳~不過有D食物都OK~好似係前菜炒粉絲~我係第一次食~好好味ar~另外牛肋骨都好好味~個汁(or 湯??)好送得飯~不過D牛肋骨好大舊~咬不了.....不過炒年糕認真麻麻......冇汁(韓國好多汁)，太乾了.....年糕又太硬了~韓燒就要隔一排先好食~好肥~

想食韓燒好耐啦~好鍾意韓燒那種辣的味道~ 正~都是一貫韓燒有的食物但有反沙芋呀~~好驚喜, 好好味~~雖然明知任食的時候唔應該食咁飽肚的食物.........但實在太好味啦, 忍唔住不停食食埋雪糕, 簡直就係捧住個肚走呀

一大班去旺角食飯, 好多時都搵唔到位, 有朋友話想去食韓國野, 特經過呢到上去睇睇, 即時有位, 仲唔洗等添. 呢到係食韓色自助餐, 款色都係咁上下啦, 都可以接受, 但有兩樣要改善, 分別係個人參湯同豆漿, 最差就係個豆漿, 有渣侍應就一般, 可能人多關係, 唔會主動問唔問你洗唔洗換燒烤板, 燶到不得了都無人問, 你唔開聲都唔換比你整體ok啦!

睇完 openrice 揀左呢間食韓燒1入到去 wa~~ 好多野食揀呀因為好想食肉 就揀左好多 其中碎碎地果d 牛肉亂炒勁好味勁入味!!同埋個人參雞湯好好飲呀甘甘地 正~五花腩望落肥, 但係食落口好好味呀cho. ice-cream 有d 朱古力碎 我食到個肚爆炸都 "不"多2 球食 yummy~~美中不足係個飯暖囉 唔夠熱overall very good!! 會再去!!!!!食完之後件3 得好少味~ 滿意有free drink, 酸梅湯同豆漿 另外叫左 $15/3枝汽水 所以貴dd佢呢間d 姐姐好好 service!! 有笑容 有禮貌 又夠人手 good

頭先同我媽姨媽細妹去食韓燒 當早午晚3餐食我媽姨媽佢地怒食熟食 我細妹怒食飯total 食左$343我覺得最好食系碗仔次不過食得多好飽食完一次要過多3,4個月先可以再去 因為好多肉 冇咩菜

食物既衛生程度幾好有得自己任夾食物一大班人去就最岩可以每人揀少少一齊share食甜品都好好朱古力雪糕好正入面有啲朱古力碎系度好香(;