漢和韓國料理 (已結業)

旺角的一間...有燒烤及火鍋,當日食無肥牛肉，其他肉類都有,配料也足...當日係星期六晚，除了我和一個女仔之外，亦有兩個國內的女性朋友，食完燒烤同火鍋之後，三個女仔狂食西瓜，而我就食三文魚刺身，不斷咁食添....好喇！事情發生，星期日晚我同女性朋友開始肚子不舒服，跟住就分別在星期一下畫要睇醫生；相反兩個國內女性朋友就無事……我唔知係o的西瓜、三文魚刺身有事，定我們唔太受得，亦有可能係一熱一冷效果，食完太熱的o野，立即食凍品會搞成咁，下次會小心囉....

今天bf 要吃韓燒, 因地點方便來了這間好久沒光顧的店子, 和以往一樣, 門口沒有接待的!! 到達後自行入內找坐位, 可能時間尚早, 5.40 只有我們兩個客人, waitress 還忙著收拾及放置食物.前菜: 有泡菜、魚干等十多款, 味道一般, 還有沙律.燒烤食品: 已調味及未調味的有數十款之多, 最新鮮是肥牛, 有肉類也有多款蔬菜, 選擇是很多, 但調味略咸.熱盤: 有六款, 炒飯、味菜豬肚、燒三文魚南、豬腳薑醋蛋...等等, 隔十多分鐘便轉換一款. 另外有多款韓式燒餅、豆沙窩餅、燒魚等等, 也是熱的, 味道一般.日本食品: 有三文魚刺身, 沒什么味道, 有數款壽司, 也是普通款式, 並不吸引, 建議芥未用瓶子裝著比較衛生.泰式甜品: 約有六款糕點, 賣相頗佳, 但味道不敢恭維.湯類: 有人參雞湯, 味道ok , 有雞味也有人參味, 還有一款中式湯, 沒有試, 也記不起名稱了.冷飲: 有荳漿、菊花茶、酸梅湯, 每款也試過, 味道也可以.糖水: 有四款, 有熱也有凍, 不太甜味道也不錯.生果: 有西瓜、火龍果、橙, 見有專人在食品區後即切, 吃得比較放心.Service: 真係唔得,

食物同環境都好dirty我見到d食物都唔開胃, 有些肉好乾, 好似由朝早放到晚咁，有d肉又有黑點, 牛仔骨係最能食入口的食物。人參雞湯有小昆蟲,佢d 例湯面好似有層肥油咁, 感覺好唔乾淨, 所以我都冇飲到。果日我都係一心食飽就走,因為坐得好唔舒服,d空氣好差，好大油煙,所有枱、牆、杯,總之所有物品都好似包著層油咁。d 服務都好差，叫佢幾次都唔理。果日係星期六,好多自由行食客,仲有上咗年紀的港客,佢吔不停講電話,好似係講輸咗馬之類,好大聲...煩死.以後人請我都唔會再去....

聖誕夜和女伴帶了三個小表弟妹，到這兒吃晚餐。是因為小朋友們說許久沒吃過任食韓燒。小朋友們忙著煎紅腸、肉丸、香腸、雞翼這些食品。我就忙於燒牛舌、魚柳、牛扒、茄子、冬菇、多春魚、雞腿肉。牛舌和魚柳最好味，吃了不少。前菜類，鮭魚刺身、鮭魚壽司、都慘不忍睹，可以不理。泡菜類，試了辣白菜、酸青瓜、大豆芽、蘿蔔、白菜仔、薯仔、粉絲，係粗糙貨色。尤其係辣白菜，有蘇打味，「口拿」舌頭。大豆芽最簡單最似樣。熟食類，試了豬腳薑和炒飯。豬腳好滑溜好入味，炒飯超多配料。其他熟食類，如燒鮭魚頭、烚粟米、香葉包雞，一既因為賣相恐怖而沒有嘗試。甜品試了穩穩陣陣的涼粉、豆花、西瓜、火龍果。任飲飲品有，酸梅湯、豆漿、五花茶。以酸梅湯最正常，豆花唔敢飲，五花茶太甜。限時兩個鐘，兩大人三小童，埋單合共$460。超多客，通道擠得水泄不通。油煙超強，若非小朋友要來，我絕對唔會來這兒。講真個句，同等價錢，同細蚊仔去食披薩咪仲好！

為左為朋友farewell，從來唔食韓國野o既我o黎左哩度。食唔係我最concern o既，反正都係將d 野食倒晒落個爐度燒。但哩度o既ventilation好有問題。你可以見到d有味煙晌周圍飄下飄下。淨係坐係度唔食，都要用塊tisssue遮遮塊面，感覺係非常邋撻同suffocating。加埋滑luet luet o既地板，挾窄o既通道，可想像得到環境係幾咁烏煙瘴氣。所以，服務一般係可理解o既，晌咁o既環境工作。。。well，可能係我o既問題啦，咁多人排隊o黎。。。除左餐價外，唔好忘記預番d錢為你o既手袋大褸乾洗。。。

幾抵食,有三文魚,有例湯(幾好味).....星期六晚幫襯連埋加一120元價錢都ok不過環境就太迫,太多油煙(都幾難接受),樓底太低....與荃灣果間比, 係差好遠, 荃灣果間環境幾好

我老實講食自助韓燒,都係想食到飽飽出返黎者,其他環境呀,服務,坐得好唔好都仲係其次;不過呢間真係.... (費事講太多粗口啦), 我同個friend兩個人黎呢度食坐左張四人台,燒燒下隔離個兩位食客走左啦,個侍應夠膽死叫我地移去另外張台畀其他4人坐呢張台,真係有無攪錯,呢度唔係茶餐,西餐呀,話轉就轉呀,我剛開始燒都無所謂啦,不過我地係燒緊食物呀,點轉呀,個又話無野o既我成個爐幫你搬過去呀,又咁又咁,我個friend都無話唔想轉呀啦,佢仲好想迫我地轉咁,咁我就即刻講,不如賣單啦(我地只係食左3個字度),佢聽完呢句至肯收手,佢行返去門口等位處仲好似唔順氣咁,同其他侍應講返,我同我個friend真係興到爆呀,咁惡劣o既態度都有o既,我懇請閣位人士,由其兩人搵食,切勿去該店幫襯!!!

58蚊燒烤自助餐,肉o既種類唔算多,連牛仔骨咁基本都欠奉,雞脾係雪硬鋸開,冇乜味道,人蔘雞湯冇蔘味有冇雞味,得個鹹字!但個是日例湯青紅蘿蔔牛腩湯就超正!豆腐花又滑滑!服務唔好期望o勒!我地人多有九折,都算係咁囉!

第一次入黎呢個食野, 等位都好快, 15分鐘就有位..不過食食下就覺得好唔舒服..唔係d野食有問題, 而係好大油煙... 好辛苦..人地食韓燒, 上面有個野吸走晒d油煙..呢間冇ga, 幾十個爐係同一空間到, d煙多到嘔~~食左一個鐘都真係頂唔順要落大快活透透氣同埋我發覺呢到d地下好滑, 大家要小心..地方又窄, 個個拎住d野食周圍行..真係要小心..

尋晚去咗間呢間韓燒度食自助餐...一早已經醒目諗住禮拜六夜晚應該都會有幾多人去食,所以禮拜五已經訂定位,九點半上到去諗住攞位,超多人,d人排到出去樓梯位,好彩一早訂咗位,如果唔係我諗起碼等半個鐘頭...隔咗無耐就有位俾我地啦!四大一細俾咗張四人枱我地,加多張凳,都有dd迫,因為果度d通道唔係太闊,但係通風系統幾好,無話超大煙。出去拎嘢食,食物選擇都有好多下...有壽司不在話下,有埋牛肉,羊肉雞肉呢d基本韓燒食物,仲有d熱盤冷盤...主力覺得牛肉同羊肉都唔錯幾好食,嘢飲有豆漿,酸梅湯同埋五花茶,除咗d豆漿唔太夠凍之外,另外兩款都幾好飲,食兩個鐘乜都食飽,雖然見到門口都好似有人等緊位,但係都唔算係趕客走...唯一既兩樣不足之處係:第一.個侍應生我地未食晒d嘢,就黎夠鐘就幫我地執走晒d碗碗碟碟,想食都喝唔切叫佢停手,已經執起晒我地d碟...同埋個經理埋單果陣,叫佢擺低張單俾我地睇下,就俾面色我地睇...總括而言,呢間韓燒食得過,值得去試一試的!

由於bf唔鍾意食bbq,所以5年來都未同佢一齊食過韓燒;都冇幫襯幾年喇,上次咁啱同個friend都想食,咪上網睇吓啲食評有乜好介紹囉,點知佢哋講到啲任飲任食好差,同5年前分別甚大,最重要係只得兩小時,唔夠時間傾偈,所以都係去咗亞士厘道搵間散叫嘅嚟幫襯,但最終都係食咗兩小時唔夠就埋單啦…等咗5年,今次氹到bf同我食,經過上次知道”兩小時”根本唔係問題,就嚟呢度試吓喇,由於之前睇過啲食評,對呢類形式嘅韓燒大多有彈冇讚,bf又係俺尖大少,所以都有啲驚ga,但想食多幾款(上次逐碟上,驚食唔晒,唔敢叫咁多,所以只係叫咗兩款肉),又唔駛咁飽嘅,就只有食自助喇,份量自己控制嘛…坐低冇耐就急不及待出去搵嘢食,乜唔係話冇以前咁多嘢食ga咩,唔係呀,我5年前都係食開呢間,啲嘢食都係咁上下,好多款喎,有三文魚刺身,壽司,各式熱葷如薑蔥蟹,瀨尿蝦等…,生料有豬,牛,羊,雞,魚,而且有啲仲有唔同味道,淨係牛都分咗牛扒,牛肋骨同牛肉,雞就有咖哩同唔咖哩,都唔記得咁多囉;其它嘅仲有食韓燒唔少得嘅前菜,多到都唔知食邊樣先好,但最鍾意始終係泡菜同魚仔;另外仲有2款湯水,又有碗仔翅,甜品就有豆腐花,西米露,涼粉等,最啱就

星期六晚, 兩個人去食, 出到去, 發覺個經理的服務態度好懶散。食野期間, 我地咁岩坐係拿甜品果附近, 見有個細路仔想拿豆腐花, 果個經理見到, 問佢想要d咩, 個細路話想要豆腐花, 果個經理竟然話, 咁你自己拿啦, 就咁行開, 實在睇唔過眼, 咁架服務態度實在驚人。

寫食評時才發現，原來個個都係寫buffet 的。令我諗返起... 我對上果次食韓燒既buffet 都係N 年前(至少6 年前既事lu)。呢度我又唔算成日幫襯，一年可能都有4、5 次啦。次次都係叫套餐，有時lunch 有時dinner。黎親多數都係叫牛肉飯定食，每次都會將個湯轉碗仔翅(其實無咩人知可以咁改架.. 因為我食左好耐.. 所以先知，佢menu 又唔會寫明，如果大家去既話可以試左轉)，個餐仲會跟少少炒粉絲，同埋甜品- 可以揀涼粉/ 豆腐花- 多數都係揀豆腐花。我覺得呢度既牛肉飯都幾好食，但就唔係樣樣都好，所以我黎親都只係食呢樣。廿零蚊一個set 仲包咁多野，真係幾抵。

星期日約左朋友食飯..去左呢間韓燒...d種類好少..有三文魚o個d..但三文魚唔新鮮..無味...d扒、肉入味就算入味但係好「孩」...基本上係覺得每人$120唔抵囉...因為食左食得唔多...食物又唔算新鮮....而且又多人..地板搞到黏立立.....

早兩年住在九龍區，每當想在旺角區吃韓燒自助餐的話，這家店總是我的首選，原因是在旺角區實在找不到比這家更好的韓燒自助餐，而在食物供應及價錢方面亦尚算合理，當然，如果對韓燒有要求的話，還是勸大家到尖沙咀或銅鑼灣一些韓菜館，而且也別要選提供自助餐式的！言歸正傳，今晚專程由新界到這裡吃韓燒，主要是因為一位好友生日，他說想吃韓燒，為了交通方便而選擇到這裡來。我們訂了晚上九時四十五分的位，不過，因為星期六的關係，全場爆滿，因此，也要在抵達餐廳後多待十數分鐘才有位，這點也能體諒的。對上一次光顧跟這次事隔半年多，提供的食物選擇仍算足夠，而在食物補充方面亦算合格。特別推介這裡的牛肉和西冷，牛味夠濃，燒至熟透，入口也不會覺得韌，以這樣的價錢來說是不錯了；另外，咖哩魷魚鬚也不錯；但前菜類食品中的青瓜，味道則有點不倫不類，可能是醃的時間不夠吧！甜不甜、酸不酸！其他食品味道一般，而且感覺到味精似乎頗重，吃罷有點口渴。自助餐提供的免費飲品中，我今晚只試了一杯五花茶，一入口甜味太重，可能是因為個人不太嗜甜吧！但不夠凍卻是真的，如果夠凍的話應該會好一些。這家餐廳的服務質素，由多年前至今也沒有改變，可能是人手不足吧！侍