漢和韓國料理 (已結業)

朋友想食韓國燒烤,我第一個反應係"又要食到趕頭趕命?"於是便試下d未去過既韓國燒烤食肆,行下行下便走左上去~~~一行四人被安排坐一張六至八人檯,仲開晒兩邊爐俾我地任用,當我問到我最關心既問題時"可以食幾耐?"佢竟然話"食到你飽為止!"我地由七點食到十點幾完全沒有人騷擾我地~~係旺角食韓國燒烤從未試過,從未食得如此安心!食物跟其他韓國燒烤食肆冇乜特別,係個人參雞湯真係有d人參係度,同埋個雞中翼真係醃得幾好味~~~係旺角試食過的韓國燒烤食肆當中,我最buy呢間~~~

2006年0既情人節，落住雨，條街好多人，同細佬行完銅鑼灣，就去左旺角搵埋爸爸媽咪開飯，無法啦，有人要返工嘛，希望有得補祝啦。今日咁多人，我覺得d侍應都算幾有禮貌，佢地幾慘，做到無停手，不斷要收碟，所以都諒解佢地0既。辛苦哂~~~不過希望有待改善0既，首先就係個地下，好滑，好多油，真係好驚會滑倒架，試過有幾次前面0個人行0既時候仲整起左張地毯，幾驚會"kick"親呀。另外，第二0既係燒烤0既野種類少左？牛仔骨都係出左一次，食唔到呀，魷魚都係見過一次就無lu。以前佢d豆沙煱餅好好食架，但今次係凍0既，唔好食。佢d糖水都唔錯。三文魚好食，不過好多人爭。講真，加埋一成120蚊一個人唔平架。我地四個人就食左$480蚊啦，好貴。食完成身油，陣味好勁，連個手袋今日都仲有陣味。真係要改善下d通風系統同埋油煙機，仲要拖下地，漢陽苑無咁勁油煙味同地下好好多。食野時，成間野都煙霧彌漫，差d焗親。今年0既情人節真係好特別，同屋企人過都好開心。YEAH!

在10月6日(星期四)晚上八時左右食,入座率都幾低,可能得四成,和以往要排隊食真係天淵之別.講番食物種類.都係好少.(有三文魚)沒有甚麼味道可言.連以前最好味的牛肉,都唔掂,魷魚難食到不值一提議湯好似有兩款,甜品都係.個雪糕忘了甚麼牌了.總之核突唔想畢黎食.飲品好似三種,只飲了豆漿,唔知搞乜勁甜.服務己經唔係人多,唔明為何好難搵到待應幫手.仲有我們的枱冇油都沒有待應拎黎,等我以為己拎左下去,搞到塊面燶晒唔燒得.(呢個都係自己疏忽).埋單沒有打邊爐120(加埋一),食完覺得應該唔會有下次,都唔知食過乜落肚啊

上個禮拜諗住同fd去食韓燒*咁就揀左哩間喇..見佢$64蚊任食都幾抵*我係中午時分去食ge..都冇咩人去*唔駛等位..佢地d 衛生情況真係認真唔掂囉..個燒烤爐又污糟喎,,燒出泥ge食物全部黑色..唔係左喎..係1放落去已經黑喇..都唔知叫人點食*d食物種類又唔多..又唔好食.....d員工服務態度又唔得*成日嘴歪歪咁..實在太差喇*我1定唔會再去食咖!!!!!!!!!!!!!!!

早2個禮拜~去呢間野度食LUNCH,淨係叫SET LUNCH冇開爐燒,D SET LUNCH差到貼地,價錢三十幾蚊起(但係唔值),果碟泡菜撈麵我等左成半個鐘,點知出到黎係酸過食salad,得個酸字,咁鬼酸,直情放唔到落口.跟住其他人叫左一碗幔魚ge麵,完全係求其放d幔魚上面,同埋又叫左牛腩飯,差d就變左油腩飯lor,根本呢2樣同韓國菜完全冇關係.侍應態度極差,成日射lay眼望人lor,order又落錯,都唔知想點.個地板& windows油到爆,好似十年冇人清潔過gum,個地下滑到差d"達" 得死人,都唔知點解d waiters仲可以生存到咁耐喎.唯一好ge就係甜品----豆腐花,我地一致覺得好好食,唔知係咪之前完全冇食過乜野所致.

我唔係去依間.我係去左荃灣英皇中心o個間.d 燒烤野食都好有味好好味..特別係牛肉豬肉同雞翼好有味...d 雪糕同豆腐花都好好味

朋友話想食韓國燒烤,便陪下她們啦!因為假期關係.都有好多人去食,有十成滿,七點半開始要等位.走的時候差唔多九點,也仲有人等位食物味道麻麻,牛肉,雞,魷魚,多春魚.都麻麻,沒有以前咁好味道了甜品真的好甜,殘嘗便可以了.有西米露,豆腐花,碗仔翅,喱糖,西米糕等等.....火料都一般啦三文魚好多,沿沿不絕供應,唔怕沒有呀!服務都幾好,叫等應換塊燒烤版也好有禮貌,收碟速度都可以呢???雖然話有限時間,最後也沒有呀!

今日同朋友去果度食飯，食物種類較少、質素麻麻都無咩所謂；最唔高興係員工服務奇差。話說今日我地一行九人去食晚飯，佢就安排我地去一張八人檯，無奈其中一個friend 要坐係通道度。成晚食飯時d 員工已經service 麻麻，隔好鬼耐先至同我地清一次d 空碟，搞到我地成日都要將八、九張碟疊起先可以有位擺野。食到差唔多最尾果時，其中一個員工執碟不幸整瀉左碗西米露。坐係通道度果friend 就俾d 西米露整污糟左個背囊。當我果friend 仲清理緊果時咁0岩有個客行過又俾同一個staff 整瀉碟豉油，又整污糟埋佢件T-shirt 同埋另一個friend 個揹袋和牛仔褲。其他staff 只係遞左兩張tissue 俾我地。果整瀉野的staff 一句sorry 都無講到就行左去，之後仲得登唔行我地果邊；問另一個staff 點算，佢竟然答"無辦法架喇，你搵d 紙巾抹乾佢啦"。之後經我地多次要求下先有一個經理的人過來。我地問佢搞到咁點算，佢竟然叫我個friend 除件衫出黎、將背囊d 貴重物品拎出來等佢拎去乾洗。有無搞錯﹗有咩理由叫人俾件衫你呀﹗你要人地唔著衫等你乾洗呀﹗跟住又提議我個friend 返屋企

今日八位老朋友又再gathering, 大家都想食韓國燒烤, 就揀左呢間. 選左任點任食既餐($110每位).食之前本來冇乜期望,不過食落真係有D 驚喜喎三文魚刺身----吾錯,好肥美,仲不斷refill.羊肉----醃得好好味,燒完仲有肉汁添."膳"片---本來屬于火窩食品,不過燒黎食出奇甘好味.魚柳---好味.木桶豆腐花---好香豆味.其他食物質素都吾錯, 負責我地張抬既waitress有禮同attentive, 一讚.埋單原來八個送一個, 每人都係$105, 几抵, 適合大家gathering, 不過一提係佢地冇八人抬, 如果多過六過人就要坐埋旁邊二人抬, 講野比較冇甘方便,所以多過六個人不推荐.

上星期同朋友共三人一齊去食晚市, 埋單為$120一個人, 價錢算ok, 但個晚的食物唔錯呀, 我地左好多尿蝦, 本用來打邊爐, 但我地就用來燒!好香好好味呀, 還有個到的人蔘雞湯好得!還有三文魚魚生, 都算係不停供應, 但有時都要等下至有, 總括來講, 係唔錯的!

唔係咁得呀！用呢Ｄ質素，我真擔心佢地點同其他人COMPETE，無乜野再好講，唔低，無野食．