漢和韓國料理

營業中

休息中

以前細個無咁多選擇，成日去漢和食韓燒，當時覺得好勁，好好味。但人大左，發覺真正韓燒原來唔係咁，漢和呢種只係港式風味，所以都好少食。不過今日朋友話想試下，咁咪黎食個lunch，話一上到黎都幾多人，好彩呢度都好大，座位好闊落， 坐得都幾舒服😊。食物種類真係好多， 除咗有燒烤嘅， 仲有啲炸物小食， 少少熟食， 湯甜品 啤酒汽水都係任飲嘅。午市只係百幾蚊一個人，仲可以由12㸃食到4點，真係好似時光倒流一樣。當然咁嘅價錢，食物質素無得要求太多，只可以話未至於太難食😅，但一定唔係好好味，因為大部分燒烤既食物， 醃製嘅味道係一樣既， 根本食唔出有咩分別， 同埋係完全食唔到肉嘅味道，味道都比較甜🤔。好彩有D生菜，可以用黎包住D肉食， 感覺就好味啲🤣🤣。全場我覺得最好味，係個豬腳薑，甜 醋酸得嚟， 好有薑味，味道啱啱好， 豬腳好淋，入晒味，正😋😋。其實咁既價錢，咁多選擇，又可以坐咁長時間，真係好抵😃。難怪咁多學生嚟食， 即時諗起以前細個，食咩唔係最重要😊，一大班人柴娃娃聚會先係最開心，回憶返晒黎😁。人大左反而因為有要求，失去左以前簡單既快樂😌。總括漢和並唔係高質韓燒，只係廉價放題，不過都一樣食得好滿足。

13/6 食夜晚 5:30pm 時段兩個鐘每人$188加一！一開始又唔算多人唔洗排隊同埋迫、食完出嚟就人山人海。⬇️$188 呢個價錢其實幾抵食、而佢出面啲小食冷盤仲有三文魚剌身其實已經食飽咗你一半。反而韓燒變得唔係食得好多，但一向嗰啲基本野都有。出面啲小食其實好多、由豬腳薑到碗仔翅甚至炸雞翼炸春卷或者韓國去親都食嘅豬手肉都有。但係有啲嘢就冇乜味、例如冷盤韓式泡菜真係淡茂茂，碗仔翅好睇但又係堅冇味、但係豬腳薑嗰啲屋企人就話好食。⬇️⬇️收碟嗰方面就長期人手不足咁、有時自己疊埋一齊放去架車仲快。見到坐入房嗰啲人有啲叫天不應叫地不聞 Feel、但係如果你 Catch 到一個 staff 叫佢換塊板都會九秒九幫到你。⬇️甜品就有涼粉同埋牛奶公司雪糕仲有生果椰汁糕、$188呢個價錢算抵食！

食晚市韓燒， 5:30開始入座，我5:45去到已經坐滿一半，所以記得預約或者要趁早去。我必食牛肋骨，啖啖肉，可惜refill唔夠密。其次我鍾意食韓式配菜，尤其係芽菜仔同埋菠菜。另外我最滿意漢和有碗仔翅同埋韓式蔥餅，仲有涼粉。埋單每人大約$200 ，咁嘅價錢，我覺得食物質素已經算好好。不過始終食客較多，啲碗碟大家都有機會摸過，如果攞食物嘅時候，餐廳可以俾每人一對手套，先去接觸餐具會更加好。不過有樣嘢值得一讚，當中有食客忘記戴口罩出去攞野食，侍應會上前提醒👍🏻

漢和係我最鐘意嘅韓燒buffet, 又平又好食！！！-有豬、牛、羊、雞，仲有一啲海鮮，例如：魷魚、八爪魚同埋蝦。除咗生肉，都仲有熟食。我非常推薦佢嘅牛奶布甸，細細杯，真係超好食(*¯︶¯*)上次同朋友去夾夾埋埋食咗廿幾杯😂另外，我都好鍾意佢嘅豆腐花同南瓜餅(⁎⁍̴̛ᴗ⁍̴̛⁎)唔單只係咁，仲有刺身同壽司㗎！！嘢飲同雪糕都係任食 真係好抵！-午市都只係$128一個人，可以坐4個幾鐘。以前係免加一，可能而家疫情就要加一啦

漢和喺香港好多年 一路只係鍾意食觀塘呢一間 特別乾淨同好似多d嘢食 任食韓燒來講 漢和真係好多選擇 湯類都有三款 碗仔翅 人蔘雞湯 是日例湯仲有大量熱食提供 好多都係新鮮整出黎 熱辣辣 見到炸雞翼 炸魚皮 薯條 煎堆 炒菜 韓式粉絲 呢啲勁受歡迎 大量前菜選擇 甜品仲啫喱糖 水果有菠蘿西瓜 沙律吧 飲品都係任飲 連啤酒都係 好多人飲勁多啤酒我最鍾意佢地既豬腳薑 前菜既菠菜 豆腐花同涼粉次次都食兩三碗 飽到飛起肉類勁多款 雞肉 豬扒醃得好好 不過牛仔骨係最好食😋海鮮魷魚同八爪魚都好正

漢和嘅任食燒肉一直都好抵食，午市只係需要百幾蚊就有得任食。食物種類好多，除咗有燒嘅肉類之外，仲有好多熟食同甜品。燒嘅嘢食有好多，有豬肉、牛肉、雞肉，仲有一啲海鮮，例如係魷魚。肉類質素一般，但咁嘅價錢有得任食，就冇乜好要求。熟食都會有一啲雞翼、薯條等等。而甜品會有豆腐花、西米露、果凍等等。佢仲包埋任飲嘢飲，除咗有汽水仲會有一啲清熱嘅飲品。估唔到午市個場都幾旺，如果大家想食平價韓燒嘅話，漢和都係一個唔錯嘅選擇。

話咁快又星期日啦，本來約咗家姐正日生日食飯，因為完工時間好預，點知都喺要提前，完工第日無休就返新工因為12月中的媽咪突然早咗個幾月生咗囡囡，早幾日有幾晚都過咗去幫手跟下個媽咪，晚晚都好夜先回家，因為無休息所以提早今日同家姐食午餐慶祝，家姐又話食韓燒咁出咗官塘以為漢陽原來喺漢和，好彩呢間地方濶落唔太迫，食物好企理每次有多人攞完嘢，都有人第一時間去清潔同執下，雖然同樣都係果啲食物，呢間好好多，好食又夠熱值得推薦一下

韓燒，出名平～下午黎食仲平～hahaa好多人黎食，選擇好多，有生肉for燒烤既，亦都有唔少熟食，懶人之選～！！而且有豬腳薑，係幾難得會出現係呢d放題既食物~~~

原本打算訂枱今晚食，打電話去訂。以下對話內容:我:想訂今晚2大1b。阿姐:訂幾點？我:今晚6點。阿姐:3個阿？我:2大1b，小朋友未夠年齡。阿姐:咁你個b洗唔洗座阿？我:要。阿姐:咁咪3位囉，又冇話收你b錢，係計座位咋嗎我:哦。阿姐:姓咩阿？我:萬阿。跟住就比阿姐cut咗線，當場冇哂心情食，未食已經受氣受飽咗，真係好無引囉，平時1個月去1.2次，都覺得幾好食又唔貴，態度咁樣，近呢1.2年都唔想再去

在疫情下限聚令下衹能夠兩個人一桌用膳，漢和韓式餐廳擁用寬趟座位，衛生條件佳，食物美味新鮮熱辣，葷素齊全，種類繁多，適合打工一族晏晝祭五臟廟，今天適逢生日到此慶祝，為此謹作一打油詩抒懷~品評美食有幾分韓式美食無少存一生饕餮皆若夢漢和餐廳會重温

整個星期都是下大雨, 難得假期想DATING PLAN 好的節目都要改啦。心血來潮去了食燒肉, 但KWUN TONG 區竟然只有2間韓式燒肉店, 去了最近的一間任食STYLE 就是我讀書時期那種,肉類, 熟食飲品都是任食的。很多的,肉同海鮮, 人客多食物去得快, 熟食都是密密REFILL~值得一讚是熟食幾好, 泡菜同好味, 好讓我補了不小維他命同纖維, 因可以燒的蔬菜只有數款, 我拿不下手......豬腳薑好QQ~, 個韓式辣海鮮湯足料好飲LUNCH 任食2HOURS, 每人AROUND $150 , 算是幾抵食的。同埋個卡位都幾闊落, 2個人可以慢慢燒來玩~~

放工同老公黎漢和韓國自助料理 店員先幫我們量體溫，仲提醒我地出去拎食品認得戴口罩。食品種類不算多，有熟食有魚生，壽司，有肉有菜，魚柳，魷魚，菇菌類，水果，雪糕，甜點，基本應有都有。佢有列明盤上係咩肉類。肉類新鮮，色澤幾靚，不過好多切唔斷，仲吊住一大舊。。 雞有雞味，好彈性， 豬肉較軟， 牛肉好香，厚切魚生，脂肪比較不錯。水果：超甜甜橙最後食碗豆花，雪糕，趕在7點半前離座 每位$168 加1， 完美走人。不過之前雪糕係哈根大師， 依家係 雀巢， 級別差好遠。。

最近同屋企人黎左e 間韓燒店，由於疫情關係，店員都幫我地測了體溫先比我地入座。我地揀左窗邊嘅位置。午市比較少人。座位一點都唔密集。以往我地都有係e 間店食韓燒。今次嘅種類都同之前一樣，冇退步😍👍🏻，食材好新鮮😋。仲有新鮮水果同熟食🤓一個價錢食咁多種類真係好抵☺️店員都要求食客們戴上口罩先去攞野食。食材區同用餐區都好衛生。店員都keep 住清潔👍🏻我地攞左以下嘅野食，肉類好新鮮，色澤都好靚。熟食嘅味道都岩岩好。仲有滑嘅豆腐花😍

我見到尼間漢和食評唔錯，預期整體服務唔錯，諗住去食，我打電話問價錢同座位，問完之後我話等陣再打黎確認訂唔訂位，個侍應即刻話「你老闆呀」同cut線，我真係嬲咗，點解會有啲咁嘅侍應同服務態度？相信佢只係唯一嘅害群之馬，唔好影衰間鋪。

好耐都無食韓燒，突然好想食肉，但又不想食太貴，睇來睇去最後就揀咗呢一間非常便宜嘅午餐韓燒，$130連加一 一位。呢度嘅嘢食其實唔算超級多，但其實已經足夠，主要烤左豬肉，豬扒同辣炒豬肉，同黑椒牛肉，然後其實全部都幾好食，肉唔會話太差，調味都OK，呢個價錢算係咁啦