漢城美食 (已結業)

第一次離依d地方食韓國菜~唔識係唔係叫正宗既~但係都真係幾好食~至鐘意係佢\地泡菜~好好食呀~多多都想食呀~又有味又少少辣~好o岩我口味~叫左三個菜~其實離錯左一個啦~想叫烤牛肉~佢\比左牛肉飯呀~依個好味~牛肉好味~d飯唔知係咪韓國飯~覺得同香港果d唔同d~炸醬麵~本人唔太like食~但食左少少~都ok~泡菜炒飯~原本係無咩味~好淡的~後來我個fd將d泡菜汁倒落去~即時有味~好有家的feel~但係地方真係細左d~婆婆好好人~但係有d貴~一個菜要五十蚊~都唔算係大碟囉~

WEEKDAY LUNCHTIME 去, 未到一點, 所以我地包場咁哈哈我好鍾意食佢的泡菜炒飯! 男朋友叫了年糕湯SHARE 來食. 一清一濃剛剛好! 泡菜炒飯我叫左走辣(我落單時畫左隻辣椒然後打交叉哈哈, 因唔知佢識唔識聽中文), 好香唔會好油, 食到最後O個啖都仲想食. 年糕夠清, 煙煙, 無中國人D年糕咁"滯", 湯唔覺有味精.去到的時候韓國婆婆整緊D 七色年糕(其實我唔係好知係咩), 咁個老闆(我估係掛)叔叔幫手, 佢地講韓文的時候我覺得自己好似去左韓國的HOST FAMILY 咁哈哈. 我和男朋友謝飯的時候, 佢地問我地係咪基督徒, 原來佢地都係(佢WALL 上有教會月曆), 招呼好好親切呢! 雖然叔叔唔多識廣東話但是佢好努力同我溝通! 服務態度好男朋友說有去左韓國旅行的感覺, 可能因為無其他食客講中文, 而且呢間餐廳的格局好民居FEEL, 食得好開心

之前睇過雜誌介紹，openrice既食評又咁好，星期五晚又o係尖沙咀行街，所以同埋友人一齊黎試下。我地叫左烤牛肉飯、炸醬麵同韓式年糕炒公仔麵! 友人同我都好中意烤牛肉飯，因為確實好味道呀~~炸醬麵真係好黑，上枱已經好勁的酒味，不過麵條入口煙"un"感覺很好; 另外韓式年糕炒公仔麵友人認為太辣，但我個人認為味道剛剛好，不太辣很好味呀~不過下次唔會叫公仔麵，剩係炒年糕已經好夠，因為‥‥‥實在太飽了!最後，真的要讚讚老闆(男仕)，雖然他不懂得太多廣東話，但他很努力的招待我們，不停的加水，又教我們食炸醬麵要撈勻，很以客為先!不過‥‥‥找錢既時候可唔可以唔好用口水黏手數錢呀???很唔合衛生呢!?下次再幫襯一定要帶定足夠散紙啊>_<

店舖很細，不緊要，跟朋友坐親密點。老闆廣東話不算流利，但親切細心。老闆娘(? ^_^)不會廣東話，但笑容甜美。食物好好吃，是住家飯的味道。壽司，年糕都好吃！(我最愛吃)本人不能吃辣，但還是一邊飲水一邊吃泡菜飯！

來這裡，理由很簡單，就是想吃韓式簡餐。家庭式經營的小店，甫入門口，見老婆婆在猜著粉團，手猜的年糕放在檯面，沒有雅致的裝潢，換來的是輕鬆的氣氛。想試地道的食物，就要了豬腸，是豬腸衣包著韓國粉絲及豬紅而成。主菜配加了辣椒的淮鹽、泡菜、漬蘿蔔上，見老婆婆拿著重壘壘的托盤，想自己來，遭拒絕，是堅持親自招呼。菜式不像坊間般有著華麗的賣相，粗糙隨便，亦沒有大派頭的前菜，兩道清爽而酸辣的泡菜，伴腸吃，分量點道即止。豬腸被薄衣包著，配軟腍的粉絲，帶著微微的豬血味，此品，味道淡得緊，要加淮鹽吊味。簡單的一餐，談不上超班，但菜式都是店家親自泡製，韓國人的一餐，就是這麼簡單。

早前經過這裏，看到這間韓式小店很特別；雖然只是好簡單的裝修，但感覺就像真正去到韓國的店鋪一樣；因此早兩日便和辣椒女一起來試試。我們叫了烤豬肉飯、韓式炒粉絲和綠豆肉餅。烤豬肉飯- 豬肉很新鮮，很好味，烤得又唔會韌，而且還好好味，兩個人食就有點太少了。韓式炒粉絲- 粉絲很有口感又爽口，唔會好腍，又入味。綠豆肉餅- 這個就比較一般了點，豬肉餅唔夠結實，一夾起就很容易散開，而且煎得過，多了點炭火味。店鋪真係好細，大約得十幾個位，如多一點人來都幾麻煩。得老板一個人招呼，服務當然不能要求太好，但老板都好熱情，值得加分。

早前經過這裏，看到這間韓式小店很特別；雖然只是好簡單的裝修，但感覺就像真正去到韓國的店鋪一樣；因此早兩日便和辣椒女一起來試試。我們叫了烤豬肉飯、韓式炒粉絲和綠豆肉餅。烤豬肉飯- 豬肉很新鮮，很好味，烤得又唔會韌，而且還好好味，兩個人食就有點太少了。韓式炒粉絲- 粉絲很有口感又爽口，唔會好腍，又入味。綠豆肉餅- 這個就比較一般了點，豬肉餅唔夠結實，一夾起就很容易散開，而且煎得過，多了點炭火味。店鋪真係好細，大約得十幾個位，如多一點人來都幾麻煩。得老板一個人招呼，服務當然不能要求太好，但老板都好熱情，值得加分。

唔辣幾好食呀！

0係呢度睇左大部份韓國料理0既食評, 見呢間又平又好似好正宗咁, 所以就去試下喇!因為約左朋友未到, 所以就專程去探探路先... 係0係d 平時唔會行0既街度架, 所以真係要搵! 星期六傍晚六點幾已經坐滿人喇, 等埋朋友七點去到, 岩岩d 人散左~舖頭細細地, 外面睇可能會覺得有d "up dup", 不過裡面其實好乾淨! 老闆好親切, 走埋黎同我地傾計, 自己識少少韓文, 可以溝通到係好有滿足感! 我地叫左辣年糕(可以變少辣)、烤豬肉同埋炒粉絲... 炒粉絲真係好好好味! 烤豬肉都好okay, 年糕反而麻麻... 每樣都只係$50, 老闆問我地要唔要飯, 我地要左一個, 原來係唔收$ 架!!我同朋友仲同老闆影相, 佢笑到四萬咁0既口... 哈哈! 感覺好開心好幸福呢! ^^~

最鍾意食韓式炒年糕, 佢地既前菜亦係我心頭好之一!

早幾日去o左呢度食飯~其實之前一直都幾想食o下韓國菜....所以o係呢度搵到"韓城美食"...諗住食得地道d...更加感受到韓國菜o既地道風味!我o地一入到去,老闆都幾好招待,不過就有d雞同鴨講o既感覺,anyway,指手劃腳都okay!!我o地叫o左菜之後就送上幾碟泡菜,因為我本身唔食得辣,就諗住食少少就算,但其實原來d泡菜都不是太辣,o岩o岩好!之後,我o地仲叫老闆比多幾碟泡菜我o地添,諗住要加錢la,但原來係免費!Wonderful!!^^本來我好想試o下石頭飯,但可惜o個度冇,實是一大遺憾!之後,我o地叫o左一個泡菜炒飯,一碟韓式壽司,1)泡菜炒飯好食,辣味o岩o岩好,之後我o地仲叫多個添!2)韓式壽司基本上,我就覺得同日式o既差唔多,最大分別就係韓式o既紫菜係有油味!但味道okay!最後,想去食o既朋友,一定要早d到,因為o個度位唔多,越夜越多人,要o係門口等都幾長時間!同埋,o個度仲要收十點,所以,要食就要早!七點零到就最好!

琴晚雖然落好大雨但無損我搵好野食既心情黎到差唔多七點但已經差唔多滿晒叫左烤牛肉飯同炸醬麵未上檯前先有三小碟前菜其中醃蘿蔔係最好味其餘兩碟太辣喇烤牛肉飯有牛肉加雜菜好香麻油味但食落一d都唔油而且牛肉飯夠味多黎一d都唔un好好食兩個人好快就食晒呢碟相反炸醬麵就比較差d唔太夠味之餘又幾油下所以最後由朋友仔清碟雖然言語不通但服務態度認真(因為會好努力聽你講乜野)見到隔離檯碟炒年糕好似好好味下次要試下聽講係可以叫唔辣架

同老爸提早慶祝老豆節，吾好食得太普通啦，韓國野都吾錯啦，但系銀根又吾系好夠，於是想起哩間小店。平時食韓國野果幾間新XX，無＄300/人都落吾到樓，哩度就平得多。當然配套就簡單D，裝修欠奉，座位都只是圓凳。菜譜有兩張，有彩圖有字有辣椒（代表辣度），非常明白。大叔懂少少廣東話，會講邊D辣同吾辣，點左一碗吾辣的炸醬面$50，一份泡菜豬肉飯$50。先來的是三碟前菜：泡菜，辣蘿蔔同醃蘿蔔。頭兩者都系辣的，ARM曬我。等左一陣，泡菜豬肉飯，紅紅橙橙，令我好有食慾！雖然系泡菜，但系都吾會好辣，反而麻油香好濃烈！豬肉片系烤出來的，有肉汁又香口，重有好多洋蔥，大叔行過叫我地要把飯拌勻會好食D，好細心！炸醬麵黑艋艋，不過以前食過，知道黑先系正宗，完全無辣的感覺，只有洋蔥/乾蔥的甜味和肉碎的味道。麵隻同日本拉麵比，比較粗身但系又好有咬口，撈埋哩個醬汁都吾錯。下次來希望可以試炒豬腸，好似好吸引喔！

此店其實不易找，前天找不到只好放棄，今天再來才找到。皆因門面太小，也沒有凌空的店名牌，相反同街對面的韓國食品店的牌子就很顯眼。由於裝修很家庭式沒架子，也不想就此空手而回，所以就進入試試。一看才發覺價錢不平，所有飯／菜都要50元以上，但見是全班韓國人（似一家人）很平和，心想在異鄉生活也不容易，此時同情心便起了作用。手指指叫了個烤牛肉飯（言語不通），飯熱且有石頭窩的那種「獲氣」，牛肉和配菜也很新鮮香口，不錯。起初放在飯上的一匙辣醬不感吃，怕會影響試出整個飯的「真味」，後來某伙記以手語表示要混著吃，照著做後發覺原來也不是很辣。上飯前是有三碟開胃小食，兩辣一甜，辣的是泡菜和類似是蘿蔔的物體。泡菜吃完可再添，但不知是否無限添，小弟因怕狂吃辣會拉肚子所以見好就收。甜酸蘿蔔是止辣佳品，真是想得週到！吃著吃著辣到流鼻水，真是失禮！整體沒甚麼裝修可言，店面也很少，如果太計較一分錢滿分貨又要贈品又要歌舞的人可能會失望。但如果能食到人情味，食到家庭味，食到異國風情（不是靠裝修，而是真人show)，還是挺難得的。

根據網友的推薦找到這間小店舖。大約七時到達已經有五人在排隊，等了十五至二十分鐘才有位。舖面真是好「街坊」，但尚算整潔。沒有韓國燒烤也沒有石頭飯，點了牛肉飯和粘糕水餃。前菜是兩種醃蘿蔔和泡菜，味道比較平時吃的淡，可能這才是地道的韓國味罷。牛肉飯的調味很好，所謂粘糕原來是類似上海年糕。總的來說就是不過不失，長今熱冷卻後，我都應該冇興趣再光顧了。