漢斯 (已結業)

在家附近有這間漢斯餐廳，開業都幾個月，但又未試過，而且這間餐廳是不含味精及色素，所以值得一試。入到去餐廳燈光好光猛，門口的一幅牆寫咗一句slogan “YOU CAN ~DO ANYTHING,IF YOU REALLY WANT TO”可見餐廳的創辦人應該是一個幾有夢想的人。坐低後，店員給我們Menu，介紹了今期廚師推介主打咖喱，一個set也算是抵食，有湯有蒜蓉包，這間店舖有幾個系列包括咖喱、叉燒、燒汁、烤焗、喇沙及烏冬等等Set dinner選擇。我哋就叫左其中一個廚師推介～蒟蒻野菜椰汁咖喱牛肋條飯（$78）及烤焗系列～芝士茄汁豬扒焗意粉（$68）。餐飲叫了抽子茶（+$8）和凍檸樂（+12）。先來了羅宋湯及蒜蓉包，要讚賞的是羅宋湯很多紅蘿蔔、雜菜、洋蔥，有別於其他餐廳的餐湯，果然好足料，而蒜蓉包焗得熱辣辣，脆卜卜，很好食～之後食到差唔多主食就來了，蒟蒻野菜椰汁咖喱牛肋條飯都是很多蔬菜，包括有紅蘿蔔、翠玉瓜、車厘茄、豆角、薯仔、蒟蒻和主食牛助條，牛肋條口感很軟熟，咖哩的椰汁味很香而且甜而不辣，加上了蒟蒻有種幾彈牙的口感幾特別。另一個是芝士茄汁豬扒焗意粉，芝士和茄汁都很多，使整個意粉不

呢間新開餐廳 經過見到大大紅色字又未食過 所以就去試下啦 LUNCH時間真係好多人 還好等候時間很快~ LUNCH SET都算多選擇 而且有幾國菜式點左廚師精選 椰汁咖哩牛肋條飯 一放底 已經有好香椰汁的濃味每一啖飯撈埋椰汁 真的很不錯牛肋條一點都不硬 而且份量都很多D飯都食不哂  但真係好食而朋友叫左胡麻湯豬軟骨烏冬湯底好濃 加有幾片紫菜 令湯底更正烏冬質感屬於普通 而豬軟骨不硬同樣份量真係好多 真係會飽的會再去食的餐廳

鰂魚涌好多餐廳 同朋友第一次食呢間~ 去到好多人等位 撞正LUNCH時間 太多人食飯等左10分鐘就入得啦~ 環境都不錯~ 坐得舒服 不會太迫夾 叫野食啦~ 叫左正宗大蝦叻沙同日式蒲燒鰻魚飯~  -正宗大蝦叻沙大大碗 有蛋有蝦又有豆卜~  仲有兩款麵 係油麵同米粉湯底較出色 而且食落每一樣都好入味由其係豆卜 ~ 真係好好食~-日式蒲燒鰻魚飯大大條鰻魚 仲有好多燒汁~ 係呢D餐廳都食到 真係算不錯~ 而且服務態度非常好~ LUNCH時間食到不錯的一間餐廳~ 

隨著大量既公司開始離開中環，進駐鰂魚涌，在這區想食一個舒舒服服得黎又唔太貴既午餐，實在唔容易。午僐時間，走在鰂魚涌的橫街窄巷，每一間餐廳也非常擠擁，門外企滿20-30人的餐廳，實在不少。唔想迫，唔想有壓力既的惟有向北角慢移，最後就發現佐呢間企企理理，感覺好舒服既「茶仔」餐廳。就它是「茶仔」餐廳，實在貼切，因為佢既經營模式很茶仔，幾個午市套餐，配上奶茶檸茶，就係「茶仔」既格調； 但再問一下佢既裝潢，卻又帶一點西餐廳的美感。特別要讚賞既係佢地呢d「孤獨位」既設計，岩哂喜歡一個人食飯既朋友，唔駛同d三九唔駛七既人你眼望我眼。今日我黎既時間係1:20，原來正正踏入佐餐廳既特價時段，12:45前埋單走人或者13:15後入座都可享全單減$10，正呀！細看餐牌，可以選擇既款式都真係幾多，有差唔多10款，由最貴既$78，到最平既$59，個range都算幾大，但係再望清楚$78既選項，原來係咖哩牛肋條飯，平時咖哩牛腩飯食得多，咖哩牛肋條真係比較少食得到，特別係午市套餐，因為佢既成本應該都比較貴。椰汁咖哩牛肋條飯 $78餐廳既咖哩係用椰汁溝既，所以唔係咁辣，如果辣度再加強會更加惹味。而佢既咖哩汁係比較杰身

Happy Friday! 收工自己一個諗唔到食咩好，咁岩經過呢間新開既嘅茶餐廳，於是入黎試下。 企係門口睇Menu果陣d侍應姐姐已經好熱情推介野食比你。Menu設計簡單，易睇！款式雖然無一般茶餐廳多，但勝在款式夠特別佢仲要係不加味精、不添色素價錢唔算貴，仲包餐湯同餐包最鍾意呢d一站式套餐侍應哥哥見我揀得咁苦惱都過黎推介我有咩好食，呢個蒟蒻野菜椰汁咖哩牛肋條飯係佢推介之一，一於試試佢.落完單好快上左前菜先餐湯,蒜蓉包羅宋湯唔似出面咁濃味，蔬菜量唔算好多，都有d紅蘿蔔粒，椰菜絲。又唔係淡而無味，調味得宜。.蒟蒻野菜椰汁咖哩牛肋條飯 $78隻碟好大！份量都超大份咖哩配埋淡淡ge椰奶甜味，好好味，配左好多唔同配菜，薯仔，甘荀，配菜多，牛肋肉都唔少，有7-8件。最有趣既配料係苟蒻，食落覺得健康左老闆話佢啲咖哩係馬來西亞，新加坡入口，試過好多隻先買黎用.野飲飲哂之後，侍應姐姐仲會主動過黎問需唔需要比杯水，服務殷勤，細心體貼坐位夠闊落，都舒服，唔似一般茶餐廳地點方便，係附近返工或者居住既，有機會可以黎試下呢間誠意小店

次次經過HANS都好多人等位, 一直無機會試, 今日終於試到啦。午餐有十款俾你揀, 豬、牛、雞、海鮮都有。值得留意係餐牌最底標示" # 歡迎加減飯麵量 ", 店主唔怕麻煩, 鼓勵大家有衣食, 值得大讚呀。如果字句顯眼啲就當然更加好啦。第一次嚟, 就試下廚師精選 - 椰汁咖喱牛肋骨飯啦。我對咖喱飯嘅賣相從來無咩要求, 一舊白飯配一堆啡色醬汁能有什麼賣相。但呢個咖喱飯一上檯！有驚喜！金黃色椰汁咖喱配白飯, 加上四款唔同顏色嘅蔬菜, 健康又好睇, 看似簡單嘅一碟飯, 盡現廚師嘅心思。果然味道亦無令我地失望, 牛肋骨軟滑入味, 上碟前仲已經起埋骨, 最啱我呢啲連骨都唔想拆嘅懶人。咖喱汁帶濃郁椰味, 甜甜地, 唔會辣, 配白飯一流呀。朋友叫嘅叻沙都非常唔錯, 湯頭鮮味, 唔會過鹹, 麵底混合咗油麵同米粉, 呢個配搭令到成碗麵嘅口感更有層次一。呢兩個餐份量都唔細㗎, 男仔就應該食得曬嘅, 但我地兩個女仔就兩個都食唔曬, 下次嚟一定要記得叫少飯 / 麵, 咁就唔怕浪費啦。

呢日去鰂魚涌搵個朋友食lunch，問佢附近有咩食開嘅餐廳，佢就帶我嚟呢到，介紹佢嘅牛肋條俾我食我自己就揸車去，附近無咩停車場，但勉強可以泊係餐廳出面，見好多車都係咁泊，店員都好好會幫手睇下車餐廳好大間，門口係落地玻璃可以望到出面，唔想咁開揚亦可以坐入面一啲較隱蔽嘅位店員都推介我食牛肋條，於是叫咗個椰汁咖哩牛肋條飯，朋友食開呢個，於是佢就轉食英式全餐（至尊版）🍛椰汁咖哩牛肋條飯佢嘅咖哩好夠味，唔會太鹹或太辣，又唔會好似啲餐廳咁會有層紅油，入面嘅洋蔥煮得好甜好入味不得不讚佢嘅牛肋條，一叉落去個下啲肉已經好易鬆開，食落真係好淋啲肉好嫩，一啲都唔韌，唔知要炆咗幾耐先有呢個效果🤤🍱英式全餐（至尊版）呢個至尊版比普通版多咗烟肉、白菌，少咗火腿，另外腿仔亦升級咗。朋友一見到個價錢就心動了，抵過出面好多～ 我最鍾意個薯餅，真係好脆😋滑蛋好出色，炒得半生熟令食嘅時候會食到蛋汁兩款食物嘅價錢相宜，份量足夠，我地兩個大食嘅女仔都食到飽哂🤰🏻店員嘅服務幾好，其中最窩心就係見到有個客人嫌風口位大風想轉位，於是男店員逐個位試，直到有個無乜風嘅位就請客位去坐，平時啲餐廳可能就咁指第二個位俾你，呢位店員嘅舉動好貼心👍

星期五1點幾. 繁忙時間去到要坐吧位,唔舒服我同朋友叫左正宗大蝦叻沙同椰汁咖哩牛肋條飯呢間咖哩唔錯wor,果然係推介菜, 唔辣, 同牛好林, 但78蚊有少少貴叻沙就一般般。。可能我本身唔鍾意食我覺得餐廳應該整d吧位整矮d 或者改成2人位。。如果我一個人食唔介意同人地坐好過坐咁高

吃過最難食的鰻魚飯$68😂-漢斯鰂魚涌誤打誤撞入到這間餐廳(其實是見午飯時間人不多, 不用排隊😂) 茶餐廳格局, 但價錢卻非茶記價, Lunch set都要大概$60以上, 挑戰了日式蒲燒鰻魚飯, 其實都沒對食物有何期待, 打算速食就算, 但真的沒想到鰻魚質素如此的差🤷🏻‍♀️鰻魚肉質鬆散過軟過稔, 重點是碎骨又粗硬又多, 是真的嚥不下🤦🏻‍♀️ 明白不應對茶記有期望, 但午市$68其實真的有更好選擇!! rating:1/10

今日湊侄仔放學，因為佢媽咪唔得閒，咁接完佢見到對面有間新裝修既餐廳叫做漢斯，就帶佢食d野。餐廳都幾闊落，唔會有壓逼感，唔似大型連鎖餐廳咁侮氣。叫左份野菜大蝦叻沙，同我係新加坡食到既叻沙十分相似，細問之下，老闆將d湯頭係新加坡帶回來的，所以味道十分正宗，配菜有大蝦、魚片、豆卜、溫泉蛋，非常足料，樣樣都入哂味，但由於當晚無油麵既關係，所以轉左做米粉，但依然十分出色！仲叫左鮮茄焗豬扒飯，呢個餐廳堅持不用色素同味精，岩哂帶小朋友黎，豬扒完全無骨啖啖肉，又唔un,個炒飯底好乾身，粒粒都係黃金飯，撈埋個茄醬好開胃！仲有雜菜湯都好值得推介，廚師將幾種vegetables 打到好碎，然合加湯入面，好感好豐富

臨急臨忙黎到鰂魚涌 梗係搵間快靚正嘅餐廳 食個便飯啦😁未到一點 已經開始入咗好多食客 而且位置方便 地鐵站一出 過兩條馬路就已經到 一啲都唔會話搵得好辛苦地方光猛 乾淨企理 最緊要係座位夠舒服♥️午餐set係焗豬意粉 要講下佢哋個份量真係好大 咁嘅價錢七十蚊 都唔使食到碟咁大碟嘅意粉真係抵😋再嚟叫個佢哋嘅喇沙 首先要講下佢哋呢個喇沙 好特別分別用咗兩種麵條 而且個湯底好香椰汁味 亦都係份量十足 唔會過鹹 辣味甚濃 非常惹味😋最後我哋叫多個胡麻豬軟骨烏冬 佢哋個烏冬硬度適中 而且豬軟骨有成三四件咁多 入口即溶 亦唔會話好咸好重味道而且佢哋上菜速度亦都非常之快 岩哂趕時間又想搵個舒服嘅地方坐低食個飯既你

今日放工後往漢斯食lunch, 我點了至尊英式全餐, 材料有炒滑蛋, 煙肉、特級香腸、蕃茄、白菌、炸薯餅、厚多士和凍lemon tea。炒滑蛋蛋好香滑, 食落入口即熔；煙肉食落香脆,鹹度適中；特級香腸賣相吸引, 香腸食落彈牙；蕃茄酸甜度適中, 食落開胃；白菌食落爽口能中和英式全餐的肥膩；炸薯餅炸得金黃, 食落香脆惹味；厚多士熱辣辣, 食落香脆, 配上牛油美味十足；最後凍lemon tea茶味適中, 飲落不會太酸。餐廳座位舒適,食物美味,至尊英式全餐材料豐富, 賣相吸引好足料, 而且價錢合理, 我食了一頓好味高質至尊的英式全餐。

三十幾度天氣，行過見有間茶室馬上入去，環境光猛好乾浄，青綠及白色配搭醒神，餐牌精簡，午餐、下午茶、晚餐清楚列明。看中第一款，自己製造的叉燒特別唔用花紅粉，無謂食咁多染色素。一人餐就係咁，跟餐茶一杯，我揀了熱柚子蜜。簡單但有心思，感覺整齊，而且碟邊完全冇污跡，好少茶餐室咁乾淨。望落很豐富，除了有豆腐叉燒，還有三款不同色澤的素菜，包括車厘茄、椰菜花及翠玉瓜，多采色澤成功增加豐富感。叉燒外表平凡，並非見慣的紅色因此唔搶鏡，其實是半肥瘦肉，鬆軟味道好，與滑豆腐一拼食口感更好，飯上面有甜豉油汁，份量剛好適合一個人的正常胃口。點多個西多，並非厚多士，中間有花生，牛油大大嚿、糖漿豐富，軟綿綿油潤潤，邪惡但滿足。

昨日午餐吃完茶餐廳的扒餐後，忽然想反樸歸真，繼續嚐點簡單不花巧的飯餐，所謂少食多滋味，偶爾一吃零捨美味。只是一碟芝士焗茄汁豬柳飯，已經可以滿足我一整晚了。芝士焗茄汁豬柳飯份量十足，滿滿的金黃焗芝士非常誘人，蕃茄，菠蘿，洋蔥的酸甜巧妙地平衡芝士「芝」味，飯粒軟硬適中，吸附酸香的茄汁後更迷人，保有烤焗風味。豬扒都切成條狀，方便咀嚼，也免了分割豬扒的步驟，挺貼心的做法。豬扒肉質鮮嫩彈口，厚薄度恰如其分，而且亳不油膩，立即贏得我的歡心。日式燒汁豬軟骨飯也很優，豬軟使用香甜的日式燒汁燜煮，看豬軟骨多麼深褐的色澤就知醬汁滲透淋漓盡致，肉質更是軟綿無比，入口即化，乳白色的軟骨微微膠質，十分涮嘴，燒汁豬軟骨伴上白飯一同品嚐可謂一流，可突顯燒汁豬軟骨的滋味。

放半日處理私務，當然要食飽飽先再行動 一條友，求其食啦，見到呢間個名好西式，個門口又好港式的茶餐廳 咁得意，入去試一試先 入面的裝修都幾西化，完全唔係茶記個回事 白瓷磚牆配上木製枱椅 加句DESIGN 字的SLOGAN, 仲有少少文青FEEL添~ 2點去到，下午茶已經開始左 但午餐仲有供應 入去見到好多人都食緊叻沙 原來係呢度既招牌菜，當然要試啦 DO ANYTHING IF YOU REALLY WANT TO~XD 呢度既下午茶竟然有辛拉麵，其實都心郁郁想試架 但叻沙又真係好吸引，辛拉麵就留番下次啦~ 以碟上的叻沙，好有FUSION 菜的感覺 老闆講左幾次，因為2點接近午市尾聲，個湯底層頭油無咁厚，會爭少少， 同我講左好多次唔好意思~XD 睇得出佢對食物真係好有堅持 呢度既叻沙係咖喱叻沙，配以類似油麵的黃麵 傾談中得知個湯底叻沙料係由星加坡來架 而且不加味精，真材實料 湯頭好濃郁，咖喱味初嚐唔太辣 初嚐唔算太辣，但食食下，叻沙的濃香慢慢在口腔中滲出 成個湯幾有住家的感覺~唔似平時死咸的師傳湯 湯底配以非常彈牙的黃麵 麵爽彈，也不易浸淋，而且份量，係超多的呀~~ 除了麵