漢記海鮮酒家

營業中

休息中

呢間漢記酒家真係我係香港覺得為數唔多既好餐廳 出品樣樣都冇得彈！ 屋企人都好鍾意， 以後一定會經常幫襯 最重要係 有一間vip海景房 一邊食嘢一邊睇海景 真係另有一番風味最重要係有我最愛既甜品 佢地既王牌 椰皇燉奶 我至少每人2個 一個堂食 一個返屋企食同埋佢既鮑魚燒鵝 我每次都係必點， 鮑魚好淋，好入味 個燒鵝又好脆。 兩個配搭真係好襯。我最鍾意就係淋汁配飯如果大家鍾意食芋頭 一定仲要試埋佢地個反沙芋！ 唔係講笑 ，外脆內軟 好粉㗎！

訂左海景房，落地玻璃一大海景，心情都好啲🥰🥰 同家人慶祝生日，家人都好滿意講吓食物，order 左椒鹽賴尿蝦、龍蝦刺身、芝士焗龍蝦、招牌咕嚕肉、大班兩味、燒鵝(難得鯉魚門有得食燒鵝) 好好味😋甜品係自家製嘅椰皇燉奶呢個要預訂，係原汁原味嘅漢記出品，最後重求老闆多賣我兩個打包，真令人回味😌😌唔知日後一個人路過漢記做唔做外賣椰皇燉奶呢😬😬😬 價錢方面好公道，唔似得以前啲人話去鯉魚門唔識人會比人劏嘅黑歷史，原來只係按人頭油料錢，明碼實價，間鋪都好老實，老闆都好健談好客，時不時問我哋食物是否可以，又過黎介紹食物，好親民，比人感覺很舒服，親力親為👍🏻👍🏻期待下次👍🏻值得推介

去鯉魚門並不一定要吃海鮮，預早通知老闆要飲靚湯包你不會失望，简简单单鮑魚燒鵝豉椒鵝腸甜酸咕嚕肉，再來青菜小炒，妙絕.當然可以在附近海鮮檔購買海鮮食材，也可以在附近街市的海鮮檔找到驚喜，俾個貼士大家，鯉魚門街市荃灣楊屋道街市，買海鮮絕對平靚正。

老朋友回歸香港長居，指定第一餐要食高質海鮮和燒臘，經多番打探拷定鯉魚門漢記，原來漢記是鯉魚門唯一有燒臘的海鮮酒家，由於平日關係可以訂到雅致的海景房，是晚點了該店始創的鮑魚燒鵝，义燒，日本蝦刺身，黃皮老虎班兩食，椒鹽鮮魷/豆腐，生炒骨，豉油皇大蝦，豉椒蟶子米粉底，餐後評價：每一個菜絕對是高水準製作，鮑魚燒鵝的燒鵝絕對和香港名店可以相比，鮑魚味道感覺新鮮，义燒有唐閣水準，大班兩食和生炒骨是一絕，係我在香港食過做得最好的一間，有喜慶一定再來。

同班朋友落咗鯉魚門食海鮮，揀咗朋友介紹呢間漢記海鮮酒家，點咗幾個朋友推介的海鮮和小菜，非常好味😋😋，老闆好好人又好傾，坐得好舒服。我最喜歡嗰個咕嚕肉（應該係全港最好食），佢啲炸嘢好好食（廚師好掂）👍炸斑球、豆腐和魷魚鬚，乾身又爽脆不會太鹹，一定要試啲炸嘢食（食完都有啲唔夠）好好食。海鮮非常新鮮又足砰，龍蝦爽彈鮮甜，蟹好多膏好好味，大家都食到舔舔脷話下次一定再來👍👍，可能係星期六嘅緣故大多人啲菜上得有啲慢。最後老闆還送咗我哋一個反沙湖頭。非常好人。

之前母親節食過呢間餐廳，今次book到樓上海景房個view真係超靚😍😍😍啲嘢食一如上次好好味同大碟，尤其係個菠蘿咕嚕肉外面勁脆但裏面好鮮嫩多汁，係我食過最好味嘅咕嚕肉～另外椒鹽炸豆腐同鮮魷同樣出色，仲有薑蔥炸筒豪，米粉炒聖子又係好惹味。上次試咗冰鎮象拔蚌，好爽口同時又好嫩滑，yummy!!! 今次就試左鮑魚炆海參，勁入味～另外特別要一提個花生炒芋頭，一般糖炒芋頭食落好甜，但係呢個用花生炒嘅就做到好香脆得黎又唔太甜，健康啲嘛，正！😋😋😋

廚師手藝非常好👍👍食到好好味的菠蘿咕嚕肉、上湯龍蝦伊面、豉椒蟶子煎米粉底、鮮奶椰汁燉椰皇……仲可以聽到老闆娘親自彈古箏，真係好好聽！老闆娘好好人、好斯文😍👍 海景房一流呀

老板盛情推薦嘅差燒原來係米芝蓮三星廚師親手指導製作的，一半瘦叉，另一半就半肥瘦，連瘦叉都可以整都咁軟熟我都係第一次食！仲叫左幾隻爆膏的細隻蟹。個阿拉斯加長腳蟹d蟹肉多到好似齋食成盆蟹柳咁，肉質緊實，鮮味十足，爭細個蟹蓋都大過塊面！其他海鮮好似個蠔，鯪魚都好新鮮，惹味得黎又無失原來的鮮味！個白切雞就中規中矩，口感清爽軟滑，雞胸部位依唔會柴，反以係個薑蓉十分驚喜，鹹淡適中，添加風味之餘又唔會搶左本身的雞味！

老闆，員工好nice。食物都大份好食。仲俾左個海景房，中午view好正。*極推：棷皇燉奶👍🏻👍🏻👍🏻Staffs are very friendly with really nice atmosphere. Food are absolutely fantastic, first time here would definitely revisit. We have been provided with an absolutely stunning view of the Harbour.* Would highly recommend the coconut steamed milk, sweet and creamy😋

本人在鯉魚門漢記海鮮預訂了盆菜食團年飯($1768)點之送到泥漏咗包魚和金蠔咁就send message 比返個負責人問佢可否即時送返比我 佢話以經收工但一定會再聯絡我初初好似好有誠意幫我解決佢問我想點咁我就話一係你退返1000比我或再送個新比我等我送比人算啦我團年飯我負責訂盆菜 點知就漏左最重要果2樣搞到我勁樣衰都算啦點知佢話經過佢地6個老闆開會後會送返漏左嘅鮑魚和金蠔比我你話幾搞笑！( 其實風涼說話人人都識講 只希望大家有點同理心睇呢件事吧 針吾拮到肉吾知痛呢 ）

我老豆食嘢要求高，又嘴刁，鍾意食海鮮；我哋每年諗餐廳慶祝諗到頭都大，今年姐夫竟然大膽提議話請老豆去食海鮮，連餐廳都決定埋，我同家姐細佬梗係唔畀意見，坐定定等食啦～餐廳毗鄰魔鬼山，食飯之前可以睇埋日落，一家大細行都完全冇難度。餐廳門面光猛闊落，樓底高，有2層，樓上座位以房間形式為主，隱私度高，適合私人宴客形式。我們坐的房間有海景，可能我到嘅時候已經入黑，享受不了。就著餐廳員工的介紹和我們的喜好，我們有大有細，一共6大2小，點了很多不同嘅海鮮，包括帶子、蟶子、蝦、瀨尿蝦和龍蝦等，超豐富。海鮮湯來之前看過食評，很多人都大讚這裡嘅海鮮湯足料夠鮮味，今次試過後，發現的確鮮味十足，而且材料豐富，裡面除了有魚蝦之外，還加入了蜆肉、木瓜、芥菜、蕃茄、紅蘿蔔和豆腐等，喝起來魚鮮味濃，清甜而不膩，一點也不腥，反而，喝完也不覺有半點負擔，連平日不會主動喝湯嘅5歲小姨甥也喝了兩碗，十分難得。要說的是，呢餐飯嘅每道海鮮味道都相當不俗呢。生炒骨生炒骨同樣係呢度嘅招牌菜，店員介紹話午飯時間好多人會點。排骨炒得好惹味，酸甜味恰到好處，十分開胃；炸粉厚薄適中，入口鬆脆，如果可以多啲菠蘿就好喇～不過，如果同海鮮比較，一定

第一次約朋友嚟鯉魚門，交通方便過入西貢好多。睇完OpenRice, 為咗個椰皇，揀咗漢記。一入條街就搵到，入面地方好乾淨，仲好有渡假feel,胃口都好啲！海鮮唔使講都鮮，蒸嘢代表有石斑同大墨魚，冇扣分位，正！最想講兩碟大驚喜，係豉油王大🦐，同椒鹽鮑魚，惹味得嚟又唔會太鹹，啱啱熟又冧又彈牙(饒恕我文筆麻麻，唔好鬧，冧就唔彈，彈就唔冧，但食落真係咁😅）。下餐一定要帶埋老爸老媽嚟！咕嚕肉原來係攞獎招牌菜，炸豆腐餸啤酒一絕。好彩我甜品從來都係有第二個胃，個椰皇又香又滑，又忍唔住食咗先記得影相添😅，結果連個椰殼都比我食得乾乾淨淨！老板娘同員工都親切有禮,我一定會再嚟，因為已經諗定下餐食乜。

去得鯉魚門食海鮮的話當然是豁出去的，所以叫什麼海鮮不是重點，你見到相入面啲蟹殼花螺殼就知咩事。最重要的是叫海鮮是叫一些不是就咁蒸的，因為就咁蒸的在屋企也整到，最好叫譬如薑蔥炒蟹，鹽焗花螺這些，你在家中整到嗎？不過重點是一定要叫這裏的椰皇，記得留肚食埋個甜品先好走，次次我們嚟到都一定會留肚食埋個甜品，一人一個。

已經近十多年沒有來這地方這間優雅的酒家食物新鮮價錢還比以前平很多🤩白灼海生蝦果皮蒸韓國鮑魚豉椒炒蟶子皇薑蔥炒肉蟹上湯焗龍蝦大班兩味碧綠炒斑球紅燒斑頭腩辣酒煮花螺揚州炒飯海鮮豆腐湯合時水果

嚟到鯉魚門就梗係要去食最出名嘅海鮮啦！入到嚟漢記第一下感覺係金碧輝煌！門外仲有古色古鄉嘅中國茗茶！一坐低老闆已經好熱情咁介紹我地去海鮮檔揀海鮮，仲送咗碟自家製餃子俾我地食。食食下重頭戲就嚟啦！第一味餸係蒜蓉粉絲蒸蚌，個蚌新鮮得嚟唔油，咬落去清甜可口，蟶子大大隻，豆豉炒簡直絕配。仲有靚魚同蟹，一睇就知係新鮮貨，廚房手藝也不是蓋的，一個字，正！食飽飽仲有鮮甜海鮮湯同當季水果送！老闆實在係太好人！完全係滿載而歸呀！