漢陽苑韓國料理 (已結業)

一星期兩次到呢間店 一次係晚上同同事 一次係同朋友食午餐 講返第一次先 我地一行三人晚上八點到左 勁食牛 因為真係好正 其他都唔差 是次結賬130蚊左右一位 食到大約九點半 但係反而唔係的待應叫我地埋單係 我地自己嗌 中途又無吹過我地 可能因為佢地開厧叫我地坐低 我地夾晒野食後 隔離的後生仔加人 要我地搬位 我黑一黑面 佢地無吹我地走 見咁多人畀佢地吹走 我都想試下 唔知到時自己會畀咩反應第一次沒有不快經驗後 過了兩天朋友約吃午飯 本身唔係想食佢 不過十一點旺角無乜野開 之前又食過ok 咪再食 點知就賴左野 一行四人 第一堆人到達 等了十分鐘先幫我地開爐 想搵返上次超正牛 點知的肉根本分唔清咩係咩 以為係牛 點知又好似唔係 如果係牛 一定係因為隔夜 因為的色啞晒 食落好hard 見到熟食個邊有一大堆燒左既腸仔 再望下右邊打邊爐材料一堆生腸仔 朋友說笑昨天賣唔晒的燒了做了今天的熟食 食到中途 朋友想換下的醬油 待應竟說不能換只可加 我發火同佢講 咁你咪加畀我 跟手將醬油碟內剩餘的醬油倒晒落一個唔用既碗度 是次結賬80蚊左右真係可一不可再

漢陽苑真係好差由食物講起，款唔算多，一般啦肉類味道不過不失熟食(特別係菜)超油，不過豆腐花幾好生果好得人驚! 木瓜(定係蘿蔔?)完全冇味，淨係食到糖水…西瓜仲恐佈，個 texture 係 totally unacceptable, 我以為自己食橡根!!衛生好一般碟洗唔乾淨 又過唔清水 有皂嫁!服務奇差一開始又冇講明要限時同佢講都冇用...食到一半就迫人埋單埋完單又不停趕你走 (都未夠鐘!)，又不斷食走你用緊既碟…到最尾爐上面既野食未燒完就趕你走!價錢唔係好貴 (144 per head)，但係咁燒法真係好唔抵!

前日去吃韓燒，見好幾年都無吃過，我記得以前讀書時代去吃，都幾好吃架。而家既韓燒，包羅萬有，有壽司、火鍋、中式食品…雖然就好多款，但就唔掂，見到壽司同刺身，我就唔想拿，望見就知唔新鮮拉，唔知點解d人搶住拿，小食就又乾又油，甜品，我覺得雪糕較為安全，肉都有味，空氣不太流通，我吃了不多就走了，三個人吃，埋單450元

好耐都冇食過韓燒, 因為今日男友想食, 即管食下...點知...韓燒...居然有日式壽司同三文魚刺生?!...唔係好夠膽食..因為唔係咁新鮮.d前菜...特別係最普通既芽菜仔...居然...完全食唔到...好難食....d白菜仔好多油...唯一好食既係d要燒既牛仔骨同日金沙骨, 夠味道...熟食方面最欣賞係炸薯餅...不過都係凍左...呢間野...雖然食物種類都幾多....仲有雪糕,豆腐花,糕點, 生果, 不過食物質素有待改善...真係一分$一分貨...唔好expect 咁高...

本來想去打邊爐,到達才發覺要等位; 由於飯後有節目,惟有轉地方. 記得看過漢陽苑的宣傳單張說可以同時燒烤和打邊爐,於是決定改食韓燒.還以為是中間燒烤側面打邊爐那種食法,但看到檯面只有烤板,於是舉手問侍應. 原來打邊爐要加七十元,嘩,實在太貴; 加上我們人數和時間都不多,實在不值加錢打邊爐,還是專心一意韓燒吧.燒烤食物的種類都算多,不過沒有牌寫清楚是那種肉... 那惟有"靠樣"吧,見"靚仔"的才夾. 其中豬扒味道幾好,雞翼夠大隻,另有一款薄牛肉都不錯. 另一方面有很多熟食選擇,由普通的前菜,到壽司,炸饅頭,甚至咖哩魚蛋,燴牛尾也有. 味道大部份都一般,而且凍的; 只有幾款因為有汁,如牛尾,所以是熱的,而且幾好食... 另外還有酸梅湯,豆漿等任飲; 甜品方面有豆腐花,雪糕,生果等.食物是絕對足夠,而且不用"搶". 不過價錢並不便宜,除了每位$118外還要加甚麼開爐費(忘記了是甚麼費)之後再加一. 如果打邊爐更要再加七十... 個人覺得除非是一大班人,否則加錢打邊爐並不化算; 因為就算少吃韓燒也有大量熟食選擇(如果只要打邊爐就不如索性去其他地方).看網上大部份人投訴服務說不知道要限時; 我都

同女朋友睇完batman 再去mk 搵食真係同樓下其中一篇食評差唔多,又係入到去無人話俾我聽個半鐘, 無端端俾單我叫我埋, 好彩我就食得切個雪糕先走又係睇到118 , 點知埋單, 位位144 包加一, 算啦, 通脹嘛又係無禮貌0既侍應不過d 0野食都算係咁啦, 幾好食呀, 不過d 熟食就"蚊"D啦, 唔係好想掂, 另外豆漿唔夠凍唔夠甜, 反而五花茶就剛剛好.推介食腸仔啦, 係廚師腸0黎0架, 出面7.5 一包0架-------------------------------------------------------------------------------------------------------------------今日係158 日

1)ｄ丫姐個個樣啤啤,好似有人得罪佢地甘2)得茶，叫佢拎水既話佢只會拎俾你3)未夠鐘佢已經叫你埋單,弄至沒有時間食甜品4)壽司款式唔算多5)牛肉好好味,不過好碎6)其他肉類都唔錯,幾好食7)腐皮壽司好味8)衛生方面可以做好少少9)當飲到沒有茶時,比較困難叫佢地加水10)整體來說還可以p.s.我第一次係屯門食ｅ間覺得好好味,第二度就係旺角依間食,還好.

擒晚6:58左右入到去, 見冇咩人,仲以為係閒日,所以唔多客啦! 可能我係一個唔太高要求既人啦, 所以覺得食物方面都ok既, 佢既咖哩炒蟹同椒鹽賴尿蝦自己就覺得好好味,牛都好味既,可惜好碎囉! 不過佢既服務態度就真係唔可以用麻麻黎形容~要用過差字囉! 第一: 雖則佢門口有貼咩1-4人用膳時間係1.5小時, 不過佢貼左係出lift既牆到, 正常一開lift出去, 亞水睇到咩(我都係走既時候先發覺)! 入座既時候waiter 並沒再同我地講聲有時間限制!!第二: 當接近8:20分, 冇lala有個waiter 隊張單過黎要求我地埋單, 咁問清楚知道之後咪比錢囉! 點知一收完錢, 佢就砰砰聲收野! 熄爐...連我飲緊既茶杯都收埋! (唔駛咁快呀?), 之後老公去洗手間, 我想等埋佢先一齊走即! 佢地過份到已經叫d客入黎坐囉...而家咩事呀!? 我冇比錢你家! 話就話$118一個人, 實則收我$130一個人, 用d咁既服務態度!!! 真係食物再好食!我都唔會去呀!!!!

尋晚同老婆同個兩歲半仔仔去咗幫襯旺角瓊華中心間漢陽苑，之前未去過，只係隨便揀一間韓燒，點知就中咗招喇！今日上到呢個網至知原來呢間嘢口碑咁差！食物無咩點，只係D牛肉、羊肉濕濕碎碎咁，因為我對食嘢冇咩要求，唔覺點，但係侍應D服務就差到爆！我老婆攞位果陣已講明有個仔兩歲半，帶位果個阿姐話唔收錢，點知埋單果時話我個仔似三歲，所以要收多八十八蚊！初初我地重好客氣咁同佢地講，話我地冇呃佢地，點知佢一於好少理，一味催我地埋單，於是越講越「慶」，老婆話唔通要攞出世紙畀佢地睇咩，個侍應話：「好吖！我等你！」咁係咩態度呀！最後我話：「畀多果八十八蚊只係好小事，但你地鋪頭個口碑就無晒啦！」個侍應依然好寸咁話：「無所謂！」呢單嘢其實唔係錢銀問題，而係呢間食肆根本無諗過要尊重D客，好似大把生意唔休做，得罪你咪得罪你攞，冇咗你條水魚重有大把游埋嚟！我真係好難想像咁樣都重未執笠，真係天無眼！

２9-02-２008話咁快就到星期五,突然間自己好想食韓燒!!本身自己係新高麗苑既fａns但係兩位友人話冇打扮之下唔可以出尖沙咀所以大家定決定去漢陽苑唔需要等位！!職員只係擺\好台上既用具點好爐就走左!!食物完全唔新鮮,ｄ牛肉很怪呢ｄ牛肉多就多丫．堆度成座山咁！!\"但係一塊既面積其實好細囉,,\"墨魚仔，它的身體跟頭先分開的有個職員行埋泥叫我埋單先．其實我都係想食埋我塊牛肉先埋單唧”唔洗咁樣吹我麻，又唔會走左去我算喇”比左＄另外一個職員話夠鐘喇．熄左個爐要我地即刻走有冇搞錯丫？!??岩岩先食左一個中－＿－另外個朋友放低左快子．佢\就收哂台ｄ野噢咀了”好冇引既情況底下！出左出度門口先見度海報話１．５個中”真係多鬼如．我唔會再去呢間野度食！好無奈～價錢平受你呢ｄ服務就話．仲要唔係平趕人走！等執ｌa\"p.s 友人食完之後已經柯左２次了

14/2/2008本人於是日晚上約7時與一友人到該店拿取籌,等待了5個籌號該店女經理便告知入座,但由於我們手提袋東西倒出,故沒有即時進入該店,該位女經理曾3次不耐煩地高呼是否不入座了!擾攘約5分鐘我人先入座.我與友人拿了2次食物,2杯飲品便7時50分,始時先見到在人來人往取食物處寫了有限時間,2-4位1小時,5位以上1.5小時,8時正一男經理到要求結帳,進食時間只剩餘15分鐘,我們大感奇怪,便詢問入座時間應是約7:25,沒理由是7:15,當但該經理收下我們300元只拋下一句:我們不會計錯的.便回頭走了!但我們付了300元後都感到根本像沒有進食過般.我們再次夫拿了一次食物,由於經理沒有合理解釋該店時間不符,且我們根本未感絲毫飽肚,故決定8:25才離開.但到8:15,該男經理立即到我們就座的桌子,未經我們同意便把爐關上,但爐裡仍有大量食物未熟. 相隔2分鐘,該名男經理又干示意店員收拾桌上食物,但經我們告知未夠間後,店員便離開.再相隔2分鐘,女經理上前說:對不起,你們夠鐘了! 我們還在理論未夠時間,她已把我們桌上食物全丟掉,當時我們還在拿著筷子進食.後更未經我們同意便把碗筷收掉,並示意2位客

wa.....同fd慶祝new year(31/12),來到先知得個幾鐘........惟有快d食........好采個d waiter 無留意我們....結果食左3 hrs haha人地就慘d.....真係個幾鍾就叫你走....嚇死我啦!!野食ok....services 好唔掂....好睇采數!!!but....見d野食無哂,又refill slowly...要搶=.=好采我們對正攞野食位置,唔係唔知食到d咩......應該無下次!!!(跟著到olympic　ｃｉｔｙ倒數...唔錯!!!無tst cb central 咁迫!!!)

話說，本人與幾位好友昨晚訂7:00pm的檯，我地大約6:55分就到達。四宗離譜待遇：1) 一開始就已經搞笑，我地明明訂四大一小，小朋友都要$78/位。佢竟然俾張四人檯？如果小朋友唔駛俾錢的情況下，佢咁做我都覺得正常。但係，果個小朋友係要俾錢，點解連一個座位都冇？2) 服務員實在太少，都唔知叫左幾耐先有人拎個打火機黎同我地開爐，入座距開爐時間差不多相隔15-20分鐘。3) 開爐大約1個鐘頭之後，個經理好搞笑咁走埋黎同我地講：「若果你地係8:30埋單走，俾番個九折我地。」咁我地大家心諗，入到黎食，人都未食飽，又唔係燒左好耐。結果，我地梗係回覆佢，我地選擇食到夠鐘8:55pm喇！點知佢真係好似好想我地走咁，第二次再走埋黎同我地講：「考唔考慮8:30埋單？」此舉，真係令我地覺得非常反感！最後，佢地8:30分拎張單埋黎，叫我地埋單先。此時，佢又同我地講，若現在離座，可以少計小朋友的費用，即係$78。真係咁都得？想我地走由九折減61.8-->變減85.1？但我地仍然堅持要食到8:55。4) 最離譜係，我地檯上面的野都食未完，佢地d 服務員走黎收我地檯上的碗碟‧‧‧果陣都係8:45左右，咁即

陳日除夕..同班fd入去食..等完位坐入去...d油煙係多到你想像唔到,同冇抽油煙機一樣...成日燒燒下d煙會係下面出再飛上黎比你吸..咁都算...咁個盤燒到起曬碳梗係要換啦,次次叫親人換...話好!之後就唔見左人..次次叫左4~5次先肯黎換...後尾仲衰,直情話你地果度仲燒得架唔洗換啦,我頂你咩,起曬碳點燒呀,之後仲有條staff行過黎話係咪換呀,換多過3個要加10蚊呀你地換左好多啦,即係話唔聲唔聲又加左我地錢..而我之前係mk食果間韓和絕對好過佢!d staff既態度完全相反,有笑容,超高工作效率,話換就即換,唔似班廢柴好似唔憂做咁,後尾仲要話夠鐘啦喎,出邊有人等,你地埋單同埋要走啦..我諗態度最好都係派飛果個staff,成班員工+個男人(應該係部長)好似死老豆咁黑口黑面,叫佢換野一係扮聽唔到,一係就話轉頭之後消失,真係食完成肚火。同埋果度係冇label果d係咩囿食黎,真係去都去韓和,e間野冇得救,我發誓世上得返你一間韓燒我都唔會再黎幫襯你...大家如果真係嫌錢多同埋受到氣既你未去e間野食下囉門口寫118但加1可以收到成150架,係咪好勁呢

今日係我同男朋友週年紀念,諗住一齊去漢陽苑食下嘢, 點知......佢地d服務態度勁差, 明明寫住可以任食1.5小時, 我地食咗1個鐘就要我地埋單, 跟住1分鐘後就有人嚟話要收嘢, 但嗰時成個爐都係食物, 通通俾佢收晒, 連啱啱拎返嚟嗰杯嘢飲, 飲都未飲過就收走......我地堅持唔俾佢收碗豆腐花同雪糕, 我地就諗住繼續食埋先, 點知有個女人行埋嚟話差唔多夠鐘, 叫我地快少少, 我地話好, 諗住食快少少, 不消1分鐘,又有個男人行埋嚟話夠鐘, 叫我地快少少, ok, 快就快, 點知再過5秒, 個女經理親自嚟叫我地走......唉, 真係一肚氣, 未夠鐘就趕人走, 出面其實得兩堆人等位, 使唔使催得咁勁呀, 咁都算, 最衰係浪費食物仲有, 我地食完後行去新世紀, 點知兩個輪流肚痌......呢個紀念日真係難忘......