漢陽苑韓國料理 (已結業)

女朋友話想食韓燒,經過此地,俾個哥哥仔用三寸不爛之舌TUM左上去,結果係.環境? 甩皮甩骨, 唔清潔, 抽風不良設備? 餐具舊, 變色,爛, 火鍋爛蓋, 煎PAN跟本洗唔乾淨,我第一樣煎既係腸仔,但煎出黎黏住既油係灰黑的!!食物? 除左醃菜醃肉比較正常,其他都唔好食,甚至難食,熟食更加係慘不忍睹服務? 唯一一樣係可以叫就係正常既地方....價錢? 埋單150, 但質素太差...唔值唉...無可能有下次...我看...如果唔係集團經營..邊有可能生存到今日...

都有一段時間無食韓國燒烤，行完街街見到呢間有得食，咪食下囉，點知真係好唔掂．食物無特別，都無所謂．但熟食味道難食．太過咸．泡菜就幾好．同埋好煙，坐得唔舒服．又話有三文魚魚生，但又唔見有．後來我見到有台客有魚生，不過色澤好差．同好細件．但始終都見唔到出面有得拿，可能出得好小份量．不過ｄ魚生實在唔靚，無得食都唔覺可惜．甜品唔係咁得，糕點上有層油．拿了幾件都係咁，見到無胃口呀．好難有下一次再食．．．

今天跟幾位朋友到APM商場逛逛!!原本想到大家樂吃飯的,但見漢陽苑的午市快餐只係$24,好!!就上去試下先.我叫在一客咖哩雜扒,我朋友叫了韓式泡菜炒飯.飲品我們叫了凍檸茶.我覺得這裡的咖哩很香,跟外面的造法不一樣!我朋友也說韓式泡菜炒飯很香,很好食!!這裡的服務也很好,值得推介!!

果日同屋企人諗住去食韓燒,平時都係出開tst食,今次就貪近以前一樣就去左呢間食喇..果度都幾細吖~都幾迫野食種類比tst果邊少好多,佢地同埋冇三文魚刺生食,有人問佢張單張寫有架wo,果個staff就話,一時時有架咋!有三文魚sushi,不過d sushi真係唔ok,d飯唔係咁得,佢舊三文魚細到喊,我知道呢d價錢都唔可以要求d咩野,不過平時要求不高0既我,都覺得唔係咁好食.同埋果度好煙,坐得唔係咁舒服.其實呢漢陽苑係冇問題0既,不過我prefer其他分店啦!

食物味道都係一般,無特別好.不過覺得間餐廳唔衛生.見到所有食物個擺放好迫.好煙好焗,整體都唔係好理想...

前幾年食過都可以,今日再去, 以後唔駛再去~~燒烤同火鍋o既食物款式唔多,材料亦唔見得好新鮮,有部份醃得唔錯, 如雞翼, 牛仔骨, 豬肉片,有部份醃得好差, 如豬扒, 墨魚仔,不過一分錢一分貨la...熟食完全唔吸引,三文魚刺身亦瘦得可憐,值得推介o既只有咖喱蟹一款, 真係幾好味=)飲品比較啖, ok o既,只係感覺上唔係咁乾淨,見到個阿姐徒手用個殼仔將飲品從大桶中倒出…甜品攤晒出黎,人來人往, 感覺上亦都唔係咁衛生…btw, 佢\成個環境都好大陸feel...最令我不滿o既係訂位時完全聽唔到對方講乜,係咁要佢\重覆, 我又係咁聽唔到佢\講乜, ET...其他員工都ok o既,不過做做o下都有d 敷衍,加水時差d 彈到我=.=

原來好多人比劣評???我同個friend 上去食,覺得應該推薦播.因為:1)有個後生仔廿多歲好有禮貌.又好笑容.態度又好(同其他staff)2)有個男人夾完生野再夾熟食,個男仔眼明手快.立即有禮貌請佢比對筷子佢拎走,同埋提醒佢夾過生野唔衛生.個男人至醒起.(其實咁多人肚痛,可能同呢個男人一樣唔小心)3)成日有人黎收碟4)有個阿伯(好似老闆)同d staff一見d人四處望,就立即問:有咩幫到你??5)出左好幾次魚生(質數梗無日本店咁靚..我都預左)6)$100有找~抵7)d泡菜同前菜好好味.我同個friend食左10幾碟.^^下次再去試下先~再評過.

呢間觀塘漢陽苑推出了新午餐以供選擇,我叫了韓式泡菜炒飯,我朋友叫了韓式石頭飯!!我不太記得還有什麼新午餐吃!!韓式泡菜炒飯我個人覺得有小許辣,我朋友吃完那個韓式石頭飯,那個石頭窩還是熱辣辣的,可以用來取一會兒暖呢!!我最欣賞杯凍檸茶,因為很有茶味,與其它茶餐廳比較,總覺得這間漢陽苑的檸茶好好飲!!這間餐廳服務很好,味道也不錯,值得再次光顧!!

因家中多人吃晚飯, 所以提議出外吃飯,大家提議吃火鍋,我說不如去吃燒烤加火鍋,各人都說好!!到了漢陽苑韓國料理,見到上次有人食物中毒的"景福宮韓國餐廳",為了安全,還是到此間吃飯好了,起碼漢陽苑分店夠多,信譽都不錯!就上了去,一進門口,.侍應立即問我們幾位,並安排我們的坐位,服務真不錯,我們出去拿食物,我首先吃它們的泡菜,味道一般辣,其它食物都不錯,很美味!!又有飲品,有豆漿,菊花茶和酸梅湯選擇,我們飲了菊花茶,很有菊花味,還有很多美食, 不能盡錄!值得稱讚係,呢度的韓式泡菜最美味,服務又快又好!大家有空就去試下啦,值得推介架!!

到這餐廳吃午飯已是前幾天的事了,那天放午餐,我和幾個朋友走過漢陽苑門前,停下來看看它的宣傳單張, 跟住就上去試下, 一進去,侍應招呼我們,服務真不錯,我叫了韓式泡菜炒飯,我不太記得有什麼吃了,韓式泡菜炒飯炒得很香(我個人覺得),我的朋友都說很好吃,我們叫了凍檸茶,感覺不錯!!服務又快又好,味道不錯,值得再去!!

幾好！幾十蚊就可以一爐兩食，既可以一邊打邊爐又可以一邊燒烤，仲想點？款式雖然唔多，但味道就非常好味。抽氣雖然麻麻，但食韓燒實有陣味ga la。服務都算ok, 不時收碟，總之就超抵食。

晚餐食物味道一般.可惜衛生情況實在欠佳.生和熟的食物擺放的距離太接近.實在是不衛生.所以食完出現了肚痛及肚瀉的現象.感覺店內空氣焗促.抽油煙情況不良.還看到一名女職員面向食物與客人談話數次.行到食物前請她們讓位給我們取食物時.她還裝出一面不耐煩的咀臉.實在不合衛生和有點兒生氣...實在很難令我有意慾再次光顧.很嘔心!

地方好焗,而燒烤食店來講,勁多油煙.好焗好煙.食得好唔舒服.D食物擺到古古怪怪咁. 唔夠地方放食物.攪到客人取食物好唔方便.食左一陣就覺得個人暈暈地咁.雖然價錢好平,但係未食飽已經無胃口再食.總括係唔抵食,食得唔舒服.

上星期五我們成班同事去食，先知道有新款午餐推出，於是我們就試吓，我就ORDER着燒汁什扒，我同事就ORDER着咖喱滑雞同京都肉排，燒汁什扒超掋食，很大碟。我們全部飲豆漿，唔使加$2.00.如果凍飲就加$2.00。(咖啡、奶茶、檸茶)

試過同幾個朋友食晚餐.想叫人開爐,幾次都無人理會.後來先至有個後生d女仔幫我地.初時都唔為意招呼有問題.後來眼見有個中年女性同一枱客人嘈起.個位女仕應個態度十分差.聽到佢地嘈交原因係因為個女仕應用難聽說話去話客人.令到客人十分激動.咁樣食野法真係好勞氣.其實之前我地都有叫個位女仕應幫手開爐.但係佢當聽唔到,好似心情唔好個種咁.個晚同佢嘈個枱客人未食就不歡而散.坐係我隔離枱兩位客人談論間同我地講.其實之前呢個女仕應已經有前科.佢試過同客人嘈到上警局.好大鑊...係今時今日呢種服務態度真係好差.我覺得呢個女仕應好鍾意當客人係吹氣袋.原來我地袛係叫人開爐無人理會已經係好小事.所以我已經無再到呢間食野.