潮人飯堂 (已結業)

早上去飲茶，要自行搵位，有位坐低叫阿姐「執枱」三催四請，來了一個勁鄉音既阿姐，執走一對筷子咁大把，走左。我再叫佢執，佢仲大大聲答「投先咪執左，又執」，大姐呀，成枱你都未執呀！再四請五請至執好，比餐具大力拋係枱，吾係化？真係忍吾住話佢「吾想做咪吾好做囉」以前，這間服務好街坊，雖要自己搵位亦覺親切，最近去，真係吾覺，如此受氣，吾會再去。常去是因為佢個「杏仁茶」，但最近可能轉左㕑房，差左好多，同稻香外賣$9一個差不多味道。食物差左，服務又如此受氣，仲去咩！

呢間嘢以前好好食, 唔知點解呢兩年跌哂watt.. 前兩三次黎已經見識過D服務水準, 無黎半年, 今晚黎多次睇下有無改善...話說太太今晚夜收工, 我先黎攞位, 黎到果陣已經8:45, 我企係門口無人理(以前有帶位員), 我見其他人都係自己入黎搵位, 我有樣學樣, 臨坐之前都同伙計姐姐示意, 問下可唔可以坐下, 佢點首OK. 因有之前經驗知道呢度D姐姐慢十拍, 而太太又未到, 所以我諗住試試要等幾耐先有人理... 結果, 等左15分鐘, 無人理過我, 茶都無開, menu梗係無啦.. 最後我投降舉手叫茶, 舉左成分鐘都無人理, 其間有D姐姐望到我, 即刻拎轉面扮睇唔到/扮忙, 補充一下當時全場得7張枱客人, 大部份仲要食得7788, 我心諗你地忙乜? 結果我望住位姐姐老遠叫左一聲唔該, 佢先走埋黎問乜事...... 😑開完茶黎我再問攞本menu, 阿姐姐佢再講, 佢地9:30收爐, 要叫快叫(btw呢度D伙計姐姐全部帶強烈鄉音, 講嘢永遠唔會第一次都就聽得明)好啦咁快快手落單, 大部份想食既菜式話賣哂就預左(事實亦都比我講中), 結果求其叫左個肥牛煲同蒜香雞, 味道好一般(明明以前好好

點心一般茶一般唯獨是煎蠔餅勁難食之前食已經是麻麻，好耐無叫今天有屋企人想食，再試多次今次係勁難食太油，勁厚粉又煎唔透啲蠔同粉都無味下次就算好想食都不會再叫作為潮州酒樓將潮州蠔餅可以煮成咁，係好失敗如果唔係近屋企都真係唔會再嚟

由坐底開始巳經感覺怪怪：1. 見D碗杯有污糟洗下都是常識吧！但D碗磧是卒吾甩的。2. 叫左隻麻辣雞煲後阿姐放底一個冇腳的爐頭，前後不對稱，佢話個個都咁用冇事嘅，成間店又冇乜人得另一枱打邊盧，咁慘冇D吾爛嘅爐咩？咁我地就嘗試用2隻碟放在爛的一邊。 Set 好左之後唯一另外打邊邊的話打完吾要個爐...嘩即刻換佢果個啦。3. 麻辣雞煲到後，等佢滾下之後食洋蔥先，第一次食麻辣雞煲食到椰子咖哩味嘅，莫非真係潮人必食？ 當我仲唸緊個味道時，我個朋友話隻雞有D怪，叫我試下。一試便知原來吾係椰子咖哩味嘅麻辣雞煲.....係變壊左嘅麻辣雞煲！4. 非一般的服務態度！

不知所為，食雞煲 個爐係斜既，問佢有冇第二個爐，亞姐話係咁日日都咁用冇事嘅，😡，D碗勁污糟，隻雞黎到，一咬落去出事宿嘅😡，同亞姐講叫佢試，佢走咗去，話人地都係咁食，我已十分嬲 叫經理過黎同佢講，最終食也不食馬上走人😡😡

星期日，當然要跟家人去飲茶吧。喜歡飲茶的爸爸在酒樓等了一小時，我和媽媽則先逛逛街。返回正題，整體食物質素是不錯的。來到潮式餐店永遠不忘點蠔餅的我，起初覺得這蠔餅很鬆脆，而且不會煎得過熟；但由於只是三人吃一個這麼大的蠔餅，所以吃著吃著覺得有點油膩。另外棉花雞很一般。芋頭很入味；魚肚不爽，有點硬。主角雞沒雞味，質地有點像魚?!

本人與眾同事們當日於下午1時在此餐廳午膳，其上菜速度不但非常緩慢，服務態度也非常惡劣。當吃完了第一輪點心以後，由於食物不夠，於是我們便加單，點了一個蘿蔔酥和一碟白灼鮮菜苗。當時己是下午2時半，女侍應跟我們說現在加單要等很久，一個蘿蔔酥需時30分鐘！由於我們沒有這麼多時間浪費，所以只加了一碟白灼鮮菜苗，而女侍應跟我們說點菜會快一點。當然，那個菜亦至少15分鐘後才上。最離譜的是，送來的竟是一碟白灼生菜！它跟平時茶餐廳點的白烚生菜沒兩樣，在點心紙上還稱那是餐廳推介菜式。我們叫來了女侍應詢問，她竟說菜苗便是生菜，廚房就是這種菜。這是多麼不知所謂，不負責任的答案！當時我們再沒時間跟她理論，便暫時作罷。翌日本人已寄電郵予此集團作出正式投訴，可是至今仍沒有收到任何回覆，消費者的意見對於他們來說應不太重要吧。

同班老友食飯，去呢間.....似茶記，但有茶飲，又似酒樓.....我地8:30食....好多野食都賣曬呀，無呀.....大家要注意呀......環境麻麻，仲有不停sale我地食一圍菜....好似3688蚊，勁貴....都係散叫算...招牌魚，飯，肉餅同個唔知咩骨都幾好食既....而以下戈d就好一般啦....隻燒雞特別差....無味架....

今日同家人慶祝媽咪生日，D餸咸爆不在話下，服務態度都唔使我講！話要8點交檯，唔緊要，我6點來，點都食得切！但餸又上得慢，我都無計！最頂癮，8點鐘有新一檯客係度等我地埋單！有無攪錯呀！咩餐廳呀！我地都未走，就有人係隔離話我地唔交檯！真係人都癲！一定唔會再去！

話說當日4個人到呢個服務態度與眾不同的潮人飯堂飲茶，点,心到後叫姐姐拎幾碟豆板醬， 遲遲未有，於是自己去拎， 去到拎醬的地方，見到幾個姐姐在傾偈、飲嘢， 問我要乜嘢，我話要三碟豆板醬吖，唔該，佢就俾兩碟我話冇碟仔， 兩碟食住先，我同佢講不如畢多少少落個兩點度吖! 然後我發現 那邊有很多碟仔 跟住哪位姐姐 睥了我一眼， 再畀一碟我，還加了一句， 比你嘞!比你嘞!快啲走呀！！！ 我來係消費的， 唔係乞丐！ 重要的是這裏的點心 也不算便宜 品質跟服務方面 相對以前差很遠了！

激氣飯!每星期都唻食1,2次，今晚食食下要分開我張枱，我地2個人叫咗一個烤魚，一個菜，一個煲，一個甜品，灰色衫既經理多番好冇禮貌既溝通下，堅持話我2位要分開張4人枱，我問佢點做生意，即係叫人2位，只可以叫2樣野，佢話今晚人多，谷氣到食唔落，已後唔幫襯，平時得幾枱既時候，我都有幫襯，咁對熟客仔，過份

豬仔係個重味人, 對中菜都係情有獨鐘潮人飯堂係豬仔推介既中菜之一, 豬仔特愛佢地既蠔仔泡飯, 蠔仔份量十足, 鮮甜十足, 豬仔必叫之選！ 是日黎到見珧佢地既特惠推介, $4x 一條話梅烏頭豬仔呢個愛魚之人, 點都叫返條, 支持下潮人飯堂的推廣啦 話梅味係到同烏頭有著微妙的影響, 提升返烏頭的鮮味, 胃口大增豬仔唔客氣咁食晒成條魚啦

坐落在商場內的潮式食肆有很多人幫襯，其主因是除了價廉之外，更是物美。一行十二人，點了兩個三餸套餐，可以有六味餸，每款的味道都不錯。其中味道最難忘的咕嚕肉，外層脆，而內層更是充滿肉汁，真的很可口。而在套餐以外，還加了潮菜必吃：蠔餅。也是十分可口之外更有很香的蠔味，水準不錯。而整個套餐的亮點原來在於最後來的蒸斑。原本意為只是三道菜的套餐原來還有蒸斑來作為第四道菜的。細細條，肉質嫩，有鮮味，蒸得很好。真想不到數百元的套餐有四道菜，而其中一味還是蒸斑，真的很抵。

雖然今次的點菜油膩左D，但都想上黎比個好評。呢個地方，我地差唔多每星期都會黎食一次。除左冇乜地方好食之外，其實呢度真係算唔錯。嘈就嘈左D，但如果早黎，5點幾都俾你入。呢排推左D夜晚套餐，一條魚、自選2個餸，仲有2盅燉湯送，$318。不過我地得2個人就一定食唔晒。鍾意飲湯的我，一定會想叫返一盅湯。呢2次咁啱都係茶樹菇燉老雞。今次飲完，我唔會再叫，$68一盅，其實只係有味水。但自選餸入面，都可以散叫的。所以揀左個黑松露翡翠炒豬頸肉，另外在大餐牌入面揀左個啫啫芥蘭煲。2味都好油，但個煲真係勁香勁好味。本人唔食蝦乾蝦米，所以就秒殺左D菜。而黑松露翡翠炒豬頸肉真係五級油，除左豬頸肉本身有D肥，豆角&翠玉瓜都吸收晒D油，最後我都係要淥滾水。如果同老人家黎食，我就建議食個個肉鬆豆腐&籠仔蒸菜心，2味都係好健康的。今次個2碟就留返俾D有Quota的人食啦!!

今曰出街拜年，夜晚在街食飯。見到愛. 回家劇集常提的x人飯堂，上去見識吓。佢地作風非常公道，龍躉同桂花魚同價。一個套餐，原本魚是龍躉，因無貨，要改桂花魚，價錢一樣! 於是散叫，四餸一湯，白飯任裝，重有甜品，食到咀都要郁埋，咩咩聲!四餸: 蒜香鹽焗雞，秘製超級怪味鵝片，鹽插魚肚菜苗浸味精， 賽蝦祖蟹祖。湯: 生滾蝦仁味精水。飯: 叮叮荷葉飯。甜品: 一粒馬豆的糕。喜歡味精的朋友，妳有福了。