潮州仔食堂 (已結業)

以前食過呢間潮洲仔，個豬肉腸粉都大碟同好食，胡椒豬腳又好正。今日見佢地原來轉左新鋪好耐，諗住重捨當初既味道啦！點知去到食完覺得有啲失望囉！我叫左個豬肉腸粉加蛋，可能太早冇咩客，腸粉勁快就煮好送到。初初食面頭個啲腸粉，覺得好正好入味，腸粉好滑個質地又薄薄地，口感唔錯。但食多兩啖就發現，嘩，乜啲汁甘多既，而且啲汁又好咸，索晒入啲腸粉到，都仲有成碟汁，連我甘重口味都頂唔順。建議可以改良下個醬汁，雖然惹味，但真咸到不得了

好獨特的專門店，以豬為主題。主打白胡椒湯底的豬雜王及豬手，配上自選粉面搭配。餸嘅份量非常充足，食完唔會口渴，無味精～ 店內環境舒適，仲有自家製前菜可以自己夾，食幾多夾幾多。

這間野宜家重開，都吾知有無做全店消毒？？？？佢地2月中有人中左新冠，發緊病時照繼續開門播毒做生意，強檢陽性先焗住關門，宜家重開，都吾知有無消毒？？？？1.有客人捉到佢地杯凍檸茶重用！飲筒上有唇膏印，懷疑是上手客飲剩！2.食品材料都係下爛嘢，價錢就賣到偏貴餃子是街邊檔那種現成買番來3.腸粉，反而九龍區不過十幾、二十幾蚊，這裡卻要三十多！4.收銀阿姐，對某客人溫柔細語，對某些就粗聲粗氣，黑口黑面，態度惡劣 不知所謂！！香港地就是有這種食店，疫情先會爆發成災

🔸白胡椒豬骨湯出名，非常啱冬天飲，個湯幾好飲!!🔸有豬什食幾特別，我唔係每款豬內臟都食，但記憶中豬膶豬肚豬脷都唔錯，豬雜本身冇咩味，要靠個湯一齊食先至夠味!!🔸我最鍾意喺呢度嘅皺皮腸粉，腸粉皮嘅厚薄同煙韌程度都啱我心水，仲有自家製豉油都調味得宜，每次都係食豬肉腸粉或者豬潤腸粉!!🔸豬手唔係煮到好淋，係有咬口有嚼勁嗰隻，但真係十個有八個客人都叫豬手，我諗都幾出名!!🔸好早閂門，夜晚七點就收舖，唔係成日食到!!

跟餐飲品叫咗杯凍檸茶少甜， 來到時支飲管有口唇膏印， 老闆對唔住或唔好意思 一聲都冇， 轉頭換番杯正常當冇事發生， 一杯凍檸茶 就睇到啲食物有機會客人食淨的食物都可能重用 呢間嘢個老細心態我大把客你哋唔嚟冇損失， 多你一個唔多， 咁嘅服務態度食物質素點樣好都冇用。

呢度只係食豬!豬既專門店~~食粉麵!新鮮豬什麵 一碗食到 豬肺,粉腸,心,潤,舌,大腸,肚,侯,豬紅配麵或烏冬任選! 湯底可選新鮮豬骨湯或白胡椒或小辣食材新鮮好食，值得一試!豬肺、豬腸又入味 麵條吸唒所有精華，特別滋味新鮮豬什口感特別鮮味!無雪味仲好有彈性!每碗配香辣小菜小碟一份 榨菜及麻辣貢菜爽口，咸咸辣辣好味道!平均消費$70評分8/10荃灣沙咀道341號華興樓地舖

早2日去開荃灣平日好少過嚟呢區於是就上網睇吓有咩搵食好介紹見到一間幾特別，專門食豬嘅舖頭仲有好少有得食嘅豬什決定一試豬什王(淨食)湯底係濃濃嘅白胡椒湯我飲哂成碗😆豬什還有九款配料包括豬粉腸，，豬肺，豬心，豬潤，豬黃喉，豬潤，豬紅，豬大腸同豬肚食材新鮮好食，值得一試👍🏻潮州王(潮式白胡椒豬手)個湯同豬什王一樣豬手冇乜特別，都夠淋而且唔會炆到爛晒豬皮都仲係爽彈，肉剛好離骨鮮豬膶潮式腸粉第一次食皺皮嘅腸粉，幾特別雖然食得出豬膶幾新鮮不過腸粉皮同埋啲料好似分開咁同埋食完再上網望望話其實要加蛋先好食唯有下次再試

地方大。坐得舒適。唔侷促。有卡位豆腐加$8 我問是否自家制。交貨唔飲夠濃豆味。夠甜。不會太稀前菜：貢菜。酸豆角。炸菜一定咸for你餸麵我就多謝啦潮式辣椒油。白胡椒任用淨豬雜+凍飲+白胡椒烏冬+三餸（蘿蔔、墨丸+豬頸）+豆漿+帶子腸帶子腸即叫即拉。熱度夠。不會咸。彈牙。但薄咗DD加條菜朋友： 性價比高。份量足。夠乾淨。冇腥味同元朗__ 小姐比。呢個份量要$100 本人的。湯夠濃。夠辣。如果叫小辣會加水。所以我冇叫。湯夠辣。有後勁。不死咸。不口乾。揸車都要嚟呀喂我愛胡椒豬肚湯。但唔食內臓。只飲湯。呢個真係我既恩物。好似車仔麵咁點餸墨丸： 唔駛叫我對墨丸好執著。不要問。只要信蠔仔：脹卜卜。鮮。香。不腥。剛熟。肥美真打烏冬。不是“流嘢”。不是cheap夠動L同滑冚家照：芹菜香

之前好喜歡食佢嘅腸粉，但今次外賣，豬肉腸粉冇咩豬肉，嘢飲更加唔識講，下午茶包嘢飲，但我寧願佢唔好送，因為冇味，同飲水冇咩分別，叫左菜蜜，但飲唔出味應該未必會有下次，可能堂食會好啲瓜，建講大家堂食可以即時講

之前喺舊舖都幫襯過兩次啲食物都唔錯今次佢搬咗新鋪環境大啲多咗位啲最鍾意佢哋嘅腸粉腸粉佢哋有牛肉、叉燒、豬唔同部位都有！齋腸都有！ 今日我叫左豬腸腸粉D豬腸淋又唔so 今日一個人嚟食lunch 嗌左個豬肚油麵豬肚就一般、 油麵唔係粗油麵、 冇咁好味但係個腸粉就好滑好正另外嗌咗個滷水豬耳$18 之前都食過好淋好入味所以今次都有再叫其實今日嗌咗個份量比較多不過今日一個人又樣樣都想食所以嗌多咗少少野佢哋D凍飲單叫$15 真心平叫餐加$7 都好扺如果兩個人嚟食就可以試多啲嘢新店呢度坐得舒服啲又有卡位但提提大家佢哋夜晚唔做晚市7:00就閂門所以如果要去幫襯要留意番佢哋嘅營業時間繼續支持潮州仔

讚1.環境係舒服左，闊落左勁多，仲有好多豬仔擺設，幾有心機2.餃子雖有細粒左啲，但炸得幾好，夠香脆，餡多汁彈1.豬什湯係退步左，湯底既胡椒味係有，但唔香，唔知點解入口同聞上去都好淡，豬腸豬膶豬肚既生熟度都過左火，另外份量真係細左

行過寶石樓，見到舖頭搬過了幾個鋪位，地方大咗，坐得舒服😌主打🐷豬雜，白胡椒豬手，新鮮美味；辣度適中豬手爽口，唔淋，有彈性，有咬口；把豬手神髓完全展現而家仲有新菜式 - 蕃茄薯仔🥔栗米豬骨湯底粉麵，清新可口，健康好味。食完麵飲埋碗湯都唔覺口渴，真材實料👍🏻