潮州仔食堂 (已結業)

🔸白胡椒豬骨湯出名，非常啱冬天飲，個湯幾好飲!!🔸有豬什食幾特別，我唔係每款豬內臟都食，但記憶中豬膶豬肚豬脷都唔錯，豬雜本身冇咩味，要靠個湯一齊食先至夠味!!🔸我最鍾意喺呢度嘅皺皮腸粉，腸粉皮嘅厚薄同煙韌程度都啱我心水，仲有自家製豉油都調味得宜，每次都係食豬肉腸粉或者豬潤腸粉!!🔸豬手唔係煮到好淋，係有咬口有嚼勁嗰隻，但真係十個有八個客人都叫豬手，我諗都幾出名!!🔸好早閂門，夜晚七點就收舖，唔係成日食到!!