潮州合成甜品

營業中

休息中

今次又係一個人周街走嘅時候，呢日放假想出去行行諗下野，行行下黎到九龍城呢間好出名嘅糖水店，雖然價錢的確比一般糖水店貴但係行到黎呢到，之前又聽過朋友講話好好食，無理由唔試下佢嘅！呢到嘅甜品大部分都係好傳統嘅中式甜品，嚟到呢度當然叫試試呢到嘅中式甜品啦！所以叫咗紅豆沙湯圓叫完無幾耐好快就黎到啦！紅豆沙湯圓（熱）$31熱辣辣嘅紅豆沙味道好重，起沙唔會係淡茂茂同埋好稀，湯圓入邊嘅餡料都好多，會流出黎果種感覺，好正！佢價錢係貴過出面嘅糖水店，但係我覺得以呢個水準係值得嘅！

在九龍城食完泰國菜，朋友話帶我去試佢最愛的糖水。中式糖水我通常食開腐竹糖水，紅豆沙果類，朋友極力推薦清心丸同蓮子，所以我選擇了潮州最傳統的潮州綠豆邊清心丸再加蓮子($45)，凍食加鍊奶。朋友點的是潮州綠豆邊薏米馬蹄沙加清心丸($50)。兩個外表差不多，食落前者行甜味路線，後者行清爽路線。如果鍾意薏米水味，可以選後者，鍾意鍊奶味就前者。值得一讚是佢的蓮子，真的好好食。清心丸好似煙韌版的大菜糕。綠豆邊其實就是去了綠色外皮的黃色內餡。價錢不算平，但如果想試潮州糖水也值得去下。

凍既天氣又係增肥天氣 食完飯最好食返個暖笠笠糖水。合成係貴，又要搭枱，但清心丸真係難以忘懷。正！煙韌既清心丸冇因為腐竹糖水係熱而變林，店主落左舊凍既薏米，令成碗野唔會太高溫，都是好食的。今次蓮子好硬。。。糯米一pat咁，但又幾特別

Taste delicious, strongly recommended, but a lot people queueing. Not hard to find the location. Overall good.

食飽泰國野都未夠8點，fiancé提議黎合成食個糖水，同佢8年前食過一次，個次夜啲人流多好多，今次去到都未有客。我叫左熱既腐竹薏米清心丸$35，fiancé 叫左凍既椰汁蓮子黑糯米湯丸$53。清心丸好煙韌，但痴埋一舊舊，腐竹無煲溶晒，重有一塊塊，薏米食到有洋薏米同生熟薏米，通常食開都只係用洋薏米，生熟薏米食落會鞋口。甜度正常，不過我會更想低糖一啲。椰汁蓮子黑糯米同湯丸係分開上，椰汁蓮子黑糯米有冰粒，芝麻湯丸係熱既。試左一啖黑糯米唔會好甜，但唔鍾意佢有冰粒，呢個價錢貴得有啲過份，$53食咁普通既糖水，我食個金滿堂椰皇好過😐唔知係咪老闆既叔叔，講野好大聲，俾佢嚇親⋯⋯無聊發現佢啲碗用康寧

尋晚同男朋友買左蕃薯糖水加湯丸同綠豆邊清心丸。見間鋪咁多人，又貼左咁多報導，應該ok 掛，兩碗湯水外賣71$我都呆左，心諗算啦，可能出左名就會加價翻到屋企食，蕃薯糖水得個”辣”字，又唔甜，蕃薯每一舊都有根，講真，最好食得個粒湯丸我係北角某條大街食都係講緊30$, 蕃薯好綿好”念”, 一啲都唔係咁，我覺得辣 係需要，但成碗好似無落糖，蕃薯又無揀過，啲人又西面，我買外賣，堅持係出面等，唔阻人做生意。但佢一定要去店入面比錢同落單，又嫌我地阻住🤷🏻‍♀️

見佢咁多like同埋好似好出名咁，於是就決定去試一試呢間比較傳統既糖水鋪啦。我地就嗌左一碗木瓜馬蹄沙同埋一碗椰汁黑糯米湯丸，落單果時店員不斷強調d木瓜係新鮮木瓜，點知黎到食落口，食到幾粒木瓜係酸嫁！！同埋食第一啖已經覺得碗野勁甜，仲有就係碗野好多冰，我真係未見過凍糖水會有人落冰囉，每一啖都食到有冰，個口感勁差。至於碗椰汁黑糯米湯丸就冇咩特別，湯丸得兩粒。兩碗野都係43蚊一碗，價錢方面我覺得真係質素對唔上個價錢。

one of the owner’s daughter was extremely rude to customers. Five of us were sitting at a large round table, sharing the table with a family of 5. That rude daughter kept coming to the table and shouted at us to move closer together, because the table is supposed to be for 12 and we were “taking up too much space”, but at that time, there was no one waiting to be seated at our table and there’s still one half empty table next to ours. One of our friends tried to explain to her there’s no more sp

來九龍城食飯，很多時都會來這家老字號糖水店吃個糖水作結。這裡清一式只賣中式糖水，今天晚飯時段來吃人不多，可享受片刻寧靜。點了腐竹雪耳糖水，腐皮一整片滑滑的很好吃。糖水甜度適中，入口可口。

同朋友喺Kowloon City食完dinner，就想搵個地方食下甜品，行行見到呢間門口好多人排，就去試下！個menu勁多款糖水名，睇到我都花多眼亂，我見都幾多人叫清心丸，我又叫咗一份😂，冰凍雪耳腐竹清心丸，啲清心丸幾煙軔，糖水真係幾冰凍下，不過我覺得甜咗少少😛 如果有得揀少甜就好😂😂😂朋友就叫咗個椰汁黑糯米，我都試咗一啖，呢款糖水個甜度就啱啱好唔好偏甜，椰汁味好香，黑糯米黑好好咬！P.S 原來上過日本雜誌，好似幾勁~~

尋晚同朋友係九龍城食飯跟住就順便去咗九龍城最出名嘅合成糖水，朋友都無食過，我地一坐低見到張餐牌都覺得好貴， 不過見咁出名就試下啦我叫咗蓮子雪耳燉木瓜因為喉嚨有啲痛，朋友叫咗個蓮子紅豆沙清心丸我諗啲客人黎呢度都係為左清心丸，十個客人九個都叫我自己個蓮子雪耳燉木瓜係原盅燉，店員好快就拎出黎， 蓮子，雪耳同木瓜都好淋，足料，味道略嫌甜左啲，整體可以朋友個紅豆沙清心丸好似真係起晒沙，望落算吸引，我試左佢一粒清心丸，煙煙韌韌我諗好多人都中意食個人認為味道正常，但呢個價錢偏貴，我諗都未必會再去

自從前幾年新年有親戚整左綠豆邊清心丸做糖水，正式愛上清心丸😍 個種煙un真係好好味！到有一次發現九龍城仲係有好多傳統潮州野賣，仲有間好傳統嘅潮州糖水舖，一食就番唔到轉頭！因為九龍城都唔近，所以隔好耐先食一次！一開頭都係最愛綠豆邊清心丸，個日去食隔離啲人都話呢個最招牌！但食食就想試其他款，再發現有好多都好好味🤤 馬蹄沙啦，腐竹薏米...清心丸同蓮子都真係超好味！雖然幾年前有一排佢啲清心丸無咁好食（好似師傅轉左手），但今次去又好味番！好有回憶！

作為一個普通到唔普通的香港人，一班人食完飯後總係會去食返個糖水做gathering的結尾。今次就黎左九龍城，鄉下仔的我被朋友介紹帶黎呢間老字號的糖水舖。呢度的糖水對我黎講非常新鮮同特別，因為佢地係賣潮州式的糖水（咩係潮州糖水？我也不知道），總之就同平時的紅豆沙、芝麻糊、喳咋果d唔同野啦！呢碗就係潮州糖水，佢特別係會有碎冰係入面令碗野凍，而唔係直接成碗雪的，入面的料係十分足數的，講真食完係有d飽的感覺。最後碗糖水都幾清甜，食完感覺都幾refresh 。

每次去九龍城都會食泰國嘢，今次都唔係例外。但今次食完泰國嘢就好想食下糖水，之前次次都食乜乜館，覺得有啲悶，今次去咗朋友介紹嘅清心丸糖水館。非常有驚喜喎！一去到就見到門口勁多人排隊，仲驚又有排等，但係竟然一話兩位就有位，見到入邊都坐滿囇人，但係啲姐姐服務都依然好好，見我心大心細都冇催我。最後我揀咗綠豆邊清心丸，嘩！第一次食清心丸的我覺得好特別，我之前完全未食過咁樣嘅口感，即刻覺得自己發現得太遲。食完就知道原來呢間野好出名㗎！咁出名都各方面keep到質素， 10分抵讚！

呢間糖水舖就真係出名，見到有好多遊客都慕名而來！但其實我最驚呢啲出名嘅嘢，好多時出咗名個水準就會下降！但係呢間合成糖水絕對係例外。無論門面以及內部裝修都維持着住懷舊嘅風格，雖然舊就舊啲，但係而家香港買少見少㗎啦。朋友話呢度嘅清心丸最出名，咁就梗係食一個清心丸啦。我就叫左冰花腐竹雪耳清心丸，貪佢夠滋潤啱晒冬天飲。 雖然賣相就差左少少，但係味道確實不錯。腐竹煲得好淋入口即化，但係雪耳仍然係爽口嘅。加埋嘅清心丸就咩口感都有啦。至於味道方面就唔會一味得個甜字，食落去好順口好舒服。冬天飲好正！ 各位下次嚟九龍城食飯記得留肚去食呢間糖水舖呀！