潮成園手打魚蛋大王 (通菜街)

營業中

休息中

全民感謝日的早上，當然要找個合心意的地方吃個早餐，支持支持，十卜十卜。想起這間地方就腳，自己經常來吃早餐的「潮成園手打魚蛋大王」，就決定來吃一個價廉味美的港式粉麵早餐。其實旺角通菜街這一頭，港式茶餐廳林立，粗略一數，大大話話有五六間，不過在這幾間港式食肆當中，就只有這一間與別不同，特別深得我心。這店舖雖以「潮成園手打魚蛋大王」為名，但其實它的牛腩也相當不錯，雖然牛腩質素偶有高低，不過大部分時候這兒的切腩都能令人滿意，就好像這一次，多件切腩全都軟腍可口，肥瘦比例亦佳，不會瘦得如像柴皮，也不會肥得令人難以接受，一碗「牛腩河」（$27），牛腩佳，湯味甜，青蔥多，河粉份量適中，加冷或熱飲，也只不過加多 $5，合共 $32而已，已是令人十分滿意的味道。這店的早餐其實還有再便宜點的，好像店中招牌的「魚蛋」和「魚片頭」、「韮菜餃」、「雲吞」等粉麵，假如不叫飲品，早餐價錢只不過是 $20而已，性價比實在超高。他如「牛雜」、「牛丸」、「貢丸」等粉麵，早餐價錢也不過 $23，即使價錢較貴的「牛腩」粉麵，$27的價錢，我也覺得物有所值。在這街上的一片藍海裡，能夠有鮮明的黃色閃耀其中，即使這小店的嬸嬸招呼一般

🍴魚蛋水餃河 27 蚊🐟好抵食既河粉 單點20 蚊 加多樣餸都係 27 蚊 魚蛋係潮式魚蛋 咸味適中夠爽蛋 水餃個餃皮都爽口 入面蝦同豬肉都足料 🐽🦐 應該係自家包 河粉正常夠爽口都 ok加左腩汁 十幾夠味 再加 d辣椒油都夠哂惹味 🌶️🍴通菜 粉麵加8 蚊🌿通菜份量算多 本身新鮮 煮一煮都夠哂菜味 加 d腐乳調味正🍴牛雜河 27 蚊🐮牛雜夠趴足料 爽口牛肺 肥味牛腸 牛肚 牛蒡 每樣都有兩舊 河粉爽口 加 d辣油都好惹味 👍🏻🍴炸魚皮 16 蚊🐟🔥魚皮就算唔係即炸都係炸左冇耐 夠薄但又香脆 咸度夠 放落湯兩三秒都好夠口感#黃藍是政見黑白是良知 #黃色經濟圈 #黃店 #牛雜 #牛肺 #牛肚 #粉麵 #河粉 #魚蛋 #水餃 #咖啡 #通菜 Score 平均分< 7.6/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#潮成園手打魚蛋大王旺角通菜街109 號地鋪~~~~~~~~~~~~

好耐冇去潮成園食牛腩麵，今日一去，奇怪既係潮成園既招牌字唔見左，變左香港手打魚蛋牛丸專門店，係咪轉左老闆？不過$20全場粉麵個 banner仲喺到 普通牛腩就略為瘦左D, 有咬口有牛味， 唔會差得過崩沙腩 而家市道差， 棵通菜都唔知擺左幾耐， 見到佢咁黃就知拉，明白既， 大家將就下， 記得之前食過以前唔係咁其實魚蛋牛丸，我都較小喺到食，我自覺依到個崩沙牛腩麵仲出名D,每件外層有筋膜包住，肥瘦剛剛好， 而且食落有即溶既感覺，唔洗點用力咬

從來無諗過喺旺角可以用少過30蚊食到一餐，直到有一日行過通菜街，見到潮成園招牌大大隻字寫住「全場粉麵20元起」，抵食得嚟仲要係黃店！講得20元「起」，就緊係唔係樣樣粉麵都20蚊，但最高級嘅潮式粉麵餸「崩沙牛腩」都只係$35！魚蛋、魚片頭、牛筋丸、墨丸同埋小編今次介紹嘅牛什都係必食之選，大家可以去試下啊 😝

剛下小巴, 走過对面街, 見到這間粉麵店門外的紙牌幾吸引, 於是就入去坐下醫一醫肚.我點了一碗牛雜河, 轉頭已送來了, 都幾快. 個湯是深啡色的, 充滿住濃濃的牛雜味, 我幾鐘意個湯, 既香又好味, 吃完後少不免會口喝. 而牛雜每樣都有些, 其中牛腸和牛肚是好肥的, 包着厚大的脂肪, 我都不敢食. 可能我唔識食吧, 我一口便咬了肥膏出來, 之後都所剩無幾了, 可以食的餸相對少了. 個粉的份量不會好多, 這個價格都不可以要求太多了！原來這裡還有飯食的, 下次都可以來試下！

星期日下午旺角，很多餐廳也關門了，但西洋菜街近旺角中心仍有幾間粉面店有下午茶包飲品。找到張空枱叫了個雲吞河粉加凍咖啡。雲吞夠爽口，河粉夠厚身。凍咖啡夠濃厚口味。

今日落旺角逛逛，行到咁上下有啲肚餓，咁啱見到呢間《潮成園》門口有大大個招牌介紹啲下午茶餐，睇落好抵食，咁就入去試試。食肆面積唔算大，冇乜特別裝修，不過都算乾淨企理。餐牌上嘅選擇，亦同一般粉麵店差唔多。我叫咗碗牛筋麵再加碟生菜($28)，轉頭即上枱，先呷一口湯，湯頭味道唔錯，牛筋炆得夠入味，軟硬適中 ; 幼麵亦爽滑彈牙。碟生菜份量都唔算少，加埋蠔油食，OK喇。今時今日，廿多元有碗粉麵，有碟油菜，真係好抵食，雖然食物唔係超出色，但絶對符合一般水準。咁抵食，難怪不停有客入嚟幫襯。

車仔麵除了係香港美食，又係回憶又平又好食！個個都食過牛腩麵，但識食一定食爽腩（崩沙腩）！呢度人氣不及九記，但我覺潮成園先係味道取勝。牛腩已經好入味，牛味濃，唔肥，口感好過鐵牛。崩沙牛腩就腩中帶筋，唔肥唔瘦，比一般牛腩更淋，更有口感同好感。未試過一定要試！另外炸醬好開胃！出面好難有呢種炸醬食，一條條，有咬口，個汁唔油膩。好多炸醬麵都係肉醬油咁，撈埋麵度，乜都無晒😂。呢度有巨量炸醬，雙併既話，都唔會份量少左。只係呢度麵的份量唔屬好多好多，食完有6成飽，加底就8成飽。不過整體好欣賞！

食過番尋味嘅豬手飯 之前朋友帶過我去旺角有一間粉面鋪頭 呢間鋪頭嘅粉面$20起 以今時今日來講真係幾抵 應該話好抵食先啱 上次我就幫襯左食粉麵 今次我想試吓食飯 叫咗一個豬手飯 原來叫豬手飯有紫菜湯送 有幾好喎有嘢飲 $39有豬手飯有紫菜湯 紫菜湯裏面啲紫菜都幾多 仲有啲蔥花 味道都OK嘅 而呢個豬手飯係我食過咁多次豬手飯之中 覺得最好食嘅 呢間鋪頭嘅豬手整到好腍 啲豬手汁又幾好味 豬手連埋啲汁同飯一齊食 好飽肚好滿足

深夜時分，肚仔餓，又唔想吃飯咁heavy，朋友就帶我去吃依間腸粉。腸粉入面已包含豬肉、雞蛋、菇。可以唔洗再加其他配料。除非勁肚餓，加多d肉都ok。$30，大大份，唔錯。腸又滑，汁又好味。

2人行行咗咁耐食返碗粉先～依間嘢開咗好耐～所以好多老顧客幫襯～好彩一入到去就有位唔使點等南乳豬手河有兩大舊南乳豬手～食落好入味啊～唔會話剩係得層皮或者一大舊骨～配以蔥粒、西芹粒幾夾～河粉份量適中～一碗剛剛好牛孖筋河都唔係到到好食㗎～牛孖筋有五大嚿超入味又淋～ 湯有腩汁正呀河粉可以加$7要熱飲～我地揀咗熱奶茶加$8可以要一碟菜～有生菜、通菜、菜心可以揀～汁可以揀腐乳或者蠔油～我哋叫咗一碟蠔油菜心～分量細碟但勝在新鮮

係旺角鬧市見到盅頭飯只係$29，所以即刻幫襯，叫完飯，女職員(佢係唯一冇著制服既)問飲咩，我話唔使啦，後來發現盅頭飯有免費飲品跟，我問番頭先個職員係埋有飲品跟，佢黑面發脾氣話"頭先埋問左你囉"，佢有野忙緊，轉頭再番黎幫我落野飲，成個過程都係發脾氣，我心諗落杯野飲有幾難呀，一個生客唔清楚你D Menu好大罪咩，平日下午4點幾你都唔算好忙che，唔太煩你呀••• 一間餐廳D職員態度差，無論D野幾平幾好食都係假既!

岩岩食完麵，已經計哂張單既價錢（$40），埋單時比左$40。但職員態度好差咁話得$30，當然佢地最後知道係收左$40。首先，$10都想呃，仲要勁無禮貌追出黎指住人話條數唔岩。金毛後生仔（宣稱自己係老闆）仲要話：「收你$20(事實係$40)，係咁L樣架啦，洗同你講服務！？我做唔做生意都得！呢度係無服務咪㗎！我係咁L樣，咁又點？。」（由於OR 唔可以打粗口，但當時佢係確切地用粗口鬧我地）咁我緊係同佢理論啦，我話：「已經唔係你收我幾錢既問題，係你有冇可能咁樣同人講野，又指住人又用粗口鬧！」佢仲要指住黎鬧我男朋友：「你睇你，條女就係到講野，你就7下7下咁！」食你餐飯，仲要比你人生攻擊？ 呢個係咩態度，自問由頭到尾都好聲好氣同佢理論，佢仲要鬧返我：「你唔好係到同我講禮貌啦，冇用架！你淨係識講呢啲做咩姐！」我想問，連一個人最基本既禮貌都唔識，你學咩人做生意？ 你開得門做生意，唔該你反醒下自己待人接物既態度，基本上零EQ，完全冇關注顧客既需要，簡單一句Sorry 都唔識講呢啲食店絕對唔會再幫襯

今日早上有野做，搞掂都未夠鐘返工，見係旺角又試下呢間大大隻字$20起既潮州粉麵😬11點鬆啲，店內唔算好爆，店面都幾企理，都係會有d姐姐係門口拉下客入黎食野咁😂我第一時間睇睇有咩係$20既先，慳妹就係咁🤷🏻‍♀️咁我叫左個韭菜餃粗麵走青。份量我覺得岩岩好，韭菜餃都大隻有3粒，粗麵爽彈牙既，餃既餡料都多同埋鮮。湯底鹼水味就重少少，不過我接受到🤔愛辣的我一定唔會唔試埋辣椒油啦😂辣度夠，不過好搞笑有陣果皮味👀但我都覺得ok既～而家真係好少地方有咁平，$20呢個質素我可以😋

$20 ，一碗熱辣辣河粉，白雪雪☃️滑脫脫🌊嘅河粉，一大碗沸騰嘅熱湯🍲， 倒入去，河粉爽口，用筷子夾起，用力一吸，成個口都係載滿左河粉，非常滿足。湯底雖然有少少鹹，但係可以接受。坐落喺旺角嘅潮州粉面店，成功醫治左唔少香港人嘅肚。客似雲來，所以深夜嘅時候需要搭枱，不過每一位食客其實都係食10分鐘到就會走🚶🏻‍♂️。題外話，隔離幾條街， 嗰啲越南餐廳，居然賣緊50幾蚊一碗越南河粉，有時候真係唔知咩玩法🤫。有啲仲要個湯根本唔夠熱，牛肉都煮唔熟。大家都係河粉，點解我$20可以食到咁正潮州粉麵🤩🍜， 50幾蚊食一碗越南粉😨？睇通脹？賺錢？定係一切都係土地問題作怪🤔？等我聽日問吓港大經濟學教授先……同枱食飯嘅，有一班女士喺度傾緊網購大計，其中一個不停喺度sell令一個人加入投資🤑Anyway, 計返人民幣，都係16RMB一碗，廣州深圳都唔止啦🤣當然，唔係叫游客你哋同我地本地人爭食，不過有機會，唔使排隊嘅話，入到去好容易可以感受到我哋本地飲食文化。