潮成園正宗手打牛丸大王

營業中

休息中

我唔知呢間舖嗰啲員工發生咩事，啲態度可以差到咁樣，唔知以為佢真係唔優做，諗住收工好地地食個麵，明明我先係客人好似欠咗佢哋咁，就算平都唔會再去食，唔知以為全個慈雲山得佢一間粉麵舖

係慈雲山中 佢地係最好味嘅牛雜一入去 伙記有招呼 安排位置 都幾好禮貌 上菜速度都好快 食物分量 好足夠 而且價錢好合理 食咗十次都係一樣咁好食 亦都無發現有污糟野不過唔好預 可以坐好耐 食完就走 都幾多人入嚟食

同事唔知食咩好，入佐呢間餐廳，嗌咗個崩沙牛腩麵，食到中間發現有兩條頭髮，即時叫咗職員過嚟處理。個職員態度好惡劣，講妳唔食埋先至講。好搞笑，依家係佢哋食物有異物，佢講到係我問題咁，然後佢好大聲叫師傅整多碗比我，仲特登同師傅講，比兩條麵算啦，佢已經開食佐。麵🍜送到，我發現本身我有幾塊崩沙腩嘅，佢換著一碗白麵比我，我同佢講返。佢就將有毛髮嗰碗腩夾到呢碗黎？……唔該好心你冇錢做老細就唔好開餐廳啦，垃圾未見過咁垃圾嘅餐廳，咁垃圾嘅服務員，態度又唔得，食物安全亦都唔得，

星期六, 帶住一個六歲小朋友到這餐廳午膳, 一共點了四樣東西, 其中的一份炸魚皮遲遲未到, 大約15分鐘之後, 催了一次單。 約5分鐘之後, 開始有職員將一大箱的貨物放在我們卡位座對面, 然後第二大箱是直接把它放到我們用膳的桌面, 啪一下重力放下, 湯汁幾乎彈到我同個仔一身都係, 該職員無知無覺, 毫無歉意, 算！再過多10分鐘, 炸魚皮依然未到, 我再催單, 依然要多等7、8分鐘才把炸魚皮送到, 現成食物都要等近40分鐘。幾分鐘之後, 一個短髮阿姐再將兩箱大貨物啪放到我們桌面, 然後竟然對我同個仔講："食咁耐！食咗好耐囉喎！仲未食完！"只要佢當時再講多一句, 我必定反罵回去！過多10分鐘左右, 又有另外一個吖姐走過來巡視, 就是那個落漏單的長髮女人, 然後佢話："仲未食完呀！要食完我哋先執到貨！”這一餐我同小朋友一共才吃了50分鐘左右, 屬正常用餐時間, 餐廳亦唔係滿座。此食肆員工非常無禮貌, 又落漏單, 以後絕對唔會再幫襯, 亦值得我專程註冊Openrice去唱衰佢！

話說我同女朋友一齊去食。坐低入面唔係好多人，應該得六七個左右。女朋友落單，個呀姐全程腦視佢。佢叫個兩餸，要牛丸，問一句牛丸有幾多粒。佢話「唔知。無定。」。咁好自然我地就揾過第二樣要。點知用兩秒時間都無，個呀姐就喝我地話「唉，你慢慢睇啦！你諗媚先叫我。我唔得閒。」就走左。我地見佢咁忙，生意都唔得閒做，就走左。

今早去食嘢，餐廳的四人座位只有左右隔板；餐廳阿姐迫啲食客，面對面，無隔板咁樣坐。食緊嘢嘅食客不滿，表示唔接受呢個安排，然後俾個戴眼鏡長頭髮嘅阿姐破口大罵：「我哋餐廳冇呢條法例，咁樣人哋仲洗做生意？驚就唔好出街食嘢，要感染，成個餐廳都傳染晒。」然後一直鬧一直鬧現場嘅食客，鬧10分鐘。全場有成20幾人，惡到咁緊要嘅餐廳，真係第一次見。以後一定唔會再幫襯。另外，魚蛋麵都好難食。睇過通都知都係好嘢🤮備注：我冇被安排同唔識嘅人，面對面食，但係都覺得呢間餐廳啲阿姐，真係好離譜。如果話澳牛嗰啲哥哥係惡，呢間餐廳係殺人犯級數。

疫情差不多來到第五波， 外賣理應已非常熟悉。之前潮成園的外賣，不論是下單前或後也等了又等， 某一次晚上不可以用八達通， 因為老闆不在。。。某一次下單後才說白飯已售罄，才煮要等。。某一次雲吞少左粒。。堂食呢，餐具有點污垢，辣汁的樽好痴笠笠。雖然一分錢一分貨， 為了更好的服務再給他改進的機會。今次不單止下錯單， 更等了超過20分鐘。眼見前前後後的人都已經走了， 原因是雞扒要炸？！ 味道是不錯的， 咖啡也夠惹味， 沒有薯仔， 雞件份量也多。唯獨服務員的態度，包括下單的，樓面的態度非常需要改善， 水準也不穩定。

之前在旺角都有食過這間潮成園，印象他們的魚蛋，牛腩都不錯，又抵食。現在屋企附近都新開了一間，地方比較大，環境光猛企理。一頁的餐牌有招牌粉麵，碟頭飯，咖哩系列及一些特式小食。價錢大碗而抵食。門口的櫥窗放滿他們自家工場，每日新鮮製作的各款手打丸類及餃類，眼見乾淨衛生。點了他們自家製的九菜餃併魚旦粗麵，三大隻包得飽滿的餃子，皮薄但不易穿，豬肉九菜比例一半半，食到陣陣九菜香。他們自家製的魚旦都頗出名，白雪雪的魚旦確大粒彈牙，食落不鬆散，真係食到有魚味。湯底清甜，食完不會太口渴。另外是潮式扎肉併魚角粗麵，潮式的扎肉沒有越南扎肉般扎實，外表跟魚片相似，是用全豬肉製造，所以啖啖豬肉香，肉質鬆化。炸得金黃的魚角跟魚旦一樣彈牙爽脆，炸過更多了一份香口。腐乳通菜, 咸咸香香。

知道慈雲山開了這一牛丸大王，當然要去試一下平日下午去，也等了一點點時間叫了一個菜(通菜跟腐乳汁)份量也算ok另外點了一個炸韭菜角皮是脆的，有點像炸雲吞的皮裏邊的餡，我覺得不是太香韭菜的味道但口感也是可以的，它是配平常點的那個甜酸辣醬然後這個是咖喱牛腩飯(不是太推介這個)咖喱的味道是可以的，有一點點的辣，然後那個味道是真的，香味有一點點像印度那邊的咖喱(可能加了一點香料)那個醬是比較濃稠的，但是那些牛腩都是像另外把它放進去，然後再把醬倒在一起. 牛腩也都比較硬，而且沒有充滿那個咖喱醬的味道，所以我覺得不太好吃咖喱牛腩飯，近鏡頭一個這個是我點的牛丸水餃河粉水餃裏邊的肉，整個餡偏硬但是牛丸是真的好吃，好彈牙好多汁

平時出街想食碟油菜，都起碼要加十幾廿蚊，往往會因為唔抵食，就無嗌到。今日經過潮成園，居然係先俾佢碟油菜價錢吸引住。下午茶時段，油菜只需加6蚊(非下午茶時段都只係8蚊)，而且各款粉麵都好抵，只需25起，加多4蚊仲有嘢飲。下午茶時段，店內都坐滿晒人，幸好只等了5至10分鐘就有位坐了。2個人分別叫了:韮菜餃米粉有4粒韮菜餃大大粒，好飽滿，韮菜味濃，多菜少肉，調味適中，湯底清甜，唔渴喉牛雜麵牛雜份量都頗多，好有牛味，湯色雖淺，唔混濁，飲落仲好清甜，唔油膩，較為健康，頗中意另外，各加左通菜和生菜2碟油菜，每碟只需加6蚊，實在超級抵食，份量仲要一d都唔吝嗇，大大碟。成餐飯有麵，有飲品，有碟菜都係人均30幾蚊，性價比超高，成為私人飯堂首選。

「潮成園」剛剛在慈雲山開業，平時經過都見到好多人在等位，適逢星期日放假天，有啲時間就排下隊入內試試先🥰🥰崩沙牛腩河 $38份量十足，崩沙腩嘅薄膜有豐富膠質，連着少許肉，爽軟不硬，口感豐富，河粉薄而爽滑，秘製腩汁湯底正👍靚韭菜餃麵 $25新鮮每日製作，大大隻韭菜餃，皮薄餡多，粗麵食落就滑入口度，滿足嘅口感，湯底鮮甜美味😍😍跟麵歺：腐乳通菜 $8通菜配腐乳醬絕配😋😋跟麵歺：冷熱飲品 $8凍咖啡、凍奶茶🧋

去慈雲山中心買完野，今晚簡單食個粉，就試下呢間主打牛丸既睇下係咪咁掂😛✨牛丸韮菜餃河： 腩汁湯底唔錯，好飲得黎唔重味精感。韮菜餃皮薄大大隻， 韮菜饀夠晒多。 牛丸真係勁爽勁彈，牛味濃，食落仲要有d 肉汁，真係幾得👍✨一品四寶：一碗有齊魚片，魚蛋，扎肉，墨丸，貢丸，魚餃都幾足料。 佢d 墨丸，貢丸真係爽彈到不得了，而且juicy大大粒，真係樣樣都咁好食。 魚蛋，魚片都同樣好味。✨✨呢度價錢親民，份量好夠飽，下次再試下其他野先。

.慈雲山正宗潮州手打牛丸🤤慈雲山好似愈開愈多餐廳，見到有間食手打牛丸同崩沙牛腩既粉麵鋪人頭湧湧，試下先！📍淨手打牛丸牛丸好彈牙，一咬開😱好juicy！係平時好難搵到既手打牛丸👍🏻👍🏻👍🏻👍🏻👍🏻📍京都炸醬麵一開始酸酸甜甜好開胃既感覺，跟住啲辣味就出黎喇！個生麵好彈牙，同埋佢跟個碗湯好夠熱同有微微既胡椒味👍🏻👍🏻👍🏻👍🏻📍崩沙牛腩麵崩沙腩既份量都幾多同埋幾大舊😌食落都好淋，唔會痴牙，仲要好入味添阿！腩汁加埋個彈牙既生麵！正👍🏻👍🏻👍🏻👍🏻👍🏻不得不提，佢地既自家製潮式辣椒油😍好香好夠辣👍🏻👍🏻👍🏻👍🏻👍🏻 佢仲可以買一樽樽走嫁！