潮汕美食

營業中

休息中

叫咗個菜乾豬骨粥，加米漿腸粉和皮蛋瘦肉粥加炒麵，望落去非常平庸，但食落非常美味好特別😋👍，炒麵一般🙏，但係米漿腸粉真係有驚喜，熱辣辣，點埋佢特別嘅醬汁，真係非常美味😋👍👍👍👍👍👍👍👍👍👍，真的一試無妨，有驚喜😁環境真是一般，服務也是一般，但食物真係比妹妹想像中好好多，所以可以一試🤗也可以說是拜祭先人後，可以去食個靚早餐的好去處😊以上是個人評論，太太都點讚好味道😊

作為一個在粉嶺長大的人，每次回到粉嶺都好自然會去聯和墟搵食，3年幾前，拜完山係華明邨試過潮汕美食，菜果，皮小米，菜茶，扁實都好好味，潮式炒米粉，炒薯粉都好正，腸粉又滑，我唔食牛，但家人都讚口不絕，一個下午茶，將佢餐牌上潮州美食全部叫哂，自此之後，呢度成為我拜山後指定飯堂，一年兩三次，今年限敍，唯有買外賣返屋企食，不過唔知係咪我晏咗，好幾様美食都沽清，只叫咗潮式炒薯粉，菜茶同菜果，只可用一個字形容⋯⋯正！

同係汕尾海豐食嘅一樣咁好食，食左牛餅湯，好爽口好香；小米啲皮做得好煙韌又唔會癡牙，啲餡又好食，細細粒好入口；炒河粉用咗當地特色窄身河粉，炒得好夠火候；仲食咗特色菜茶。會再嚟食

睇東張西望 試左大圍 御記牛丸，點知好普通，呢間潮汕美食 d牛丸好味極多，唔係講笑，牛丸 好味的程度必定 香港頭三甲牛丸  牛味重 並口感一流， 並有牛油脂的香， 正!牛丸應係 潮州直送。

有朋友推介這間店舖很好吃，今天順道過來試一試。對於潮汕食品沒有什麼概念，看到餐牌的各款小食名稱，也不知是什麼。 店員就向我們推介：潮式炒米粉、小米、上湯牛丸牛餅，告訴我們這幾款最受歡迎。潮式炒米粉炒得很鬆卻不油膩，有各式各樣的配菜我們也不知有什麼，但配合起來十分惹味，的確是值得推介的菜式。小米原來沒有米，像是蒸餃子，細細粒一口一個，蘸上辣椒油吃，味道有點像魚皮餃。牛餅像是壓扁了的牛丸，但很奇怪地，口感與牛丸有點不同，頗為彈牙。點各種食物都可以加三蚊要凍飲，很抵。

平靚正！下午茶只係28蚊連熱飲！小米原來是好似水晶包咁但入面有肉的，細細粒幾好食！牛餅湯，原來係一粒牛丸切成小份，湯都幾好飲，幾重胡椒味！可以食下，唔錯！👍🏻👍🏻👍🏻👍🏻

同老公試新野見唔駛排隊就試一試老公叫左1碗皮蛋瘦肉粥配雞蛋米漿腸粉。粥的味道不錯, 只是材料比較少肉碎和皮蛋都太少太碎米漿腸粉可自選雞蛋/蝦/豬肉等....我地揀左雞蛋(+$5), 當中混有梅菜和香蔥, 份量頗多的, 口感亦唔錯, 整體係滿意 (下次會試蝦或豬肉餡)至於我order的牛丸餅湯米就一般般 ($33), 牛丸比牛餅出色得多, 牛餅size又小又扁, 鎖不到肉汁, 相反牛丸就彈牙爆多汁, 另外湯底偏鹹同有味精味!!食完好口渴

今日下午我們喺粉嶺華明商場附近做完嘢之後，諗著搵啲嘢食吓，行過見到呢間「潮汕美食」，媽咪就話好想食吓係唔係好有家鄉嘅味道，所以我們就入咗去食下午茶！我們叫咗小米拼牛餅湯嘅小米外皮係用大地魚同蕃薯粉造成，入面嘅餡料係切碎咗嘅豬肉，雖然食落嘅感覺好似魚皮餃咁，但呢個小米係用蕃薯粉嚟做嘅關係，所以質感係非常煙韌軟滑，食落真係超正呀！而牛餅就等於係牛丸，牛餅係比較扁身，質感極之爽口彈牙，而且牛肉味亦相當濃郁，真係好正呀！即叫手拉牛肉腸粉係即拉，質感好軟滑腍身，同平日食開港式嘅腸粉質感唔同，加埋啲醬油一齊食，真係好惹味呀！潮式炒薯粉除咗有煙煙韌韌嘅蕃薯粉之外，仲有魚片、鷄蛋絲、椰菜絲等等等等⋯⋯材料真係好相當足料，令到口感更加豐富！