潮江春 (已搬遷) 新店位置

一早已訂咗卡位，到達後被安排坐最後一個卡坐，當時人客並非太多，約四、五成人左右。今期有些類似孖寶套餐的推介，選擇了「海鮮粉絲煲加方魚炒介蘭」，另加「咕嚕肉」同「四喜燜魚膘」。最先上枱是海鮮粉絲煲，海鮮有帶子、蝦、魷魚同魚塊，當中最弱是魚塊，最好味當然是粉絲喇。而咕嚕肉則保持水準，但四喜燜魚膘則明顯比以往少咗魚膘而多咗雞件充撑場面。最後上枱竟然是炒介蘭，百分之八十是菜葉，而方魚則得兩、三件類似五毫子大小的，這碟炒介蘭真可謂遠離水準！甜品點了鴛鴦紫米露及杏仁茶，前者相信就咁紫米露會好食好多，加了一些波子咁大粒嘅西米唔見得好咗！後者則唔夠香，最差是有數點黑色不知明物體浮游在面！我們坐的卡位冷氣勁凍，解釋是因為商場中央冷氣無得調教，最大鑊是問有無披肩，答案是：有！不過攞哂去洗未返！咁大個美心集團真係要諗諗是否耍改善吓呢個問題！！另外啲坐椅係云石地上拉到吱吱聲，對用膳的客人是一種煩擾，這個問題由開張到而家都無改善過！！

there are several choices of 孖寶 on weekday dinner. each one included one meat and one veg. we two ppl selected the 鹵水鵝+ 腿茸津白. both were quite large. we can't finish the 鹵水鵝 and took some away. many tofu at the bottom of the 鹵水鵝. both dishes tasted good!there were only a few ppl on weekend. not too expensive. a good place for dinner in Tsuen Wan.

來了吃家庭聚會飯局, 叫了個 $1998 的12人餐, 好滿意鹵水拼盤: 有鵝、豬腩肉、豬耳、豆腐、蛋等等, 全部薄切, 味道鹵得啱啱好!大虎蝦: 嘩, 真係超大隻, 好多膏, 好好味!象拔蚌 (仲有唔知咩貝類) 魷魚西蘭花: D 海產好新鮮好滑呀, 一定唔係雪藏嘢!翅: 非常之真材實料, 仲有花膠, 好好味! (想起上次去青衣城粵翠軒食咗煲一條翅都冇的翅, 真係火滾!!!)海斑: 呢個成二千蚊嘅餐, 點解會係俾兩條細到好似未發育的斑仔 BB 做個魚嘅?! 好失敗好唔掂喎!!! 正常去食呢D 餐都係一條大o架啦.....雞: 好滑好有雞味呀!香芋西米露: 係打咗芋蓉放落去煲, 如果唔係太飽, 我一定食多碗, 好正!另叫了: 龍蝦伊麵: 呢個反而唔得...... 勁細條「龍蝦」, 伊麵又冇乜味....

年初五的早上請了假，正好可以相約爸爸媽媽飲茶；新正頭，老人家最講意頭，因此選擇一些比較穩當的酒家才是正經。原本想帶爸爸媽媽試試風評甚佳的「殷悅」，但不知是否年初二的經驗令媽媽有點失望（詳情請參閱食評-《虎虎生威開年飯》）因此媽媽說還是去「美心」好了。為免爸媽要等，我一大早起床就準備去「霸位」了，原本在電話約好了到綠楊坊的「潮江春」（但原本在綠楊坊地下G27 號舖的「潮江春」早已搬到綠楊坊的二樓，而原址則改換成「美心皇宮」）結果我一心以為爸媽想去「潮江春」，因此跑到二樓，結果原來爸媽卻屬意去「美心皇宮」但又沒向我澄清G27號舖已改頭換面，結果擺了一個大烏龍。我約九時到了「潮江春」，當時茶客不多，我選了一邊的卡位，開了茶，結果爸媽遲大到，我呆坐了四十五分鐘，其間侍應亦沒有追問點菜等事宜，態度良好。爸媽一來，等得呆呆的我就將劃點心的事交給媽媽好了（反正他們飲茶比我多，經驗多著呢！）結果媽媽一口氣點了蝦腸、潮州粉果、蝦餃、燒賣、煎腸粉、叉燒包、豆苗餃、山竹牛肉。蝦腸蝦腸一碟三條，賣相不俗，腸粉皮香滑軟糯，鮮蝦頗多，吃起來甚是爽口，配合香甜的醬油，對於我這個「蝦痴」來說，已甚為滿意，不過老爸說腸

一月上旬小時候活動範圍未及至高收入人士聚居的綠楊新村，今天荃灣的消費重心雖移師全完堂幼稚園側的荃新天地，然而綠楊商場有著地鐵之利，食肆方面仍有大放異彩之勢，當中南翔饅頭店幾乎每天都要排隊等安排入座。這天想與家人飲茶，來到招呼向來不錯的潮江春，掛潮州之名，弄的卻是港式味道小炒，夾雜點心炒成一碟，用上風格鮮明的十三盞水晶燈作包裝，一貫美心集團的氣派，老土得來仍不乏街坊客捧場的。羊城這邊的點心質素只是很一般，反不如XO醬煎潮式蘿蔔粿般美味，先炸脆表層後以旺火將XO醬煎迫入味，好吃！更多的茶點分享＠http://foodxfile.blogspot.com/2010/01/blog-post_10.html

潮江春，是小時候父母喜歡帶我來吃飯的地方之一。但人大了，總不會來這裡吃潮州菜，屈指一算，大概有十年八年沒有到訪過。綠楊坊的潮江春，由上面搬了落樓下，環境突然變得高雅，朋友提議來一試，我也沒有異議。點菜就由朋友發板，原本佢有諗過食羊腩煲，但兩條友吃又真係食唔晒，都係算了，最後佢叫了胡椒豬肚湯、川椒雞以及明爐烏頭。點菜後，先吃住酸菜慢慢等食。川椒雞先上，這味餸是朋友的心水，每次都會叫。這裡的出品，味道夠，雞塊都算滑身，但感覺總是不夠實在，而墊底的辣椒葉，炸得不夠脆口，不是很出色，甚至上次在潮館吃的也比這個好。胡椒豬肚湯更為不濟，上檯沒有撲鼻的胡椒味，已感不妙。果然，湯是不辣，不單是不辣，味型也不對辦，喝兩口便放棄，只吃了些少豬肚就算。頭兩味菜唔掂，對烏頭也不敢抱太大期望，估唔到反而有驚喜。明火一路熨著，夠熱，魚肉嫩滑亦富鮮味，不一會，就被我們掃光。這條魚，值得推介。或許人客不多，服務幾到位，揚手馬上有人來招呼，滿意！

麵包酥皮裡面有隻雞? 好味!(有相)好唔好食又睇落去 265 回: 好兒童生日快樂! 送您一隻麵包雞!http://hk.myblog.yahoo.com/goodboy_philip/article?mid=32913好兒童係好孩子個妹, 講食野, 佢成日同男朋友仔四圍試食, 食野既種類多過我好多! 好孩子就一尾食日本野, 真係無得比呀! 呢個月好兒童生日, 通常同 好孩子爸好孩子媽食飯就一定食中菜, 今次再去潮江春, 好唔好食? 又睇落去? 潮江春個 Menu 個硬淨, 仲好閃! 個 menu d 相影得好靚! 做得好出色!蟹肉芙蓉海皇匙: 唔好比佢平平無奇既表面扼到, D 海鮮料好足, 勁多 ebi 仔0係底, 仲好有火喉! 食得急差 d 辣親咀! haha...潮州鹵拼: 吊片, 鵝, 豆腐, 鹵水蛋, 呢個味道一般, 可能 d 汁唔夠, 淡淡地, 而 d 鵝肉亦骨多肉少。芊茸香酥鴨: 一 d 都唔油膩! 鴨肉同芊茸好鬆化, 好味!翠棠油泡帶子蝦仁: 帶子點蝦醬, 六合彩都中頭獎! haha...帶子蝦仁爽口又大粒, 味道好好!清蒸石斑: 好孩子爸好孩子媽就覺得 d 肉不太鮮嫩

十二月初二‧陰天 談起吃潮州菜，坦白說，街頭巷尾也有不少的選擇，所以很少會來這個集團式酒樓吃。是晚跑友設局，慶祝其宣佈小登科之喜，就來吃一吃。 星期日晚上七時許，人客不少，但吃多一個小時，座位大量湧現，似乎做了頭轉也沒有第二轉，市道不佳也。餐牌由跑友決定，我坐定就有得食，非常的輕鬆。 先來例湯，是合掌瓜螺片煲豬展，侍應將湯料放在一碟，也可以盛出七、八碗湯，也不要小看那個小小的湯煲。味道甜，連帶湯料的合掌瓜也稔甜味美，給我幾下吃清。反而螺片不知道是什麼東西來的，但肯定的不是響螺~~98蚊一煲的湯會用上響螺，too good to be true了吧！ 小菜是陸陸續績的來，川椒雞幾滑身，也夠味道，加上炸脆了的辣椒葉，稱職的一道菜；鹽酥小黃魚也美味，黃魚炸得乾身，吃起來脆口，但也保持了魚的鮮味，用來下粥，非常的好；花生雞腳也好，我幾喜歡吃雞腳的，這裡的做得軟稔入味，肉質保持口感，走油的功夫做得足，反而花生就可以更好了，而這一味花生炆雞腳，也是我的拿手菜之一，最好吃的不是雞腳，而是同煮的花生；豉油王煎腩仔色水夠，味道也沒有味道，但腩仔廋多肥少，吃起來沒有豐腴的口感，已沒有可能好吃；「五殼豐裕」

今晚和男友雙方見家長, 本想選一間較高檔的酒樓安全些, 誰知......吃了一千大元卻不知吃了什麼!!!雙面黃是林的, 一點也不脆!川椒雞不知是什麼味, 只知有大量的油!雙方家長也彈不絕口......o矣!

工作地點附近有個私人屋企商場，裡面的食店檔次低極有限，但由於是新入職的關係，今次的午餐可是免費的，先先謝過了！觀乎兩次的午市潮菜，這裡的食物水準頗為穩定。先談點心。燒賣甚有咬口，食得出豬肉味而蝦很爽；蝦餃份量不欺場，內裡的蝦又爽又大；雞扎裡的綿花(魚膠)很入味，落足料。菜圃炒麵(不記得Exact名稱)及沙嗲牛肉撈麵以午市來說，是不錯的。沙嗲不太辣，有少許甜味，加上沙嗲汁份量多，每啖麵也能伴著沙嗲來吃，不過不夠味。菜圃炒麵的麵則炒得均勻，味道亦足。服務也好，起碼是有求必應，還有耐性的幫我們拍照呢！

在荃灣吃中菜，比較一輪，放棄了荃新天地的翠園和北京人家，來了較有信心的潮江春。餐廳翻新後之前更冠冕堂皇，以紅色為主題醒目而不落俗套，環境方面值得一讚。　食物平均味道也不錯，是晚四個人吃了：　潮安冰鎮豬手-豬手肉質爽實，風味上佳，甚愛此味的龍大讚。潮陽鹵水豆腐拼鹵水蛋-特調的鹵水汁咸香有致，豆腐香且滑，份量比想像中多；鹵水蛋則無特別。碧霞莊芋茸香酥鴨方-極之鬆化香口而不會太油膩，甜甜的醬汁很能引發食慾，是很水準的炸物，值得推介。潮媽梅菜扣肉煲-三分肥七分瘦的扣肉炆得極香極稔，幾乎入口即融，微甜的梅菜與醬汁十分滋味，撈飯一流，是另一激讚菜式。蠔仔肉碎粥-蠔仔鮮甜，湯汁也鮮美，除肉碎外加了不少柴魚增添滋味。雖然味道不錯，不過吃慣了覺得葵芳的聚豪閣滋味稍勝一籌。潮州炒麵線-麵條十分香，口感帶粘，似是加入豬油去煮，滋味好但亦較膩及滯，吃剩好多打包了。　飽也要吃甜品，是晚點了兩款：鴛鴦水晶包-水晶包皮薄有咬勁，餡料分別有紅豆與蓮蓉，明顯後者甜及滑好多，我喜歡!家鄉鴨母捻-鴨母捻與湯圓相近，特點是餡中加入花生茸，甜味較低香味更重，我還是欣賞傳統的芝麻湯圓；湯中亦加了百合及蓮子，味道較為豐富清香，這點

今天又同奶奶去潮江春飲茶,去到1:00,都好多人,好彩奶奶早到攞左位先,叫左潮州蒸粉果,普通燒賣,普通馬拉糕,好味,最鍾意食邊位,呢個係迷你版成個上的煎腸粉,好味,最近要煎得夠熱灼魷魚生腸牛柏葉,呢個ok啦,不過好耐無食過,回憶呀金栗煎魚餅,普通啦其實食物都算中上,環境好靚,不過d位迫d,不過酒樓通常都係甘架啦

潮江春搬黎綠楊甘耐都都未試過,早幾個星期六決定同阿POOH&奶奶去試下o新裝修都幾靚,d餐具又骨子,叫左蠔仔弼,呢個好好味腸粉: 合格雞包仔:好味仲有幾樣太耐唔記得,哈哈o不過,總括黎講都係好味既

差不多過了一星期才寫這粽評後知後覺！是來至潮江春的粽對比起北京樓的八寶粽這隻「潮」粽只可用兩隻字形容：垃圾料少不在話下賣相更是不知所謂粽裡完全未熟．．．糯米鬆散！冬菇黏在最外層的角落．．像寄生在海石的殼類生物！以花生最多．．．．其餘的有肉碎、紅豆粒．．．完全「唔掂」！下年免問！價錢一點也不便宜！差不多要＄４０一隻！雖然北京樓的更貴．．．．但起碼吃了之後不會覺得被騙！

母親節第二輪慶祝食飯揀呢度都係貪佢就腳又新裝潢早一日打去話得番8點個轉講到明黎到可能要等一陣都好~ 你講到明我就預左要等8點去到，好多人0係門口等，情況都幾混亂個「知客」叫做mark 低左我個名不過我見佢鬼晝符咁，都唔知佢記唔記得自己寫乜~等左10分鐘就入得叫左送分好多轉先上得齊味道一般，但價錢就貴左少少6個人食左700蚊0的野又唔係咁好食，人又多、又嘈....