影片
以上資料只供參考, 請與餐廳確認詳情
阿媽同我講想今晚炒魚片食，佢話深水埗有一檔特別正、特別抵，叫我如果方便嘅就買條返去比佢煮😂。好啦，我就變身師奶仔Lunch去買餸。舖頭位於深水埗荔枝角道同桂林街交界，我印象中佢已經喺呢樹屹立多年。首先，我嘅任務就係買條黃金魚條，大嘅$15，細嘅$8，真係好鬼抵👍。我買咗條大嘅，勁大碌下，目測有20cm！以下為阿媽嘅成品圖🙈。魚片幾好食，唔算超級彈牙，但阿媽話咁先證明無落太多粉。除咗黃金魚條外，舖頭仲有賣花枝卷、魚片頭同魚棗等。全部價格都好相宜😉。另外，舖頭另一邊係有賣熟食小食，包括咖喱魚蛋、燒賣、腸仔同腸粉。價錢真係平到你唔信，其中仲有個招牌套餐有齊四樣嘢添，只係收你$13，傻的嗎？邊到搵😱？招牌套餐有：- 魚旦4️⃣粒- 燒賣4️⃣粒- 腸粉4️⃣條- 腸仔1️⃣條阿姐有問我洗咪落甜醬、辣醬同豉油，一於混醬啦！Combo真係好豐富，估唔到除咗平之外，味道仲要幾好食喎😋。咖哩魚蛋雖然細細粒，但好鬼正。燒賣個口感同平日魚肉燒賣有少少唔同。至於腸粉，我認為不比排隊店合X泰差，帶有米香同幾滑。食完呢個$13餐已經飽咗，可以當午餐。呢個價錢簡直係時光倒流啊！我以後應該會忍唔住係咁幫襯，哈哈🤤。總括嚟講，「潮爆魚蛋」冇得輸呀😍，滿分推介💯，佢應該被納入深水埗必食之列囉！
繼續閱讀
深水埗小店云集，隨便就見到一間小食，首先佢喺街角好起眼，就去咗試。價錢黎講係平嘅：13蚊有4粒魚蛋、4粒燒賣、4條長腸粉、1條廚師腸。魚蛋味道一般，燒賣就略嫌「粉」，咬落唔爽口；腸粉份量就唔差嘅，只係有啲鬆散，拮唔到🙈
繼續閱讀
魚旦燒賣😛$8/2串每次響SSP等車之前都買兩串共10粒👍食左佢哋好多年☺佢哋個醬汁真係好出色😉以前真係會叫一盒多醬🙈然後返屋企整個麵🍜直接放入去撈🤤潮爆魚蛋 (深水埗)深水埗荔枝角道362號地下
繼續閱讀
見到有人排隊買魚蛋，我都湊熱鬧買返串食下，一串原味一串有醬汁，原味真係麻麻地，但個醬汁先係重點，好好味同魚蛋好夾，雖然冇試燒賣，但估應該都幾好食，過完口癮之後去食返正餐先。
繼續閱讀
尋日(3-5-2014 Sat)晏晝出深水埗會合男友出太子食晚飯,經過o黎o度見有小食,而且有幾個人買o緊,就停低睇睇,寫住魚蛋$5.00,燒賣$5.00,於是就買o黎同男友試吓啦,我同亞姐講要魚蛋同燒賣唔辣,佢問我要唔要豉油?我答要.咁佢就自然用紙杯裝俾我,我就俾$10.00走人,佢就嗌返我話有錢找.有錢找?唔係每樣宦都係$5.00咩?佢找返$3.00俾我.睇吓啲魚蛋好細粒,去到男友屋企食,魚蛋口感一啲都唔彈牙又有啲過腍,麻麻.而燒賣呢?口感好過魚蛋啲啲,冇咁腍o既,但都唔特出啦,豉油就甜甜地咁啦.最後男友都冇食到,由我一個人食晒.
繼續閱讀