潮盛館

營業中

休息中

【黃大仙區】【潮盛館】同春哥做嘢之後搵地方食飯，佢比較少嚟新蒲崗呢頭食嘢，冇乜諗頭之下是但揀咗呢間路口位嘅潮州嘢嚟試。佢試 $68 嘅「潮盛招牌三寶飯」，由於我哋係兩點半後入座，所以減咗十蚊。有鵝肉、鵝肝、鵝腸嘅配搭，仲有鹵蛋，咁嘅價錢食到呢個味道幾抵。我就試 $118 嘅「醉香三寶飯」，都係減咗十蚊嘅價錢嚟，我呢份就有鵝肝、墨魚、雞髀，好正呀，加 $5 轉「米粉」先驚喜，湯底係雞湯底嚟，好好飲，估佢唔到。跟住我哋都試咗啲小食，先試 $53 嘅「砂薑豬手」，幾大碟，沙薑味又夠香，係唔錯嘅。之後試埋 $47 嘅「藤椒魚皮」，佢哋切得比較細塊，一啖一件，好食，一件駁一件咁食，相當邪惡。我哋都加 $3 要凍飲，佢哋嘅「凍檸茶」同「凍奶茶」都係正常茶餐廳水準，唔錯。咁食法埋單先 $297，抵，原來佢哋啲下午茶都勁平，用嚟做飯堂一流呀。。。（地址：新蒲崗寧遠街3-23號越秀廣場地下G25-G27號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious

諗唔到食乜好，男朋友就話不如食返上次食lunch果間"潮盛館" ，lunch ok，就挑戰埋個晚市menu⭐煎釀虎皮尖椒有5大條，釀魚肉好足料，仲已經預設左d辣醬放喺面，好夾、好食😋⭐桂花紅杮好抵食，車厘茄有好多😍，一入口就係滿滿嘅桂花香，好正😋⭐椒鹽鮮魷個皮炸得好香脆，但係食落口又唔會成口油，佢嘅炸粉已經調好味，味度啱啱好魷魚好厚身，好感好正😋⭐生炸BB乳鴿好耐冇食過乳鴿la，個皮炸得好香脆，d肉仲好嫰⭐蠔餅蠔餅好厚身，好香脆，啖啖蠔肉，加埋芫茜一齊食嘅感覺幾新鮮😋仲有跟埋魚露

蠔仔粥呢碗蠔仔粥真係好正！粥煮得啱啱好，滑滑地，米粒唔會爛。蠔仔新鮮，海味十足，搭配個粥好合襯。湯頭清淡又鮮，仲有香蔥同胡椒粉，味道層次好豐富。蜜汁燒鱔蜜汁燒鱔係我今次用餐嘅亮點！鱔魚肉質嫩滑，經過蜜汁醃製，外皮微焦，但內裡保持住好多汁。蜜汁嘅甜味恰到好處，食一口又一口，根本停唔落來。鹵水拼盤（鵝片、墨魚、豬腩肉）呢道鹵水拼盤對於鍾意多樣口味嘅人真係好啱。鵝片厚薄啱啱好，鹵味入味，肉質滑嫩；墨魚口感彈牙，海味十足，搭鹵水嘅香料味，食落好美味；豬腩肉肥瘦相間，油脂香味同鹵水嘅香料味融合，真係好好味！拼盤擺得靚，色香味俱全。整體嚟講，呢間潮州餐廳嘅菜品唔單止保留咗傳統風味，仲喺口感同擺盤上做到極致。每道菜都讓我感受到潮州料理嘅獨特魅力。如果你對潮州菜有興趣，呢度真係值得一試！

今天下午，我和朋友在新蒲崗的越秀廣場，找到了一間名叫潮盛館的餐廳，準備享受一頓美味的午餐。這裡的裝潢簡約而舒適，讓人感到放鬆。我們點了幾道招牌菜。首先，上桌的是翠綠炒蝦球帶子，色澤鮮艷，蝦球鮮嫩多汁，帶子更是滑溜可口，讓我們一口接一口。接著是鹅件拼雞，肉質鮮美，鹹香適中，搭配特製醬汁，簡直完美。墩湯則是這餐的亮點之一，湯底濃郁，配料新鮮，喝上一口，暖心又暖胃。拍蒜炒菜心的蒜香味撲鼻而來，清脆的菜心與蒜香交織，令人食欲大增。我們還點了咸檸七，這款飲料酸酸甜甜，特別解膩，搭配食物正好。最後，脆炸牛奶卷作為甜品，外脆內軟，濃郁的奶香在口中化開，讓人回味無窮。整體而言，潮盛館的午餐體驗令人滿意，不僅菜品美味，服務也十分周到。我和朋友都約定下次再來試試其他菜式！

冰鎮咕嚕肉 $174淨係睇個名都知菜式幾創新🤩熱辣辣嘅咕嚕肉加埋啲冰同埋水果，好有火花💥咬落甜甜酸酸，清涼爽口，一個字，正。炸蠔餅 $108蠔餅炸到金黃色，表皮咬落好鬆脆，啲蠔都好新鮮，點埋蘸醬食，十分滋味😋潮盛特色醉乳鴿 $128擺盤好精緻睇得出好俾心機👍🏻鴿肉好嫩滑，香味撲鼻，成道菜唔單止味道豐富，視覺亦都令人驚艷。懷舊炸子雞子雞/半隻 $138隻雞炸得好靚，同蠔餅一樣炸到金黃色，雞肉又滑又多汁😝，配埋脆卜卜嘅蝦片，口感更加有層次潮盛卜卜蜆 $188成煲嘢嘅食材都好豐富，蜆肉好多汁，加埋香菜同辣椒簡直一流，湯底亦都好濃郁，十分推介😎

星期五晚book左晚上7:30 2位我地前面有2位到安排左佢地入座當時7:25我好清楚係本薄見到佢地book 7:00然後到我同朋友就冇位入Book左仲早到但要喺門口罰企最後等到7:50先入到但係要一讚嘅係職員都好想快d有台一路係咁出來同我地講唔好意思好快有位入座落單叫左醉乳鴿知道我地等左好耐都好快就上俾我地亦都態度好好咁表示抱歉仲請我哋飲嘢乳鴿肉嫩好入味唔會好似出邊啲醉雞咁好多酒浸住但係都好夠味略嫌唔夠鹹偏甜乳鴿肉質鮮嫩，亦都唔會好鬆散份量2個人食岩岩好叫咗走青走芫荽真係走晒呢個好抵讚非常鬆脆同朋友一人一半都毫無負擔唔油同埋有落蛋中和返粉漿嘅口感粉漿唔厚炸得好鬆脆又完全唔吸油食完都唔會覺得油膩感好重點埋魚露好香略嫌蠔比較少，但係粒粒都好大粒當日MVP調味調得非常好鱔爽口彈牙完全冇骨燒得好香又唔會過燶加埋蜜汁甜甜地好惹味當日嘅鱔都好肥美！呢個份量唔夠喉墨魚彈牙爽口海蜇少少辣，亦都好爽口但係份量真係超級少冇諗過佢只係小食嘅份量，但係收小菜嘅價錢呢個小失望整體嚟講成餐飯都好滿意特別係侍應嘅處理態度食物嘅質素都好好一定會再嚟試埋佢嘅椒鹽鮮魷同埋鹽香雞！

今日放假，屋企人話新蒲崗有間新開嘅潮州菜又想試吓，於是過嚟試吓佢嘅午餐😋餐廳環境舒適，食物選擇多，午餐有好多多款選擇👍🏻🌟 足料燉湯呢款燉湯超足料，有雞、瘦肉、瑤柱等，而且覺得冇味精👍🏻🌟 滷水鵝片拼墨魚滷水鵝件，味道香滑，鹵水味道唔錯，唔會有好重嘅藥材，滷水墨魚亦都好爽口👍🏻🌟 翠綠炒蝦球帶子份量十足，蝦球非常彈牙鮮嫩，菜式色彩鮮艷，海鮮新鮮🫶🌟 炸蠔餅必食潮州菜，熱辣辣的送上又煎得不油膩，脆中帶點煙韌，蠔仔十分肥美飽滿，味道鮮美🌟 鹽香雞鹽香雞外皮肥美，肉質鮮嫩，雞肉亦十分滑，淡淡的鹽香味十分開胃☺️🌟 脆炸牛奶卷超級推薦嘅甜品，必須趁熱食，好香嘅牛奶味，而且食咗兩條都完全唔覺得膩😜

同朋友仔去返佢細個既學校行個圈。之後就搵下野食。見到有間潮州野出面有人等緊位咁勁，就試下。餐廳個名叫潮盛館。入面座位唔算太多，如果特登黎食可以book定位穩陣d。我哋叫咗個鵝片拼墨魚，同埋密汁燒鱔。d餸一上個時，簡直係震撼咗。😍個燒鱔噴哂煙，心諗咁誇張既，而家香港餐廳都幾有心思，打咭，影相一流！勁彈牙勁多汁同埋冇骨👍個鵝片墨魚都比出面餐廳好食。鵝片juicy又嫩滑，墨魚直頭係食到新鮮個種膠質，小小痴牙既感覺！😆

最近我去咗潮盛館，呢間有名嘅潮州餐廳，真係好期待！我哋點咗幾樣菜，首先就係冷盤鵝肝，味道非常出色。鵝肝滑嫩，配上特製醬汁，口感豐富，令人一試就愛上。接住嚟係西蘭花炒帶子，西蘭花鮮脆，帶子新鮮，炒得火候恰到好處。每一口都充滿海鮮的鮮味，搭配蔬菜的清新，真係好開胃！最後，我哋仲點咗蠔仔粥，這碗粥真係讓我驚喜。粥底香滑，蠔仔新鮮，味道鮮美，令人感受到濃厚的潮州風味。每一口都令人感到溫暖，十分適合冷天食用。潮盛館的菜式無論是味道還是擺盤都做得非常好，服務又親切，真係值得再嚟！如果你鍾意潮州菜，呢間餐廳一定要試下！

我地下午去食，揀咗午市二人餐😆🍲午餐套餐 $168 今次選咗個二人暫停午餐套餐，價錢算抵，有滷水鵝，燉湯同其他菜式！🍗 滷水鵝件（配鹽水雞） 套餐內附送嘅滷水鵝件，味道香滑，搭配鹽水雞，一齊食真係好開胃！🍤 翠綠炒蝦球帶子呢個炒蝦球帶子色彩鮮艷，海鮮新鮮，炒得恰到好處，味道非常出色。🍵 燉湯（2位） 個燉湯係螺片燉雞湯，勁足料超香嘅鮮雞味，餐前飲一碗係超級舒服。🍲免費BB乳鴿（消費滿$200送） 因為我哋消費達到$200，所以仲送咗隻BB鴿，真係驚喜！味道鮮美，肉質嫩滑。🍽️ 豉椒炒蜆 $128 呢道菜味道非常好，蜆炒得剛好，豉椒味濃，口感一流，必試！

【新蒲崗•潮盛館】@ππππππππππππππππππππππππππππππ新蒲崗街坊，必到潮州美食生啫白鱔煲鹵水雞拼牛肚生啫白鱔煲白鱔肉質鮮嫩，口感滑爽。煲中的湯底香濃，帶有淡淡的海鮮鮮味，搭配新鮮的蔬菜，讓整體更加清新。火候掌握得宜，鱔魚在鍋中煮至剛熟。鹵水雞拼牛肚鹵水雞拼牛肚色澤誘人，鹵水的香氣撲鼻而來。鹵水雞肉質鮮嫩多汁，醬汁滲透入味，口感十分滿足。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 400✨✨✨✨✨✨✨✨✨✨✨✨✨#新蒲崗美食 #潮盛館 #web3新蒲崗潮盛館 (新蒲崗)新蒲崗寧遠街3-23號越秀廣場地下G25-G27號舖

鵝肉醬油飯好食到未影就食晒。煲低嘅金黃飯焦一流。乳鴿有少少偏鹹但係酒香味好足。最好應該係配白粥。炸鮮奶都有驚喜。呢個價錢可以算係食過數一數二嘅。皮夠酥脆。唔會好重油味。奶醬口感綿密絲滑。鹵水正常。牛展好食切得好薄口感好好。鵝片都幾好但係唔酸性價比超高。同普通滷水鵝店差唔多份量。但比酒樓低食咁。鹵水味道唔錯。唔會有好重嘅藥材，八角味。鹽香雞因為用咗三黃雞所以偏油。但係呢個係隻雞本身嘅問題唔係餐廳嘅問題。係幾香嘅但係下次應該唔會再要。身體原因唔食得咁油嘅食材蠔仔餅。因為太好食又唔記得影。蠔在隻隻都好圓。爆汁熱辣辣唔使怕唔夠熟而腸胃炎。蛋都好酥脆。好好最驚喜係佢每次隻上1-2到菜。等你食完再上下一道。每一碟都食到新鮮熱辣啱啱煮好嘅最佳味道。店員有心了。普通小店食到西餐嘅用心。

難得見到九點都仲排長龍嘅餐廳，當然要一試究竟，殊不知真係臥虎藏龍。餐廳座位闊絡，枱與枱之間隔成張枱咁多，裝潢感覺乾淨衛生。待應態度有禮，仲會同熟客開玩笑。而作為餐廳，精髓當然係食物。 ✦ 潮盛特式醉乳鴿 HKD118 ✦酒香非常香濃，而且起晒骨，啖啖肉。 ✦ 蜜汁燒鱔 HKD168 ✦外層燒得好香脆，蜜味濃郁，甜而不漏。內層厚厚一層鱔肉，爽口滑溜。火喉啱啱好，咬落仲有汁水。感覺有啲似日式鰻魚，只係有過之而無不及。個人最鍾意呢道菜，食每舊都讚一次好好食。 ✦ 胡椒咸菜豬肚湯 HKD88 ✦材料充足，豬肚、咸菜、腐竹樣樣多。湯底味道啱啱好，唔會太辣太濃。而且似乎冇乜味精，飲咗三四碗都唔口乾。 值得一題，菜式擺盤好靚。醉乳鴿同燒鱔都由乾冰嘅煙包圍出菜，仙氣十足，非常ig-able (´∀`)

去完新蒲崗玩逃出密室，朋友介紹新蒲崗一間潮州菜，話好好味！又抵食！潮盛特色醉鵝肝醉鵝肝入口即溶花雕汁酒味香濃，完全將鵝肝的味道帶起！而且烹調技巧極高，不會煮得過熟也不會太生！鵝肝脂肪的味道齒頰留香，實在令人一再回味！秋冬羊腩煲開始入秋食一個羊腩煲補一補身！準備養暖身體迎接嚟緊嘅冬天！大大煲！成煲充滿羊肉，絕對足料！仲有大量枝竹，馬蹄，冬菇芹菜，加個白飯，簡直係人間美食😎滷水豆腐 呢度嘅滷水汁都非常之出名，食一件滷水豆腐，將精華都完全吸收，又滑又入味！兩磚已經大大碟，性價比非常高！叫埋一杯鹹檸茶，實在大滿足😌新蒲崗出名多潮州菜館，我們都一致認為呢間係間超抵食，又好食嘅潮州菜館！喜歡食潮州菜的絕對不會失望！果然無介紹錯😋

耐唔耐會去新蒲崗搵嘢食，今次搵咗Mikiki商場隔離既越秀廣場街舖潮州菜館-王朝潮盛館食嘢，原來除了潮州滷水之外，還有一些經典粵菜。炸子雞（半色），即叫即炸，絕對熱辣辣，炸得皮簿又脆而雞肉嫩滑，好好食，推薦。牛奶卷，炸到金黃色，賣相好掂，入口外脆內軟，唔油膩，好好味。潮盛小炒王，同其他餐廳煮既小炒王不一樣，哩度用咗芋頭切細條再炸脆，加埋腰果、蝦乾、炸魚仔、鮮魷魚等一齊炒，幾有新意，份量都夠大，味道都唔錯，如果送酒真系一流。紅燒翅，好多年無食喇，貪得意又食下，有翅塊，伴有好多銀牙，增加口感，幾清甜。室內裝修非常乾淨，環境好好又光猛，坐得好舒適闊落，牆上有一幅大型中國古代山水壁畫，食物份量也多，價錢合理。