影片
電話號碼
23203777
開飯介紹
餐廳每日嚴選新鮮食材，配以地道烹調手法，為食客呈現正宗潮州風味。環境舒適雅緻，無論是家庭聚會還是朋友飯局，都是品嚐潮州美食的理想之選。
繼續閱讀
營業時間
今日營業
11:30 - 15:30
17:30 - 23:30
星期一至日
11:30 - 15:30
17:30 - 23:30
公眾假期
11:30 - 15:30
17:30 - 23:30
公眾假期前夕
11:30 - 15:30
17:30 - 23:30
以上資料只供參考, 請與餐廳確認詳情
有關獎賞計劃
我同朋友尋日去咗一間潮洲菜館，諗住試吓佢哋嘅味道，就叫咗個二人餐，入面有燉湯、鵝件拼雞同翠綠炒蝦球帶子，之後仲加咗兩隻生炸BB乳鴿。講吓個燉湯先，上枱係熱辣辣嘅，湯底用咗啲基本材料燉，味道幾清，唔係好濃但飲落暖胃，有少少甘甜味，湯入面有些配料例如紅棗同瘦肉，食落去都幾軟熟，整體係唔錯。鵝件拼雞係一碟拼盤，鵝件大概有7/8件燜得幾入味，肉質算嫩，表層有啲醬汁，鹹度啱啱好，稍微帶點油香，唔會太肥膩，配飯應該幾好。雞就切咗幾舊，肉質嫩滑，皮有少少脆口，調味簡單，食落去有雞嘅鮮味，係幾juicy幾好食。兩樣加起來份量夠二人分，味道同口感唔錯。翠綠炒蝦球帶子就係一道炒菜，蝦球有五六隻，size中等，咬落去幾彈牙，夠新鮮，味道唔濃但有海鮮嘅鮮味。帶子肉質算鮮嫩，炒得唔過火，保留到啲甜味。配菜有西蘭花，炒得幾脆口，油用得唔多，食落清爽啲，顏色都幾靚，望落健康。整體嚟講呢道菜係簡單嘅海鮮炒菜，味道OK。另外叫咗兩隻生炸BB乳鴿，佢係單點嘅，上枱時熱氣仲上升緊，外皮炸得幾金黃，咬落去有啲「卡滋」聲，算脆口。肉質嫩，啲汁鎖喺入面，食落有少少油香同肉香，調味唔重，靠炸嘅火候帶出味道。乳鴿size唔大，一人一隻啖啖到肉，食完唔會覺得太膩，份量同味道都啱啱好，係今餐比較有印象嘅一道。整體黎講，呢餐潮洲菜食落唔錯，味道同質素都幾好，燉湯暖胃，鵝件拼雞同乳鴿有肉食嘅滿足感，蝦球帶子就清新啲，幾樣加起來份量夠二人食。上菜算快，環境乾淨企理，價錢同質素匹配。如果想食CP值高嘅潮洲菜，呢度算係一個可以考慮嘅選擇～
繼續閱讀
陪朋友嚟新蒲崗購物，行完就過咗去越秀廣場地下嗰間「潮盛館」食晏。餐廳主打潮州菜同各款即叫小炒，店內裝潢清雅，設有落地大玻璃窗，空間開揚，環境舒適寫意！點咗午市 2 人餐，套餐包是日燉湯、鵝肉雙拼、1 款小菜、白飯及飲品。今日嘅燉湯係椰子雞湯，湯頭火喉十足，內有雞肉、瘦肉和螺頭等，入口濃郁鮮甜，飲得出無落味精，充滿住家風味。鵝肉雙拼揀咗配鹽香雞，鵝肉半肥瘦，皮下脂肪不厚，細嫩入味，滷汁略帶焦糖香氣；鹽香雞皮薄肉滑，鹽香加上雞香，佐飯一流👍🏻翠綠炒蝦球帶子，蝦球鮮美爽彈，帶子肉厚多汁，配上翠綠西蘭花，色香味俱全。另外仲點咗客蠔餅，蠔餅大大份，外層炸到金黃酥脆，內裡包裏著粒粒鮮嫩多汁嘅蠔肉，配魚露吃，解膩又提鮮。
繼續閱讀
琴晚宵夜去咗食潮州打冷，呢間潮州菜館位置喺越秀廣場一個轉角舖位；舖頭牆上貼左一大幅中式復古壁紙，環境舒適新淨。地方雖然唔算好大，但都設有獨立房間。九點後過嚟食宵夜仍然坐滿人，好熱鬧。～滷水鵝件拼鹽香雞滷水鵝件帶少少肥膏，肉嫩多汁，而且滷得入味。鹽香雞雞皮軟滑，肉厚嫩滑，鹹香味濃；適合送酒或送飯。滷水豆腐襯底，吸收晒滷水汁嘅味度同鹽香雞嘅鹹香。～蠔仔粥蠔仔粥新鮮足料，一大碗大概係二人分量。蠔仔粒粒飽滿漲卜卜；飯粒完整，粒粒分明。配料有方魚，肉碎同芫茜。方魚烘至香脆，又可以用嚟提鮮，個粥食落更加鮮味。～竹炭豆腐竹炭粉做外皮，炸過之後特別酥脆，裏面包住嘅豆腐依然嫩滑。外面撒上蒜蓉粒同金箔，即時令簡單菜式變得矜貴。
繼續閱讀
抵食滷水選擇-潮盛館經過新蒲崗見到呢間潮式食店，就入去試吓啦，星期六都有下午茶，而且都好多款式，而且大大碟好抵食😛大大碟滷味乜嘢款式都有👍🏻味道都唔錯㗎，鵝腸好爽口，鵝肝都好滑啊😗另外點咗個麻辣豬肚同埋酸蘿蔔，麻辣味好香，都好辣㗎，食得辣嘅朋友可以試吓🥵另外，酸蘿蔔都好爽口，夠晒開胃👍🏻如果外賣自取仲有折㗎，真係好抵食🤣下次可以再試其他
繼續閱讀
喺新蒲崗嘅寧遠街，有一間潮州打冷館叫「潮盛館」，絕對係夜貓子嘅覓食聖地！💁🏻♀️位置雖然唔算旺區，但正因為咁，多咗一份街坊人情味。九點後入座仲有八五折😍啱晒鍾意夜蒲嘅香港人！ . 一入門口，就見到枱枱都係街坊，氣氛熱鬧得嚟又親切。🦆首先登場嘅係「醉乳鴿」，上枱時仲有乾冰效果，煙霧瀰漫，打卡一流📸！師傅刀工了得👍🏻將乳鴿切得薄如蟬翼，浸喺紹興酒中，每片肉都充滿酒香🤤食落鮮嫩得嚟又帶住淡淡酒香，真係令人回味無窮！🌟.跟住係🦪「蠔餅」同🍲「蠔仔粥」，蠔餅外脆內軟，蠔仔數量多到嚇親人，每一啖都係鮮味爆發🤤蠔仔粥更加係足料到不得了，啖啖都有蠔仔，🥰鮮甜得嚟又暖胃。最後嚟個「五指毛桃燉雞湯」，湯底清甜滋潤，飲完即刻覺得成個人暖笠笠，啱晒夜麻麻補一補！😚.總括嚟講，「潮盛館」唔單止食物高質，仲充滿街坊情懷，九點後仲有折，真係夜生活嘅最佳選擇💁🏻♀️
繼續閱讀