潮福蒸氣石鍋 (已結業)

近期興食蒸氣火鍋 咁岩行經旺角見到潮福蒸氣火鍋海鮮酒家就入去試試了三角嘜蒸籠罩 有陣草香味頭盤 姬崧茸燉響螺湯 熱辣辣 燉湯好入味 可能加佐d雞肉同豬肉一齊煲 所以特別入味，清甜龍蝦 厚肉爽脆 鮮味十足首先我想講 本人係完全晤食蠔既 但今次呢個蠔我食到 完全唔腥 好鮮甜 好厚肉 呢款系美國石蠔 必試這個沒有特別 味道差dd 有點覺得是冰鮮蟲草花鮑魚 鮑魚吸曬蟲草花既味道 鮑魚食落有口感 我食到有陣香芋味特別的蜆 蜆肉有紅色和普通平時食到的，紅肉鮮甜多汁同平時食個d唔同 粥底簡佐准山瑤柱 味道清淡，擺埋龍蝦頭加d鹽(餐廳職員教)帶出海鮮既精華丸 爽口彈牙 特別系牛肉丸 牛肉丸除佐用牛肉外 仲加上陳皮 大聖子 肉質結實

又到星期三搵食GE日子啦 今晚同媽媽+兩個朋友仔一齊去食潮褔$338 半自助蒸汽鍋 食過佢地新鮮海鮮之後就會覺得好抵自助醬油吧..要乜有乜.一人一燉湯 夠清夠老火唔似味精湯4 個人可以揀齊炸乳鴿 蒸龍蝦同埋貝類乳鴿每人半隻 即叫即炸 超香超嫩 好好味龍蝦睇住店員即捉 加左少許蒜  更加香 食落勁鮮勁彈牙個男店員超貼心 提議我地將龍蝦殼放埋落粥度煮 增加鮮味貝類都有成4款 隻隻都開左. 又無沙勁鮮甜之後自選方面 我地揀左帶子 聖子同埋鮑魚廚師又貼心地係帶子度加上炸蒜同粉絲 又係鮮到爆 而且又甜好少見到餐廳會洗到啲聖子咁乾淨 重有鮑魚係介左花入口又係相同對白. 真係好好味最後係鮮甜到不得之了GE粥 吸盡海鮮精華 沒有不好吃的理由

又係食蒸氣鍋啦！！今次第二次食蒸氣鍋，呢間比上次個間平，而且都好多海鮮食，仲係有得任飲任食嘅，所以好著數丫！我地先選左個瑤柱鮮准山粥底，再嚟有湯飲，有三款選，朋友嗌左西洋菜生魚嫩陳腎湯，我就老黃瓜唐排湯！好快嚟！好熱！好香濃！仲有好多料，吾錯！之後我地去左自助區調醬，經過海鮮地區，見到好新鮮嘅食材丫！返到去開始蒸！先上左一碟乳鴿，好脆，熱辣辣嘅，而且好新鮮嘅肉質，吾錯丫！之後就蒸龍蝦，超正丫！！好彈牙又實嘅肉，加左蒜等配味，岩岩好，吾洗再加醬油仲好味，食到鮮味！之後仲有貝殼盛碟，每人都有六隻咁多，仲要好大隻，都係好新鮮！之後就自選海鮮，喜歡蠔嘅我，選了美國石蠔同桶蠔！石蠔好味同大隻，所以食落比桶蠔好食，但桶蠔冇咁大隻，但就較重蠔味！另外仲有大元貝同聖子，好味丫！大元貝好大隻，蒸到岩岩好，又吾會過硬，兩者都加左粉絲，同蒜等調味，好食丫！！全部都好新鮮！之後仲有任食嘅食物，例如我喜歡有不過瓜菜，同有雞同牛肉，同豬頸肉，都好好食丫！！食完再食返下面嘅粥，飽到呢，不過其實粥好好食，全部海鮮精華嚟，不過最後食吾晒都要走了！呢間真係好好食丫！服務都好好，真係一夠鐘就幫我地上碟，咁就吾會蒸得太耐太老

上次品嚐過潮福蒸海鮮套餐很回味，決定再encore，選擇另一間較近的的分店。上到1樓，已見到一個個水缸放滿海鮮，座位乾淨整齊，部分位置更看到電視。套餐內容及價錢有少少轉變。最先奉上每人乳鴿半隻，久違的乳鴿令我好興奮，算是夠熱，啖啖肉，好多肉汁，再配可樂，爽丫丫。燉湯，分別是老黃瓜燉唐排及冬瓜燉螺肉，湯沒有油，但味道上未夠入味、火候，普通。每人龍蝦半隻龍蝦： 新鮮、彈牙，啖啖肉，而龍蝦頭店員就建議用來餚粥底。海中蝦都幾大隻肉厚，而且目測十分近鮮味道鮮甜爽口，而且裡面有膏，嘩！北韓鮑魚、元貝、蟶子可能是品種問題， 我們覺得味道較為一般。這個就是貝殼盛宴，有北寄貝、蘭刀貝及鑽石蜆。鑽石蜆：時間掌握得剛好，蜆肉鮮甜無比，殻裡啖啖海水味。北寄貝：當中最大隻的北寄貝，白色的膏派卜卜，質感煙韌。最後是任食配料，嫩滑的清遠雞、彈牙的百花釀花菇、入味鬆化的梅菜豬肉丸等等。剛才蒸海鮮的精華流入排骨粥底內，粥底不似廣東的軟綿質地，較似潮州粥，味道鮮甜，有海鮮及剛才的龍蝦頭膏的精華。最後有我好想食的馬拉糕及蔥花卷，十分滿足。這個套餐要 $338，比之前的貴了，分別是多了乳鴿半隻、貝殻盛宴、啤酒任飲。可惜北韓鮑

食親蒸氣鍋真係要食任飲任食嗰啲因為一定食好多海鮮如果散叫咁樣叫海鮮先就一定多多錢都唔夠食好彩潮福有呢個任飲任食蒸氣鍋套餐而且海鮮都有好多款揀一坐低就梗係去魚缸度望下今日有啲咩新鮮啦見到佢哋有超級大隻元貝同埋象拔蚌仔二話不說已經點左呢兩款海鮮正當我係配料佢都揀緊醬料嘅時候原來生猛嘅海鮮就已經到枱了因為每人都送半隻龍蝦第一樣食緊係新鮮嘅龍蝦龍蝦開咗邊再加入蒜蓉當將龍蝦放入蒸氣鍋內開咗邊嘅龍蝦竟然係呢個時候郁下郁下你話點樣可以唔叫新鮮蒸左4分鐘之後肉質結實嘅龍蝦肉超級好食而且每一隻龍蝦都10分飽滿龍蝦肉完全頂到成個龍蝦殼都係完全冇縮晒水嗰啲奇怪龍蝦而且龍蝦肉一絲絲肉質分明象拔蚌仔更加唔需要講三至四分鐘已經可以食得再加入辣椒及蒜蓉每一條象拔蚌仔都係鮮甜無比完全都放入水打邊爐係冇得比因為海鮮嘅甜味完全唔會流失係個湯底入面蒸氣完全將鮮味鎖定係海鮮入面另外配料有蝦丸牛丸豬肉丸同埋蟲草雞都唔可以放過而且好欣賞餐廳啲侍應 每件食物都服侍得好好而且仲會講解每件食品要蒸幾多分鐘我哋想要生熟嘅程度差唔多一位侍應只係招呼一至兩台客淨係食個人工錢都已經抵哂

一向都有食開飲食火鍋不過任食蒸氣鍋真係第一次食而且睇佢哋個Menu啲海鮮多到成版都係試問任食海鮮嘅蒸氣鍋真係可以去邊度揀呢天氣都開始涼涼地見到佢哋有燉湯即刻叫返碗你暖下個胃先叫咗一碗姬松茸燉響螺湯一打開該見到係清湯就知道呢個燉湯係冇錯了因為只有燉湯先至可以整出如此清澈而入味嘅湯入面嘅配料都非常之多除咗有豬展同埋雞件每一種入面都有響螺斯文咁多了去等一碗湯點會唔夠鮮甜之後仲有每人有半隻乳鴿新鮮炸好嘅宇宙梗係唔使講三扒兩撥就已經清左海鮮方面就叫咗岩蠔同埋清蒸大元貝岩蠔超級大隻而且每一隻都飽滿非常而且蒸幾分鐘可以食得岩蠔蠔肉爽甜而且脆身一口咬落去完全將岩蠔味引爆成個口腔入面都係岩蠔嘅味道加入適量嘅青蔥同埋芫茜更加將鮮味爆發完全唔會有腥味元貝就係成晚海鮮入面最好食嘅其中一款淨係過完貝殼都已經係一個成年人手掌咁大只元貝10分厚肉而且10分大隻所以餐廳先將佢哋開邊咁樣就可以蒸短時間啲而唔會令到元貝過咗火硬晒老哂弄好後嘅元貝無論肉汁定肉質都係頂級大大隻軟滑滑而且下面嘅粉絲都唔可以錯過因為完全吸收晒元貝嘅鮮味之後任食嘅配料雖然選擇唔係多但係佢哋嘅手切牛肉都係隱藏高手係入面牛肉味濃冇得彈而且油花剛剛好唔會

屋企人生日 食厭左火煱放題 一於試下潮福蒸煱 食下海鮮哇 睇到食評 有人食任食 有人食散叫 咁我地去到現場 阿姐極力推介食散叫 海鮮仲有七折 咁我地就一於試下啦老豆話睇雲全場 其實得虾係最新鮮 咁我地叫左十隻大大隻花虾都好大隻呀 好爽口 不過其實就冇咩味既 難怪伙記叫左我地五六次拎豉油點黎食 但我地想食原味囉其實都幾得意有新鮮感但好老實就算海鮮有七折 都係價錢超貴 其實食任食應該會會化算啲 但三百蚊一位任食黎講 佢既食物就真的不值 因為海鮮不是任食的肉蟹糯米飯 五個人每人都有一大碗 味道還可以 但其實冇蟹味 粥底煮左一個鐘 伙記打開係煲燶左 但佢完全冇意思要換 仲加啲滾水煮番開佢 我地不停投訴 佢係冇理既 話煮多又陣 最多淡啲其實呢個價錢 絕對食到好高質食物 呢度主要係特式啲 有個蒸窩 但食物款式真的較少 基本上冇咩岩食 伙計只會不停叫你點貴價海鮮 試下玩下唔錯既 但應該不會再光顧 因為服務及食物質素和價錢唔太合理建議食任食會好啲😂 散叫會有揀唔落既感覺 因該海鮮不夠新鮮喔

六個人放工吃飯，是朋友介紹第一次來。吃了六隻聖子、三隻賴尿蝦、兩隻花蟹、聖瓜、牛肉粒、粥、其他全部蔬菜平宜東西，誰不知最後埋單四千幾！太離普了，整體味道一般(6/10)分。以後都不會再來，大家吃完也不是很飽。買了個教訓算吧！

朋友介紹呢間蒸氣海鮮火wo, 同埋呢間電視有賣廣告，所以就試試其實呢間好處就係有姐姐幫手整埋計埋時，所以我地可以好盡情傾計haha, 而且海鮮好新鮮呀，真係好好味呀，個燉湯足料仲有可以叫荷葉飯，馬拉糕同桂花糕都好正呀雖然價錢唔係平，都算貴架，但係可以一試！

本來預定了20:30的第二輪，結果等足30分鐘都還被告知未入到座，因為前一輪的人未走...一肚氣，請問咁嘅安排訂位的意義何在？等到9點幾都已經餓到無暇欣賞啲野吃，絕對係一次吃得好唔愉快的晚餐

潮福蒸氣應該都好多人識呀但係真係要試過先知有幾正一個價錢 有海鮮食重要其他牛豬雞任食都幾抵食😍食海鮮最緊要係咩?一定係要新鮮即刻叫即刻攞上呢蒸加上去特製嘅蒸爐，完全帶出海鮮嘅鮮味完全唔洗加醬油特別鍾意元貝，因為真係好大隻好juicy好有口感

話說和同在旺角做野嘅舊同事約吃飯，舊同事很喜歡吃海鮮，所以相約在這間較近的潮福，以為水準會有保証，誰知訂了位也要待10分鐘才能入場。不過旺角舖嘅地方尚算便利，所以到左8點幾九點都仲係幾多人，值得一題嘅係呢度每張枱都有一定嘅距離雖然放左好多海鮮係度，但係地面都唔會濕，算係整齊乾淨繼續係食呢個套餐，以測試一下連鎖經營會唔會質素參差~ 我和朋友本想喝雲腿粒冬瓜燉海螺肉，可惜8時已經售罄，我們只好喝西洋菜燉唐排，一看還送了一隻雞腳給我。 燉湯來說質素尚有保証，只是嗱~ 開始覺得唔對路嘅野除左碗湯無我想要嘅野外，侍應亂咁嚟勒~ 蝦同龍蝦一併掉入鍋中，我去任何一間潮福都不至這樣，侍應還大條道理說很快可以吃。結果龍蝦 overcook ...... 肉變得有點老，我吃下有點麻痺的感覺~ 蒜茸搶救了一下味道，但無助整道食物的味道。這客小象拔蚌其實是與蟶子一齊整，天啊~ 我地其實本來想阻止，但係佢又好似講到好專業同為我地著想咁，但我地實在係唔趕時間，我地去到半路真係不禁想問佢係咪趕收工。這個小象拔蚌外型係唔錯，但係入口又係啲肉好韌，而且當每一道菜都係用蒜茸入饌，令我地嘅味蕾相當疲倦。蟶子真係好麻麻，雖

蒸氣海鮮火鍋最近開到成行成市，潮福教算係打頂陣嘅餐廳，最近又俾我見到佢推出蒸氣海邊半放題～ 又睇下係點啦 ～ $298位 指定海鮮會以人頭計每人一份～ 內容有：粥底一個、螺肉、貝殼併盆、龍蝦、元貝、象拔蚌、鮑魚仔、黃金蚌！其他蒸料飲品就可以任點～～～ 整體係飽肚！海鮮為中間價位貨～ 不過對比自選海鮮都係自選比較好～ 但如果想食下海鮮又感受下蒸海鮮都係一個選擇！唔會太差～

呢兩日除咗食都仲喺食，真係好驚邊一日自己會食滯咗，啊哈哈哈哈。不過我個胃咁頂得著，咁就繼續食落去啦！！唔好俾佢停。晚飯時間過嚟食都唔貴，338蚊一位，8點半之後嚟仲平啲添~~海鮮可以見到好生猛~~牛柳、鮑魚&大海蝦，海蝦真係好新鮮吖~~！！鮑魚好鮮甜！！火鍋餸菜，好多款吖，多到都唔知揀邊樣好....馬拉糕蒸得好靚，切開唔會好多窿窿，又甜又軟熟！！滋味雞湯真係好滋味，濃濃嘅雞味，精華喺曬個湯入面！！

第一次試食海鮮粥底火煱，味道鮮甜，價錢合理，多位朋友介紹，確實吾錯！但本人有小小感想，希望在此能令貴公司業務不斷蒸蒸日子，最主要係個侍應生，黑口黑面，當我地再次落單時，待應生十分不願意，何為任食呢？這種服務態度好久不見了，希望貴公司能夠改善，培訓職員，祝生意興隆