潮福蒸氣石鍋 (已結業)

之前食過其他分店覺得潮褔蒸氣鍋餐好抵食，今次再之挑戰任食餐，338一位，每人半隻乳鴿，燉湯，海鮮有每人半隻龍蝦，貝殼盤，加4款自選海鮮，肉類丸類蔬菜包點可以任食，竹庶水啤酒汽水任飲。乳鴿好鮮味，炸到脆皮，熱辣辣又juicy，半隻份量剛剛好。貝殼盛合份量好多，呢度是8人份，每人分到超過10粒，有蜆同花甲，d花甲肉好嫩，無沙，鮮甜。北寄貝size 唔算好大，但好爽甜。元貝就夠哂大隻，蒜蓉粉絲蒸，又甜又爽嫩，正。龍蝦每人半隻，我個隻好大隻又鮮甜，不過同枱朋友說比較細隻及韌，質素不一。美國桶蠔，好鮮味，可惜都是size 不一，有2隻特別細。龍躉片，好厚肉，最愛龍躉皮，骨膠原係口裡充斥。到肉類時間，蝦丸好新鮮彈牙，釀豆卜有驚喜，豆味好香。仲有肥牛片都可以無限叫，質素都唔錯，唔韌，充滿肉汁。庶糖馬拉糕亦另一推介，香甜鬆軟，做飯後甜品一流。精華粥底充滿海鮮鮮味，每人分到2大碗。埋單3100蚊8個人，個個飽到炸開，下次要8點半後入座先得，可以每人平40蚊

蒸氣火鍋，全部蒸到剛剛好，先係最鮮味。呢度蒸氣火鍋，除左指定海鮮，肥牛蝦丸及其他所有既火鍋配料，全部任食，仲有啤酒蔗水任飲，三百幾的確幾抵。選了淮山瑤柱粥底，預先放米，氣鍋自然湧出蒸氣同水，慢慢煲。任食餐包每人半隻燒乳鴿，食物未ready時可頂住肚先。上檯熱辣辣，脆皮，幾好味。蜆拼盤，都幾多，每人有蜆同東風螺7至8隻。好鮮甜，自然海水味濃，完全唔駛醬料。蒸龍蝦，鮮味桶蠔係我至愛，平時一向又驚唔熟，又驚太熟好韌，而家計晒時，剛剛好，yummy !北寄貝，平時好少食新鮮既，估唔到都幾大隻幾爽口鮮甜。加埋蒜蓉，得蒜蓉粉絲蒸帶子，大隻開左雙飛牛肉，可任叫，有牛味，又唔太肥。似係牛小排切出嚟的。蝦丸都係任食欄中推介既，爽口!最重點另類推介，蔗糖馬拉糕，又鬆軟，又香，要encore!最後的才是最精彩，一定要留返空位食粥，粥底好綿，又有晒海鮮肥牛既鮮味，食左兩碗整體都唔錯，任飲又任食，有專人serve,食足4個鐘，係朋友gathering既好選擇。

今晚去豪華睇劉華拆燀，當然睇戲前要醫肚先(拍拖方程式),而附近嘅必食至選就係潮福蒸氣火鍋。但今日嘅到訪竟然唔駛排隊，可能蒸氣潮流已經開始減退。無法香港嘅飲食文化都係流動得較快。風景或者有少許不如前，但店內嘅準備依然相當充裕。單單睇海鮮魚魟，海鮮種類依然係咁多樣化。龍蝦，大花蟹，虎蝦，瀨尿蝦，象拔蚌....數唔晒。照舊都係食反同一個餐，首先有脆皮乳鴿時日足料燉湯三個唔同品種嘅花甲，雖然食唔出有乜大分別，但三種都十分新鮮，鮮甜味，咬落多肉汁，對我黎講最重要係洗得乾淨，因為花甲，貝類最緊要唔好咬落有沙，如果唔係成餐飯都無晒心情。龍蝦size都唔算細，食起黎都多肉，但今次呢隻嘅膏就比較少，但每次黎到所有侍應哥哥/姐姐都好專業，火喉岩岩好永無過火。其他仲有蒜蓉扇貝，蟲草花鮑魚，沙巴龍蠆肉，水準依然同至前食一樣咁好。最後食粥前當然要點反啲蔬菜嚟清淡吓，廢事拆燀時啲胃氣嚇親隔離嘅觀眾雖然蒸氣鍋嘅潮流可能慢慢減退，但可見得潮福保持水準嘅用心，希望這種口福依然可以承接落去，我要去拆燀啦

今晚去食任點任食嘅蒸氣鍋一向都怕出街食海鮮一來就怕啲海鮮唔新鮮唔乾淨二來就點少少都已經好貴重成日驚做咗水魚俾人呃不過今晚食咗呢個任點任食佢哋就非常之滿意喺食海鮮之前跟餐係會送每人半隻嘅乳鴿乳鴿啱啱炸好完全皮脆肉嫩而且乳鴿嘅肉汁非常香甜而且D骨都係軟淋淋直情連骨都可以食埋10分鐘就K.O.晒成隻乳鴿之後就去到今晚嘅主菜了首先第一樣食就係生猛嘅龍蝦龍蝦size都好大隻而且另外叫係要$32/兩剩係食龍蝦都已經賺哂只係蒸左幾分鐘龍蝦就已經熟了而且一開蓋嗰陣龍蝦嘅鮮味撲鼻而來淨係聞到口水都流到一口都係龍蝦肉非常之厚實而且用叉就可以成交龍蝦肉起咗而且一啖塞落口啖啖龍蝦肉嘅鮮味充斥着個口之後再開始食象拔蚌仔象拔蚌上面鋪們左蒜蓉下面有我最喜歡食嘅粉絲蒸完之後嘅象拔蚌流出來的鮮甜汁肉完全溝埋晒香濃嘅蒜蓉汁個粉絲簡直係令到人食到手指公直舉之後再食埋個蟶子皇酒樓處理個蟶子皇非常之好將完全唔識得嘅內臟清走晒所以食落口完全冇沙而且啖啖肉另外任食部份嘅和牛片都唔可以錯過肉味好濃之餘唔會硬而且每一年都蒸得剛剛好呢份功勞真係要多謝不斷幫我地睇火嘅店員

難得約到朋友食飯，就去試下蒸氣火鍋聽講呢間有任食又有得食海鮮我地6點就泥到開餐啦一入到餐廳環境唔錯，而且6點可能有d早，所以唔太多人，唔會太嘈我地摸索左好多先識叫野食我地5個人，叫左3份刺身併盆，2份生猛龍蝦刺身併盆味道ok, 生猛龍蝦好多肉又好食另外又有湯飲，我揀左老黃瓜燉唐排湯，味道ok 之後都未正式開始食，仲有好好食既乳鴿終於開正餐啦，鍋下開始煲粥，鍋上開始蒸海鮮海鮮只限叫一次，我地叫左大元貝、象拔蚌等等一d都唔腥，而且份量十足之後就到任食既部份啦最好食既係手打和牛肉同和牛粒，encore左好多次丸類就一般般啦，都ok既食到咁上下，就開始食新鮮排骨粥啦好入味呀不過可能因為我地之前食得太耐，個粥煮到就泥變水全餐飯最好食既就係蒸到熱辣辣既馬拉糕，係最好既餐後甜品

通常食親蒸氣石鍋不過好多次都係逐件海鮮逐款叫通常叫得呢款又唔叫得另一款而且食少少成千幾二千蚊上落不過今晚就可以食任點任食任飲蒸氣石鍋海鮮餐已經重非常抵食雖然係海鮮類唔係任食的不過每晚有成九款海鮮入面揀四款另外仲送龍蝦貝殼盛盒同埋乳鴿其實都差唔多好似食緊自助餐咁想食咩就食乜首先食嘅第一樣就係超級大隻蟶子皇果然係新鮮嘅蟶子皇大大隻肉厚不單止上面加上了炸蒜同香蔥立即替成隻聖子提升鮮味食落爽口唔會咬唔開跟住就食咗今晚我最期待嘅主角就係足足有成一隻手板咁大只嘅龍蝦整完出嚟嘅龍蝦雪白分明而且龍蝦肉充斥著成個龍蝦殼證明龍蝦新鮮當起出龍蝦肉之後完全毫無儀態成隻塞晒落口正正係食中餐嘅精髓完全表現出食海鮮中的浪漫最後雖然個粥底其實都好好食不過我就比另一方食物吸引左就係荷葉飯雖然叫我係荷葉飯班入面係黏口嘅糯米飯蒸完之後再加入一啲蒜蓉簡直好食到暈！

今日同班舊同事食飯聚舊。有人提議來呢間食，話啲海鮮好正喎。好喇我地一行七人係嗌左個任食餐既，咁即係丸呀肉呀野飲酒呀個啲任食任飲，但就唔包海鮮既。咁於是乎我地另外再嗌左啲海鮮食。一去到就見到啲蒸氣石爐就俾啲斗笠形狀既野笠住。要開茶位既（強制性）呢個響螺湯，無乜特別乳鴿食到一半先記得影，味道都係好普通海鮮吧，全部都係新鮮海鮮來架！但你唔好以為任食個餐係可以任意過來攞海鮮食呀！記住係唔包架！呢啲係你點左啲海鮮之後，啲工作人員過來幫你撈既。蒸蒜茸帶子，好味！蒸龍蝦！哇新鮮呀正呀！蟶子超！級！甜！連平時麻麻地食蟶子既我都忍唔住食多個。蒸鮑魚，都係咁既味，利申：本人不好飽魚。仲有嗌左隻蟹，ok la.好在佢有好多汁，最後倒落下面煲緊既粥度簡直係好似升左仙咁好味。而呢個就係調味料巴，好多調味料，任由你自己調味而任食個part d野真係渣好多囉,只係嗌左幾粒丸同馬拉糕，水準真係好差下。唔怪得之我見差唔多全部人都係食海鮮。

一踏入12月便打算吃火鍋、蛇羹、羊腩煲、蒸氣石鍋、燒烤等等, 但除了燒烤外, 其他通通都未實行, 可能總覺得今年的天氣不算非常寒冷, 故沒有專登吃些保暖的菜式, 但其實以上的食品通通都很想吃…...所以趁今星期有點寒意, 馬上約同事吃大家都很喜歡的蒸氣石鍋。蒸氣石鍋對我來說一點也不陌生, 而且蒸上癮添, 哈! 今晚帶同事來到位於旺角的分店, 店外鑲了一個巨大的紅綠光管招牌, 還掛上多幅大海報, 極之搶眼，很容易便會找到。甫進店內, 環境光猛, 地方寬敞, 左邊設有多格水箱和一格冰格, 放滿了多款新鮮的海鮮, 牆上清楚列明相對的價錢。中間和右邊設有多張大圓枱, 亦有數張二至四人卡座, 枱與枱有一定的空間, 坐得挺舒適, 而最入端則有貴賓房, 可容納不少客人。最特別是其中一幅牆身舖滿了大大小小的蒸籠蓋, 再配上不同顏色的牆燈, 設計既富心思, 亦有代表性。大家對這個籐帽鍋蓋連計時器一點也不陌生, 反而每次看到它都覺得店員們很疲累, 皆因全晚要又開又蓋這個重重的鍋蓋, 挺辛苦呀! 好吧! 快快點菜, 客人除了可走到水箱前挑選心水的生猛海鮮外, 還可選擇 【任揀任食任飲海鮮餐】, 又抵食又豐富

同朋友好想食海鮮，選擇左呢間潮福。首先先挑選二選一粥底 (新鮮排骨粥和瑤柱新鮮淮山粥、燉湯。然後每位再送脆皮乳鴿、貝殼盛盆，龍蝦。跟著仲有二十幾款任點配料，同任飲啤酒、汽水和竹蔗水等飲料。首先係老火上湯時間，姬松茸燉螺肉燉湯，燉湯好足料除左有姬松茸和螺肉外，還有排骨，味道很鮮甜。脆皮乳鴿同樣亦好食，外皮香脆而肉汁又多，肉質細嫩。貝殼盛盆有胭脂蚌，馬刀貝，感覺大滿足。馬刀貝肉身夠厚，鮮甜。龍蝦身質厚身，肉質帶有爽勁而又鮮甜，加入蒜蓉去蒸，鮮味亦提昇一層次。肉食方面，百花釀花菇釀了鮮蝦滑，夠晒彈牙！和牛粒牛香肉味香濃，蒸一份鐘左右就食得，嫩滑口感，牛香味滿口都係XD馬拉糕蒸得鬆軟，比起出面嘅茶樓更出色。最後係食瑤柱新鮮淮山粥。粥底係一開始時蒸，成晚蒸食材嘅精華盡在粥中，味道鮮味無比。

第一次來這間分店，上到去幾寬敞舒服！選了卡位坐，兩個人坐好闊落，方便傾計交了menu紙後，食物很快便到！第一個頭湯是燉螺肉湯，味道非常香濃。可能平時少飲湯，覺得特別好飲！見到這個刺身拼盤，是否覺得唔match呢！哈哈，因為我很久沒有吃個刺身，見到menu有得選，就話要了初時朋友也力勸我唔好要，因為覺得酒樓的刺身質素唔會好，搞到我都有少少擔心。不過這個刺身拼盤到來後，朋友也推翻自己的說話了！因為刺身很新鮮，質素同日式店有得揮！而且刺身也幾厚切，我們都很滿意！在吃刺身途中，海鮮也拿來了！不過我們堅持要吃完刺身才開始煮海鮮，因為海鮮很快就煮熟，我們都不想急着吃，侍應知道後都很配合！海鮮到啦！如我所料，每一道海鮮大約煮五分鐘，非常快！自選海鮮中，我們選了蠔，元貝，鮑魚和聖子。海鮮真的很新鮮！見侍應在我們點菜後，就立即走去魚缸取海鮮，再拿去廚房洗淨！這幾款海鮮都鮮味十足，我完全沒有加豉油調味料就直接吃了吃完海鮮後，再在任點紙上點了幾款食物，清遠雞，和牛粒，勝瓜件和丸，都不錯！最後當然要食埋個粥先走粥水不算多，是比較黏的那重，但都有六碗粥！味道非常鮮，吃過第一口後已經停不了！朋友都說我無介紹錯

上次食過尖沙咀潮褔，覺得好味和物有所值！今晚好友生日，海鮮又是無人不喜歡的緊要請她食餐好的，不二之選，又來潮褔今次我們更精明，八點半入座$298,更抵食每個人必有燉湯，半隻乳鴿，半隻龍蝦，貝殼盛盆和四款自選海鮮，其他肉和菜，飲品都是任叫！真是食過返尋味咖自從上次食過，我已經再沒有食其他任食火鍋喇西洋菜生魚湯，清甜，足料，味濃，一飲就知冇落味精龍蝦肉爽，新鮮，彈牙，蝦頭有膏，蝦膏入口溶化，滋味無比，若非新鮮，不能有這口感石蠔超大隻，比桶蠔大得多，漲卜卜，肥嘟嘟，入口鮮甜肉厚而嫩滑，肉汁豐富，甜而不腥蟲草花蒸鮑魚，鮑魚肉爽吾韌，跟蟲草花味很夾，更能帶出鮑魚的鮮甜味蒜蓉粉絲大元貝，蒜蓉粉絲真是絕配，粉絲索晒元貝的鮮味，先食元貝，再吃粉絲，滿口都是既香且甜的肉和汁，無得頂聖子皇比隻碟還要長爽口鮮甜混好的醬料都完全沒有醮過，因為海鮮夠新鮮，吾想蓋了原本的鮮味蜆和北寄貝亦不弱，清甜無沙，隻隻咬落都有汁，Yummy 其實食晒啲海鮮已經夠飽，但見隔離檯的牛肉好靚，又忍不住叫來試下牛肉肥瘦相間，蒸一蒸就食得，牛味香濃，雖然已飽但仍吃了兩轉生日的朋友也相當滿意我替她安排的晚餐，見她吃得那麼開懷，我比她還開

上次去過尖沙咀厚褔街的潮褔後，對它的海鮮念念不忘，又再約班老友去食過今次我們㨂了旺角道呢間，仲㨂8：30入座，平啲$298咋任飲任食，仲有咁多海鮮，真係抵我食完再食每個人先來一盅燉湯，姬松茸螺肉湯，料足，火喉夠沒有味精，啖啖清甜蒜蓉蒸龍蝦，蒜蓉跟海鮮份外夾，尤其是配以新鮮龍蝦，肉爽蒜蓉香，更顯出龍蝦的鮮味上次食過桶蠔和石蠔，已偏愛了食石蠔，因為石蠔Size 真的很大，而且肉嫩冇渣，入口鮮甜吾腥，但蠔味較桶蠔更濃，愛蠔的我，簡直對它一試鍾情食了兩款海鮮，食返啖乳鴿，又是另一種口感乳鴿熱辣辣的，醃得很入味，皮香肉嫩，每人半隻，剛剛好大元貝，隻隻Size 都大肉厚，開了邊也有一定厚度，蒜蓉和粉絲，又是元貝的好配搭，味道真係冇得輸，尤其是粉絲，索埋啲汁，粉絲真係可以好味過魚翅蜆和北寄貝數量不少，肥美冇沙聖子皇不愧稱皇，大隻爽口蟲草花蒸鮑魚，鮑魚𠝹了花賣相更吸引配以蟲草花鮮味更突出牛肉不肥不韌，牛味濃香，入口香軟我們不停叫了幾個Round 手打肉丸水準亦不錯，爽口彈牙，用料新鮮壓軸就是粥底，所有海鮮的汁都落晒去，啖啖鮮甜無比，就算飽都不想浪費，最後全部掃光還有這裡的侍應服務週到，常常提醒我們要再

今年冬天最高興係食潮福蒸氣石鍋，因為普通放題價又可以食到咁正嘅海鮮蒸氣！今日我帶朋友嚟食！先嚟選湯，全部都係燉湯嚟，好正好入味！再選粥底，選了瑤柱粥，吾洗食先，係放在蒸氣鍋下面，用蒸氣再加海鮮嘅精華煮嘅，所以話，粥其實最正！海鮮方面，好多都讚，龍蝦好大隻有成隻手掌咁大，又新鮮，肉質彈牙，有鮮味，諗起都回味啊。另外蠔都係我至愛，原來我選了石蠔同桶蠔，不過冇晒石蠔，都照食兩款桶蠔，蠔就咁蒸真係好好食，好重蠔味，而且吾會老吾會un，蠔好大隻，而且仲有蠔汁，好正丫！除了海鮮，仲有好多其他肉食，有雞啦不同手打嘅丸丫等等，而菜都好多款，仲有瓜，食到尾食下菜好舒服！價錢平又食到靚材料，平過自己買嚟整，推介推介！

天氣凍想去打邊爐，不過近年都D人都轉左食蒸氣石鍋，蒸氣冇咁熱氣，朋友就介绍去旺角潮福食，去到坐低就睇餐牌，真係好平，二佰幾三佰蛟就有個任食餐，每人重有指定一隻龍蝦，美國桶蠔，石蠔，同一隻鮑魚，之後其實食物可以任點，飲品一樣可以任飲，酒一樣可以，但酒係枝裝比較正，開始上菜侍應幫你放南瓜粥落低先， 之后由龍蝦開始蒸，每一様都由侍應幇手蒸，之后上碟，好好服務同專業，龍蝦肉好新鮮同大隻，食落口大啖肉，蠔又鮮甜多汁，到鲍鱼真係拍得住D上等鲍鱼，口感同味道都一流，真係值得來食

今日喺旺角開工收工之後同班同事周圍搵野食，行到去旺角到呢一個地方見到任飲任食蒸氣火鍋八個字，直頭係好似發咗癲咁。我心諗呢邊大把火鍋店喎，唔緊要啦入去呢間試下。呢嗰度係火鍋任食嘅，除左蒸氣火鍋之外仲有其他野食既，我就叫左一個姬松茸燉螺肉、刺身拼盤同埋燒乳鴿。至於蒸氣火鍋料方面， 我就叫咗生猛大元貝、蘇格蘭蟶子皇、美國桶蠔同埋北韓鮮鮑魚。個燉湯唔講得笑，好濃郁，飲落去就知道冇味精，應該真係真材實材堅係燉左好耐的燉湯。刺身拼盤亦有好多款，水準真係拍得住日本餐廳。乳鴿係脆皮的，其實已經唔係ＢＢ鴿但如果可以再大隻Ｄ就真係太好喇。大元貝同埋蟶子皇都好大隻同埋蒸好剛剛好，可以１００％食好海鮮的原汁原味。桶蠔同埋鮮鮑魚亦都係好大隻，個人認為只係食呢Ｄ已經值門票價。而所有飲品汽水啤酒全部都係任飲的，好值得再黎！