潮福

營業中

休息中

母親節前兩星期已經在OpenRice訂位，直到母親節當天竟然沒有留座。我地8個人, 求奇安排一個6人卡位俾我哋。係咁迫我哋點菜，亦都冇打算安排換一張八人枱俾我哋。當中一位中年女職員態度更加是無禮貌。最後只好離開，給媽媽一個更差的體驗。

酸菜魚好好食啊平過太二多多聲，口味上更適合粵菜口味…辣度選擇方面冇平時食開嘅咁辣，唔太食得辣可以揀小辣。酸菜唔算太酸，有啲啲甜味。就算唔送飯食，都唔會覺得重口味-芥蘭煲火候把握好好食落去仲係爽口裡面有一啲蝦米，又香又鮮啫啫煲嚟講，唔會油唔會鹹好掂-椒鹽鮮魷食起身就知係新鮮嘅外面嗰層粉好酥脆送酒一流！！-去嘅時候7點幾，得返幾張枱人氣都幾旺但估唔到上菜速度好快！-4個人點3個菜就夠性價比極高正正正…下次再嚟幫襯！

今日和朋友經過竹園，到潮福吃午餐。午餐時間多人，等了幾分鐘有人離開才有位。午市可以叫點心，免茶錢加一。我們叫了幾樣點心和一碟炒河。布拉腸粉皮不會太厚，吃落幾滑。蒸牛肉燒賣和鯪魚球都不錯。豉椒牛肉河份量大，味道幾好。

親戚約去依到食晚飯，開頭到左鋪頭坐底都擔心會好難食，因為我食野都係食裝潢。。點知野食黎到幾好食，總共 嗌左9個餸，性價比高，食完有驚喜..我真心推薦，重要晚市無加一

老公朋友介紹這餐廳，第一次來，見格局就只是一般茶餐廳，心裡有一點點憂慮。見每枱都食酸菜魚，跟大隧該不會錯的了。。。我地倆人叫一個細鍋，份量十足，配料也豐富，魚肉質新鮮，白雪雪滑浖浖，很好吃。然後再加芥蘭炒蝦球，蝦新鮮爽口，夠曬鑊氣，都好味。最後加咗個菠蘿咕嚕肉，一上桌就聞到舊時的味道，菠蘿是用新鮮菠蘿放一邊，一見到只掛住食忘記了拍照，咕嚕肉外脆內軟，很久未有食過咁好味嘅咕嚕肉了。這裡還有另一驚喜。。。就是大檸樂了，真是名副其實的"大"，只收$22一杯，檸檬仲唔少，一個字 "讚"。雖然只是屋邨小店，但小菜有水準，夠鑊氣，份量足，不收加一茶芥，性價比高，值得推介，剛吃完已經想幾時再來了。

今日見到新開張，門口見貼住有午餐牌，見唔算好貴咪入去試下。一入去未坐低，個阿姐好熱情咁問飲咩茶，坐低後見無午餐牌，咪諗住叫阿姐拎午餐牌，佢話今日無午餐（可能今日星期日）咁咪睇下有咩食，最後叫左個酸菜魚小辣（$188）同小炒皇（$98）小炒皇個樣ok,但食落唔係太夠味同無獲氣，酸菜魚一黎到，見到個湯橙橙地色，心知不妙，食落去無味，個湯仲要怪怪地，完全唔係食開果隻味！整體上唔好食，係叫坐得比較舒服，下次唔會再黎

話說上個星期六，小弟就陪屋企人去竹園商場飲茶啦，然後就見到開咗間新店，仲要免茶芥免加一。咁我哋就好奇去試吓啦，雖然係新開張但係好多人，都幾受歡迎下。入到去啲店員都好有禮貌帶我哋入座，環境舒適，中式風格設計又好好睇，幾有氣氛。然後啲點心係即叫即製作，大概等咗10min 左右就食得。點心熱辣辣，果然即叫即整。真係幾好食，至少好過周圍啲茶樓，好大碟，抵食！我哋仲叫咗個炒牛河，本來期望唔高，點知又香又夠火氣，食到舔舔脷，好快清盤😂總體來說，間店真係幾唔錯，會再幫襯，以後假日同屋企人食下點心飲吓茶一定會考慮呢度，抵食又舒服，店員都好親切有禮貌。

上星期六，同老婆本想去飲茶，路過見到新開，見到免茶、免加一，又未試過當試吓新店。2點幾入到去見冇咩人去坐下卡位，d位都幾大，可能客唔係好多得一半見都好快有人招呼。menu點心其實唔係咁多選擇，包類得2、3種，見d點心價錢都算貴以屋邨商場來說…坐了10分鐘d點心已好快到，不過質素都幾參差…牛肉球、燒賣、桂花糕，味都正常唔錯，無咩問題。之後嗰d就…流沙奶黃包：甚麼流沙咩都冇，個包又細隻又硬，感覺同超市買d淘X急凍包口感同味道差唔多。粉果：又厚皮d料又怪我味，比d小食店更差。$38灌湯餃：最差尼個，入面d料少到，假翅都冇，個湯幾鹹…蒸排骨：d份量好少，味係ok，但骨占7成肉得3成！拿醬又唔方便，冇得自己拿，叫侍應拿好多時唔得閒，拿到來又好少…兩個食完$28x，感覺唔係咁飽…因為份量真係少。

入到舖頭無人帶位，要自己搵位。個個侍應忙過李家超，叫左十幾次都無人應，可能間舖唔憂做，anyway無下次喇。叫左N咁多次終於有個啊姐肯屈尊理會下小妹一家，跟住擺啲壺茶響檯面就走左，呢個時候檯面仲有啲之前客人用過嘅餐具未收，而我哋又叫左侍應無數次之後，店內嘅男侍應真係扮聽唔到㗎喎，叫極都唔理，講緊佢喺隔離檯，我哋叫「靚仔」喎，都唔應，佢一定知道自己都唔屬於呢個範疇，最後等唔到自己拎餐具算。成間舖啲侍應全部都耷低頭，個個都扮睇唔到。最後終於有一個女侍應肯理下我哋啦，幫我哋落單，真係感激。跟住佢去落單，我屋企人叫佢攞茶位畀我哋，佢先攞，然後掉啲托盤喺我哋檯面，黎到見到我屋企人自己拎左餐具，就轉個頭去問其他客人食咩。嗰托盤一直被遺棄喺我哋檯面，真係好可憐。終於佢肯執檯喇，然後一路執檯，一路擺啲乾淨餐具上去，好污糟⋯⋯最後終於有嘢食喇，嗰男侍應完全無問過我哋要唔要豉油，直接一Pat咁淋上啲蝦腸度，搞到成兜嘢勁核突。最後評價下啲嘢食先，蝦腸一般唔好食唔難食，對於有要求的人就一定係難食。牛肉球0牛味。燒賣完全係林嘅，其他都不過不失啦