潮福

營業中

休息中

話說上個星期六，小弟就陪屋企人去竹園商場飲茶啦，然後就見到開咗間新店，仲要免茶芥免加一。咁我哋就好奇去試吓啦，雖然係新開張但係好多人，都幾受歡迎下。入到去啲店員都好有禮貌帶我哋入座，環境舒適，中式風格設計又好好睇，幾有氣氛。然後啲點心係即叫即製作，大概等咗10min 左右就食得。點心熱辣辣，果然即叫即整。真係幾好食，至少好過周圍啲茶樓，好大碟，抵食！我哋仲叫咗個炒牛河，本來期望唔高，點知又香又夠火氣，食到舔舔脷，好快清盤😂總體來說，間店真係幾唔錯，會再幫襯，以後假日同屋企人食下點心飲吓茶一定會考慮呢度，抵食又舒服，店員都好親切有禮貌。