潮苑餐廳 (已結業)

潮苑一直都係我同老公唔想煮飯既首選外賣 , 佢地既外賣又快又好, 連例湯都好得!不過自從轉左個廚之後就唔得啦!!!! 外賣勁慢, 聽電話既收銀態度超差, d野仲要超難食!!!以前星期六/日最鍾意叫佢個金牌焗豬排飯做下午茶...而家個d野餐九唔搭八!! 只係叫個公仔麵早餐都食唔落口!!!上次我病左, 早餐叫個火腿米粉啦.... 點知塊火腿燶既!!! 但係又超多油... 成碗野伙既面係一層超厚既油...但係個湯冇味既!!! 淡白色好似煮完米粉既水咁....成個餐差到不能想像!!!!而家終於明白, 屋企附近間茶餐廳轉廚,就係我地惡夢既開始!!!我都唔知去邊搵過間去代替佢.....

7月11日, 天氣酷熱, 但仍然堅持拉咗呀比陪我去咗石塘咀試下呢間潮苑嘅下午茶! 相信呢度d下午茶真係好受歡迎, tea time嚟到全店坐滿咁滯, 仲有好多人嚟買外賣添~::: 金牌焗豬扒飯 + 凍奶茶 ::: $28都好大碟下~ d汁同少量芝士一齊焗到乾乾地, 豬扒大大塊切件, 蛋炒飯底亦做到粒粒乾身, 全部野都彷彿做得唔錯! 不過食落就略嫌個汁唔太夠味… 茄味淡口咗. 豬扒肉味ok啦~ 都做到軟身嘅… 但有少少醃得過淋. d飯撈咗汁d後有少少淋patpat… 整體雖算合格有餘, 但叫「金牌」又未免太過譽…凍奶茶水準亦屬一般~ 奶同茶都唔算濃…::: 咸魚雞粒炒飯 + 凍奶茶::: $28炒出嚟都勉強過得去, 少少一舊舊, 咸魚唔夠勻, 所以一啖鹹, 一啖淡… 雞粒都唔算多, 整體味道只屬過得去…::: 脆香奶油豬仔包 ::: $10堪稱潮苑名物, 亦係我地身水身汗行到過嚟搵食嘅主要原因! 個包好大~ 大過我個手掌!! 麵包邊都烘得幾脆, 但個包太大太厚身, 所以其實食到中間個包就有d唔夠脆同埋淋淋地… 不過 $10 咁大個奶油豬就真係食得過~呢度d檯檯櫈櫈擺得好密, 搞到d位有d

2-1-2010 新一年的開始又到食野既時間, 西環是個隱藏了美食既地方, 非到不可兩點半..又到下午荼時段, 下午荼係用來嘆世界的, 看到潮苑餐廳門口好多介紹, 非進不可荼餐廳當然自己搵位吧, 搵個卡位, 之後發覺卡位好逼, 伸長腳都無位 這個應改進一下伙記服務不是太好吧, 粗手粗腳的 Because there is 荼餐廳坐低叫左 D餐-黑椒牛肉燴意粉 跟凍咖啡 之前再加脆香牛油豬仔包黑椒牛肉燴意粉 黑椒好香 但係牛肉好差同好"un" 唔知加左D咩搞到無牛味 D意粉好凍 D汁好熱 搞到好怪 凍咖啡 這裹的咖啡非讚不可,超大杯的同埋好香好濃,我真係未飲過咁好味沖咖啡的師父一定經驗足夠 脆香牛油豬仔包 我係另加的, 皮超超超超超超超超脆, 牛油勁勁勁勁勁勁香, 絕佩 $10蚊, 超值我有一個結論::一個人最多食一個豬仔包, 食兩個太.......(肥膩)坐得唔係好舒服,但係豬仔包令我改觀埋單$38 下次再來

一次在下午茶時間光顧潮苑，點了「金牌焗豬扒飯」，幾好味，吃到最後一口也不嫌膩。後來幾次特地撿下午茶時間去吃這道豬扒飯，味道都一樣，但有時豬扒較多骨頭。潮苑的磚頭西多士也係我的心水菜色，$15同一般茶餐廳西多差唔多，但分量雙倍中間還得一層花生醬！

前幾日去左灣仔分店食坑腩河感覺良好！過幾日再同朋友到西環呢間分店食個下午茶試左花生醬磚頭西多從未見過咁厚既西多，大開眼界@@味道同一般茶餐廳食既差唔多$１７個下午茶餐，抵食夾大件！！餐廳光猛，坐得幾舒服，

叫了XO醬炒烏冬，火侯算不錯，牛肉亦炒得剛好但對食得較清淡的人可能會嫌有少許鹹西多士，我從來沒看過那麼厚的西多士丫....不過味道跟出面的餐廳差不多，沒什麼特別推介的就真的是奶油豬，豬仔包夠香脆，奶油則香滑而且奶油多得來不會很甜，剛剛好重點是，這兒比翠華的來得好吃，但價錢是便宜一半!!!服務方面不過不失，畢竟以茶餐廳的水準不能要求太高但唔該再見呢d用詞都算有出現過o係waiter口中~都算係咁了!!環境不錯的，比一般的茶餐廳靚~坐得都較舒服但衛生就麻麻了~我見到d waiter成隻手塞去隔離台個湯粉到.........

早兩日食左個坑腩河 ($19) 好好味~肉同油o既比例好好, 唔太肥, d肉又唔會好死實,個湯底又一流, 大大腕都幾抵食呢~新潮茶餐廳格局, 舒適同衛生都合格, 係收錢o個個哥哥仔服務態度認真麻麻地, 唔講多謝, 找錢就咁放o係檯面聲都無出過...今時今日唔係咁架下嘛?

慘，長洲之旅完左又要去補習，補完join返朋友仔一齊食夜晚。係山道一帶行左成個round，最後見呢度幾多人，一於揀呢度。要了金銀蒜茄子粉絲蒸鮮魷同海味雜菜煲。先來2碗粟米馬蹄湯，幾夠火喉。金銀蒜茄子粉絲蒸鮮魷，茄子有點生，硬硬的一條，無味；鋪底既粉絲又少又碎。海味雜菜煲，菜算多，菜心津菜西蘭花紅蘿蔔草菇，款多但似係將頭頭尾尾放埋一煲。而且所謂既海味就只有蝦米仔咁大把。另外服務麻麻，先是拎走我話仲要既湯，之後又要人share檯，但其實當時仲有幾張無人坐既檯。下次要黎最多只會叫扒餐，觀乎8成以上既人客都是食扒的。

又到一家三口出街食dinner既時候, 之前周圍去試食, 今日就太攰了, 回歸西環食野7點幾去到, 全場滿座, 等左10分鐘左右就有位叫左奶油豬仔包, 鼓椒班腩炒河同一個鐵板牛扒奶油豬依然香脆, 7蚊真係抵食班腩炒河... 班腩麻麻地, 同埋細碟左, 30蚊鐵板牛扒30蚊, 只送湯, 跟意粉/飯要加錢牛扒都算林身, 不過個汁就怪怪的, 比一般既黑椒汁差等位時門口既光頭老細幾好招呼, 入到去呀長毛哥哥就唔多掂了, 態度的確很有問題, 好似盤問犯人咁!

今日初六本來係想去石塘咀街市權記買火料, 點知未開, 惟有係潮苑買, 我想買墨丸及牛肉餅各4兩, 收銀亞姑話最少買$20, 佢再叫D人去時, 有位哥仔話咩$20呀, 4兩呀, 跟住我再CHECK佢張單, 我話唔數, 亞姑都係堅稱最少$20, 呢間好似任D職員開價, 我唔會再幫襯.

今日放工嘅時候，同女朋友去呢間茶餐廳食下午茶，叫左一個架央西多，之前都試過可以轉做果占味，但係，今次就要我加兩蚊，我都莫名其妙，但係呢個都唔係最大嘅問題，最大嘅問題係落單嗰個人，佢D態度真係好有問題，好似唔想做咁，而且，佢講嘢句句都有粗口，好似當其他人無到咁，我仲聽到佢同事問佢點解要加兩蚊，佢就話等佢轉得咁開心，我覺得呢個人真係要儉討下，我相信就算間餐廳D嘢食幾好食都好，但係D服務態度咁惡劣嘅話，都唔會有人嚟幫襯！！！！！！

其實佢最抵食同好食係磚頭西多同奶油豬仔包,仲有豬扒包,連我呢個唔好甜野o既死肥仔都係咁食,係咁食,結果,越黎越肥,哈哈平時睇波仲抵,11點後有宵夜餐,$25蚊,仲有野飲,份量同散叫冇分別

去完街, 一家3口黎呢度食dinner8點去到全場滿座, 幸好有一枱o岩o岩走叫左一個黑椒牛仔骨套餐, 一個星州炒米同一個奶油豬仔包黑椒牛仔骨: 好林身, 份量也很多, 我地每人食左3-4舊! 個汁亦剛剛好, 不太杰星州炒米: 好大碟, 味道ok, 不過稍嫌唔夠辣奶油豬: 非常脆, 如果多d奶油更好食物好味, 不過最抵讚都係一位肥肥地頭髮少少長既waiter, 幫我地落單時好有禮貌, 仲幫我地頭尾對齊排好d筷子, 值得表揚!

太興燒味集團其下餐廳,對於該集團努力開拓支線及頗為積極進取甚表敬意,於此區來比廳面尚算乾淨,食物質數不比附近茶餐廳好,唯獨是餐廳有即磨咖啡挽回不少分數,可能個人喜好,於西環舊區樓面招呼相比下較為冷漠,此處也有潮州粉麵供應,牛肉餅頗彈牙,但要食潮州粉麵,始終會選擇附近祥興,無選手下唯有......

第1次光顧,點了一個下午茶餐,味道不錯,即磨咖啡也很好喝可惜,服務差...1. 我招手示意要點餐時, 大聲的叫了3-4聲"唔該寫野", 有侍應經過,但沒一個侍應停下來為我點餐, 或者叫我稍等, 難道他們是聾的? 他們只是"掂行掂過" ...還是他們都瞎了???....我看著手錶, 幾乎等了5分鐘, 才有一個侍應為我寫單他們完全沒有意識到有客人存在嗎?2. 由點餐到端上食物, 我看著手錶, 差不多等了10分鐘!我看見見隔離一些比我遲點餐的食客,他們的食物都比我早端上來的時候, 我真的很火滾!!3. 打從我一坐下來, 直到我離開, 其中一個四眼侍應生不停的"呻": 「佢地點完野,又改黎改去, 又要轉薄多, 咁鬼麻煩, 我下次一定唔轉畀佢地呀, 我認得佢地, 佢地成日黎食, 又全程講英文...(下刪九千字)」任何一個有職業道德的侍應, 都不會在其他食客面前批評其他食客, 即使真的有些食客比較難服侍!若然要批評的話, 也不應該給其他客人聽見吧!這樣, 我們我會認為這班伙計很沒禮貌, 態度很差!!竟然不滿, 那就乾脆不要做!如無必要, 我一定不會再去吃, 縱使食物好味道, 我也不會光顧服務態度劣