潮苑餐廳 (已結業)

7月11日, 天氣酷熱, 但仍然堅持拉咗呀比陪我去咗石塘咀試下呢間潮苑嘅下午茶! 相信呢度d下午茶真係好受歡迎, tea time嚟到全店坐滿咁滯, 仲有好多人嚟買外賣添~::: 金牌焗豬扒飯 + 凍奶茶 ::: $28都好大碟下~ d汁同少量芝士一齊焗到乾乾地, 豬扒大大塊切件, 蛋炒飯底亦做到粒粒乾身, 全部野都彷彿做得唔錯! 不過食落就略嫌個汁唔太夠味… 茄味淡口咗. 豬扒肉味ok啦~ 都做到軟身嘅… 但有少少醃得過淋. d飯撈咗汁d後有少少淋patpat… 整體雖算合格有餘, 但叫「金牌」又未免太過譽…凍奶茶水準亦屬一般~ 奶同茶都唔算濃…::: 咸魚雞粒炒飯 + 凍奶茶::: $28炒出嚟都勉強過得去, 少少一舊舊, 咸魚唔夠勻, 所以一啖鹹, 一啖淡… 雞粒都唔算多, 整體味道只屬過得去…::: 脆香奶油豬仔包 ::: $10堪稱潮苑名物, 亦係我地身水身汗行到過嚟搵食嘅主要原因! 個包好大~ 大過我個手掌!! 麵包邊都烘得幾脆, 但個包太大太厚身, 所以其實食到中間個包就有d唔夠脆同埋淋淋地… 不過 $10 咁大個奶油豬就真係食得過~呢度d檯檯櫈櫈擺得好密, 搞到d位有d